abhī farq hai aadmī aadmī meñ

abhī duur hai aadmī aadmī se

abhi farq hai aadmi aadmi mein

abhi dur hai aadmi aadmi se

mire ḳhayāl kī vus.at meñ haiñ hazār chaman

kahāñ kahāñ se nikālegī ye bahār mujhe

mere KHayal ki wusat mein hain hazar chaman

kahan kahan se nikalegi ye bahaar mujhe

vo ġham ho yā alam ho dard ho yā ālam-e-vahshat

use apnā samajh ai zindagī jo tere kaam aa.e

wo gham ho ya alam ho dard ho ya aalam-e-wahshat

use apna samajh ai zindagi jo tere kaam aae

shagufta phuul jo dekhe to 'shauq' yaad aayā

diye the daaġh bhī gulshan ne be-shumār mujhe

shagufta phul jo dekhe to 'shauq' yaad aaya

diye the dagh bhi gulshan ne be-shumar mujhe

batā nasīb-e-nasheman maiñ kyā duā māñgūñ

jo āsmāñ kī taraf raushnī nazar aa.e

bata nasib-e-nasheman main kya dua mangun

jo aasman ki taraf raushni nazar aae