kuchh din to malāl us kā haq thā

bichhḌā to ḳhayāl us kā haq thā

kuchh din to malal us ka haq tha

bichhDa to KHayal us ka haq tha

dil ko bhī ġham kā salīqa na thā pahle pahle

us ko bhī bhūlnā achchhā lagā pahle pahle

dil ko bhi gham ka saliqa na tha pahle pahle

us ko bhi bhulna achchha laga pahle pahle

dil meñ hai mulāqāt kī ḳhvāhish kī dabī aag

mehñdī lage hāthoñ ko chhupā kar kahāñ rakkhūñ

dil mein hai mulaqat ki KHwahish ki dabi aag

mehndi lage hathon ko chhupa kar kahan rakkhun

javān gehūñ ke khetoñ ko dekh kar ro deñ

vo laḌkiyāñ ki jinheñ bhuul baiThīñ maa.eñ bhī

jawan gehun ke kheton ko dekh kar ro den

wo laDkiyan ki jinhen bhul baiThin maen bhi

aañkh kī putlī sab kuchh dekhe dekhe na apnī zaat

ujlā dhāgā mailā hove lageñ jo maile haat

aankh ki putli sab kuchh dekhe dekhe na apni zat

ujla dhaga maila howe lagen jo maile hat

maiñ bahrī thī kaagā bolā sun na sakī sandesh

dil kahtā hai kal ā.eñge piyā badal ke bhes

main bahri thi kaga bola sun na saki sandesh

dil kahta hai kal aaenge piya badal ke bhes

suut ke kachche dhāge jaise rishte par itrā.ūñ

sājan haath bhī chhū leñ to maiñ phuul gulāb ban jā.ūñ

sut ke kachche dhage jaise rishte par itraun

sajan hath bhi chhu len to main phul gulab ban jaun

prem kiyā aur saath na chhoTā kaise the vo log

ham ne pyāroñ kā ab tak dekhā na sanjog

prem kiya aur sath na chhoTa kaise the wo log

hum ne pyaron ka ab tak dekha na sanjog

takiya bhīgā saañs bhī Duubī murjhā.ī har aas

dil ko raah pe laane kī har aas banī sanyās

takiya bhiga sans bhi Dubi murjhai har aas

dil ko rah pe lane ki har aas bani sanyas