noImage

Lala Madhav Ram Jauhar

1810 - 1890

Contemporary of Mirza Ghalib, famous for many of his oft-quoted shers.

Contemporary of Mirza Ghalib, famous for many of his oft-quoted shers.

bhāñp leñge ishāra sar-e-mahfil jo kiyā

tāḌne vaale qayāmat nazar rakhte haiñ

bhanp hi lenge ishaara sar-e-mahfil jo kiya

taDne wale qayamat ki nazar rakhte hain

ġhairoñ se to fursat tumheñ din raat nahīñ hai

haañ mere liye vaqt-e-mulāqāt nahīñ hai

ghairon se to fursat tumhein din raat nahin hai

han mere liye waqt-e-mulaqat nahin hai

thame aañsū to phir tum shauq se ghar ko chale jaanā

kahāñ jaate ho is tūfān meñ paanī zarā Thahre

thame aansu to phir tum shauq se ghar ko chale jaana

kahan jate ho is tufan mein pani zara Thahre

tujh koī jahān meñ nāzuk-badan kahāñ

ye pañkhuḌī se hoñT ye gul badan kahāñ

tujh sa koi jahan mein nazuk-badan kahan

ye pankhuDi se honT ye gul sa badan kahan

laḌne ko dil jo chāhe to āñkheñ laḌā.iye

ho jañg bhī agar to mazedār jañg ho

laDne ko dil jo chahe to aankhen laDaiye

ho jang bhi agar to mazedar jang ho

jo dost haiñ vo māñgte haiñ sulh duā

dushman ye chāhte haiñ ki aapas meñ jañg ho

jo dost hain wo mangte hain sulh ki dua

dushman ye chahte hain ki aapas mein jang ho

armān vasl mirī nazroñ se taaḌ ke

pahle se vo baiTh ga.e muñh bigāḌ ke

arman wasl ka meri nazron se taD ke

pahle hi se wo baiTh gae munh bigaD ke

ai dost tujh ko rahm na aa.e to kyā karūñ

dushman bhī mere haal pe ab āb-dīda hai

ai dost tujh ko rahm na aae to kya karun

dushman bhi mere haal pe ab aab-dida hai

na vo sūrat dikhāte haiñ na milte haiñ gale aa kar

na āñkheñ shaad hotīñ haiñ na dil masrūr hotā hai

na wo surat dikhate hain na milte hain gale aa kar

na aankhen shad hotin hain na dil masrur hota hai

ḳhūb-rū haiñ saikḌoñ lekin nahīñ terā javāb

dilrubā.ī meñ adā meñ naaz meñ andāz meñ

KHub-ru hain saikDon lekin nahin tera jawab

dilrubai mein ada mein naz mein andaz mein

samjhā liyā fareb se mujh ko to aap ne

dil se to pūchh lījiye kyuuñ be-qarār hai

samjha liya fareb se mujh ko to aap ne

dil se to puchh lijiye kyun be-qarar hai

āḳhir ik roz to paivand-e-zamīñ honā hai

jāma-e-zīst nayā aur purānā kaisā

aaKHir ek roz to paiwand-e-zamin hona hai

jama-e-zist naya aur purana kaisa

vahī shāgird phir ho jaate haiñ ustād ai 'jauhar'

jo apne jān-o-dil se ḳhidmat-e-ustād karte haiñ

wahi shagird phir ho jate hain ustad ai 'jauhar'

jo apne jaan-o-dil se KHidmat-e-ustad karte hain

dost do-chār nikalte haiñ kahīñ lākhoñ meñ

jitne hote haiñ sivā utne kam hote haiñ

dost do-chaar nikalte hain kahin lakhon mein

jitne hote hain siwa utne hi kam hote hain

aa gayā 'jauhar' ajab ulTā zamāna kyā kaheñ

dost vo karte haiñ bāteñ jo adū karte nahīñ

aa gaya 'jauhar' ajab ulTa zamana kya kahen

dost wo karte hain baaten jo adu karte nahin

va.ada nahīñ payām nahīñ guftugū nahīñ

hairat hai ai ḳhudā mujhe kyuuñ intizār hai

wada nahin payam nahin guftugu nahin

hairat hai ai KHuda mujhe kyun intizar hai

nāla-e-bulbul-e-shaidā to sunā hañs hañs kar

ab jigar thaam ke baiTho mirī baarī aa.ī

nala-e-bulbul-e-shaida to suna hans hans kar

ab jigar tham ke baiTho meri bari aai

zarra samajh ke yuuñ na milā mujh ko ḳhaak meñ

ai āsmān maiñ bhī kabhī āftāb thā

zarra samajh ke yun na mila mujh ko KHak mein

ai aasman main bhi kabhi aaftab tha

ham ishq meñ haiñ fard to tum husn meñ yaktā

ham bhī nahīñ ek jo tum nahīñ koī

hum ishq mein hain fard to tum husn mein yakta

hum sa bhi nahin ek jo tum sa nahin koi

nūr-e-badan se phailī añdhere meñ chāñdnī

kapḌe jo us ne shab ko utāre palañg par

nur-e-badan se phaili andhere mein chandni

kapDe jo us ne shab ko utare palang par

dost dil rakhne ko karte haiñ bahāne kyā kyā

roz jhūTī ḳhabar-e-vasl sunā jaate haiñ

dost dil rakhne ko karte hain bahane kya kya

roz jhuTi KHabar-e-wasl suna jate hain

dil pyaar nazar ke liye be-qarār hai

ik tiir is taraf bhī ye taaza shikār hai

dil pyar ki nazar ke liye be-qarar hai

ek tir is taraf bhi ye taza shikar hai

is qamar ko kabhī to dekheñge

tiis din hote haiñ mahīne ke

is qamar ko kabhi to dekhenge

tis din hote hain mahine ke

aap to muñh pher kar kahte haiñ aane ke liye

vasl va.ada zarā āñkheñ milā kar kījiye

aap to munh pher kar kahte hain aane ke liye

wasl ka wada zara aankhen mila kar kijiye

mohabbat ko chhupā.e laakh koī chhup nahīñ saktī

ye vo afsāna hai jo be-kahe mash.hūr hotā hai

mohabbat ko chhupae lakh koi chhup nahin sakti

ye wo afsana hai jo be-kahe mashhur hota hai

baal apne us parī-rū ne sañvāre raat bhar

saañp loTe saikḌoñ dil par hamāre raat bhar

baal apne us pari-ru ne sanware raat bhar

sanp loTe saikDon dil par hamare raat bhar

duniyā bahut ḳharāb hai jā-e-guzar nahīñ

bistar uThāo rahne ke qābil ye ghar nahīñ

duniya bahut KHarab hai ja-e-guzar nahin

bistar uThao rahne ke qabil ye ghar nahin

hāl-e-dil sunte nahīñ ye kah ke ḳhush kar dete haiñ

phir kabhī fursat meñ sun leñge kahānī aap

haal-e-dil sunte nahin ye kah ke KHush kar dete hain

phir kabhi fursat mein sun lenge kahani aap ki

apnī zabān se mujhe jo chāhe kah leñ aap

baḌh baḌh ke bolnā nahīñ achchhā raqīb

apni zaban se mujhe jo chahe kah len aap

baDh baDh ke bolna nahin achchha raqib ka

merī jaan ke dushman haiñ nasīhat vaale

mujh ko samjhāte haiñ un ko nahīñ samjhāte haiñ

meri hi jaan ke dushman hain nasihat wale

mujh ko samjhate hain un ko nahin samjhate hain

dekhiye kyā dikhātī hai taqdīr

chup khaḌā huuñ gunāhgāroñ meñ

dekhiye kya dikhati hai taqdir

chup khaDa hun gunahgaron mein

na māñgiye jo ḳhudā se to māñgiye kis se

jo de rahā hai usī se savāl hotā hai

na mangiye jo KHuda se to mangiye kis se

jo de raha hai usi se sawal hota hai

vāqif nahīñ ki paañv meñ paḌtī haiñ beḌiyāñ

dūlhe ko ye ḳhushī hai ki merī barāt hai

waqif nahin ki panw mein paDti hain beDiyan

dulhe ko ye KHushi hai ki meri baraat hai

chup raho kyuuñ mizāj pūchhte ho

ham ji.eñ mareñ tumheñ kyā hai

chup raho kyun mizaj puchhte ho

hum jien ya maren tumhein kya hai

chhoḌnā hai to na ilzām lagā kar chhoḌo

kahīñ mil jaao to phir lutf-e-mulāqāt rahe

chhoDna hai to na ilzam laga kar chhoDo

kahin mil jao to phir lutf-e-mulaqat rahe

tark-e-mohabbat to liyā dard-e-jigar mol

parhez se dil aur bhī bīmār paḌā hai

ki tark-e-mohabbat to liya dard-e-jigar mol

parhez se dil aur bhi bimar paDa hai

ka.abe meñ bhī vahī hai shivāle meñ bhī vahī

donoñ makān us ke haiñ chāhe jidhar rahe

kabe mein bhi wahi hai shiwale mein bhi wahi

donon makan us ke hain chahe jidhar rahe

tasavvur zulf hai aur maiñ huuñ

balā sāmnā hai aur maiñ huuñ

tasawwur zulf ka hai aur main hun

bala ka samna hai aur main hun

suntā huuñ maiñ ki aaj vo tashrīf lā.eñge

allāh sach kare kahīñ jhūTī ḳhabar na ho

sunta hun main ki aaj wo tashrif laenge

allah sach kare kahin jhuTi KHabar na ho

muñh par naqāb-e-zard har ik zulf par gulāl

holī shaam to sahar hai basant

munh par naqab-e-zard har ek zulf par gulal

holi ki sham hi to sahar hai basant ki

us ne phir kar bhī na dekhā maiñ use dekhā kiyā

de diyā dil raah chalte ko ye maiñ ne kyā kiyā

us ne phir kar bhi na dekha main use dekha kiya

de diya dil rah chalte ko ye main ne kya kiya

chupkā khaḌā huā huuñ kidhar jā.ūñ kyā karūñ

kuchh sūjhtā nahīñ hai mohabbat raah meñ

chupka khaDa hua hun kidhar jaun kya karun

kuchh sujhta nahin hai mohabbat ki rah mein

jo kuchh paḌtī hai sar par sab uThātā hai mohabbat meñ

jahāñ dil aa gayā phir aadmī majbūr hotā hai

jo kuchh paDti hai sar par sab uThata hai mohabbat mein

jahan dil aa gaya phir aadmi majbur hota hai

puurī hotī haiñ tasavvur meñ umīdeñ kyā kyā

dil meñ sab kuchh hai magar pesh-e-nazar kuchh bhī nahīñ

puri hoti hain tasawwur mein umiden kya kya

dil mein sab kuchh hai magar pesh-e-nazar kuchh bhi nahin

kaTte kisī tarah se nahīñ haa.e kyā karūñ

din ho ga.e pahāḌ mujhe intizār ke

kaTte kisi tarah se nahin hae kya karun

din ho gae pahaD mujhe intizar ke

ab itr bhī malo to takalluf kahāñ

vo din havā hue jo pasīna gulāb thā

ab itr bhi malo to takalluf ki bu kahan

wo din hawa hue jo pasina gulab tha

siine se lipTo galā kaaTo

ham tumhāre haiñ dil tumhārā hai

sine se lipTo ya gala kaTo

hum tumhaare hain dil tumhaara hai

ilāhī kyā khule dīdār raah

udhar darvāze band āñkheñ idhar band

ilahi kya khule didar ki rah

udhar darwaze band aankhen idhar band

ḳhvāb meñ naam tirā le ke pukār uThtā huuñ

be-ḳhudī meñ bhī mujhe yaad tirī yaad hai

KHwab mein nam tera le ke pukar uThta hun

be-KHudi mein bhi mujhe yaad teri yaad ki hai

kaun hote haiñ vo mahfil se uThāne vaale

yuuñ to jaate bhī magar ab nahīñ jaane vaale

kaun hote hain wo mahfil se uThane wale

yun to jate bhi magar ab nahin jaane wale