mauzū'-e-guftugū to hai jinsī jamāliyāt

aur markaz-e-ḳhayāl tumhārā hī jism hai

mauzu'-e-guftugu to hai jinsi jamaliyat

aur markaz-e-KHayal tumhaara hi jism hai

tirī mā'sūm nigāhoñ ke taqaddus ke tufail

'ishq tahzīb se ārāsta ho jaatā hai

teri ma'sum nigahon ke taqaddus ke tufail

'ishq tahzib se aarasta ho jata hai

zindagī se milā nahīñ kuchh bhī

phir bhī ik aas hai musalsal hai

zindagi se mila nahin kuchh bhi

phir bhi ek aas hai musalsal hai

maiñ rafta rafta tujhe bhūltā hī jaatā huuñ

kisī kī yaad yuuñ parvardigār aatī hai

main rafta rafta tujhe bhulta hi jata hun

kisi ki yaad yun parwardigar aati hai

roz miltā hai bulandī kā nayā ziina mujhe

roz taklīf ka.ī logoñ ko ho jaatī hai

roz milta hai bulandi ka naya zina mujhe

roz taklif kai logon ko ho jati hai