honā thā zindagī hī meñ muñh shaiḳh kā siyāh

is umr meñ hai varna mazā kyā ḳhizāb kā

hona tha zindagi hi mein munh shaiKH ka siyah

is umr mein hai warna maza kya KHizab ka

jis chashm ko vo merā ḳhush-chashm nazar aayā

nargis kā use jalva ik pashm nazar aayā

jis chashm ko wo mera KHush-chashm nazar aaya

nargis ka use jalwa ek pashm nazar aaya

pahle hī apnī kaun thī vaañ qadr-o-manzilat

par shab kī minnatoñ ne Dubo dī rahī sahī

pahle hi apni kaun thi wan qadr-o-manzilat

par shab ki minnaton ne Dubo di rahi sahi

shaiḳh-jī kyūñki ma.āsī se bacheñ ham ki gunāh

irs hai apnī ham aadam ke agar pote haiñ

shaiKH-ji kyunki maasi se bachen hum ki gunah

irs hai apni hum aadam ke agar pote hain

shikva na baḳht se hai ne āsmāñ se mujh ko

pahuñchī jo kuchh aziyyat apne gumāñ se mujh ko

shikwa na baKHt se hai ne aasman se mujh ko

pahunchi jo kuchh aziyyat apne guman se mujh ko