paañv meñ lipTī huī hai sab ke zanjīr-e-anā

sab musāfir haiñ yahāñ lekin safar meñ kaun hai

panw mein lipTi hui hai sab ke zanjir-e-ana

sab musafir hain yahan lekin safar mein kaun hai

shauq kahtā hai ki har jism ko sajda kiije

aañkh kahtī hai ki tū ne abhī dekhā kyā hai

shauq kahta hai ki har jism ko sajda kije

aankh kahti hai ki tu ne abhi dekha kya hai

dil kī baazī haar ke ro.e ho to ye bhī sun rakkho

aur abhī tum pyaar karoge aur abhī pachhtāoge

dil ki bazi haar ke roe ho to ye bhi sun rakkho

aur abhi tum pyar karoge aur abhi pachhtaoge

achchhā hai ki sirf ishq kiije

ye umr to yuuñ bhī rā.egāñ hai

achchha hai ki sirf ishq kije

ye umr to yun bhi raegan hai

dekhne vaalī agar aañkh ko pahchān sakeñ

rañg ḳhud parda-e-tasvīr se bāhar ho jaa.eñ

dekhne wali agar aankh ko pahchan saken

rang KHud parda-e-taswir se bahar ho jaen