کی تلاش کا نتیجه | موضو - تمام, صفحہ falsafii

تلاش کے نتائج

تلاش کا نتیجہ "falsafii"

تمام

شاعر/مصنف/ فن کار

نبی بخش فلسفی میموریل کمیٹی، دہلی

born.1908

انتہائی متعلقہ نتائج "falsafii"

نظم

وہ

وہ کتاب حسن وہ علم و ادب کی طالبہ
وہ مہذب وہ مؤدب وہ مقدس راہبہ
کس قدر پیرایہ پرور اور کتنی سادہ کار
کس قدر سنجیدہ و خاموش کتنی با وقار
گیسوئے پر خم سواد دوش تک پہنچے ہوئے
اور کچھ بکھرے ہوئے الجھے ہوئے سمٹے ہوئے
رنگ میں اس کے عذاب خیرگی شامل نہیں
کیف احساسات کی افسردگی شامل نہیں
وہ مرے آتے ہی اس کی نکتہ پرور خامشی
جیسے کوئی حور بن جائے یکایک فلسفی
مجھ پہ کیا خود اپنی فطرت پر بھی وہ کھلتی نہیں
ایسی پر اسرار لڑکی میں نے دیکھی ہی نہیں
دختران شہر کی ہوتی ہے جب محفل کہیں
وہ تعارف کے لیے آگے کبھی بڑھتی نہیں

جون ایلیا

غزل

فلسفی کو بحث کے اندر خدا ملتا نہیں
ڈور کو سلجھا رہا ہے اور سرا ملتا نہیں

اکبر الہ آبادی

نظم

رام

لبریز ہے شراب حقیقت سے جام ہند
سب فلسفی ہیں خطۂ مغرب کے رام ہند
یہ ہندیوں کی فکر فلک رس کا ہے اثر
رفعت میں آسماں سے بھی اونچا ہے بام ہند
اس دیس میں ہوئے ہیں ہزاروں ملک سرشت
مشہور جن کے دم سے ہے دنیا میں نام ہند
ہے رام کے وجود پہ ہندوستاں کو ناز
اہل نظر سمجھتے ہیں اس کو امام ہند
اعجاز اس چراغ ہدایت کا ہے یہی
روشن تر از سحر ہے زمانہ میں شام ہند
تلوار کا دھنی تھا شجاعت میں فرد تھا
پاکیزگی میں جوش محبت میں فرد تھا

علامہ اقبال

غزل

اپنی نفی تو فلسفی جی قتل نفس ہے
کہیے کوئی یہ جرم سجھائے تو کیا کروں

حفیظ جالندھری

شعر

فلسفی کو بحث کے اندر خدا ملتا نہیں
ڈور کو سلجھا رہا ہے اور سرا ملتا نہیں

اکبر الہ آبادی

تمام

لغت سے متعلق نتائج

ریختہ لغت

falsafii

फ़लसफ़ीفَلْسَفی

عربی

علم فلسفہ جاننے والا، فلاسفر محقق

falsafa

फ़लसफ़ाفَلْسَفَہ

انگریزی

وہ علم جو اشیاء کی ماہیت و حقیقت اور ان کے وجود کے اسباب و علل پر بحث کرتا ہے، علم حکمت

falsafa-daa.n

फ़ल्सफ़ा-दाँفَلْسَفَہ داں

عربی, فارسی

فلسفی، فلسفے کا عالم، فلسفہ جاننے والا

falsafiin

फ़लसफ़ीनفَلْسَفِین

فلسفی (رک) کی جمع .

تمام

کتاب کے متعلقہ نتیجہ "falsafii"

۲۰ عظیم فلسفی

Bibliography

اقبال: شاعر اور فلسفی

وقار عظیم

تنقید

فلسفی ابن رشد

مائل ملیح آبادی

ڈرامہ

فلسفی غالب

احمد رضا

تنقید

تین عظیم فلسفی

قمر نقوی

مغرب کے عظیم فلسفی

عبداللہ ملک

فلسفہ

یازدہ رسالہ فارسی

علامہ حسن زادہ آملی

فلسفہ

اقبال شاعر اور فلسفی

وقار عظیم

شاعری تنقید

افکار فلسفی

فلسفی عظیم آبادی

مجموعہ

فلسفۂ فلسفی

رجت کمار

مجموعہ

گلزار فلسفی

فلسفی عظیم آبادی

غزل

مکاتب فلسفی

نامعلوم مصنف

داستان فلسفہ

ول ڈیورانٹ

فلسفہ

فلسفہ مغرب کی تاریخ

برٹرینڈ رسل

فلسفہ

اقبال کا فلسفہ خودی

آصف جاہ کاروانی

تحقیق

مزید نتائج "falsafii"

نظم

جون ایلیا سے آخری ملاقات

وہ ایک طرز سخن کی خوشبو
وہ ایک مہکا ہوا تکلم
لبوں سے جیسے گلوں کی بارش
کہ جیسے جھرنا سا گر رہا ہو
کہ جیسے خوشبو بکھر رہی ہو
کہ جیسے ریشم الجھ رہا ہو
عجب بلاغت تھی گفتگو میں
رواں تھا دریا فصاحتوں کا
وہ ایک مکتب تھا آگہی کا
وہ علم و دانش کا مے کدہ تھا
وہ قلب اور ذہن کا تصادم
جو گفتگو میں رواں دواں تھا
وہ اس کے الفاظ کی روانی
وہ اس کا رک رک کے بات کرنا
وہ شعلۂ لفظ اور معانی
کہیں لپکنا کہیں ٹھہرنا
ٹھہر کے پھر وہ کلام کرنا
بہت سے جذبوں کی پردہ داری
بہت سے جذبوں کو عام کرنا
جو میں نے پوچھا
گزشتہ شب کے مشاعرے میں بہت سے شیدائی منتظر تھے
مجھے بھی یہ ہی پتہ چلا تھا کہ آپ تشریف لا رہے ہیں
مگر ہوا کیا
ذرا توقف کے بعد بولے نہیں گیا میں
نہ جا سکا میں
سنو ہوا کیا
میں خود کو مائل ہی کر نہ پایا
یہ میری حالت میری طبیعت
پھر اس پہ میری یہ بد مزاجی و بد حواسی
یہ وحشت دل
میاں حقیقت ہے یہ بھی سن لو کہ اب ہمارے مشاعرے بھی
نہیں ہیں ان وحشتوں کے حامل
جو میری تقدیر بن چکی ہیں
جو میری تصویر بن چکی ہیں
جو میری تقصیر بن چکی ہیں
پھر اک توقف
کہ جس توقف کی کیفیت پر گراں سماعت گزر رہی تھی
اس ایک ساعت کا ہاتھ تھامے یہ اک وضاحت گزر رہی تھی
ادب فروشوں نے جاہلوں نے مشاعرے کو بھی اک تماشہ بنا دیا ہے
غزل کی تقدیس لوٹ لی ہے ادب کو مجرا بنا دیا ہے
سخن وروں نے بھی جانے کیا کیا ہمارے حصے میں رکھ دیا ہے
ستم تو یہ ہے کہ چیخ کو بھی سخن کے زمرے میں رکھ دیا ہے
الٰہی توبہ
سماعتوں میں خراشیں آنے لگی ہیں اب اور شگاف ذہنوں میں پڑ گئے ہیں
میاں ہمارے قدم تو کب کے زمیں میں خفت سے گڑ گئے ہیں
خموشیوں کے دبیز کہرے سے چند لمحوں کا پھر گزرنا
وہ جیسے خود کو اداسیوں کے سمندروں میں تلاش کرنا
وہ جیسے پھر سرمئی افق پر ستارے الفاظ کے ابھرنا
یہ زندگی سے جو بے نیازی ہے کس لیے ہے
یہ روز و شب کی جو بد حواسی ہے کس لیے ہے
بس اتنا سمجھو
کہ خود کو برباد کر چکا ہوں
سخن تو آباد خیر کیا ہو
مگر جہاں دل دھڑک رہے ہوں وہ شہر آباد کر چکا ہوں
بچا ہی کیا ہے
تھا جس کے آنے کا خوف مجھ کو وہ ایک ساعت گزر چکی ہے
وہ ایک صفحہ کہ جس پے لکھا تھا زندگی کو وہ کھو چکا ہے
کتاب ہستی بکھر چکی ہے
پڑھا تھا میں نے بھی زندگی کو
مگر تسلسل نہیں تھا اس میں
ادھر ادھر سے یہاں وہاں سے عجب کہانی گڑھی گئی تھی
سمجھ میں آئی نہ اس لیے بھی کے درمیاں سے پڑھی گئی تھی
سمجھتا کیسے
نہ فلسفی میں نہ کوئی عالم
عقوبتوں کے سفر پہ نکلا میں اک ستارہ ہوں آگہی کا
اجل کے ہاتھوں میں ہاتھ ڈالے اک استعارہ ہوں زندگی کا
عتاب نازل ہوا ہے جس پر میں وہ ہی معتوب آدمی ہوں
ستم گروں کو طلب ہے جس کی میں وہ ہی مطلوب آدمی ہوں
کبھی محبت نے یہ کہا تھا میں ایک محبوب آدمی ہوں
مگر وہ ضرب جفا پڑی ہے کہ ایک مضروب آدمی ہوں
میں ایک بیکل سا آدمی ہوں بہت ہی بوجھل سا آدمی ہوں
سمجھ رہی ہے یہ دنیا مجھ کو میں ایک پاگل سا آدمی ہوں
مگر یہ پاگل یہ نیم وحشی خرد کے ماروں سے مختلف ہے
جو کہنا چاہا تھا کہہ نہ پایا
کہا گیا جو اسے یہ دنیا سمجھ نہ پائی
نہ بات اب تک کہی گئی ہے
نہ بات اب تک سنی گئی ہے
شراب و شعر و شعور کا جو اک تعلق ہے اس کے بارے میں رائے کیا ہے
سنا ہے ہم نے کہ آپ پر بھی بہت سے فتوے لگے ہیں لیکن
شراب‌ نوشی حرام ہے تو
یہ مسئلہ بھی بڑا عجب ہے
میں ایک میکش ہوں یہ تو سچ ہے
مگر یہ میکش کبھی کسی کے لہو سے سیراب کب ہوا ہے
ہمیشہ آنسو پیے ہیں اس نے ہمیشہ اپنا لہو پیا ہے
یہ بحث چھوڑو حرام کیا ہے حلال کیا ہے عذاب کیا ہے ثواب کیا ہے
شراب کیا ہے
اذیتوں سے نجات ہے یہ حیات ہے یہ
شراب و شب اور شاعری نے بڑا سہارا دیا ہے مجھ کو
سنبھال رکھا شراب نے اور رہی ہے محسن یہ رات میری
اسی نے مجھ کو دئے دلاسے سنی ہے اس نے ہی بات میری
ہمیشہ میرے ہی ساتھ جاگی ہمیشہ میرے ہی ساتھ سوئی
میں خوش ہوا تو یہ مسکرائی میں رو دیا تو یہ ساتھ روئی
یہ شعر گوئی ہے خود کلامی کا اک ذریعہ
اسی ذریعہ اسی وسیلہ سے میں نے خود سے وہ باتیں کی ہیں
جو دوسروں سے میں کہہ نہ پایا
حرام کیا ہے حلال کیا ہے یہ سب تماشے ہیں مفتیوں کے
یہ سارے فتنے ہیں مولوی کے
حرام کر دی تھی خود کشی بھی کہ اپنی مرضی سے مر نہ پائے
یہ مے کشی بھی حرام ٹھہری کہ ہم کو اپنا لہو بھی پینے کا حق نہیں ہے
کہ اپنی مرضی سے ہم کو جینے کا حق نہیں ہے
کسے بتائیں
ضمیر و ظرف بشر پہ موقوف ہیں مسائل
سمندروں میں انڈیل جتنی شراب چاہے
نہ حرف پانی پہ آئے گا اور نہ اوس کی تقدیس ختم ہوگی
تو مے کشی کو حرام کہنے سے پہلے دیکھو
کہ پینے والے کا ظرف کیا ہے ہیں کس کے ہاتھوں میں جام و مینا
یہ نکتہ سنجی یہ نکتہ دانی جو مولوی کی سمجھ میں آتی تو بات بنتی
نہ دین و مذہب کو جس نے سمجھا نہ جس نے سمجھا ہے زندگی کو
طہورا پینے کی بات کر کے حرام کہتا ہے مے کشی کو
جو دین و مذہب کا ذکر آیا تو میں نے پوچھا
کہ اس حوالے سے رائے کیا ہے
یہ خود پرستی خدا پرستی کے درمیاں کا جو فاصلہ ہے
جو اک خلا ہے یہ کیا بلا ہے
یہ دین و مذہب فقط کتابیں
بجز کتابوں کے اور کیا ہے
کتابیں ایسی جنہیں سمجھنے کی کوششیں کم ہیں اور زیادہ پڑھا گیا ہے
کتابیں ایسی کہ عام انساں کو ان کے پڑھنے کا حق ہے لیکن
انہیں سمجھنے کا حق نہ ہرگز دیا گیا ہے
کہ ان کتابوں پہ دین و مذہب کے ٹھیکیدار اجارہ داروں کی دسترس ہے
اسی لیے تو یہ دین و مذہب فساد د فتنہ بنے ہوئے ہیں
یہ دین و مذہب
جو علم و حکمت کے ساتھ ہو تو سکون ہوگا
جو دسترس میں ہو جاہلوں کی جنون ہوگا
یہ عشق کیا ہے یہ حسن کیا ہے
یہ زندگی کا جواز کیا ہے
یہ تم ہو جی جی کے مر رہے ہو یہ میں ہوں مر مر کے جی رہا ہوں
یہ راز کیا ہے
ہے کیا حقیقت مجاز کیا ہے
سوائے خوابوں کے کچھ نہیں ہے
بجز سرابوں کے کچھ نہیں ہے
یہ اک سفر ہے تباہیوں کا اداسیوں کی یہ رہ گزر ہے
نہ اس کو دنیا کا علم کوئی نہ اس کو اپنی کوئی خبر ہے
کبھی کہیں پر نظر نہ آئے کبھی ہر اک شے میں جلوہ گر ہے
کبھی زیاں ہے کبھی ضرر ہے
نہ خوف اس کو نہ کچھ خطر ہے
کبھی خدا ہے کبھی بشر ہے
ہوا حقیقت سے آشنا تو یہ سوئے دار و رسن گیا ہے
کبھی ہنسا ہے یہ زیر خنجر کبھی یہ سولی پہ ہنس دیا ہے
کبھی یہ گل نار ہو گیا ہے سناں پہ گفتار ہو گیا ہے
کبھی ہوا ہے یہ غرق دریا
کبھی یہ تقدیر دشت و صحرا
رقم ہوا ہے یہ آنسوؤں میں
کبھی لہو نے ہے اس کو لکھا
حکایت دل حکایت جاں حکایت زندگی یہی ہے
اگر سلیقے سے لکھی جائے عبارت زندگی یہی ہے
یہ حسن ہے اس دھنک کی صورت
کہ جس کے رنگوں کا فلسفہ ہی کبھی کسی پر نہیں کھلا ہے
یہ فلسفہ جو فریب پیہم کا سلسلہ ہے
کہ اس کے رنگوں میں اک اشارہ ہے بے رخی کا
اک استعارہ ہے زندگی کا
کبھی علامت ہے شوخیوں کی
کبھی کنایہ ہے سادگی کا
بدلتے موسم کی کیفیت کے ہیں رنگ پنہاں اسی دھنک میں
کشش شرارت و جاذبیت کے شوخ رنگوں نے اس دھنک کو عجیب پیکر عطا کیا ہے اک ایسا منظر عطا کیا ہے
کہ جس کے سحر و اثر میں آ کر
لہو بہت آنکھیں رو چکی ہیں بہت تو بینائی کھو چکی ہیں
بصارتیں کیا بصیرتیں بھی تو عقل و دانائی کھو چکی ہیں
نہ جانے کتنے ہی رنگ مخفی ہیں اس دھنک میں
بس ایک رنگ وفا نہیں ہیں
اس ایک رنگت کی آرزو نے لہو رلایا ہے آدمی کو
یہی بتایا ہے آگہی کو
یہ اک چھلاوا ہے زندگی کا
حسین دھوکہ ہے زندگی کا
مگر مقدر ہے آدمی کا
فریب گندم سمجھ میں آیا تو میں نے جانا
یہ عشق کیا ہے یہ حسن کیا ہے
یہ ایک لغزش ہے جس کے دم سے حیات نو کا بھرم کھلا ہے

طارق قمر

غزل

نہ فلسفی سے نہ ملا سے ہے غرض مجھ کو
یہ دل کی موت وہ اندیشہ و نظر کا فساد

علامہ اقبال

مزاحیہ

جو کہہ رہے ہیں کہ غالبؔ ہے فلسفی شاعر
مجھے بتائیں کہ بوسہ میں فلسفہ کیا ہے

دلاور فگار

غزل

آج کے دور کی علامت ہیں
فلسفی ذہن سوچتے چہرے

کیف احمد صدیقی

غزل

خواب میں لذت یک خواب ہے دنیا میری
اور مرے فلسفی اسباب اٹھا کر لے آئے

عبید اللہ علیم

غزل

ہم سے تو اک شعر سن کر فلسفی چپ ہو گیا
لیکن اس نے بے زباں نقاد کو چاٹا بہت

شجاع خاور

غزل

ہم الجھتے رہے فلسفی کی طرح
اور بڑھتے گئے وقت کے مسئلے

ساحر لکھنوی

نظم

نمرود کی خدائی

یہ قدسیوں کی زمیں
جہاں فلسفی نے دیکھا تھا، اپنے خواب سحر گہی میں،
ہوائے تازہ و کشت شاداب و چشمۂ جاں فروز کی آرزو کا پرتو
یہیں مسافر پہنچ کے اب سوچنے لگا ہے:
''وہ خواب کابوس تو نہیں تھا؟
وہ خواب کابوس تو نہیں تھا؟

ن م راشد

نظم

کالے سفید پروں والا پرندہ اور میری ایک شام

جب دن ڈھل جاتا ہے، سورج دھرتی کی اوٹ میں ہو جاتا ہے
اور بھڑوں کے چھتے جیسی بھن بھن
بازاروں کی گرمی، افرا تفری
موٹر، بس، برقی ریلوں کا ہنگامہ تھم جاتا ہے
چائے خانوں ناچ گھروں سے کمسن لڑکے
اپنے ہم سن معشوقوں کو
جن کی جنسی خواہش وقت سے پہلے جاگ اٹھی ہے
لے کر جا چکتے ہیں
بڑھتی پھیلتی اونچی ہمالہ جیسی تعمیروں پر خاموشی چھا جاتی ہے
تھیٹر تفریح گاہوں میں تالے پڑ جاتے ہیں
اور بظاہر دنیا سو جاتی ہے
میں اپنے کمرے میں بیٹھا سوچا کرتا ہوں
کتوں کی دم ٹیڑھی کیوں ہوتی ہے
یہ چتکبری دنیا جس کا کوئی بھی کردار نہیں ہے
کوئی فلسفہ کوئی پائندہ اقدار نہیں، معیار نہیں ہے
اس پر اہل دانش ودوان، فلسفی
موٹی موٹی ادق کتابیں کیوں لکھا کرتے ہیں؟
فرقتؔ کی ماں نے شوہر کے مرنے پر کتنا کہرام مچایا تھا
لیکن عدت کے دن پورے ہونے سے اک ہفتہ پہلے
نیلمؔ کے ماموں کے ساتھ بدایوں جا پہنچی تھی
بی بی کی صحنک، کونڈے، فاتحہ خوانی
جنگ صفین، جمل اور بدر کے قصوں
سیرت نبوی، ترک دنیا اور مولوی صاحب کے حلوے مانڈے میں کیا رشتہ ہے؟

اختر الایمان

نظم

چار مسافر

نکلے سفر کو پیدل وہ چار ہم سفر تھے
سب اپنے راستے اور منزل سے باخبر تھے
اک فلسفی تھا ان میں دوسرا تھا نائی
پھر تیسرا سپاہی گنجا تھا جس کا بھائی
جنگل میں رات آئی لازم تھا ان کو سونا
لے کر چلے تھے اپنے وہ اوڑھنا بچھونا
سوئے کچھ اس طرح وہ اس میں ہوشیاری
ہر ایک کا تھا پہرا دو گھنٹے باری باری
پہلے سپاہی جاگا پھر آدھی رات آئی
وہ سو گیا تو پہرا دینے لگا تھا نائی
لمبے تھے اور گھنے تھے جو بال اس کے سر پر
نائی نے مونڈ ڈالے تیز استرا پھیر کر
بیدار فلسفی کو کر کے یہ بولا نائی
باری اب آپ کی ہے اٹھ جاؤ میرے بھائی
جب ہاتھ فلسفی نے چندیا پہ اپنی پھیرا
آپے سے ہو کے باہر نائی کو اس نے گھیرا
یہ کیا غضب کیا ہے ناحق اسے اٹھایا
باری تھی فلسفی کی گنجے کو کیوں جگایا

آفاق صدیقی

تلاش کے نتائج

شاعر/مصنف/ فن کار

انتہائی متعلقہ نتائج "falsafii"

نظم

وہ

جون ایلیا

غزل

اکبر الہ آبادی

نظم

رام

علامہ اقبال

غزل

حفیظ جالندھری

شعر

اکبر الہ آبادی

لغت سے متعلق نتائج

ریختہ لغت

falsafii

falsafa

falsafa-daa.n

falsafiin

کتاب کے متعلقہ نتیجہ "falsafii"

مزید نتائج "falsafii"

نظم

جون ایلیا سے آخری ملاقات

طارق قمر

غزل

علامہ اقبال

مزاحیہ

دلاور فگار

غزل

کیف احمد صدیقی

غزل

عبید اللہ علیم

غزل

شجاع خاور

غزل

ساحر لکھنوی

نظم

نمرود کی خدائی

ن م راشد

نظم

کالے سفید پروں والا پرندہ اور میری ایک شام

اختر الایمان

نظم

چار مسافر

آفاق صدیقی

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books