Search result for

SEARCH RESULTS

Showing search results for "taqsiir"

See All

POETS/AUTHORS/ARTISTS

1953 - 2026

born.1990

1902 - 1958

born.1984

born.1978

1917 - 1977

1840 - 1911

born.1973

born.1973

born.1950

born.1994

born.1955

born.1936

MOST RELEVANT MATCHES FOR "taqsiir"

Ghazal

kyaa hu.ii taqsiir ham se tuu bataa de ai 'naziir'
taaki shaadii-marg samjhe.n aise mar jaane ko ham

Nazeer Akbarabadi

Nazm

maulana

bahut mai.n ne sunii hai aap kii taqriir maulaanaa
magar badlii nahii.n ab tak mirii taqdiir maulaanaa
KHudaaraa shukr kii talqiin apne paas hii rakkhe.n
ye lagtii hai mire siine pe ban kar tiir maulaanaa
nahii.n mai.n bol saktaa jhuuT is darja DhiTaa.ii se
yahii hai jurm meraa aur yahii taqsiir maulaanaa
haqiiqat kyaa hai ye to aap jaane.n yaa KHudaa jaane
sunaa hai jimmy-carter aap kaa hai piir maulaanaa
zamiine.n ho.n vaDero.n kii mashiine.n ho.n luTero.n kii
KHudaa ne likh ke dii hai ye tumhe.n tahriir maulaanaa
karo.Do.n kyuu.n nahii.n mil kar filistii.n ke liye la.Dte
du.aa hii se faqat kaTtii nahii.n zanjiir maulaanaa

Habib Jalib

Ghazal

dil-lagii tark-e-mohabbat nahii.n taqsiir mu.aaf
hote hote mire qaabuu me.n tabii.at hogii

Lala Madhav Ram Jauhar

Nazm

ramayan ka ek scene

ruKHsat hu.aa vo baap se le kar KHudaa kaa naam
raah-e-vafaa kii manzil-e-avval hu.ii tamaam
manzuur thaa jo maa.n kii ziyaarat kaa intizaam
daaman se ashk po.nchh ke dil se kiyaa kalaam
iz.haar-e-be-kasii se sitam hogaa aur bhii
dekhaa hame.n udaas to Gam hogaa aur bhii
dil ko sa.nbhaaltaa hu.aa aaKHir vo naunihaal
KHaamosh maa.n ke paas gayaa suurat-e-KHayaal
dekhaa to ek dar me.n hai baiThii vo KHasta-haal
saktaa saa ho gayaa hai ye hai shiddat-e-malaal
tan me.n lahuu kaa naam nahii.n zard rang hai
goyaa bashar nahii.n ko.ii tasviir-e-sa.ng hai
kyaa jaane kis KHayaal me.n gum thii vo be-gunaah
nuur-e-nazar ye diida-e-hasrat se kii nigaah
jumbish hu.ii labo.n ko bharii ek sard aah
lii gosha-ha-e-chashm se ashko.n ne ruKH kii raah
chehre kaa rang haalat-e-dil kholne lagaa
har muu-e-tan zabaa.n kii tarah bolne lagaa
aaKHir asiir-e-yaas kaa qufl-e-dahan khulaa
afsaana-e-shadaa.id-e-ra.nj-o-mehan khulaa
ik daftar-e-mazaalim-e-charKH-e-kuhan khulaa
vaa thaa dahaan-e-zaKHm ki baab-e-suKHan khulaa
dard-e-dil-e-Gariib jo sarf-e-bayaa.n hu.aa
KHuun-e-jigar kaa rang suKHan se 'ayaa.n hu.aa
ro kar kahaa KHamosh kha.De kyuu.n ho merii jaa.n
mai.n jaantii huu.n jis liye aa.e ho tum yahaa.n
sab kii KHushii yahii hai to sahraa ko ho ravaa.n
lekin mai.n apne mu.nh se na hargiz kahuu.ngii haa.n
kis tarah ban me.n aa.nkho.n ke taare ko bhej duu.n
jogii banaa ke raaj-dulaare ko bhej duu.n
duniyaa kaa ho gayaa hai ye kaisaa lahuu sapiid
andhaa kiye hu.e hai zar-o-maal kii umiid
anjaam kyaa ho ko.ii nahii.n jaantaa ye bhed
soche bashar to jism ho larzaa.n misaal-e-biid
likkhii hai kyaa hayaat-e-abad in ke vaaste
phailaa rahe hai.n jaal ye kis din ke vaaste
letii kisii faqiir ke ghar me.n agar janam
hote na merii jaan ko saamaan ye baham
Dastaa na saa.np ban ke mujhe shaukat-o-hasham
tum mere laal the mujhe kis saltanat se kam
mai.n KHush huu.n phuu.nk de ko.ii is taKHt-o-taaj ko
tum hii nahii.n to aag lagaa duu.ngii raaj ko
kin kin riyaazato.n se guzaare hai.n maah-o-saal
dekhii tumhaarii shakl jab ai mere naunihaal
puuraa hu.aa jo byaah kaa armaan thaa kamaal
aafat ye aa.ii mujh pe hu.e jab safed baal
chhaTtii huu.n un se jog liyaa jin ke vaaste
kyaa sab kiyaa thaa mai.n ne isii din ke vaaste
aise bhii naa-muraad bahut aa.e.nge nazar
ghar jin ke be-charaaG rahe aah 'umr bhar
rahtaa miraa bhii naKHl-e-tamannaa jo be-samar
ye jaa-e-sabr thii ki du'aa me.n nahii.n asar
lekin yahaa.n to ban ke muqaddar biga.D gayaa
phal phuul laa ke baaG-e-tamannaa uja.D gayaa
sarzad hu.e the mujh se KHudaa jaane kyaa gunaah
ma.njdhaar me.n jo yuu.n mirii kashtii hu.ii tabaah
aatii nazar nahii.n ko.ii amn-o-amaa.n kii raah
ab yaa.n se kuuch ho to 'adam me.n mile panaah
taqsiir merii KHaaliq-e-aalam bahal kare
aasaan mujh Gariib kii mushkil ajal kare
sun kar zabaa.n se maa.n kii ye fariyaad-e-dard-KHez
us KHasta-jaa.n ke dil pe chalii Gam kii teG-e-tez
'aalam ye thaa qariib ki aa.nkhe.n ho.n ashk-rez
lekin hazaar zabt se rone se kii gurez
sochaa yahii ki jaan se bekas guzar na jaa.e
naashaad ham ko dekh ke maa.n aur mar na jaa.e
phir arz kii ye maadar-e-naashaad ke huzuur
maayuus kyuu.n hai.n aap alam kaa hai kyuu.n vafuur
sadma ye shaaq 'aalam-e-piirii me.n hai zaruur
lekin na dil se kiijiye sabr-o-qaraar duur
shaayad KHizaa.n se shakl 'ayaa.n ho bahaar kii
kuchh maslahat isii me.n ho parvardigaar kii
ye jaa'l ye fareb ye saazish ye shor-o-shar
honaa jo hai sab us ke bahaane hai.n sar-ba-sar
asbaab-e-zaahirii me.n na in par karo nazar
kyaa jaane kyaa hai parda-e-qudrat me.n jalva-gar
KHaas us kii maslahat ko.ii pahchaantaa nahii.n
manzuur kyaa use hai ko.ii jaantaa nahii.n
raahat ho yaa ki ranj KHushii ho ki intishaar
vaajib har ek rang me.n hai shukr-e-kird-gaar
tum hii nahii.n ho kushta-e-naira.ng-e-rozgaar
maatam-kade me.n dahr ke laakho.n hai.n sogvaar
saKHtii sahii nahii.n ki uThaa.ii ka.Dii nahii.n
duniyaa me.n kyaa kisii pe musiibat pa.Dii nahii.n

Chakbast Braj Narayan

Nazm

jaun-eliya se aaKHri mulaqat

vo ek tarz-e-suKHan kii KHushbuu
vo ek mahkaa hu.aa takallum
labo.n se jaise gulo.n kii baarish
ki jaise jharnaa saa gir rahaa ho
ki jaise KHushbuu bikhar rahii ho
ki jaise resham ulajh rahaa ho
ajab balaaGat thii guftuguu me.n
ravaa.n thaa dariyaa fasaahato.n kaa
vo ek maktab thaa aagahii kaa
vo ilm-o-daanish kaa mai-kada thaa
vo qalb aur zehn kaa tasaadum
jo guftuguu me.n ravaa.n-davaa.n thaa
vo us ke alfaaz kii ravaanii
vo us kaa ruk ruk ke baat karnaa
vo sho.ala-e-lafz aur ma.aanii
kahii.n lapaknaa kahii.n Thaharnaa
Thahar ke phir vo kalaam karnaa
bahut se jazbo.n kii parda-daarii
bahut se jazbo.n ko aam karnaa
jo mai.n ne puuchhaa
guzishta shab ke mushaa.ere me.n bahut se shaidaa.ii muntazir the
mujhe bhii ye hii pata chalaa thaa ki aap tashriif laa rahe hai.n
magar hu.aa kyaa
zaraa tavaqquf ke baa'd bole nahii.n gayaa mai.n
na jaa sakaa mai.n
suno hu.aa kyaa
mai.n KHud ko maa.il hii kar na paayaa
ye merii haalat merii tabii.at
phir us pe merii ye bad-mizaajii-o-bad-havaasii
ye vahshat-e-dil
miyaa.n haqiiqat hai ye bhii sun lo ki ab hamaare mushaa.ere bhii
nahii.n hai.n un vahshato.n ke haamil
jo merii taqdiir ban chukii hai.n
jo merii tasviir ban chukii hai.n
jo merii taqsiir ban chukii hai.n
phir ik tavaqquf
ki jis tavaqquf kii kaifiyat par garaa.n samaa.at guzar rahii thii
us ek saa.at kaa haath thaame ye ik vazaahat guzar rahii thii
adab-farosho.n ne jaahilo.n ne mushaa.ere ko bhii ik tamaasha banaa diyaa hai
Gazal kii taqdiis luuT lii hai adab ko mujraa banaa diyaa hai
suKHan-varo.n ne bhii jaane kyaa kyaa hamaare hisse me.n rakh diyaa hai
sitam to ye hai ki chiiKH ko bhii suKHan ke zumre me.n rakh diyaa hai
ilaahii tauba
samaa.ato.n me.n KHaraashe.n aane lagii hai.n ab aur shigaaf zehno.n me.n pa.D ga.e hai.n
miyaa.n hamaare qadam to kab ke zamii.n me.n KHiffat se ga.D ga.e hai.n
KHamoshiyo.n ke dabiiz kohre se chand lamho.n kaa phir guzarnaa
vo jaise KHud ko udaasiyo.n ke samundaro.n me.n talaash karnaa
vo jaise phir surma.ii ufuq par sitaare alfaaz ke ubharnaa
ye zindagii se jo be-niyaazii hai kis liye hai
ye roz-o-shab kii jo bad-havaasii hai kis liye hai
bas itnaa samjho
ki KHud ko barbaad kar chukaa huu.n
suKHan to aabaad KHair kyaa ho
magar jahaa.n dil dha.Dak rahe ho.n vo shahr aabaad kar chukaa huu.n
bachaa hii kyaa hai
thaa jis ke aane kaa KHauf mujh ko vo ek saa.at guzar chukii hai
vo ek saf.ha ki jis pe likkhaa thaa zindagii ko vo kho chukaa hai
kitaab-e-hastii bikhar chukii hai
pa.Dhaa thaa mai.n ne bhii zindagii ko
magar tasalsul nahii.n thaa us me.n
idhar-udhar se yahaa.n vahaa.n se ajab kahaanii ga.Dhii ga.ii thii
samajh me.n aa.ii na is liye bhii ke darmiyaa.n se pa.Dhii ga.ii thii
samajhtaa kaise
na falsafii mai.n na ko.ii aalim
uquubato.n ke safar pe niklaa mai.n ik sitaara huu.n aagahii kaa
ajal ke haatho.n me.n haath Daale ik isti.aara huu.n zindagii kaa
itaab naazil hu.aa hai jis par mai.n vo hii ma.atuub aadmii huu.n
sitamgaro.n ko talab hai jis kii mai.n vo hii matluub aadmii huu.n
kabhii mohabbat ne ye kahaa thaa mai.n ek mahbuub aadmii huu.n
magar vo zarb-e-jafaa pa.Dii hai ki ek mazruub aadmii huu.n
mai.n ek bekal saa aadmii huu.n bahut hii bojhal saa aadmii huu.n
samajh rahii hai ye duniyaa mujh ko mai.n ek paagal saa aadmii huu.n
magar ye paagal ye niim-vahshii KHirad ke maaro.n se muKHtalif hai
jo kahnaa chaahaa thaa kah na paayaa
kahaa gayaa jo use ye duniyaa samajh na paa.ii
na baat ab tak kahii ga.ii hai
na baat ab tak sunii ga.ii hai
sharaab-o-sh.er-o-shu.uur kaa jo ik ta'alluq hai us ke baare me.n raa.e kyaa hai
sunaa hai ham ne ki aap par bhii bahut se fatve lage hai.n lekin
sharaab-noshii haraam hai to
ye mas.ala bhii ba.Daa ajab hai
mai.n ek mai-kash huu.n ye to sach hai
magar ye mai-kash kabhii kisii ke lahuu se sairaab kab hu.aa hai
hamesha aa.nsuu piye hai.n us ne hamesha apnaa lahuu piyaa hai
ye bahs chho.Do haraam kyaa hai halaal kyaa hai azaab kyaa hai savaab kyaa hai
sharaab kyaa hai
aziyyato.n se najaat hai ye hayaat hai ye
sharaab-o-shab aur shaa.irii ne ba.Daa sahaaraa diyaa hai mujh ko
sambhaal rakkhaa sharaab ne aur rahii hai mohsin ye raat merii
isii ne mujh ko diye dilaase sunii hai is ne hii baat merii
hamesha mere hii saath jaagii hamesha mere hii saath so.ii
mai.n KHush hu.aa to ye muskuraa.ii mai.n ro diyaa to ye saath ro.ii
ye sher-go.ii hai KHud-kalaamii kaa ik zariiya
isii zariiye isii vasiile se mai.n ne KHud se vo baate.n kii hai.n
jo duusro.n se mai.n kah na paayaa
haraam kyaa hai halaal kyaa hai ye sab tamaashe hai.n muftiyo.n ke
ye saare fitne hai.n maulvii ke
haraam kar dii thii KHud-kushii bhii ki apnii marzii se mar na paa.e
ye mai-kashii bhii haraam Thahrii ki ham ko apnaa lahuu bhii piine kaa haq nahii.n hai
ki apnii marzii se ham ko jiine kaa haq nahii.n hai
kise bataa.e.n
zamiir-o-zarf-e-bashar pe mauquuf hai.n masaa.il
samundaro.n me.n u.nDel jitnii sharaab chaahe
na harf paanii pe aa.egaa aur na us kii taqdiis KHatm hogii
to mai-kashii ko haraam kahne se pahle dekho
ki piine vaale kaa zarf kyaa hai hai.n kis ke haatho.n me.n jaam-o-miinaa
ye nukta-sanjii ye nukta-daanii jo maulvii kii samajh me.n aatii to baat bantii
na diin-o-maz.hab ko jis ne samjhaa na jis ne samjhaa hai zindagii ko
tahuuraa piine kii baat kar ke haraam kahtaa hai mai-kashii ko
jo diin-o-maz.hab kaa zikr aayaa to mai.n ne puuchhaa
ki is havaale se raa.e kyaa hai
ye KHud-parastii KHudaa-parastii ke darmiyaa.n kaa jo faasla hai
jo ik KHalaa hai ye kyaa balaa hai
ye diin-o-maz.hab faqat kitaabe.n
ba-juz kitaabo.n ke aur kyaa hai
kitaabe.n aisii jinhe.n samajhne kii koshishe.n kam hai.n aur ziyaada pa.Dhaa gayaa hai
kitaabe.n aisii ki aam insaa.n ko in ke pa.Dhne kaa haq hai lekin
inhe.n samajhne kaa haq na hargiz diyaa gayaa hai
ki in kitaabo.n pe diin-o-maz.hab ke Thekedaar ijaara-daaro.n kii dastaras hai
isii liye to ye diin-o-maz.hab fasaad-o-fitna bane hu.e hai.n
ye diin-o-maz.hab
jo ilm-o-hikmat ke saath ho to sukuun hogaa
jo dastaras me.n ho jaahilo.n kii junuun hogaa
ye ishq kyaa hai ye husn kyaa hai
ye zindagii kaa javaaz kyaa hai
ye tum ho jii jii ke mar rahe ho ye mai.n huu.n mar mar ke jii rahaa huu.n
ye raaz kyaa hai
hai kyaa haqiiqat majaaz kyaa hai
sivaa.e KHvaabo.n ke kuchh nahii.n hai
ba-juz saraabo.n ke kuchh nahii.n hai
ye ik safar hai tabaahiyo.n kaa udaasiyo.n kii ye rahguzar hai
na is ko duniyaa kaa ilm ko.ii na is ko apnii ko.ii KHabar hai
kabhii kahii.n par nazar na aa.e kabhii har ik shai me.n jalva-gar hai
kabhii ziyaa.n hai kabhii zarar hai
na KHauf is ko na kuchh KHatar hai
kabhii KHudaa hai kabhii bashar hai
hu.aa haqiiqat se aashnaa to ye suu-e-daar-o-rasan gayaa hai
kabhii ha.nsaa hai ye zer-e-KHanjar kabhii ye suulii pe ha.ns diyaa hai
kabhii ye gulnaar ho gayaa hai sinaa.n pe guftaar ho gayaa hai
kabhii hu.aa hai ye Garq-e-dariyaa
kabhii ye taqdiir-e-dasht-o-sahraa
raqam hu.aa hai ye aa.nso.o.n me.n
kabhii lahuu ne hai is ko likkhaa
hikaayat-e-dil hikaayat-e-jaa.n hikaayat-e-zindagii yahii hai
agar saliiqe se likkhii jaa.e ibaarat-e-zindagii yahii hai
ye husn hai us dhanak kii suurat
ki jis ke ra.ngo.n kaa falsafa hii kabhii kisii par nahii.n khulaa hai
ye falsafa jo fareb-e-paiham kaa silsila hai
ki is ke ra.ngo.n me.n ik ishaara hai be-ruKHii kaa
ik isti.aara hai zindagii kaa
kabhii alaamat hai shoKHiyo.n kii
kabhii kinaaya hai saadgii kaa
badalte mausam kii kaifiyat ke hai.n rang pinhaa.n isii dhanak me.n
kashish sharaarat-o-jaazbiyyat ke shoKH ra.ngo.n ne is dhanak ko ajiib paikar ataa kiyaa hai ik aisaa manzar ataa kiyaa hai
ki jis ke sehr-o-asar me.n aa kar
lahuu bahut aa.nkhe.n ro chukii hai.n bahut to biinaa.ii kho chukii hai.n
basaarte.n kyaa basiirate.n bhii to aql-o-daanaa.ii kho chukii hai.n
na jaane kitne hii rang maKHfii hai.n is dhanak me.n
bas ek ra.ng-e-vafaa nahii.n hai.n
is ek ra.ngat kii aarzuu ne lahuu rulaayaa hai aadmii ko
yahii bataayaa hai aagahii ko
ye ik chhalaavaa hai zindagii kaa
hasiin dhoka hai zindagii kaa
magar muqaddar hai aadmii kaa
fareb-e-gandum samajh me.n aayaa to mai.n ne jaanaa
ye ishq kyaa hai ye husn kyaa hai
ye ek laGzish hai jis ke dam se hayaat-e-nau kaa bharam khulaa hai

Tariq Qamar

See All

DICTIONARY MATCHES

REKHTA DICTIONARY

taqsiir

तक़्सीरتَقْصِیر

Arabic

shortcoming

taqdiir

तक़दीरتَقْدِیر

Arabic

the Divine decree, fate, destiny, luck, fortune, predestination

tahriir

तहरीरتَحْرِیر

Arabic

writing

taasiir

तासीरتاثِیْر

Arabic

the making an impression

See All

BOOKS MATCHES FOR "taqsiir"

Al-Akseer Ma Al-Takseer

Maulwi Husain Ahmad

Guftagu Aur Taqreer Ka Fan

Dale Carnegie

Philosophy

Feature Column Aur Tabsira

Mohammad Aslam Dogar

Taqseem-e-Hind Aur Urdu Afsana

Zafar Saeed

Fiction Criticism

Urdu Tahreer, Talaffuz Aur Qwaid

Mohammad Yameen Sanbhli

Jinnah Ittihad Se Taqseem Tak

Jaswant Singh

History

Urdu Zaban: Tareekh, Tashkeel, Taqdeer

Masud Husain Khan

Language

Mumtaz Afsana Nigaron Ke Numainda Mukhtasar Afsane Ma Tabsira

Mohammad Tahir Farooqi

IntiKhab

Television Nashriyat

Anjum Usmani

Journalism

Tahreer-e-Qudrat

Ehtishamuddin Ahmad Ibrat

Qazi Abdul Wadood : Shakhsiyat-o-Khidmaat

Dr. Tahreer Anjum

Biography

Tooba

Shah Baleeghuddin

Talks

Fann-e-Tahreer Ki Tareekh

Hafiz Syed Mohammad Ishaq

History

Taqseem-e-Hind 1947

Mansoor Ahmad

Political

Takhleeq, Takheel Aur Istiara

Moid Rasheedi

Poetry Criticism

MORE MATCHES FOR "taqsiir"

Nazm

wirsa

nau-e-insaa.n ke shab-o-roz kii taqdiir nahii.n

Sahir Ludhianvi

Sher

bevafaa kuchh nahii.n terii taqsiir
mujh ko merii vafaa hii raas nahii.n

Syed Mohammad Meer Asar

Ghazal

maGruur bahut the ham aa.nsuu kii saraayat par
so sub.h ke hone ko taasiir nazar aa.ii

Meer Taqi Meer

Ghazal

ilzaam thaa diye pe na taqsiir raat kii
ham ne to bas havaa ke ta'alluq se baat kii

Parveen Shakir

Ghazal

raqiibaa.n kii na kuchh taqsiir saabit hai na KHuubaa.n kii
mujhe naahaq sataataa hai ye ishq-e-bad-gumaa.n apnaa

Mazhar Mirza Jaan-e-Janaan

Ghazal

vo jo hu.e firdaus-badar taqsiir thii vo aadam kii magar
meraa azaab-e-dar-badrii merii naa-karda-gunaahii hai

Majrooh Sultanpuri

Ghazal

maana-e-dasht-navardii ko.ii tadbiir nahii.n
ek chakkar hai mire paa.nv me.n zanjiir nahii.n

Mirza Ghalib

Ghazal

mujhe ai dil tirii jaldii ne maaraa
nahii.n taqsiir us der-aashnaa kii

Momin Khan Momin

Ghazal

bad kahaa mai.n ne raqiibo.n ko to taqsiir hu.ii
kyuu.n hai baKHsho bhii bhalaa sab me.n buraa mai.n hii huu.n

Meer Taqi Meer

Ghazal

bas is taqsiir par apne muqaddar me.n hai mar jaanaa
tabassum ko tabassum kyuu.n nazar ko kyuu.n nazar jaanaa

Asrarul Haq Majaz

SEARCH RESULTS

POETS/AUTHORS/ARTISTS

MOST RELEVANT MATCHES FOR "taqsiir"

Ghazal

Nazeer Akbarabadi

Nazm

maulana

Habib Jalib

Ghazal

Lala Madhav Ram Jauhar

Nazm

ramayan ka ek scene

Chakbast Braj Narayan

Nazm

jaun-eliya se aaKHri mulaqat

Tariq Qamar

DICTIONARY MATCHES

REKHTA DICTIONARY

taqsiir

taqdiir

tahriir

taasiir

BOOKS MATCHES FOR "taqsiir"

MORE MATCHES FOR "taqsiir"

Nazm

wirsa

Sahir Ludhianvi

Sher

Syed Mohammad Meer Asar

Ghazal

Meer Taqi Meer

Ghazal

Parveen Shakir

Ghazal

Mazhar Mirza Jaan-e-Janaan

Ghazal

Majrooh Sultanpuri

Ghazal

Mirza Ghalib

Ghazal

Momin Khan Momin

Ghazal

Meer Taqi Meer

Ghazal

Asrarul Haq Majaz

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books