Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Umair Najmi's Photo'

Umair Najmi

1986 | Rahim Yar Khan, Pakistan

Renowned poet of our generation. His poetry is admired for its clarity, emotional depth, and simplicity, and carries a maturity that makes him popular among young audiences.

Renowned poet of our generation. His poetry is admired for its clarity, emotional depth, and simplicity, and carries a maturity that makes him popular among young audiences.

Sher of Umair Najmi

5.2K
Favorite

SORT BY

nikāl laayā huuñ ek pinjre se ik parinda

ab is parinde ke dil se piñjra nikālnā hai

nikal laya hun ek pinjre se ek parinda

ab is parinde ke dil se pinjra nikalna hai

bichhaḌ ga.e to ye dil umr bhar lagegā nahīñ

lagegā lagne lagā hai magar lagegā nahīñ

bichhaD gae to ye dil umr bhar lagega nahin

lagega lagne laga hai magar lagega nahin

kisī galī meñ kirā.e pe ghar liyā us ne

phir us galī meñ gharoñ ke kirā.e baḌhne lage

kisi gali mein kirae pe ghar liya us ne

phir us gali mein gharon ke kirae baDhne lage

kitāb-e-ishq meñ har aah ek aayat hai

par āñsuoñ ko hurūf-e-muqatti.āt samajh

kitab-e-ishq mein har aah ek aayat hai

par aansuon ko huruf-e-muqattiat samajh

tum pe kyā ḳhaak asar hogā mire sheroñ kā

tum ko to mīr-taqī-'mīr' nahīñ khīñch sakā

tum pe kya KHak asar hoga mere sheron ka

tum ko to mir-taqi-'mir' nahin khinch saka

ye saat uTh paḌosī kahāñ se aa.e mire

tumhāre dil meñ to koī na thā sivā.e mire

ye sat uTh paDosi kahan se aae mere

tumhaare dil mein to koi na tha siwae mere

us kī tah se kabhī daryāft kiyā jā.ūñgā maiñ

jis samundar meñ ye sailāb ikaTThe hoñge

us ki tah se kabhi daryaft kiya jaunga main

jis samundar mein ye sailab ikaTThe honge

ye jitnī tezī se ābād ho rahī hai zamīñ

ziyāda vaqt nahīñ rah gayā tabāhī meñ

ye jitni tezi se aabaad ho rahi hai zamin

ziyaada waqt nahin rah gaya tabahi mein

koī junūn havā meñ uḌā de merā vujūd

koī 'asā ho jo ruuī kī tarah dhunke mujhe

koi junun hawa mein uDa de mera wujud

koi 'asa ho jo rui ki tarah dhunke mujhe

ġharīb baap kā tarka thā hasratoñ kā ḳhalā

jo do tihā.ī virāsat meñ mere naam huā

gharib bap ka tarka tha hasraton ka KHala

jo do tihai wirasat mein mere nam hua

maiñ lā-'ilāj ho gayā huuñ yuuñ pata chalā

ik din binā batā.e davā rok dī ga.ī

main la-'ilaj ho gaya hun yun pata chala

ek din bina batae dawa rok di gai

namāziyoñ ko ri'āyat hai tez bārish meñ

so jab bhī girya kiyā maiñ ne ghar namāz paḌhī

namaziyon ko ri'ayat hai tez barish mein

so jab bhi girya kiya main ne ghar namaz paDhi

milte haiñ mushkiloñ se yahāñ ham-ḳhayāl log

tere tamām chāhne vāloñ kī ḳhair ho

milte hain mushkilon se yahan ham-KHayal log

tere tamam chahne walon ki KHair ho

ye DhūñDhte ho jo ab junūñ se farār kī raah

tum is taraf aa.e kyoñ the jab kuchh nahīñ pata thā

ye DhunDhte ho jo ab junun se farar ki rah

tum is taraf aae kyon the jab kuchh nahin pata tha

hameñ ye Dar thā ki uktā na jaa.eñ kuchh din meñ

so qist-vār mohabbat kī ek dam nahīñ kī

hamein ye Dar tha ki ukta na jaen kuchh din mein

so qist-war mohabbat ki ek dam nahin ki

ḳhushī ke baare meñ mahdūd 'ilm rakhtā huuñ

vo yuuñ ki is se mirā duur kā ta'alluq hai

KHushi ke bare mein mahdud 'ilm rakhta hun

wo yun ki is se mera dur ka ta'alluq hai

udāsiyoñ kī ragaḌ se banā huuñ maqnātīs

so ḳhud meñ ġham kā bahut lauh-chūn khīñchtā huuñ

udasiyon ki ragaD se bana hun maqnatis

so KHud mein gham ka bahut lauh-chun khinchta hun

jam' the raat mire ghar tire Thukrā.e hue

ek dargāh pe sab rāñda-e-dargāh mile

jam' the raat mere ghar tere Thukrae hue

ek dargah pe sab randa-e-dargah mile

aisā nahīñ ki hijr huā mujh meñ sirf jazb

zāhir bhī ho rahā hai mire ḳhadd-o-ḳhāl se

aisa nahin ki hijr hua mujh mein sirf jazb

zahir bhi ho raha hai mere KHadd-o-KHal se

akelā thā magar ab halqa-e-ahbāb rakhtā huuñ

kiyā hai ek misre ko ġhazal āhista āhista

akela tha magar ab halqa-e-ahbab rakhta hun

kiya hai ek misre ko ghazal aahista aahista

Recitation

Speak Now