کی تلاش کا نتیجه | موضو - نظم, صفحہ ustaad-e-andaliib

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "ustaad-e-andaliib"

نظم کے متعلقہ نتیجہ "ustaad-e-andaliib"

نظم

کاش بھولا ہوا شفقت کا سبق یاد آئے
باپ کے روپ میں اسکول میں استاد آئے

سیدہ فرحت

نظم

اے دوستو ملیں تو بس اک پیام کہنا
استاد محترم کو میرا سلام کہنا

احمد حاطب صدیقی

نظم

وہ غالب وہ شہنشاہ معانی
وہ غالبؔ جس کی عظمت غیر فانی
سلاست اور فصاحت اللہ اللہ
کہ دریائے سخن مانگے روانی
بہت استاد شہ تھے اور ہوں گے
مگر ہوگا نہ کوئی اس کا ثانی

رفعت سروش

نظم

اے عندلیب زیب چمن زینت چمن
ہمدم قلق نصیبوں کی الفت کے ماروں کی
شیریں تری نوا ہے اگرچہ ہے پر خروش
دل کش تری صدا ہے اگرچہ ہے دل خراش
سازوں میں ہے وہ بات کہاں جو کہ تجھ میں ہے
الفت کہاں ہے ان کو کسی سے کہاں ہے لاگ
ہے ہے کسی کے سوز سے ان کو کہاں ہے ساز

عظیم الدین احمد

نظم

حامد نے اک نبی کا قصہ مجھے سنایا
پر بات تھی کچھ ایسی مجھ کو یقیں نہ آیا
امی سے میں نے پوچھا ابو سے میں نے پوچھا
دادا حضور کو بھی سب واقعہ بتایا
استاد محترم سے حاصل کی رہنمائی
اپنے امام صاحب کا در بھی کھٹکھٹایا
پھر انبیا کے قصوں والی کتاب دیکھی
لیکن کہیں بھی ایسا قصہ کوئی نہ پایا
سمجھایا میں نے جا کر حامد کو اس کے گھر پر
یوں مت سناؤ سب کو قصہ سنا سنایا
جو واقعہ سناؤ تحقیق پہلے کر لو
یعنی سہی غلط کی تصدیق پہلے کر لو

احمد حاطب صدیقی

نظم

اے عندلیب گلشن میں ہوں ترا فدائی
اس صوت جاں فزا کی اللہ رے دلربائی
بندہ سمجھ مجھے تو حلقہ بگوش اپنا
تجھ سے کبھی نہ ہوں گا میں طالب رہائی
چھپ کر چمن میں اکثر گلبن کی آڑ سے بھی
پہروں سنی ہے تیری جاں بخش خوشنوائی
مردہ دلوں میں اکثر پھونکی ہے روح تو نے
ہم نے تری صدا کی دیکھی ہے جاں فزائی
اے نغمہ سنج تجھ پر ہے ختم نغمہ سنجی
اک بات میں نے لیکن تجھ میں کبھی نہ پائی
تیری صدائے دل کش پہنچی نہ دور ہرگز
دنیا میں ہر جگہ پر اس کی نہیں رسائی
ممکن نہیں یہ تجھ سے ایسا ترانہ گونجے
بیٹھی رہے یہیں تو لیکن زمانہ گونجے

ماسٹر باسط بسوانی

نظم

احمد ببلو بابو سلمیٰ
ایک جماعت کے یہ بچے
اخلاقی گھنٹے میں دیکھو
جمع ہوئے ہیں اک اک کر کے
نظم و ضبط جماعت میں تھا
اف نہیں کرتا تھا کوئی بچہ
یہ جو کہانی کا تھا گھنٹہ
سب کو شوق کہانی کا تھا
دیکھو کلاس میں استاد آئے
اٹھ کے کھڑے ہوئے سارے بچے
سب نے کیا سلام اب ان کو
بچے تھے سب من کے اچھے
ہم آواز تھا ہر اک بچہ
ہم ہیں کہانی کے سب شیدا
سب نے مل کر کیا تقاضا
ہم کو سنائیے اچھا قصہ
سن کر بچوں سے یہ باتیں
ہو گئے خوش استاد اسی دم
منو چنو منو خوش تھے
قابل دید ہے شوق کا عالم
ٹیچر نے جو چھیڑی کہانی
بچے ہمہ تن گوش ہوئے سب
خاموشی تھی ہر چہرے پر
سب سے کہا یہ ٹیچر نے اب
ایک پہاڑی کے دامن میں
قریہ اک شاداب تھا بچو
گاؤں میں اک چرواہا بھی تھا
ہاں وہ بہت نادان تھا پیارو
روز پہاڑی پر وہ جاتا
بکریاں اپنی خود ہی چراتا
دن بھر ہانکتا وہ گلے کو
شام ڈھلے گھر واپس آتا
اک دن اس کو سوجھی شرارت
رہ رہ کر اس نے چلایا
لوگو آؤ مجھ کو بچاؤ
شیر نے بولا ہے اب دھاوا
لٹھے بھالے برچھیاں لے کر
بھاگے آئے لوگ برابر
پایا سلامت چرواہے کو
کہنے لگا چرواہا ہنس کر
شیر یہاں آیا نہیں کوئی
یوں ہی شرارت میں نے کی تھی
شکریہ آپ یہاں سب آئے
آپ کی ہمدردی ہے سچی
میں نے سب کو یوں ہی پرکھا
امتحاں آپ کی چاہت کا تھا
خوش ہوں آپ کی ہمدردی پر
میں نے پیار سبھوں کا پایا
تھا یہ کرتب چرواہے کا
اس نے الو سب کو بنایا
مایوسی کے ساتھ وہ لوٹے
جھوٹا چرواہے کو پایا

حافظ کرناٹکی

نظم

نہ پوچھ اے ہم نشیں کالج میں آ کر ہم نے کیا دیکھا
زمیں بدلی ہوئی دیکھی فلک بدلا ہوا دیکھا
نہ وہ پہلی سی محفل ہے نہ مینا ہے نہ ساقی ہے
کتب خانے میں لیکن اب تلک تلوار باقی ہے
وہی تلوار جو بابر کے وقتوں کی نشانی ہے
وہی مرحوم بابر یاد جس کی غیر فانی ہے
زمیں پر لیکچرر کچھ تیرتے پھرتے نظر آئے
اور ان کی ''گاؤن'' سے کندھوں پہ دو شہ پر نظر آئے
مگر ان میں مرے استاد دیرینہ بہت کم تھے
جو دو اک تھے بھی وہ مصروف صد افکار پیہم تھے
وہ زینے ہی میں ٹکرانے کی حسرت رہ گئی دل میں
سنا ون وے ٹریفک ہو گئی اوپر کی منزل میں
اگرچہ آج کل کالج میں واقف ہیں ہمارے کم
ہمیں دیوار و در پہچانتے ہیں اور ان کو ہم
بلندی پر الگ سب سے کھڑا ''ٹاور' یہ کہتا ہے
بدلتا ہے زمانہ میرا انداز ایک رہتا ہے
فنا تعلیم درس بے خودی ہوں اس زمانے سے
کہ مجنوں لام الف لکھتا تھا دیوار دبستاں پر
مگر ''ٹاور'' کی ساعت کے بھی بازو خوب چلتے ہیں
کبوتر بیٹھ کر سوئیوں پہ وقت اس کا بدلتے ہیں
اسی مالک کو پھر حلوے کی دعوت پر بلاتے ہیں
وہ حلوہ خوب کھاتے ہیں اسے بھی کچھ کھلاتے ہیں
اگر وہ یہ کہے اس میں تو زہریلی دوائی ہے
مرا دل جانتا ہے اس میں انڈے کی مٹھائی ہے
پھر اس کے بعد بہر خودکشی تیار ہوتے ہیں
وہ حلوہ بیچ میں اور گرد اس کے یار ہوتے ہیں
وہ پوچھے گر کہاں سے کس طرح آیا ہے یہ حلوہ
تو ڈبہ پیش کر کے کہہ دیا اس کا ہے سب جلوہ
کسی کنجوس کے کمرے میں جا کر بیٹھ جاتے ہیں
اور اس کے نام پر ٹک شاپ سے چیزیں منگاتے ہیں
بچارہ جعفریؔ مدت کے بعد آیا ہے کالج میں
اضافہ چاہتا ہے اپنی انگریزی کی نالج میں
ترے سینے پہ جب یاران خوش آئیں کی محفل ہو
تو اے 'اوول' اسے مت بھول جانا وہ بھی شامل ہو

سید محمد جعفری

نظم

اے ملکۂ افکار درخشان تخیل
اے چاندنیٔ ظلمت شب جان تغزل
کس نام کس الفاظ سے میں تجھ کو نوازوں
کس طرح تجھے نظم کے سانچے میں ڈھالوں
مخمل سا بدن نقطہ و خط پھول ہے جس کا
یہ طرز نگارش کہ نظر جھوم رہی ہے
یہ چاند ستارے ہیں تری راہ میں بکھرے
یہ کاہکشاں تیرے قدم چوم رہی ہے
ہر شعر کی تو شان ہے شوکت ہے حشم ہے
موضوع پہ تیرے ہی رواں میرا قلم ہے
تابانیٔ پیشانی سے روشن ہیں ستارے
صہبا سے ہیں لبریز تری آنکھوں کے پیالے
پلکوں کی بناوٹ میں نہاں کاسۂ لب ہے
مینا سے مشابہ ہے صراحی نما گردن
چہرے کی تجلی سے نمود سحری ہے
یہ شام ہے تو تیرے ہی گیسو کے سبب سے
دریا میں تلاطم ہے تو بس تیرے ہی لب سے
قدرت نے سجا رکھے ہیں موتی جو دہن میں
ہے ہیرے زمرد کی مثال ان سے ہی روشن
ہونٹوں سے تبسم کی لہر چھوٹ رہی ہے
عارض کے گلابوں سے شفق پھوٹ رہی ہے
دریائے محبت کے کنارے کی قسم سن
انگشت حنائی کے اشارے کی قسم سن
تو ہے تو مری زندگی آباد بہت ہے
جو تو نہیں تو زندگی برباد بہت ہے
ہے تمکنت فصل بہار ایک تجھی سے
ہر چہرۂ گل پر ہے نکھار ایک تجھی سے
اب ہار ہو یا جیت مجھے اس سے غرض کیا
اک تیرے لیے میں یہ جوا کھیل رہا ہوں
آ دیکھ سلاخوں سے مرے کرب کا عالم
اک عمر سے فرقت کی سزا جھیل رہا ہوں
اے جان بہار آن کے گلشن کو سجا دے
اس اجڑے بیاباں کو چمن زار بنا دے
اے فخر وفا ناز اسد شان تحمل
یہ نظم نہیں جھیل میں کاغذ کی کنول ہے
خرم تو نہیں میں کہ تجھے تاج محل دوں
اے جان غزل تیرے لیے شام غزل ہے
اے ملکۂ افکار درخشان تخیل
اے چاندنیٔ ظلمت شب جان تغزل
کس نام کن الفاظ سے میں تجھ کو نوازوں
کس طرح تجھے نظم کے سانچے میں میں ڈھالوں
قدرت کی بڑی دین ہے تو شے ہی عجب ہے
شاعر کی تمنا ہے تقاضا ہے طلب ہے

اسد رضوی

نظم

ان عقل کے بندوں میں آشفتہ سری کیوں ہے
یہ تنگ دلی کیوں ہے یہ کم نظری کیوں ہے
اسرار اگر سمجھے دنیا کی ہر اک شے کے
خود اپنی حقیقت سے یہ بے خبری کیوں ہے
سو جلوے ہیں نظروں سے مانند نظر پنہاں
دعوائے جہاں بینی اے دیدہ وری کیوں ہے
حل جن کا عمل سے ہے پیکار و جدل سے ہے
ان زندہ مسائل پر بحث نظری کیوں ہے
جو خود کسی پہلو سے کاسہ ہے گدائی کا
ایسے در دولت پر دریوزہ گری کیوں ہے
تو دیکھ ترے دل میں ہے سوز طلب کتنا
مت پوچھ دعاؤں میں یہ بے اثری کیوں ہے
کیا نذر قفس کر دی پرواز کی طاقت بھی
حاصل ہے جب آزادی بے بال و پری کیوں ہے
اے گل جو بہار آئی ہے وقت خود آرائی
یہ رنگ جنوں کیسا یہ جامہ دری کیوں ہے
واعظ کو جو عادت ہے پیچیدہ بیانی کی
حیراں ہے کہ رندوں کی ہر بات کھری کیوں ہے
ہے کون جو یہ پوچھے اس حسن خود آرا سے
ہے جب کہ گریز اتنا پھر جلوہ گری کیوں ہے
ملتا ہے اسے پانی اشکوں کی روانی سے
معلوم ہوا کھیتی زخموں کی ہری کیوں ہے
الفت کو اسدؔ کتنا آسان سمجھتا تھا
اب نالۂ شب کیوں ہے آہ سحری کیوں ہے

اسد ملتانی

نظم

آٹھوں بازار مضافات کو رخصت کرتا
گھنٹہ گھر آج بھی استادہ و مصروف وہیں
آٹھ بازاروں کے ازدحام سے باہر آ کر
وہی درگاہ کی دیوار سے لپٹا پیپل
جس کی شاخوں سے بندھے لاکھوں ہزاروں دھاگے
یاد ہے پچھلے برس
ہم نے بھی باندھی تھی وہیں
سبز دھاگے میں پروئی ہوئی منت کوئی
اسی منت کے ہرے دھاگے کو آدھا کرکے
تم نے باندھا تھا مری زرد کلائی پر بھی
تم کو معلوم ہے
یا تم نے سنا تو ہوگا
وہ جو درگاہ وہاں ہوتی تھی
اب بھی ہے وہیں
اسی دیوار سے لپٹا وہ مقدس پیپل
اس کی جس شاخ پہ منت کی گرہ باندھی تھی
مرے بازو کی طرح
سوکھ گئی ہے وہ بھی

بابر علی اسد

نظم

یہ پیاری اردو کہ جس کا نہیں ہے کوئی بدل
حسین ایسی ہے جیسے جمال تاج محل
ہر ایک دیس نواسی نے پائی یہ میراث
وہ رام ہو کہ کرم سنگھ ہو یا کہ میر غیاث
ہے مسجدوں میں مقدس پوتر مندر میں
ہر اک گلی میں چلن اور گزر ہے ہر گھر میں
وہ جو کہ بولتے ہیں بھانت بھانت کی بولی
تو سنئے ان سے بھی اردو جمع ہو جب ٹولی
کہیں بھی جائیے اردو ضرور پائیں گے
سمجھنے بولنے والے تو مل ہی جائیں گے
ادب میں شعر میں اونچا مقام ہے اس کا
سماج کے سبھی شعبوں میں نام ہے اس کا
زوال اس کو کبھی آئے غیر ممکن ہے
دلوں سے محو یہ ہو جائے غیر ممکن ہے
ہے اس کے نور سے روشن سماج کی دنیا
اسی کے دم سے ہے آباد راج کی دنیا
رہے گا قائم و دائم مدام دنیا میں
چلے گا سکۂ اردو تمام دنیا میں
جو زندہ رہنے کو آئے وہ کیسے ہو برباد
اسدؔ لگاؤ یہ نعرہ کہ اردو زندہ باد

احمد مجددی اسد

نظم

شہ جہاں کا تاج ہے دنیا کے سب محلوں کا شاہ
پیار کا یہ گیت ہے قلب حزیں کی بھی ہے آہ
اک شہنشہ کی محبت ہو گئی ہے لا زوال
پیکر مرمر میں پنہاں ہے نمایاں ہے کمال
چودھویں کی چاندنی میں تاج کا وہ حسن و رنگ
چاند ہے اپنے حریف حسن کے جلوے سے دنگ
زندگی میں چاند سے بڑھ کر حسیں ممتاز تھی
شہ جہاں کی ہم نشیں تھی ہمدم و ہمراز تھی
حسن اس کا آج بھی ہے گوشے گوشے سے عیاں
تاج کے ہر ایک پہلو میں ہے الفت کا نشاں
تاج حسن و عشق کا ہے ایسا اک رنگین خواب
پیش کرنا غیر ممکن ہے اسدؔ جس کا جواب

احمد مجددی اسد

نظم

زلف سیاہ سے ہاری رات
دل نے جبیں سے کھائی مات
آنکھوں سے میخانے ہارے
مے سے بھرے پیمانے ہارے
گال گلابی ناک سڈول
سرخ لبوں کے میٹھے بول
دانت سے موتی شرمندہ
چاند سے بڑھ کر تابندہ
مکھڑا جیسے نور کا تڑکا
ٹھنڈا ٹھنڈا پیارا پیارا
گردن لمبی سینا چوڑا
نور کا یا کافور کا دریا
بانہیں بھاری گول کلائی
طاقت اتنی جن میں سمائی
نور سے پر تھی پنڈلی ساری
بوجھل بوجھل بھاری بھاری
پاؤں جمائے قوم سنبھالے
کالی کملی اوڑھنے والے
رحمت کل محبوب خدا
محبوب خدا تھے حسن میں یکتا
جن کو محمد لوگ پکاریں
اسعدؔ ان پر جان کو واریں

اسعد قادری گورکھپوری

نظم

پیر جوش شباب کیا جانے
شورش اضطراب کیا جانے
سینۂ انقلاب چھلنی ہے
شاعر انقلاب کیا جانے

اسرار الحق مجاز

نظم

بہ ہر آستان بلند از عقیدت
جبین تقدس ہے خم اللہ اللہ

معصوم شرقی

نظم

بسے نہیں تھے یوں ہی تو دل خراب میں آپ
کہ ہر لحاظ سے تھے پردۂ حجاب میں آپ
ہیں آج کشمکش دور انقلاب میں آپ
ہوں ووٹ آپ پہ قربان ہم نہیں سمجھے
معاف کیجیے شریمان ہم نہیں سمجھے

ہلال رضوی

نظم

اے انقلاب دنیا اے گردش زمانہ
اے روزگار فانی سن تو مرا فسانہ
کرتا ہوں میں شکایت یہ تجھ سے دوستانہ
رکھتا نہ تھا جہاں میں میں شوکت شہانہ

مرزا محمد ہادی عزیز لکھنوی

نظم

نہ ایشیا میں نہ یورپ میں سوز و ساز حیات
خودی کی موت ہے یہ اور وہ ضمیر کی موت
دلوں میں ولولۂ انقلاب ہے پیدا
قریب آ گئی شاید جہان پیر کی موت

علامہ اقبال

نظم

جوان خوابوں کے جنگل سے آ رہی ہے نسیم
نفس میں نکہت پیغام انقلاب لیے
خبر ہے قافلۂ رنگ و نور نکلے گا
سحر کے دوش پہ اک تازہ آفتاب لیے

علی سردار جعفری

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے