āḳhir gil apnī sarf-e-dar-e-mai-kada huī

pahuñche vahāñ hī ḳhaak jahāñ kā ḳhamīr ho

aaKHir gil apni sarf-e-dar-e-mai-kada hui

pahunche wahan hi KHak jahan ka KHamir ho

basān-e-naqsh-e-qadam tere dar se ahl-e-vafā

uThāte sar nahīñ hargiz tabāh ke maare

basan-e-naqsh-e-qadam tere dar se ahl-e-wafa

uThate sar nahin hargiz tabah ke mare

kaheñ so kis se 'jahāñdār' us kī nazroñ meñ

raqīb kaam ke Thahre aur ham haiñ nā-kāre

kahen so kis se 'jahandar' us ki nazron mein

raqib kaam ke Thahre aur hum hain na-kare

mirā ḳhūn-e-dil yuuñ bahā dasht meñ

ki jañgal meñ lohū ke thāle paḌe

mera KHun-e-dil yun baha dasht mein

ki jangal mein lohu ke thaale paDe

tire ishq se jab se paale paḌe haiñ

hameñ apne jiine ke laale paḌe haiñ

tere ishq se jab se pale paDe hain

hamein apne jine ke lale paDe hain