اب کے بسنت آئی تو آنکھیں اجڑ گئیں

سرسوں کے کھیت میں کوئی پتہ ہرا نہ تھا

دیکھنے نکلا ہوں دنیا کو مگر کیا دیکھوں

جس طرف آنکھ اٹھاؤں وہی چہرہ دیکھوں

دائرہ کھینچ کے بیٹھا ہوں بڑی مدت سے

خود سے نکلوں تو کسی اور کا رستہ دیکھوں

تم تو کچھ ایسے بھول گئے ہو جیسے کبھی واقف ہی نہیں تھے

اور جو یوں ہی کرنا تھا صاحب کس لیے اتنا پیار کیا تھا

سبھی انساں فرشتے ہو گئے ہیں

کسی دیوار میں سایہ نہیں ہے

ایک دنیا نے تجھے دیکھا ہے لیکن میں نے

جیسے دیکھا ہے تجھے ویسے نہ دیکھا ہوتا

میں بند کمرے کی مجبوریوں میں لیٹا رہا

پکارتی پھری بازار میں ہوا مجھ کو

جسم میں خواہش نہ تھی احساس میں کانٹا نہ تھا

اس طرح جاگا کہ جیسے رات بھر سویا نہ تھا

اب یہی دکھ ہے ہمیں میں تھی کمی اس میں نہ تھی

اس کو چاہا تھا مگر اپنی طرح چاہا نہ تھا

ایسا ہوا کہ گھر سے نہ نکلا تمام دن

جیسے کہ خود سے آج کوئی کام تھا مجھے

اسے چھت پر کھڑے دیکھا تھا میں نے

کہ جس کے گھر کا دروازہ نہیں ہے

بدن کے لوچ تک آزاد ہے وہ

اسے تہذیب نے باندھا نہیں ہے

پڑنے لگے جو زور ہوس کا تو کیا نگاہ

ہر زاویے سے جسم نکلتا دکھائے دے

بدن ڈھانپے ہوئے پھرتا ہوں یعنی

ہوس کے نام پر دھاگا نہیں ہے