Aziz Nabeel's Photo'

Aziz Nabeel

1976 | Qatar

Popular poet based in Qatar

Popular poet based in Qatar

622
Favorite

SORT BY

phir na.e saal sarhad pe khaḌe haiñ ham log

raakh ho jā.egā ye saal bhī hairat kaisī

phir nae sal ki sarhad pe khaDe hain hum log

rakh ho jaega ye sal bhi hairat kaisi

chupke chupke vo paḌh rahā hai mujhe

dhīre dhīre badal rahā huuñ maiñ

chupke chupke wo paDh raha hai mujhe

dhire dhire badal raha hun main

ham qāfile se bichhḌe hue haiñ magar 'nabīl'

ik rāsta alag se nikāle hue to haiñ

hum qafile se bichhDe hue hain magar 'nabil'

ek rasta alag se nikale hue to hain

ek taḳhtī amn ke paiġhām

Taañg diije ūñche mīnāroñ ke beach

ek taKHti amn ke paigham ki

Tang dije unche minaron ke beach

saare sapne bāñdh rakhe haiñ gaThrī meñ

ye gaThrī bhī auroñ meñ baT jā.egī

sare sapne bandh rakhe hain gaThri mein

ye gaThri bhi auron mein baT jaegi

'nabīl' aisā karo tum bhī bhuul jaao use

vo shaḳhs apnī har ik baat se mukar chukā hai

'nabil' aisa karo tum bhi bhul jao use

wo shaKHs apni har ek baat se mukar chuka hai

tamām shahr ko tārīkiyoñ se shikva hai

magar charāġh bai.at se ḳhauf aatā hai

tamam shahr ko tarikiyon se shikwa hai

magar charagh ki baiat se KHauf aata hai

guzar rahā huuñ kisī ḳhvāb ke ilāqe se

zamīñ sameTe hue āsmāñ uThā.e hue

guzar raha hun kisi KHwab ke ilaqe se

zamin sameTe hue aasman uThae hue

vo ek raaz! jo muddat se raaz thā nahīñ

us ek raaz se parda uThā diyā gayā hai

wo ek raaz! jo muddat se raaz tha hi nahin

us ek raaz se parda uTha diya gaya hai

maiñ kisī aañkh se chhalkā huā aañsū huuñ 'nabīl'

merī tā.īd kyā merī baġhāvat kaisī

main kisi aankh se chhalka hua aansu hun 'nabil'

meri taid hi kya meri baghawat kaisi

'nabīl' is ishq meñ tum jiit bhī jaao to kyā hogā

ye aisī jiit hai pahlū meñ jis ke haar chaltī hai

'nabil' is ishq mein tum jit bhi jao to kya hoga

ye aisi jit hai pahlu mein jis ke haar chalti hai

kisī se zehn jo miltā to guftugū karte

hujūm-e-shahr meñ tanhā the ham, bhaTak rahe the

kisi se zehn jo milta to guftugu karte

hujum-e-shahr mein tanha the ham, bhaTak rahe the

musāfiroñ se kaho apnī pyaas bāñdh rakheñ

safar ruuh meñ sahrā koī utar chukā hai

musafiron se kaho apni pyas bandh rakhen

safar ki ruh mein sahra koi utar chuka hai

chāñd taare ik diyā aur raat komal badan

sub.h-dam bikhre paḌe the chaar merī tarah

chand tare ek diya aur raat ka komal badan

subh-dam bikhre paDe the chaar su meri tarah

maiñ chhup rahā huuñ ki jaane kis dam

utaar Daale libās mujh ko

main chhup raha hun ki jaane kis dam

utar Dale libas mujh ko

na jaane kaisī mahrūmī pas-e-raftār chaltī hai

hamesha mere aage aage ik dīvār chaltī hai

na jaane kaisi mahrumi pas-e-raftar chalti hai

hamesha mere aage aage ek diwar chalti hai