Marghoob Ali's Photo'

Marghoob Ali

1952 | Najeebabad, India

bhīgī miTTī mahak pyaas baḌhā detī hai

dard barsāt būñdoñ meñ basā kartā hai

bhigi miTTi ki mahak pyas baDha deti hai

dard barsat ki bundon mein basa karta hai

vasl gul na sahī hijr kāñTā sahī

kuchh na kuchh to mirī vahshat sila de mujh ko

wasl ka gul na sahi hijr ka kanTa hi sahi

kuchh na kuchh to meri wahshat ka sila de mujh ko

mujh ko barbād ḳhud honā thā

tum pe ilzām be-sabab aa.e

mujh ko barbaad KHud hi hona tha

tum pe ilzam be-sabab aae

haqīqī chehra kahīñ par hameñ nahīñ miltā

sabhī ne chehre pe Daale haiñ maslahat ke naqāb

haqiqi chehra kahin par hamein nahin milta

sabhi ne chehre pe Dale hain maslahat ke naqab

sab mumkin thā pyaar mohabbat hañste chehre ḳhvāb-nagar

lekin ek anā ne kitne bhole din barbād kiye

sab mumkin tha pyar mohabbat hanste chehre KHwab-nagar

lekin ek ana ne kitne bhole din barbaad kiye

bichhaḌ ke tujh se ajab haal ho gayā merā

tamām shahr parāyā dikhā.ī detā hai

bichhaD ke tujh se ajab haal ho gaya mera

tamam shahr paraya dikhai deta hai

kursī mez kitābeñ? bistar anjāne se takte haiñ

der se apne ghar jaa.eñ to sab kuchh yūñhī lagtā hai

kursi mez kitaben? bistar anjaane se takte hain

der se apne ghar jaen to sab kuchh yunhi lagta hai

aisā na ho ki taaza havā ajnabī lage

kamre ek-ādh darīcha khulā bhī rakh

aisa na ho ki taza hawa ajnabi lage

kamre ka ek-adh daricha khula bhi rakh

maiñ us ko bhuul jā.ūñ raat ye māñgī duā maiñ ne

karūñ kyā maiñ agar merī duā vāpas palaT aa.e

main us ko bhul jaun raat ye mangi dua main ne

karun kya main agar meri dua wapas palaT aae

hameñ to yaad bahut aayā mausam-e-gul meñ

vo surḳh phuul chehra khilā huā ab ke

hamein to yaad bahut aaya mausam-e-gul mein

wo surKH phul sa chehra khila hua ab ke

raat paḌte har ik roz ubhar aatī hai

kis ke rone sadā zaat ke sannāTe meñ

raat paDte hi har ek roz ubhar aati hai

kis ke rone ki sada zat ke sannaTe mein

Added to your favorites

Removed from your favorites