کافی ہے بہت وسعت صحرائے زمانہ

ہم اور کہیں ڈھونڈ نکالیں گے ٹھکانہ

خاکستر دل میں تو نہ تھا ایک شرر بھی

بیکار اسے برباد کیا موج صبا نے

وہ شبنم کا سکوں ہو یا کہ پروانے کی بیتابی

اگر اڑنے کی دھن ہوگی تو ہوں گے بال و پر پیدا

نہ رہا کوئی تار دامن میں

اب نہیں حاجت رفو مجھ کو

آشوب اضطراب میں کھٹکا جو ہے تو یہ

غم تیرا مل نہ جائے غم روزگار میں

جو تصور سے ماورا نہ ہوا

وہ تو بندہ ہوا خدا نہ ہوا

حسن فطرت کی آبرو مجھ سے

آب و گل میں ہے رنگ و بو مجھ سے

کچھ ایسا ہے فریب نرگس مستانہ برسوں سے

کہ سب بھولے ہوئے ہیں کعبہ و بت خانہ برسوں سے