آنسو آنسو جس نے دریا پار کئے

قطرہ قطرہ آب میں الجھا بیٹھا ہے

خوش نہ ہو آنسوؤں کی بارش پر

برق ہے چشم تر کے پہلو میں

بہتر ہے کہ اب خود سے جدا ہو کے بھی دیکھیں

دریا میں تو دریا کا حوالہ نہیں ملتا

نقاب اٹھاؤ تو ہر شے کو پاؤ گے سالم

یہ کائنات بطور حجاب ٹوٹتی ہے

اعلیٰ میں تو ادنیٰ کے حوالے ہی حوالے

ادنیٰ ہی میں اعلیٰ کا حوالہ نہیں ملتا

عمر گزری سفر کے پہلو میں

خوب سے خوب تر کے پہلو میں

ان اشکوں کا دل سے کیا تعلق

یہ شعلے جگر سے آ رہے ہیں

ہمارے آسماں کا ہر ستارہ سب پہ روشن ہے

کسی زخم محبت کو نہاں ہم نے نہیں رکھا