kuchh din to malāl us kā haq thā

bichhḌā to ḳhayāl us kā haq thā

kuchh din to malal us ka haq tha

bichhDa to KHayal us ka haq tha

dil ko bhī ġham kā salīqa na thā pahle pahle

us ko bhī bhūlnā achchhā lagā pahle pahle

dil ko bhi gham ka saliqa na tha pahle pahle

us ko bhi bhulna achchha laga pahle pahle

hameñ dekho hamāre paas baiTho ham se kuchh sīkho

hamīñ ne pyaar māñgā thā hamīñ ne daaġh paa.e haiñ

hamein dekho hamare pas baiTho hum se kuchh sikho

hamin ne pyar manga tha hamin ne dagh pae hain

dil meñ hai mulāqāt kī ḳhvāhish kī dabī aag

mehñdī lage hāthoñ ko chhupā kar kahāñ rakkhūñ

dil mein hai mulaqat ki KHwahish ki dabi aag

mehndi lage hathon ko chhupa kar kahan rakkhun

javān gehūñ ke khetoñ ko dekh kar ro deñ

vo laḌkiyāñ ki jinheñ bhuul baiThīñ maa.eñ bhī

jawan gehun ke kheton ko dekh kar ro den

wo laDkiyan ki jinhen bhul baiThin maen bhi

apnī be-chehragī chhupāne ko

ā.īne ko idhar udhar rakkhā

apni be-chehragi chhupane ko

aaine ko idhar udhar rakkha

hameñ aziiz haiñ in bastiyoñ kī dīvāreñ

ki jin ke saa.e bhī dīvār bante jaate the

hamein aziz hain in bastiyon ki diwaren

ki jin ke sae bhi diwar bante jate the

kaun jaane ki uḌtī huī dhuup bhī

kis taraf kaun sī manziloñ meñ ga.ī

kaun jaane ki uDti hui dhup bhi

kis taraf kaun si manzilon mein gai

ta.alluqāt ke tāvīz bhī gale meñ nahīñ

malāl dekhne aayā hai rāsta kaise

talluqat ke tawiz bhi gale mein nahin

malal dekhne aaya hai rasta kaise

kuchh yuuñ hī zard zard sī 'nāhīd' aaj thī

kuchh oḌhnī kā rañg bhī khiltā huā na thā

kuchh yun hi zard zard si 'nahid' aaj thi

kuchh oDhni ka rang bhi khilta hua na tha