اہل دنیا سے مجھے تو کوئی اندیشہ نہ تھا

نام تیرا کس لئے مرے لبوں پر جم گیا

لڑکھڑا کر گر پڑی اونچی عمارت دفعتاً

دفعتاً تعمیر کی کرسی پہ کھنڈر جم گیا

اسی سے مجھ کو ملا اشتیاق منزل کا

مرے سفر کو فضائے سفر اسی سے ملی

توقیر اندھیروں کی بڑھا دی گئی شاید

اک شمع جو روشن تھی بجھا دی گئی شاید

اس بار بھی شعلوں نے مچا ڈالی تباہی

اس بار بھی شعلوں کو ہوا دی گئی شاید

ساتھ رکھئے کام آئے گا بہت نام خدا

خوف گر جاگا تو پھر کس کو صدا دی جائے گی

شعر کے روپ میں دیتے رہنا

احترامؔ اپنی خبر آگے بھی

یاد تھا سقراطؔ کا قصہ سبھی کو احترامؔ

سوچئے ایسے میں بڑھ کر سچ کو سچ کہتا تو کون