Search result for "Dol" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "Dol"

Nazm MATCHES FOR "Dol"

Nazm

chup

raat kii kaalii baarish ne
chehro.n kii vardii
kiicha.D se bhar dii hai
mere siine ke pinjre me.n
KHuun kaa gardish karne vaalaa laTTuu
nafrat ke paudo.n ke uupar
ghuum rahaa hai
tum ne aise kaa.nTe
merii shiryaano.n me.n bo.e hai.n
aisii dopahro.n kii zardii
mere gaalo.n pe liipii hai
ki mai.n bistar kii shikno.n me.n
apnii aa.nkhe.n bo kar rotaa huu.n
pahlii baar jab Gam kii putlii qaash ko
chehre se nochaa thaa
jab Gurbat ke auraaq
havaa me.n u.Dte the
jab KHaalii me.ade kii tasviir banaa kar
us me.n chiize.n rakhtaa thaa
phaTe hu.e kap.Do.n me.n jab
tasviir chhupaa kar rakhtaa thaa
merii shahvat
ku.nvaar pane kii dahliizo.n par
apnaa KHutba likhtii thii
biis baras un galiyo.n kii diivaaro.n se
Takraa Takraa kar
mere ka.ndhe ret ke pushte ban kar
Dhete jaate hai.n
mai.n jo terii raano.n ke jangal me.n
kaale phuul ko to.Dne niklaa thaa
ab dekh rahaa huu.n
dil kii korii miTTii me.n
tere jism kii patlii shaaKHe.n ugii hu.ii thii.n
aur ik aavaara sannaaTaa
chhato.n par bhaarii qadmo.n se
ba.Dii aahistagii ke saath chaltaa hai
to vo chupke se mere paas aatii hai
aur apne dhiime lahje me.n
vo saarii daastaane.n kah sunaatii hai
jinhe.n sun kar mai.n dhiimii aa.nch par
pahro.n sulagtaa huu.n
kisii girje ke viiraa.n lawn me.n
jab january
apne sunahrii gesu.o.n ko khol kar
ko.ii puraanaa giit gaatii hai
to vo ik an-chhuu.ii nan kii tarah
patthar ke bencho.n par
mire kaa.ndhe par sar rakhe
mire chehre pe apnii u.ngliyo.n me.n
kabhii jab shaam rotii hai
siyah kaafii ke pyaalo.n se
lapaktii bhaap me.n
phir aa.ndhii kii aamad se aisii gard hu.ii
aisaa habs mirii saa.nso.n me.n phailaa
tere jism kii kashtii me.n
mai.n apne kap.De bhuul aayaa
par tum ne aadhii raat ko aisii chuTkii lii
nii.nd kii Dholak
ghuTno.n kii zarbo.n se chaknaachuur hu.ii
ab mu.nh se shiira bahtaa hai
un zaKHmo.n kaa
jin ke Taa.nke andar hii andar TuuTe hai.n
bijlii kii taaro.n ke uupar
kavve qataar me.n baiThe hai.n
baarish ke paanii me.n jin ke
askarii baazuu hilte hai.n
raano.n kii ye niilii variide.n
jin me.n du.aa kaa naqshii kuuza
ulaT gayaa hai
mai.n ne un galiyo.n me.n
apne marne kii afvaah sunii hai
KHush-ilhaan mo.azzin kii
aavaaz se chi.Diyaa.n u.Dtii hai.n
ai rasto.n kii raadhaa
tere vasl kii KHaatir
jism ke nijii hisse dho kar
lauT ke phir mai.n aayaa huu.n

Abdur Rasheed

Nazm

dekho meri barbie-doll

dekho merii barbie-doll
dekho merii barbie-doll
niilii niilii aa.nkhe.n is kii
KHuub sunahre baal
dekho merii barbie-doll
kap.De is ke rang ra.ngiile
ujle ujle aur chamkiile
aa.nkho.n ko maTkaatii hai ye
baalo.n ko lahraatii hai ye
achchhe achchhe pyaare pyaare
kyaa kyaa giit sunaatii hai ye
duniyaa bhar kii gu.Diyaa.o.n me.n
is kii nahii.n misaal
dekho merii barbie-doll
dekho merii barbie-doll

Amjad Islam Amjad

Nazm

padash

kabhii is subuk-rau nadii ke kinaare ga.e hii nahii.n ho
tumhe.n kyaa KHabar hai
vahaa.n an-ginat khurdure pattharo.n ko
sajal paaniyo.n ne
mulaa.em rasiile, madhur giit gaa kar
amiT chiknii golaa.iyo.n ko adaa sau.np dii hai
vo patthar nahii.n thaa
jise tum ne be-Dol, an-gha.D samajh kar
puraanii chaTaano.n se Takraa ke to.Daa
ab us ke sulagte taraashe
agar paa.nv me.n chubh ga.e hai.n to kyuu.n chiiKHte ho?

Shakeb Jalali

Nazm

nazm

KHaanis-pur kii vaadii me.n
shaam ke jhuTpuTe me.n
ek chashme ke kinaare baiThe hu.e
jab tum ne...
apnii pi.nDliyo.n ko barahna kiyaa thaa
to dhu.ndlaate daraKHto.n me.n
raushnii sii phail ga.ii thii
tumhaare lams se
chashme kaa paanii
shaffaaf lahro.n me.n machal uThaa thaa
jin me.n meraa aks....
aaj bhii Dol rahaa hai

Khaleel Afraz

Nazm

KHwab

jaane kitne sapne dekhe
jiivan ke is ruup nagar me.n
varshaa rut me.n jaise musaafir
priit-Dagar par prem-safar me.n
sapne jin me.n komal pariyaa.n
par phailaa.e Dol rahii hai.n
aashaa.o.n ke giit kii lai par
amrit-ras ko ghol rahii hai.n
mai.n ne sochaa miit sabhii hai.n
ye saaraa sansaar hai apnaa
saare jag kii riit yahii hai
ka.Dvii nii.nde.n miiThaa sapnaa
dhartii kii is phulvaarii me.n
chaa.nd sitaaro.n ke darpan me.n
mai.n ne dekhii apnii chhaayaa
jag me.n sab apne hai.n to phir
ko.ii kisii kaa bairii kyo.n ho
ho.nTo.n par muskaan to bikhre
man me.n uljhan Therii kyo.n ho

Jauhar Rahmani

Nazm

najm-e-sahar

vaqt-e-sahr, KHaamosh dhu.ndlakaa ek sitaara kaa.np rahaa hai
jaise ko.ii bosiida kashtii tuufaano.n me.n Dol rahii ho
ko.ii diyaa raushan ho jaise qabristaan me.n taaq-e-lahad par
jis kii lau anjaam ke Dar se ghaTtii ho aur tharraatii ho

Rifat Sarosh

Nazm

mahbuba bhi aisi ho

duur kahii.n
koyal kii kuu-kuu guu.nj rahii hai
niil gagan pe kaale baadal Dol rahe hai.n
aur kheto.n me.n paglii pavan
hare-bhare makke ke mukh ko chuum rahii hai
ik aashiq jo mahbuuba se bichha.D gayaa hai
uu.nchii faslo.n baa.ns ke jhun.Do.n me.n vo us ko Dhuu.nD rahaa hai
kaash ki meraa gaa.nv ho aisaa
mahbuuba bhii aisii ho
ra.ng-bira.ngii titliyaa.n u.D kar jis kaa pata bataatii huu.n

Abu Bakr Abbad

Nazm

punctuation

tumhe.n bhejuu.n kitaab-e-zindagii apnii
zaraa tartiib de denaa
jahaa.n par baat mub.ham hai jise tafsiil laazim hai
vahaa.n par haashiya denaa
kahii.n gar do mukammal lafz ikaTThe ho ga.e ho.n to ye qurbat Gair-fitrii hai
zaruurii hai munaasib faasla denaa
jahaa.n par KHatm hotaa ho ko.ii dard-aashnaa jumla
faraamoshii kaa nuqta sabt kar denaa
vahii.n par KHatm kar denaa
na.e auraaq me.n le kar nahii.n chalnaa
adaq sii istelaahe.n hai.n ka.ii jin ko samajhne se
mai.n qaasir aaj tak huu.n
phir ba.De uljhaa.o hai.n jin kaa siraa ab tak nahii.n miltaa
tumhe.n laazim hai vahdaanii KHato.n me.n un kaa matlab khol kar likhnaa
maqaam aise bhii hai.n jin par qadam yuu.n Dagmagaa.e the
ki shaano.n par rakhii saarii imaarat Dol jaatii thii
unhe.n vaaviin de denaa
ka.ii KHushiyo.n kii satre.n thii.n
jo Gam-a.ngez pairo.n me.n kahii.n mil-jul ga.ii hai.n
chhaa.nT kar un ko alag karnaa
nayaa unvaan de denaa

Saima Esma

Nazm

raziya-sultana korangi, ke area

aur phir ek itvaar ko
us ke dono.n ba.De bhaa.iyo.n bhabiyo.n ne
hisaab aur chuulhe alag jab kiye
us ne ammaa.n ko KHud-e'timaadii se dekhaa
ki ab us ke apne dupaTTe qamiis aur shalvaar chappal ke jo.De
namak mirch aaluu maTar pyaaz lahsan chuqandar TamaaTar
podiina, ka.Dhii paat ziira, masaale,
chune muu.ng maash aur masur, saarii daale.n
mahiine me.n do baar qiima yaa murGii kaa saalan
chhaTii class me.n pa.Dhne vaale Gabii chhoTe bhaa.ii kii Tuition
kitaabo.n kaa KHarcha
ye sab us akelii kii hai zimmedaarii

Harris Khalique

Nazm

jab main apne andar jhank raha tha

jab mai.n apne andar jhaa.nk rahaa thaa
ek ku.aa.n thaa
Dol mai.n us me.n Daal rahaa thaa
ik rassii saa.nso.n kii
mere ashko.n me.n bhiigii
uupar niiche aatii jaatii

Mushaf Iqbal Tausifi

Nazm

rag gyan

saa.njh savere mauj me.n apnii
bahtaa jaa.e vaqt kaa dhaaraa
jaise saagar gahraa
jaane kahaa.n hai manzil us kii
jaane kahaa.n kinaaraa
vaqt ke is gahre saagar me.n
Dol rahii hai jiivan naav
piichhe bhii ma.njdhaar hai is ke
aage bhii ma.njdhaar hai is ke
aur is naav me.n baiThaa hai ik sansaar
jaane ko us paar
aur ye naav pal ke pal me.n
yuu.n khaa.e hachkole
shaam ke ba.Dhte a.ndhiyaaro.n me.n
binaa piriitam jaise
taarii kaa man Dole
naav me.n baiThe saare musaafir
hai.n ik gahrii soch me.n gum
lekin sab ke dil me.n khile hai.n
kuchh aashaa ke phuul
jin par jamtii jaa.e pal pal
ek niraash kii dhuul
jis ke kaaran ho jaataa hai jiivan
bhaag bhaag me.n likkhii bhuul
lekin kaun ye jaane
kis ke bhaag me.n likkhe hai.n
kis kis ke dukh-sukh ke bhed
kis ke haath kii rekhaa.o.n me.n
pyaas likhii hai
kis kii qismat me.n paimaane
kaun ye jaane
aur agar kuchh jaan bhii jaa.e ko.ii
apnii rekhaa.o.n me.n likkhii pyaas na ko.ii maane
lekin chaahe ko.ii maane, chaahe ko.ii na maane
saa.njh-savere mauj me.n apnii
bahtaa jaa.e vaqt kaa dhaaraa
aur is dhaare sang chalii hai
Dag-mag Dag-mag jiivan naav

Mubeen Mirza

Nazm

fusun-e-KHwab

ba-ra.ng-e-kaif-o-sarshaarii hadiis-e-dil kaho hamdam!
hama-tan gosh hai saa.at
sharaab-e-shab utartii hai bahut aahista aahista
sifaal-e-KHvaab me.n maddham
tumhe.n is pal ijaazat hai
kaho! yuu.n KHalvat-e-jaa.n me.n bilorii.n chuu.Diyaa.n chhan chhan chhanaktii shor kartii hai.n
miraa dil Dol jaataa hai
vufuur-e-husn me.n lipTii tumhaarii ambarii.n zulfe.n...
dh.Daknaa bhuul jaataa hai
kaho! kaajal siyah kaajal dhanak ra.ngo.n kaa mela hai
kaho! pore.n KHayaalo.n kii sunahrii jild me.n jalte diyo.n par raqs kartii hai.n
suraahii-daar gardan par damaktii nuqra.ii maalaa... tumhaare kaan kii baalii... ye jaaduugar!
ye ishva-gar
talab kii be-zabaanii ko ataa karte hai.n goyaa.ii
tumhe.n is pal ijaazat hai
kaho yuu.n bhed ke jaise saraktaa raat kaa aa.nchal havaa me.n sarsaraataa hai
sitaaraa shauq kaa merii nazar me.n jhilmilaataa hai
kaho! naa mausam-e-gul hai, gulaabo.n kii qataaro.n me.n damakte shabnamii lamhe
tumhaare lams ke pyaase
bahr mauj-e-nafas Thahraa sukuut-e-shauq kaa mausam tumhe.n aavaaz detaa hai
tamannaa giit kii suurat labo.n par gungunaatii hai
mohabbat be-muhaabaa ek lamhe ko tarastii hai
tamannaa be-KHabar! Gaafil...
fusuun-e-KHvaab kii muddat bahut tho.Dii bahut kam hai

Naina Adil

Nazm

kirnon ki shahzadi

niil-gagan ke saagar me.n ye chaa.nd kii kashtii Dol rahii hai
jaise ek sunahrii titlii u.Dne ko par taul rahii hai
log ye kahte hai.n kashtii me.n chaa.nd kii bu.Dhiyaa hotii hai
raato.n ko jaagaa kartii hai aur din bhar vo sotii hai
lekin mai.n ne ye bhii sunaa hai chaa.nd me.n ik aabaadii hai
is kashtii ko khene vaalii kirno.n kii shahzaadii hai
ye shahzaadii a.ndhiyaare kaa raaj miTaane aatii hai
raat ke dar tak ujiyaare kaa diip jalaane aatii hai
ye shahzaadii sub.h ko nazro.n se ojhal ho jaatii hai
aur kisii gumnaam jaziire me.n jaa kar so jaatii hai
mai.n bistar par chup leTaa huu.n raat jahaa.n se bhaag rahii hai
kirno.n kii shahzaadii lekin sub.h kii fikr me.n jaag rahii hai

Ahmad Wasi

Nazm

saheli bujh paheli

parcham sar-e-maidaan-e-viGaa khol rahaa hai
mansuur ke parde me.n KHudaa bol rahaa hai
kyaa sail-e-baGaavat hai muriido.n kii safo.n me.n
piiraan-e-tahii-dast kaa dil Dol rahaa hai
ai vaa.e sabaa aqrab-e-jarraara chaman me.n
sarsar ke ishaaraat pe bis ghol rahaa hai
afrang ke deriina Gulaamo.n kii razaa par
KHud piir-e-haram band-e-qabaa khol rahaa hai
kuchh baat hii aisii hai ki paimaana-e-zar me.n
ik rind-e-tunuk-zarf lahuu tol rahaa hai
buz-Gaala-e-afrang shaGaalo.n ke jilau me.n
kis ThaaTh se zarGaam-sifat bol rahaa hai
taariiKH ke viiraana-e-aabaad me.n 'shorish'
kuchh qiimtii motii hai.n qalam rol rahaa hai

Shorish kashmiri

Nazm

mel utarna mushkil lagta hai

saabun ke jhaag ke bulbule tezii se
us par phuuTte rahte hai.n
aur phir be-ha.ngam kuulho.n kii
baarii aatii hai
kabhii jab me.n chaltii thii
to sar-phire palaT palaT kar
un ke utarne cha.Dhne ko
ghuurte rahte the
naaf se le kar naaKHuno.n tak
saabun be-Dol jhaag banaataa hai
jhaag aur poro.n kii aa.nkh-micholii
jo mel pasiina ban kar bah jaatii hai
ab jism se mel utaarnaa
mushkil lagtaa hai

Azra Abbas

Nazm

ghungru khol zara

puuran-maashii raat sajii jab
saath zamii.n bhii Dol pa.Dii
ik muurat aaKHir bol pa.Dii
ik baar nahii.n sau baar nahii.n
kyo.n chaahat kaa iqraar karuu.n
kyo.n raqs ko apne aam karuu.n
jis kaam kaa haasil ko.ii na ho
kyo.n aisaa ko.ii kaam karuu.n
kyo.n aisaa ko.ii kaam karuu.n

Humaira Gul Tishna

Nazm

iztirab

kitnii hii so.ii dopahro.n me.n
kitnii hii jaltii raato.n me.n
har KHvaab adhuuraa
mu.D mu.D kar
jaane kyaa Dhuu.nDaa kartaa hai
kuchh bhiige pal
bojhal qadmo.n kii chaap liye
hairaan pareshaa.n
puuchhte hai.n
ye mo.D kahaa.n tak jaataa hai
kuchh be-ha.ngam sii tasviire.n
dhundlii dhundlii
be-Dol se kuchh lambe saa.e
viiraan humaktii tanhaa.ii
ummiid ke raushan-daano.n se
kyaa manzar dekhaa kartii hai
sannaaTe ke is shor me.n bhii
mauhuum sii ek ummiid kabhii
karvaT karvaT KHud se puuchhe
aavaaz abhii jo guu.njii thii
vo baa.ng-e-jaras thii
yaa ko.ii
paazeb kahii.n Takraa.ii hai

Salman Ansari

Nazm

uf ye pabandiyan

ThanDaa ThanDaa rahne do naa
tub me.n baiThaa rahne do naa
paanii bahtaa rahne do naa

Muzaffar Hanfi

Nazm

pani

paanii se huvaidaa hotii hai duniyaa me.n KHudaa kii rahmat bhii
paanii me.n dikhaa.ii detii hai tasviir-e-azaab-o-la.anat bhii
paanii kii badaulat miltii hai insaa.n ko Gizaa kii ne.amat bhii
sailaab kii suurat me.n paanii laataa hai jahaa.n par aafat bhii
ik jhiil ke gahre paanii par is vaqt jamii hai merii nazar
afkaar hai.n Daa.nvaa-Dol mire jazbaat hai.n mere zer-o-zabar
mai.n KHushii KHushii utruu.n is me.n aur sat.h pe tairuu.n ha.ns ha.ns kar
yaa Duub ke is kii lahro.n me.n paa jaa.uu.n Gam-e-hastii se mafar

Akhtar Bastavi

Nazm

aql baDi be-rahm thi usne

dil ko us ke dukh kii gha.Dii me.n
tanhaa chho.D diyaa
jism ne lekin saath diyaa
dukh ke gahre saagar me.n
dil ko chhaatii se lipTaa.e
jism kii kashtii
hol rahii hai Dol rahii hai
aql kinaare par baiThii
miiThaa miiThaa bol rahii hai
duniyaa ke ha.ngaamo.n me.n
ulTii jast lagaane ko
baazuu apne taul rahii hai

Khurshid Akram

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now