Mohammad Ahmad Ramz's Photo'

محمد احمد رمز

1932 - 2010 | کانپور, ہندوستان

نئی غزل کے ممتاز شاعر

نئی غزل کے ممتاز شاعر

102
Favorite

باعتبار

تم آ گئے ہو تم مجھ کو ذرا سنبھلنے دو

ابھی تو نشہ سا آنکھوں میں انتظار کا ہے

حرف کو لفظ نہ کر لفظ کو اظہار نہ دے

کوئی تصویر مکمل نہ بنا اس کے لیے

کون پوچھے مجھ سے میری گوشہ گیری کا سبب

کون سمجھے در کبھی دیوار کر لینا مرا

الفاظ کی گرفت سے ہے ماورا ہنوز

اک بات کہہ گیا وہ مگر کتنے کام کی

اب کے وصل کا موسم یوں ہی بے چینی میں بیت گیا

اس کے ہونٹوں پر چاہت کا پھول کھلا بھی کتنی دیر

جیسے خلا کے پس منظر میں رنگ رنگ کے نقش و نگار

باتیں اس کی وزن سے خالی لہجہ بھاری بھرکم ہے

اک سچ کی آواز میں ہیں جینے کے ہزار آہنگ

لشکر کی کثرت پہ نہ جانا بیعت مت کرنا

اس کا ترکش خالی ہونے والا ہے

میرے نام کا تیر ہے کتنے تیروں میں

اور کوئی دنیا ہے تیری جس کی کھوج کروں

ذہن میں پھر اک سمت بکھیری راہ گزر ڈالی

رمزؔ ادھورے خوابوں کی یہ گھٹتی بڑھتی چھاؤں

تم سے دیکھی جائے تو دیکھو مجھ سے نہ دیکھی جائے

سارے امکانات میں روشن صرف یہی دو پہلو

ایک ترا آئینہ خانہ اک میری حیرانی