آصف ثاقب کی شاعری

آصف ثاقب کے اشعار

کس درجہ منافق ہیں سب اہل ہوس ثاقبؔ

اندر سے تو پتھر ہیں اور لگتے ہیں پانی سے

سمیٹ لے گئے سب رحمتیں کہاں مہمان

مکان کاٹتا پھرتا ہے میزبانوں کو

رستے کی انجان خوشی ہے

منزل کا انجانا ڈر ہے

قیدی رہا ہوئے تھے پہن کر نئے لباس

ہم تو قفس سے اوڑھ کے زنجیر چل پڑے

سینے کے بیچ ثاقبؔ ایسا ہے مرنا جینا

اک یاد جی اٹھی تھی اک یاد مر گئی ہے

دل کی موجوں کی تڑپ میری صدا میں آئے

دائرے کرب کے پھیلے تو ہوا میں آئے

لکیر کھینچ کے مجھ پہ وہ پھر مجھے دیکھے

نگار و نقش میں چہرہ ہے ہو بہ ہو میرا