sochā thā lauT aa.egā apnā samajh ke vo

us ko gila hai mujh ko pukārā nahīñ gayā

socha tha lauT aaega apna samajh ke wo

us ko gila hai mujh ko pukara nahin gaya

chaupāl apne gaañv kī vīrān ho ga.ī

tum ne daraḳht kaaT ke achchhā nahīñ kiyā

chaupal apne ganw ki viran ho gai

tum ne daraKHt kaT ke achchha nahin kiya

hañste hue chehroñ se hameñ hotī hai vahshat

ham log udāsī ke shajar DhūñD rahe haiñ

hanste hue chehron se hamein hoti hai wahshat

hum log udasi ke shajar DhunD rahe hain

mujh ko sukūñ meñ dekh ke hairat na ho tujhe

ye soch ke maiñ zaḳhm koī sil nahīñ rahā

mujh ko sukun mein dekh ke hairat na ho tujhe

ye soch ke main zaKHm koi sil nahin raha

zindagī pūchh na baiThe tire baare meñ kahīñ

terī tasvīr banāte hue Dar lagtā hai

zindagi puchh na baiThe tere bare mein kahin

teri taswir banate hue Dar lagta hai