Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for ".gmz"

Nazm MATCHES FOR ".gmz"

Nazm

KHizr-e-rah

kyaa sunaataa hai mujhe turk-o-arab kii daastaa.n
mujh se kuchh pinhaa.n nahii.n islaamiyo.n kaa soz-o-saaz
le ga.e tasliis ke farzand miiraas-e-KHaliil
KHisht-e-buniyaad-e-kaliisaa ban ga.ii KHaak-e-hijaaz
ho ga.ii rusvaa zamaane me.n kulaah-e-laala-ra.ng
jo saraapaa naaz the hai.n aaj majbuur-e-niyaaz
le rahaa hai mai-faroshaan-e-fara.ngistaan se paars
vo mai-e-sarkash haraarat jis kii hai miinaa-gudaaz
hikmat-e-maGrib se millat kii ye kaifiyyat hu.ii
Tuk.De Tuk.De jis tarah sone ko kar detaa hai gaaz
ho gayaa maanind-e-aab arzaa.n musalmaa.n kaa lahuu
muztarib hai tuu ki teraa dil nahii.n daanaa-e-raaz
guft ruumii har banaa-e-kuhanaa ki-aabaadaa.n kunand
mii na-daanii avval aa.n buniyaad raa viiraa.n kunand
mulk haatho.n se gayaa millat kii aa.nkhe.n khul ga.ii.n
haq tiraa chashme 'ataa kar dast-e-Gaafil dar nigar
momyaa.ii kii gadaa.ii se to behtar hai shikast
mor-e-be-par haajate pesh-e-sulaimaane mabar
rabt-o-zabt-e-millat-e-baizaa hai mashriq kii najaat
asia vaale hai.n is nukte se ab tak be-KHabar
phir siyaasat chho.D kar daaKHil hisaar-e-dii.n me.n ho
mulk-o-daulat hai faqat hifz-e-haram kaa ik samar
ek huu.n muslim haram kii paasbaanii ke liye
niil ke saahil se le kar taa-ba-KHaak-e-kaashGar
jo karegaa imtiyaaz-e-ra.ng-o-KHuu.n miT jaa.egaa
turk-e-KHargaahii ho yaa aaraabii-e-vaalaa-guhar
nasl agar muslim kii maz.hab par muqaddam ho ga.ii
u.D gayaa duniyaa se tuu maanind-e-KHaak-e-raah-guzar
taa-KHilaafat kii binaa duniyaa me.n ho phir ustuvaar
laa kahii.n se Dhuu.nD kar aslaaf kaa qalb-o-jigar
ai ki na-shinaasii KHafii raa az jalii hushiyaar baash
ai giraftaar-e-abuu-bakr-o-alii hushiyaar-baash
'ishq ko fariyaad laazim thii so vo bhii ho chukii
ab zaraa dil thaam kar fariyaad kii taasiir dekh
tuu ne dekhaa satvat-e-raftaar-e-dariyaa kaa 'uruuj
mauj-e-muztar kis tarah bantii hai ab zanjiir dekh
'aam hurriyat kaa jo dekhaa thaa KHvaab islaam ne
ai musalmaa.n aaj tuu us KHvaab kii taa'biir dekh
apnii KHaakistar samundar ko hai saamaan-e-vajuud
mar ke phir hotaa hai paidaa ye jahaan-e-piir dekh
khol kar aa.nkhe.n mire aa.iina-e-guftaar me.n
aane vaale daur kii dhundlii sii ik tasviir dekh
aazmuuda fitna hai ik aur bhii garduu.n ke paas
saamne taqdiir ke rusvaa.ii-e-tadbiir dekh
muslim astii siina raa az aarzuu-aabaad daar
har zamaa.n pesh-e-nazar laa-yuKHlif-ul-mii.aad daar

Allama Iqbal
Nazm

safar

ik manzil ke liye
kitnii manzile.n tai kartaa hai
insaan yahaa.n
do Dhaa.ii gaz zamii.n ke liye
kitnii mushkile.n sar kartaa hai
insaan yahaa.n
azaan se namaaz tak kaa faqat ik safar hai
baaqii safar yuu.nhii bekaar tai kartaa hai
insaan yahaa.n

Fauzia Mughal
Nazm

parinda kamre mein rah gaya

ek aadmii puraane calender par nishaan lagaa rahaa thaa
duusraa nayaa calender haath me.n maro.D rahaa thaa
tiisare kaa chehra chauthe aadmii ke chehre par lag gayaa thaa
aadmii tiin the
ye tiin samte.n chaukor kamre ke KHaalii kone ko
dekh rahii thii.n
inhii tiin samto.n ko kal saaraa shahr ban.naa thaa
vo tiino.n
kamre ke tiino.n kono.n me.n jaa kar kha.De ho ga.e
aur sochne lage
kis kaa konaa hai jo KHaalii rah gayaa hai
achaanak parda hilaa
aur ek parinda
is kone me.n aa kar baiTh gayaa
tiino.n ke mu.nh se niklaa
ma.asuum
unhe.n pataa chalaa ki vo tiino.n vaqt kii qaid me.n the
tiino.n ne aag jalaa.ii
aur bole
aag jalne tak ye samte.n hamaarii rahe.ngii
aag chauthe kone me.n lagaa.ii ga.ii thii
zindagii ke ruKH ba.Dhte jaa rahe the
suuraj ne chaar kirne.n kamre ke andar phe.nkii.n
unho.n ne paa.nch paa.nch gaz kaa sunahrii-pan apne gird lapeTaa
suuraj kii tiin baa.nhe.n TuuT ga.ii.n
unho.n ne apnii ek ek u.nglii kaaTii
aur bole
''ham ne apnii u.ngliyo.n se zindagii kaa sukuut to.Daa
parinda kamre me.n rah gayaa

Sara Shagufta
Nazm

katba

qabr me.n utarte hii
mai.n aaraam se daraaz ho gayaa
aur sochaa
yahaa.n mujhe
ko.ii KHalal nahii.n pahu.nchaa.egaa
ye do-gaz zamiin
merii
aur sirf merii milkiyat hai
aur mai.n maze se
miTTii me.n ghultaa miltaa rahaa
vaqt kaa ehsaas
yahaa.n aa kar KHatm ho gayaa
mai.n mutma.in thaa
lekin bahut jald
ye itminaan bhii mujh se chhiin liyaa gayaa
hu.aa yuu.n
ki abhii mai.n
puurii tarah miTTii bhii na hu.aa thaa
ki ek aur shaKHs
merii qabr me.n ghus aayaa
aur ab
merii qabr par
kisii aur kaa
katba nasb hai!!

Mohammad Alvi
Nazm

jang ka anjam

bahuu kahe ye bu.Dhiyaa merii jaan kii laaguu ban ke rahegii
saas kahe gaz-bhar kii zabaa.n hai apnii mu.nh aa.ii hii kahegii
bahuu kahe jab dekho jab hii KHvaahii naKHvaahii baat ba.Dhaanaa
saas pukaare ai mire allaah tauba bhalii ab tuu hii bachaanaa
bahuu kahe apnaa ghar kaisaa yaa.n to apne bhii hai.n paraa.e
saas kahe jal-bhun ke use to raaj-mahal bhii raas na aa.e
bahuu kahe jis ke haatho.n hai Do.ii usii kaa sab ko.ii hai
saas pukaare jaa.o jii jaa.o paa.nv kii juutii sar pe cha.Dhii hai
bahuu kahe mujh janm-jalii ko kis ke palle baa.ndh diyaa hai
saas kahe ab kaun bataa.e aage jo aayaa hai kis kaa kyaa hai
bahuu kahe ye puut kii dardii bas jo chale to bis hii khilaa de
saas kahe vo baat hai apnii gaalii sune aur phir bhii du.aa de
bahuu kahe ab sar pe pa.Dii hai jaise bhii ho guzar jaa.egii
saas kahe jab dekho is ko duudh maliida hii khaa.egii
bahuu kahe jii jo aataa thaa saas ke saamne bol rahii thii
saas bhii lekin turkii-ba-turkii bhed bahuu ke khol rahii thii
nanhe ne ye mauqa.a taa.Daa jhaT baavarchii-KHaane pahu.nchaa
duudh pe aa.ii thii jo milaa.ii chupke se us ko khaane pahu.nchaa
khaa ke jo lauTaa raah me.n us ne kaalii billii jaate paa.ii
dekh ke us ko Dar ke maare zor kii us ne chiiKH lagaa.ii
ek hii chiiKH ne us kii pal me.n saas bahuu kaa jhag.Daa chukaayaa
dau.Dii bahuu mire laal hu.aa kyaa saas pukaarii haa.e KHudaayaa

Meeraji
Nazm

muslim muslim fasadat

sub.h-dam jo dekhaa thaa
kyaa haraa-bharaa ghar thaa
Daa.nTtii hu.ii biivii
bhaagte hu.e bachche
rassiyo.n kii baa.nho.n me.n
jhuulte hu.e kap.De
bolte hu.e bartan
jaagte hu.e chuulhe
ik taraf ko gu.Diyaa kaa
adh-banaa gharau.ndaa thaa
duur ek kone me.n
cycle kaa pahiyaa thaa
murGiyo.n ke Darbe the
kaabuke.n thii.n, pi.njraa thaa
tiis gaz ke aa.ngan me.n
sab hii kuchh to rakkhaa thaa

Zehra Nigaah
Nazm

lekin

kaalii ainak lagaa.e ghuumte rahnaa suuraj me.n sa.Dko.n par hoTalo.n me.n
theatero.n me.n masjido.n me.n dukaano.n me.n railway platform par
bhaTiyaar galiyo.n me.n shaamil honaa bujhe bujhe chehro.n vaalii bhii.D me.n taakte rahnaa
safed diivaaro.n ko akele laaya.anii hai sab kuchh aur jo dikhaa.ii detaa hai
vo nahii.n hai phir bhii dikhaa.ii detaa hai ko.ii farq nahii.n pa.Dtaa paa.nv hai.n juraabe.n
na hone se life aur Time na pa.Dhne se yahii kyaa kam hai ki sub.h se
shaam tak jam.a karte hai.n lafzo.n ko radio sunte hai.n aur dekhte hai.n mire
hu.e kabuutar kii aa.nkh school se lauTte hu.e bachche sharaab kii jhiil me.n tairte
shikaare pachaas se kam sher kii Gazal nahii.n likhte firaaq aaj bhii qabaa.ilii
kamar se baa.ndhe phirte hai.n chaale.n gaz kii shalvaar kyaa hotaa hai naam se
yaa sher kahne se yaa din-bhar uu.nghte rahne se yaa kitaabe.n suu.nghne se
taash khelne kaa maza hii aur hai ahamadabaad ho yaa lahore har jagah hotaa hai
suuraj ghar baiThe ga.ngaa hai bhaa.ii congress me.n phuuT pa.De yaa saat
hazaar insaan maar diye jaa.e.n bhuuke uThte hai.n har sub.h bistar se kisii ne
dekhe hai.n baiket aur picasso kabaDDii ke maidaan me.n yaa gambarsong ko
istirii karte hu.e nickson se le kar muraar-jii tak ko.ii bhii rok na sakaa
chhii.nk aur khaa.nsii ab aa.nkhe.n khol diijiye hazrat dekhiye puuraa
america chhii.nk rahaa hai khaa.ns rahaa hai idhar dekhiye ye hindostaan
bhii chhii.k rahaa hai khaa.ns rahaa hai khaa.ns rahaa hai chhii.k rahaa hai
kahaa.n se shuruu.a hu.ii hai taariiKH aur kahaa.n jaa kar ruknaa hai logo.n ko
udaas rahtii hai.n haamila aurte.n bas aur cinema kii qataar me.n gher rakkhii hai
zamiin bhikaariyo.n ne aur ma.ngaa.o charas aur gaa.njaa phir bhii alag karnaa mushkil
hai puraanii ko new-delhi se laasho.n ko dekh kar mahfuuz nahii.n hote tum kaise
aadmii ho kahaa.n ga.ii.n vo tavaa.ife.n kahaa.n ga.e vo qavvaal ma.anii to har lafz
me.n maujuud hai lekin

Adil Mansuri
Nazm

aks-rez

sub.h ke tiin bajne vaale hai.n
nii.nd hai duur merii aa.nkho.n se
karvaTe.n yuu.n badal rahaa huu.n mai.n
aaKHirii raat jaise rogii kii
chaa.ndnii ris rahii hai khi.Dkii se
ok me.n bhar ke pii rahaa huu.n mai.n
yaad sii aa rahii hai bachpan kii
aasmaa.n bhar rahaa hai taaro.n se
jhii.nguro.n kii sadaa hai kaano.n me.n
jugnu.o.n kii ka.ii qataare.n hai.n
ik chataa.ii bichhii hai aa.ngan me.n
jis pe leTe hu.e hai.n baabuu-jii
paas baiThaa hu.aa huu.n mai.n un ke
gin rahaa huu.n hasiin taaro.n ko
ek hairat hai merii aa.nkho.n me.n
saat yaa aaTh kaa rahaa huu.ngaa
saamne mere tho.Dii duurii par
ek chuulhaa hai KHaas miTTii kaa
khiir puurii pakaa rahii hai maa.n
man hii man gungunaa rahii hai maa.n
ghar ke chaukhaT ke paas hii maddhyam
ik nayaa laalTain jaltaa hai
duusrii samt mere aa.ngan ke
saath bachh.De ke gaay baiThii hai
kar rahii hai jugaalii dhiire se
yaad ab miT rahii hai bachpan kii
sub.h ke paa.nch baj chuke hai.n aur
chaa.ndnii jaa chukii hai kamre se
uu.nghtaa hai vo aaKHirii taara
shor karne lage hai.n kuchh panchhii
ik mu.azzin azaan detaa hai
baat kuchh aur der kii hii hai
surKH suuraj dikhaa.ii degaa ab
phail jaa.egii dhuup aahista
aur mai.n roz kii tarah apnii
laash haatho.n me.n KHud uThaa.uu.ngaa
aur bhaTkuu.ngaa shahr me.n din-bhar
sirf do gaz kafan kii KHaatir par
kaun jaane kafan mile na mile
ruuh ko ik badan mile na mile

Tripurari
Nazm

hathini dulhan bani hai

taaza KHabar milii hai
hathinii dulhan banii hai
sau gaz kaa hai Garaara
das gaz kaa hai dupaTTaa
kurtaa hai tambuu jaisaa
aa.e kahaa.n se juutaa
hai Dhol jaisii nthunii
pahne hai jis ko hathinii
kaano.n me.n hai jo bunde
jaise Truck ke pahiye
suntaa hai jo bhii banda
sun kar yahii hai kahtaa
aisii kahaa.n hai Dolii
baiThegii jis me.n hathinii

Kaifi Sanbhali
Nazm

sharik-e-hayat

aadhii roTii
bistar ke aaKHirii kone
ek chhaTaa.nk mohabbat
do gaz chaadar
aur tiin chuTkii izzat
ke evaz aurat ne
ek adhuure mard ko
apnii puurii hayaat me.n shariik kar liyaa

Nahid Akhtar Balooch
Nazm

murda logon ki taswiri numaish

ab kisii bhii naam kaa jangal pukaare
maut par phailaa ke naachtii hai
aur ham du.aa.iyaa haatho.n me.n qabr khodne ke liye
zamiin Dhuu.nDte hu.e
apne jismo.n me.n dafn KHairaatii saa.nso.n pe paltii
zindagii ke gaz naapte hai.n
ham siyaah labo.n se niklii hu.i bad-du.aa.o.n kaa
vaqt-e-qubuuliyat hai.n
isii liye to nishaana-baaz maut hame.n
ibaadat-gaaho.n me.n bhii Dhuu.nDh letii hai

Sidra Sahar Imran
Nazm

a-k-shaiKH ke peT ka kutta

raat bhar kuttaa us ke peT me.n bhau.nk rahaa thaa
kaisii kaisii aavaaze.n thii.n
bhau.n bhau.n bhau.n bhau.n
vuu.n vuu.n vuu.n vuu.n
saaraa kamra us kii paagal aavaazo.n se
vuu.n vuu.n kartaa haa.np rahaa thaa
gaz-bhar lambii surKH zabaa.n bhii
us ke halq se nikal rahii thii
raale.n mu.nh se Tapak rahii thii.n
hilte kaan aur hiltii dum se
kuttaa bhau.n bhau.n bhau.n bhau.n kartaa
us ke peT me.n bhau.nk rahaa thaa
vo soyaa thaa gahrii nii.nd me.n
kuttaa suu.ngh ke gosht kii KHushbuu
KHvaab se yak-dam jaag uThaa thaa

Tabassum Kashmiri
Nazm

ek gaz ki zaban

ishq kaa mezbaan hai pyaare
husn kii bas ye shaan hai pyaare
terii sheKHii kaa kyaa asar hogaa
teraa aashiq paThaan hai pyaare
jo tire husn kaa bane ulluu
vo ba.Daa bhaagvaan hai pyaare
phiikaa pakvaan kyo.n na ho aaKHir
terii uu.nchii dukaan hai pyaare
ishq me.n aur kyaa ho habs-e-davaam
hijr KHud andaman hai pyaare
qad to baalisht-bhar kaa hai teraa
ek gaz kii zabaan hai pyaare
haa.n tabii.at harii mai.n kar duu.ngaa
mere bangle me.n lawn hai pyaare
mujh se achchhaa to Gair hii niklaa
jo tiraa feel-baan hai pyaare
tere abbaa se hogaa interview
kal miraa imtihaan hai pyaare
tujh ko mujh se yaqiin-e-tark-e-vafaa
aur mujh ko gumaan hai pyaare
shauq se khaa jo tujh ko aa.e pasand
ye paraaThaa ye naan hai pyaare
iid-e-qurbaa.n pe kii hai qurbaanii
le ye bakre kii raan hai pyaare
jis ko kahtaa hai tuu 'zariif' zariif
vo zaraafat kii jaan hai pyaare

Zareef Jabalpuri
Nazm

aashiq aur KHuda

ulfat kii zindagii me.n do gaz kaa faasla hai
dono.n ke biich ek ibaadat kaa silsila hai

Sardar Panchhi
Nazm

culture

ko.ii to baddu.aa kalima bane
dil hajla-jaa.n me.n sitam kii chaar gaz Dorii se lipTaa
charKH-chuu.n phirtaa hai

Abdur Rasheed
Nazm

itna kiya ki rah mein kanTa nahin hue

itnaa kiyaa ki raah me.n kaa.nTaa nahii.n hu.e
itnaa rahe ki aa.nkh me.n aa.nsuu ugaa liyaa
itnaa khile ki dard me.n taaza rahii ha.nsii
itnaa miTe ki paa.nv ne do gaz bachaa liyaa

Renu Sharma
Nazm

chuha bahadur

kattar ek milii chuuhe ko sochaa us ne kyaa banvaa.e
dil me.n sochaa goTe vaalii Topii liijiye ik banvaa.e
gayaa dau.Dtaa darzii ke ghar bolaa Topii kar tayyaar
mujh ko raaj-kumaarii lene jaanaa hogaa nadiyaa paar
darzii bolaa bhaag yahaa.n se na kar tuu mujh se takraar
chuuhe jii ko buraa lagaa ye darzii kaa siidhaa inkaar
Gusse se chuu.n chuu.n chuu.n kar ke apne tiikhe daa.nt dikhaa.e
kap.De kaT jaane ke Dar se ab to darzii jii ghabraa.e
kap.Daa de kar darzii ke ghar chuuhaa gayaa ba.De baazaar
bolaa jauharii se ai bhaa.ii de sachchaa goTaa gaz chaar
mujh ko raajkumaarii lene jaanaa hogaa nadiyaa paar
jauharii bolaa bhaag yahaa.n se na kar tuu mujh se takraar
Gusse se chuu.n chuu.n chuu.n kar ke apne tiikhe daa.nt dikhaa.e
goTaa kaT jaane ke Dar se ab to jauharii jii ghabraa.e
goTaa le kar darzii ke ghar pahu.nchaa Topii thii tayyaar
Taa.ng diyaa darzii ne jhaT-paT Topii par goTaa gaz chaar
Topii o.Dh chuuhaa itraayaa banaa chakoraa baaram-baar
phir apnii lambii sii dum me.n baa.ndhii chhoTii sii talvaar
mochii ko bhii dhamkaa kar ke juute chaar liye banvaa.e
raaja jaan sabhii chuuho.n ne pair chhu.e aur siis navaa.e
bolaa chuuhaa chuu.n chuu.n chuu.n chuu.n bhaarii fauj karo tayyaar
mujh ko raajkumaarii lene jaanaa hogaa nadiyaa paar
idhar udhar se yahaa.n vahaa.n se nikle chuuhe chaar hazaar
sab se aage chuuhaa raaja pahu.nche Topii le talvaar
nadiyaa aa.ii kuude raaja chhoTii sii chhaatii phulaa.e
Duub ga.e pal bhar me.n bhaa.ii chuuhe bole haa.e haa.e

Farhat Qamar
Nazm

faiz ke nam

fikr-e-ma.aal hai kise fardaa kii fikr hai
do gaz zamii.n bahut hai mire jism ke liye
vaqt-e-safar na puuchhiye kyuu.nkar ki ham chale
'ahd-e-vafaa ko to.D ke qaid-e-jafaa hu.e
manzil tumhaarii aaKHirash aisii na thii kabhii
kahte na the ki aasmaa.n ro.egaa ek din
ahl-e-sitam kafan ko bhii tarse.nge ek din
daar-o-rasan kii bazm sajegii na phir kabhii
maqtal me.n hogii chaar-suu haq aur sach kii dhuum
ik din havaa ke zor ko honaa hai KHatm-shud
baad-e-sabaa machal ke sunaa.egii ye KHabar
ruKHsat KHizaa.n kaa baaG-e-jahaa.n se nasiib hai
ab jashn-e-nau-bahaar kii aamad qariib hai

Ahmar Nadeem
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now