chuum kar aayā hai ye dast-e-hinā.ī aap kā

kyuuñ na rakkhūñ maiñ kaleje se lagā kar tiir ko

chum kar aaya hai ye dast-e-hinai aap ka

kyun na rakkhun main kaleje se laga kar tir ko

ābla-pā.ī hamārī rang laa.ī dasht meñ

ḳhār-e-sahrā tishna-e-ḳhūñ ho ke nashtar ho ga.e

aabla-pai hamari rang lai dasht mein

KHar-e-sahra tishna-e-KHun ho ke nashtar ho gae

ro diye fariyād par merī butān-e-sang-dil

mere nāloñ se pighal kar mom patthar ho ga.e

ro diye fariyaad par meri butan-e-sang-dil

mere nalon se pighal kar mom patthar ho gae

ik bahāna chāhiye un ko bigaḌne ke liye

maiñ ne zulfoñ kī balā.eñ liiñ mire sar ho ga.e

ek bahana chahiye un ko bigaDne ke liye

main ne zulfon ki balaen lin mere sar ho gae

bal paḌe chitvan pe abrū tan ke ḳhanjar ho ga.e

zikr-e-vasl aate hī vo jaame se bāhar ho ga.e

bal paDe chitwan pe abru tan ke KHanjar ho gae

zikr-e-wasl aate hi wo jame se bahar ho gae

nigah-e-lutf meñ hai uqda-kushā.ī muzmar

kaam bigḌe hue bandoñ ke sañvar jaate haiñ

nigah-e-lutf mein hai uqda-kushai muzmar

kaam bigDe hue bandon ke sanwar jate hain

bātoñ meñ DhūñDte haiñ vo pahlū malāl kā

matlab ye hai ki zikr na aa.e visāl kā

baaton mein DhunDte hain wo pahlu malal ka

matlab ye hai ki zikr na aae visal ka