harf ko lafz na kar lafz ko iz.hār na de

koī tasvīr mukammal na banā us ke liye

harf ko lafz na kar lafz ko izhaar na de

koi taswir mukammal na bana us ke liye

tum aa ga.e ho tum mujh ko zarā sambhalne do

abhī to nashsha sā āñkhoñ meñ intizār kā hai

tum aa gae ho tum mujh ko zara sambhalne do

abhi to nashsha sa aankhon mein intizar ka hai

ab ke vasl kā mausam yūñhī bechainī meñ biit gayā

us ke hoñToñ par chāhat kā phuul khilā bhī kitnī der

ab ke wasl ka mausam yunhi bechaini mein bit gaya

us ke honTon par chahat ka phul khila bhi kitni der

us kā tarkash ḳhālī hone vaalā hai

mere naam kā tiir hai kitne tīroñ meñ

us ka tarkash KHali hone wala hai

mere nam ka tir hai kitne tiron mein

alfāz kī giraft se hai māvarā hanūz

ik baat kah gayā vo magar kitne kaam kī

alfaz ki giraft se hai mawara hanuz

ek baat kah gaya wo magar kitne kaam ki

jaise ḳhalā ke pas-manzar meñ rang rañg ke naqsh-o-nigār

bāteñ us kī vazn se ḳhālī lahja bhārī-bharkam hai

jaise KHala ke pas-manzar mein rang rang ke naqsh-o-nigar

baaten us ki wazn se KHali lahja bhaari-bharkam hai

ik sach kī āvāz meñ haiñ jiine ke hazār āhañg

lashkar kī kasrat pe na jaanā bai.at mat karnā

ek sach ki aawaz mein hain jine ke hazar aahang

lashkar ki kasrat pe na jaana baiat mat karna

kaun pūchhe mujh se merī gosha-gīrī kā sabab

kaun samjhe dar kabhī dīvār kar lenā mirā

kaun puchhe mujh se meri gosha-giri ka sabab

kaun samjhe dar kabhi diwar kar lena mera

'ramz' adhūre ḳhvāboñ kī ye ghaTtī baḌhtī chhāñv

tum se dekhī jaa.e to dekho mujh se na dekhī jaa.e

'ramz' adhure KHwabon ki ye ghaTti baDhti chhanw

tum se dekhi jae to dekho mujh se na dekhi jae

saare imkānāt meñ raushan sirf yahī do pahlū

ek tirā ā.īna-ḳhāna ik merī hairānī

sare imkanat mein raushan sirf yahi do pahlu

ek tera aaina-KHana ek meri hairani

aur koī duniyā hai terī jis kī khoj karūñ

zehn meñ phir ik samt bikherī rāhguzar Daalī

aur koi duniya hai teri jis ki khoj karun

zehn mein phir ek samt bikheri rahguzar Dali