aa.ine par koī tohmat na dharo

ḳhāl-o-ḳhad apne sañvāro sāhab

aaine par koi tohmat na dharo

KHal-o-KHad apne sanwaro sahab

bahut vo saath rahā hai bahut hai yaad mujhe

use bhulāne ko 'ḳhāvar' ye zindagī kam hai

bahut wo sath raha hai bahut hai yaad mujhe

use bhulane ko 'KHawar' ye zindagi kam hai

sulūk aisā nahīñ us kā phir bhī jaane kyoñ

vo yaad aa.e to dil se duā nikaltī hai

suluk aisa nahin us ka phir bhi jaane kyon

wo yaad aae to dil se dua nikalti hai

us ko matlab kā jab milā mausam

rang us ke the dekhne vaale

us ko matlab ka jab mila mausam

rang us ke the dekhne wale

ye gavāhī tire safar kī hai

ye thakan kyoñ utārtā hai miyāñ

ye gawahi tere safar ki hai

ye thakan kyon utarta hai miyan