بے بسی کا زہر سینے میں اتر جاتا ہے کیا

میں جسے آواز دیتا ہوں وہ مر جاتا ہے کیا

مجھے مناؤ نہیں میرا مسئلہ سمجھو

خفا نہیں میں پریشان ہوں زمانے سے

عاصمؔ وہ کوئی دوست نہیں تھا جو ٹھیرتا

دنیا تھی اپنے کام سے آگے نکل گئی

گزشتہ سال کوئی مصلحت رہی ہوگی

گزشتہ سال کے سکھ اب کے سال دے مولا

دور تک ساتھ چلا ایک سگ آوارہ

آج تنہائی کی اوقات پہ رونا آیا

ہم نے تجھے دیکھا نہیں کیا عید منائیں

جس نے تجھے دیکھا ہو اسے عید مبارک

مجھے مناؤ نہیں میرا مسئلہ سمجھو

خفا نہیں میں پریشان ہوں زمانے سے

ورنہ سقراط مر گیا ہوتا

اس پیالے میں زہر تھا ہی نہیں

بہت ضخیم کتابوں سے چن کے لایا ہوں

انہیں پڑھو ورق انتخاب ہیں مرے دوست

مجھے دوراہے پہ لانے والوں نے یہ نہ سوچا

میں چھوڑ دوں گا یہ راستہ بھی وہ راستہ بھی

آج کل میرے تصرف میں نہیں ہے لیکن

زندگی شہر میں ہوگی کہیں دو چار کے پاس

کشمکش ناخن و دنداں کی تھمے تو پھر میں

گل آئینہ سے کھینچوں رگ حیرانی کو

کیسا ہجوم کوچۂ تنہائی تھا کہ میں

آگے بڑھا نہ دست و گریباں ہوئے بغیر

زمانوں بعد ملے ہیں تو کیسے منہ پھیروں

مرے لیے تو پرانی شراب ہیں مرے دوست

قیامت تک رہے گی روح آباد

محبت ہے تو ہم زندہ رہیں گے

مری جانب نہ اب بڑھنا محبت

میں اب پہلے سے مشکل راستہ ہوں

کہاں تک ایک ہی تمثیل دیکھوں

بس اب پردہ گرا دو تھک گیا ہوں

ذرا سا ساتھ دو غم کے سفر میں

ذرا سا مسکرا دو تھک گیا ہوں

وہ جو آنسوؤں کی زبان تھی مجھے پی گئی

وہ جو بے بسی کے کلام تھے مجھے کھا گئے

کبھی یہ غلط کبھی وہ غلط کبھی سب غلط

یہ خیال پختہ جو خام تھے مجھے کھا گئے

شام کے سائے میں جیسے پیڑ کا سایا ملے

میرے مٹنے کا تماشا دیکھنے کی چیز تھی

بتان شہر تمہارے لرزتے ہاتھوں میں

کوئی تو سنگ ہو ایسا کہ میرا سر لے جائے

اس سفر سے کوئی لوٹا نہیں کس سے پوچھیں

کیسی منزل ہے جہان گزراں سے آگے

میری راتیں بھی سیہ دن بھی اندھیرے میرے

رنگ یہ میرے مقدر میں کہاں سے آیا

منانا ہی ضروری ہے تو پھر تم

ہمیں سب سے خفا ہو کر منا لو

کہیں ایسا نہ ہو دامن جلا لو

ہمارے آنسوؤں پر خاک ڈالو

بہت روئی ہوئی لگتی ہیں آنکھیں

مری خاطر ذرا کاجل لگا لو

سنت ہے کوئی ہجرت ثانی بھلا بتاؤ

جاتا ہے کوئی اپنے مدینے کو چھوڑ کر