Mubarak Azimabadi's Photo'

Mubarak Azimabadi

1849 - 1958 | Patna, India

Prominent later-classical poet from Bihar

Prominent later-classical poet from Bihar

jo nigāh-e-nāz bismil nahīñ

dil nahīñ vo dil nahīñ vo dil nahīñ

jo nigah-e-naz ka bismil nahin

dil nahin wo dil nahin wo dil nahin

rahne de apnī bandagī zāhid

be-mohabbat ḳhudā nahīñ miltā

rahne de apni bandagi zahid

be-mohabbat KHuda nahin milta

kab un āñkhoñ sāmnā na huā

tiir jin kabhī ḳhatā na huā

kab un aankhon ka samna na hua

tir jin ka kabhi KHata na hua

milo milo na milo iḳhtiyār hai tum ko

is aarzū ke sivā aur aarzū kyā hai

milo milo na milo iKHtiyar hai tum ko

is aarzu ke siwa aur aarzu kya hai

qubūl ho ki na ho sajda o salām apnā

tumhāre bande haiñ ham bandagī hai kaam apnā

qubul ho ki na ho sajda o salam apna

tumhaare bande hain hum bandagi hai kaam apna

terī baḳhshish ke bharose pe ḳhatā.eñ haiñ

terī rahmat ke sahāre ne gunahgār kiyā

teri baKHshish ke bharose pe KHataen ki hain

teri rahmat ke sahaare ne gunahgar kiya

kab vo ā.eñge ilāhī mire mehmāñ ho kar

kaun din kaun baras kaun mahīna hogā

kab wo aaenge ilahi mere mehman ho kar

kaun din kaun baras kaun mahina hoga

din bhī hai raat bhī hai sub.h bhī hai shaam bhī hai

itne vaqtoñ meñ koī vaqt-e-mulāqāt bhī hai

din bhi hai raat bhi hai subh bhi hai sham bhi hai

itne waqton mein koi waqt-e-mulaqat bhi hai

hañsī hai dil-lagī hai qahqahe haiñ

tumhārī anjuman pūchhnā kyā

hansi hai dil-lagi hai qahqahe hain

tumhaari anjuman ka puchhna kya

mujh ko ma.alūm hai anjām-e-mohabbat kyā hai

ek din maut ummīd pe jiinā hogā

mujh ko malum hai anjam-e-mohabbat kya hai

ek din maut ki ummid pe jina hoga

kisī tamannā nikaltī rahī

mirī aarzū haath maltī rahī

kisi ki tamanna nikalti rahi

meri aarzu hath malti rahi

dāman ashkoñ se tar kareñ kyūñ-kar

raaz ko mushtahar kareñ kyūñ-kar

daman ashkon se tar karen kyun-kar

raaz ko mushtahar karen kyun-kar

apnī karo tum bhī apnī kareñ ham bhī

kuchh tum ne bhī Thānī hai kuchh ham ne bhī Thānī hai

apni si karo tum bhi apni si karen hum bhi

kuchh tum ne bhi Thani hai kuchh hum ne bhi Thani hai

aane meñ kabhī aap se jaldī nahīñ hotī

jaane meñ kabhī aap tavaqquf nahīñ karte

aane mein kabhi aap se jaldi nahin hoti

jaane mein kabhi aap tawaqquf nahin karte

kahīñ aisā na ho kam-baḳht meñ jaan aa jaa.e

is liye haath meñ lete mirī tasvīr nahīñ

kahin aisa na ho kam-baKHt mein jaan aa jae

is liye hath mein lete meri taswir nahin

ga.ī bahār magar apnī be-ḳhudī hai vahī

samajh rahā huuñ ki ab tak bahār baaqī hai

gai bahaar magar apni be-KHudi hai wahi

samajh raha hun ki ab tak bahaar baqi hai

shikast-e-tauba tamhīd hai tirī tauba

zabāñ pe tauba 'mubārak' nigāh sāġhar par

shikast-e-tauba ki tamhid hai teri tauba

zaban pe tauba 'mubarak' nigah saghar par

tirī adā qasam hai tirī adā ke sivā

pasand aur kisī hameñ adā na huī

teri ada ki qasam hai teri ada ke siwa

pasand aur kisi ki hamein ada na hui

ik mirā sar ki qadam-bosī hasrat is ko

ik tirī zulf ki qadmoñ se lagī rahtī hai

ek mera sar ki qadam-bosi ki hasrat is ko

ek teri zulf ki qadmon se lagi rahti hai

mirī ḳhaak bhī uḌegī bā-adab tirī galī meñ

tire āstāñ se ūñchā na mirā ġhubār hogā

meri KHak bhi uDegi ba-adab teri gali mein

tere aastan se uncha na mera ghubar hoga

us galī meñ hazār ġham TuuTā

aanā jaanā magar nahīñ chhūTā

us gali mein hazar gham TuTa

aana jaana magar nahin chhuTa

bevafā umr daġhābāz javānī niklī

na yahī rahtī hai zālim na vahī rahtī hai

bewafa umr daghabaz jawani nikli

na yahi rahti hai zalim na wahi rahti hai

aap iḳhtiyār hai sab par

aap par iḳhtiyār kis hai

aap ka iKHtiyar hai sab par

aap par iKHtiyar kis ka hai

ye tasarruf hai 'mubārak' daaġh

kyā se kyā urdu zabāñ hotī ga.ī

ye tasarruf hai 'mubarak' dagh ka

kya se kya urdu zaban hoti gai

asar ho na ho vaa.iz bayāñ meñ

magar chaltī to hai terī zabāñ ḳhuub

asar ho ya na ho waiz bayan mein

magar chalti to hai teri zaban KHub

ye ġham-kada hai is meñ 'mubārak' ḳhushī kahāñ

ġham ko ḳhushī banā koī pahlū nikāl ke

ye gham-kada hai is mein 'mubarak' KHushi kahan

gham ko KHushi bana koi pahlu nikal ke

kisī se aaj va.ada kisī se kal va.ada hai

zamāne ko lagā rakkhā hai is ummīd-vārī meñ

kisi se aaj ka wada kisi se kal ka wada hai

zamane ko laga rakkha hai is ummid-wari mein

dil lagāte to kah detī haiñ āñkheñ sab kuchh

aise kāmoñ ke bhī āġhāz kahīñ chhupte haiñ

dil lagate hi to kah deti hain aankhen sab kuchh

aise kaamon ke bhi aaghaz kahin chhupte hain

tum ko samjhā.e 'mubārak' koī kyūñkar afsos

tum to rone lage yaar aur bhī samjhāne se

tum ko samjhae 'mubarak' koi kyunkar afsos

tum to rone lage yar aur bhi samjhane se

ik tirī baat ki jis baat tardīd muhāl

ik mirā ḳhvāb ki jis ḳhvāb ta.abīr nahīñ

ek teri baat ki jis baat ki tardid muhaal

ek mera KHwab ki jis KHwab ki tabir nahin

jo qayāmat nahīñ din vo mirā din kaisā

jo taḌap kar na kaTī ho vo mirī raat nahīñ

jo qayamat ka nahin din wo mera din kaisa

jo taDap kar na kaTi ho wo meri raat nahin

tauba rindoñ meñ gunjā.ish kahāñ

jab ye aa.egī nikālī jā.egī

tauba ki rindon mein gunjaish kahan

jab ye aaegi nikali jaegi

merī dushvārī hai dushvārī mirī

merī mushkil aap mushkil nahīñ

meri dushwari hai dushwari meri

meri mushkil aap ki mushkil nahin

mohabbat meñ vafā had jafā intihā kaisī

'mubārak' phir na kahnā ye sitam koī sahe kab tak

mohabbat mein wafa ki had jafa ki intiha kaisi

'mubarak' phir na kahna ye sitam koi sahe kab tak

udhar chuTkī vo dil meñ le rahe haiñ

idhar ik gudgudī ho rahī hai

udhar chuTki wo dil mein le rahe hain

idhar ek gudgudi si ho rahi hai

aa.ina sāmne ab aaTh pahar rahtā hai

kahīñ aisā na ho ye madd-e-muqābil ho jaa.e

aaina samne ab aaTh pahar rahta hai

kahin aisa na ho ye madd-e-muqabil ho jae

kyā kaheñ kyā kyā kiyā terī nigāhoñ ne sulūk

dil meñ aa.iiñ dil meñ Thahrīñ dil meñ paikāñ ho ga.iiñ

kya kahen kya kya kiya teri nigahon ne suluk

dil mein aain dil mein Thahrin dil mein paikan ho gain

tum bhuul ga.e mujh ko yuuñ yaad dilātā huuñ

jo aah nikaltī hai vo yād-dahānī hai

tum bhul gae mujh ko yun yaad dilata hun

jo aah nikalti hai wo yaad-dahani hai

jo un ko chāhiye vo kiye rahe haiñ vo

jo mujh ko chāhiye vo kiye rahā huuñ maiñ

jo un ko chahiye wo kiye ja rahe hain wo

jo mujh ko chahiye wo kiye ja raha hun main

bikhrī huī hai yuuñ mirī vahshat dāstāñ

dāman kidhar kidhar hai girebāñ kahāñ kahāñ

bikhri hui hai yun meri wahshat ki dastan

daman kidhar kidhar hai gireban kahan kahan

kuchh is andāz se sayyād ne āzād kiyā

jo chale chhuT ke qafas se vo giraftār chale

kuchh is andaz se sayyaad ne aazad kiya

jo chale chhuT ke qafas se wo giraftar chale

jabīñ par ḳhaak hai ye kis ke dar

balā.eñ le rahā huuñ apne sar

jabin par KHak hai ye kis ke dar ki

balaen le raha hun apne sar ki

na mānoge na mānoge hamārī

udhar ho jā.egī duniyā idhar

na manoge na manoge hamari

udhar ho jaegi duniya idhar ki

qadam qadam pe ye kahtī huī bahār aa.ī

ki raah band thī jañgal khol maiñ ne

qadam qadam pe ye kahti hui bahaar aai

ki rah band thi jangal ki khol di main ne

is bharī mahfil meñ ham se dāvar-e-mahshar na pūchh

ham kaheñge tujh se apnī dāstāñ sab se alag

is bhari mahfil mein hum se dawar-e-mahshar na puchh

hum kahenge tujh se apni dastan sab se alag

dil meñ aane ke 'mubārak' haiñ hazāroñ raste

ham batā.eñ use rāheñ koī ham se pūchhe

dil mein aane ke 'mubarak' hain hazaron raste

hum bataen use rahen koi hum se puchhe

mehrbānī chārasāzoñ baḌhī

jab baḌhā darmāñ to bīmārī baḌhī

mehrbani chaarasazon ki baDhi

jab baDha darman to bimari baDhi

kisī ne barchhiyāñ mārīñ kisī ne tiir maare haiñ

ḳhudā rakkhe inheñ ye sab karam-farmā hamāre haiñ

kisi ne barchhiyan marin kisi ne tir mare hain

KHuda rakkhe inhen ye sab karam-farma hamare hain

ab vahī said hai jo thā sayyād

naala bulbul be-asar na huā

ab wahi said hai jo tha sayyaad

nala bulbul ka be-asar na hua

kal to dekhā thā 'mubārak' but-kade meñ aap ko

aaj hazrat ke masjid meñ musalmāñ ho ga.e

kal to dekha tha 'mubarak' but-kade mein aap ko

aaj hazrat ja ke masjid mein musalman ho gae