Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "KHaanqaaho.n"

Nazm MATCHES FOR "KHaanqaaho.n"

Nazm

ek laDka

dayaar-e-sharq kii aabaadiyo.n ke uu.nche Tiilo.n par
kabhii aamo.n ke baaGo.n me.n kabhii kheto.n kii me.nDo.n par
kabhii jhiilo.n ke paanii me.n kabhii bastii kii galiyo.n me.n
kabhii kuchh niim uryaa.n kam-sino.n kii ra.ng-raliyo.n me.n
sahar-dam jhuTpuTe ke vaqt raato.n ke a.ndhere me.n
kabhii melo.n me.n naaTak-Toliyo.n me.n un ke Dere me.n
ta.aaqub me.n kabhii gum titliyo.n ke suunii raaho.n me.n
kabhii nanhe parindo.n kii nahufta KHvaab-gaaho.n me.n
barhana paa.nv jaltii ret yaKH-basta havaa.o.n me.n
gurezaa.n bastiyo.n se madraso.n se KHaanqaaho.n me.n
kabhii ham-sin hasiino.n me.n bahut KHush-kaam o dil-rafta
kabhii pechaa.n baguula saa.n kabhii jyuu.n chashm-e-KHuu.n-basta
havaa me.n tairtaa KHvaabo.n me.n baadal kii tarah u.Dtaa
parindo.n kii tarah shaaKHo.n me.n chhup kar jhuultaa mu.Dtaa
mujhe ik la.Dkaa aavaara-manush aazaad sailaanii
mujhe ik la.Dkaa jaise tund chashmo.n kaa ravaa.n paanii
nazar aataa hai yuu.n lagtaa hai jaise ye balaa-e-jaa.n
miraa ham-zaad hai har gaam par har mo.D par jaulaa.n
ise ham-raah paataa huu.n ye saa.e kii tarah meraa
ta.aaqub kar rahaa hai jaise mai.n mafruur mulzim huu.n
ye mujh se puuchhtaa hai aKHtar-ul-iimaan tum hii ho

Akhtarul Iman
Nazm

shahr-nama

mirii adl-gaaho.n kii maslahat
mire qaatilo.n kii vakiil hai
mire KHaanqaaho.n kii manzilat
mirii buzdilii kii daliil hai

Ahmad Faraz
Nazm

sarmaya-dari

kaleja phu.nk rahaa hai aur zabaa.n kahne se aarii hai
bataa.uu.n kyaa tumhe.n kyaa chiiz ye sarmaaya-daarii hai
ye vo aa.ndhii hai jis kii rau me.n muflis kaa nasheman hai
ye vo bijlii hai jis kii zad me.n har dahqaa.n kaa KHirman hai
ye apne haath me.n tahziib kaa faanuus letii hai
magar mazduur ke tan se lahuu tak chuus letii hai
ye insaanii balaa KHud KHuun-e-insaanii kii gaahak hai
vabaa se ba.Dh ke mohlik maut se ba.Dh kar bhayaanak hai
na dekhe hai.n bure is ne na parkhe hai.n bhale is ne
shikanjo.n me.n jaka.D kar ghuu.nT Daale hai.n gale is ne
balaa-e-be-amaa.n hai taur hii is ke niraale hai.n
ki is ne Gaiz me.n uj.De hu.e ghar phuu.nk Daale hai.n
qayaamat is ke Gamze jaan-levaa hai.n sitam is ke
hamesha siina-e-muflis pe pa.Dte hai.n qadam is ke
kahii.n ye KHuu.n se fard-e-maal-o-zar tahriir kartii hai
kahii.n ye haDDiyaa.n chun kar mahal ta.amiir kartii hai
Gariibo.n kaa muqaddas KHuun pii pii kar bahaktii hai
mahal me.n naachtii hai raqs-gaaho.n me.n thiraktii hai
ba-zaahir chand fir.auno.n kaa daaman bhar diyaa is ne
magar gul-baaG-e-aalam ko jahannam kar diyaa is ne
darinde sar jhukaa dete hai.n lohaa maan kar is kaa
nazar saffaak-tar is kii nafas makruuh-tar is kaa
jidhar chaltii hai barbaadii ke saamaa.n saath chalte hai.n
nahuusat ham-safar hotii hai shaitaa.n saath chalte hai.n
ye akasr luuT kar ma.asuum insaano.n ko raaho.n me.n
KHudaa ke zamzame gaatii hai chhup kar KHaanqaaho.n me.n
ye Daa.in hai bharii godo.n se bachche chhiin letii hai
ye Gairat chhiin letii hai hamiyyat chhiin letii hai
ye insaano.n se insaano.n kii fitrat chhiin letii hai
ye aashob-e-halaakat fitna-e-iskandar-o-daaraa
zamii.n ke devtaa.o.n kii kaniiz-e-anjuman-aaraa
hamesha KHuun pii kar haDDiyo.n ke rath me.n chaltii hai
zamaana chiiKH uThtaa hai ye jab pahluu badaltii hai
garajtii guu.njtii ye aaj bhii maidaa.n me.n aatii hai
magar bad-mast hai har har qadam par la.Dkha.Daatii hai
mubaarak dosto labrez hai ab is kaa paimaana
uThaa.o aa.ndhiyaa.n kamzor hai buniyaad-e-kaashaana

Asrarul Haq Majaz
Nazm

nikal kar KHanqahon se ada kar rasm-e-shabbiri

نکل کر خانقاہوں سے ادا کر رسم شبيري
کہ فقر خانقاہي ہے فقط اندوہ و دلگيري
ترے دين و ادب سے آ رہي ہے بوئے رہباني
يہي ہے مرنے والي امتوں کا عالم پيري
شياطين ملوکيت کي آنکھوں ميں ہے وہ جادو
کہ خود نخچير کے دل ميں ہو پيدا ذوق نخچيري
چہ بے پروا گذشتند از نواے صبحگاہ من
کہ برد آں شور و مستي از سيہ چشمان کشميري!

Allama Iqbal
Nazm

inqalab

chho.D de mutrib bas ab lillaah piichhaa chho.D de
kaam kaa ye vaqt hai kuchh kaam karne de mujhe
terii taano.n me.n hai zaalim kis qayaamat kaa asar
bijliyaa.n sii gir rahii hai.n KHirman-e-idraak par
ye KHayaal aataa hai rah rah kar dil-e-betaab me.n
bah na jaa.uu.n phir tire naGmaat ke sailaab me.n
chho.D kar aayaa huu.n kis mushkil se mai.n jaam-o-subuu!
aah kis dil se kiyaa hai mai.n ne KHuun-e-aarzuu
phir shabistaan-e-tarab kii raah dikhlaataa hai tuu
mujh ko karnaa chaahtaa hai phir KHaraab-e-ra.ng-o-buu
mai.n ne maanaa vajd me.n duniyaa ko laa saktaa hai tuu
mai.n ne ye maanaa Gam-e-hastii miTaa saktaa hai tuu
mai.n ne ye maanaa Gam-e-hastii miTaa saktaa hai tuu
mai.n ne maanaa terii mausiiqii hai itnii pur-asar
jhuum uThte hai.n farishte tak tire naGmaat par
haa.n ye sach hai zamzame tere machaate hai.n vo dhuum
jhuum jaate hai.n manaazir, raqs karte hai.n nujuum
tere hii naGme se vaabasta nashaat-e-zindagii
tere hii naGme se kaif-o-imbisaat-e-zindagii
terii saut-e-sarmadii baaG-e-tasavvuf kii bahaar
tere hii naGmo.n se be-KHud aabid-e-shab-zinda-daar
bulbule.n naGma-saraa hai.n terii hii taqliid me.n
tere hii naGmo.n se dhuume.n mahfil-e-naahiid me.n
mujh ko tere sehr-e-mausiiqii se kab inkaar hai
mujh ko tere lahn-e-daa.uudii se kab inkaar hai
bazm-e-hastii kaa magar kyaa rang hai ye bhii to dekh
har zabaa.n par ab salaa-e-ja.ng hai ye bhii to dekh
farsh-e-giitii se sakuu.n ab maa.il-e-parvaaz hai
abr ke pardo.n me.n saaz-e-ja.ng kii aavaaz hai
phe.nk de ai dost ab bhii phe.nk de apnaa rubaab
uThne hii vaalaa hai ko.ii dam me.n shor-e-inqalaab
aa rahe hai.n ja.ng ke baadal vo ma.nDlaate hu.e
aag daaman me.n chhupaa.e KHuun barsaate hu.e
koh-o-sahraa me.n zamii.n se KHuun ublegaa abhii
ra.ng ke badle gulo.n se KHuun Tapkegaa abhii
ba.Dh rahe hai.n dekh vo mazduur darraate hu.e
ik junuu.n-a.ngez lai me.n jaane kyaa gaate hu.e
sar-kashii kii tund aa.ndhii dam-ba-dam cha.Dhtii hu.ii
har taraf yalGaar kartii har taraf ba.Dhtii hu.ii
bhuuk ke maare hu.e insaa.n kii fariyaado.n ke saath
faaqa-masto.n ke jilau me.n KHaana-barbaado.n ke saath
KHatm ho jaa.egaa ye sarmaaya-daarii kaa nizaam
ra.ng laane ko hai mazduuro.n kaa josh-e-intiqaam
gir pa.De.nge KHauf se aivaan-e-ishrat ke sutuu.n
KHuun ban jaa.egii shiisho.n me.n sharaab-e-laala-guu.n
KHuun kii buu le ke jangal se havaa.e.n aa.e.ngii
KHuu.n hii KHuu.n hogaa nigaahe.n jis taraf bhii jaa.e.ngii
jho.npa.Do.n me.n KHuu.n, mahal me.n KHuu.n, shabistaano.n me.n KHuu.n
dasht me.n KHuu.n, vaadiyo.n me.n KHuu.n, bayaabaano.n me.n KHuu.n
pur-sukuu.n sahraa me.n KHuu.n, betaab dariyaa.o.n me.n KHuu.n
dair me.n KHuu.n, masjid me.n KHuu.n, kaliisaa.o.n me.n KHuu.n
KHuun ke dariyaa nazar aa.e.nge har maidaan me.n
Duub jaa.e.ngii chaTaane.n KHuun ke tuufaan me.n
KHuun kii ra.ngiiniyo.n me.n Duub jaa.egii bahaar
reg-e-sahraa par nazar aa.e.nge laakho.n laala-zaar
KHuun se ra.ngii.n fazaa-e-bostaa.n ho jaa.egii
nargis-e-maKHmuur chashm-e-KHuu.n-fishaa.n ho jaa.egii
kohsaaro.n kii taraf se ''surKH-aa.ndhii'' aa.egii
jaa-ba-jaa aabaadiyo.n me.n aag sii lag jaa.egii
to.D kar be.Dii nikal aa.e.nge zindaa.n se asiir
bhuul jaa.e.nge ibaadat KHaanqaaho.n me.n faqiir
hashr-dar-aaGosh ho jaa.egii duniyaa kii fazaa
dau.Dtaa hogaa har ik jaanib farishta maut kaa
surKH ho.nge KHuun ke chhii.nTo.n se baam-o-dar tamaam
Garq ho.nge aatishii.n malbuus me.n manzar tamaam
is tarah legaa zamaana ja.ng kaa KHuunii.n sabaq
aasmaa.n par KHaak hogii, farq par ra.ng-e-shafaq
aur is ra.ng-e-shafaq me.n baa-hazaaraa.n aab-o-taab!
jagmagaa.egaa vatan kii hurriyat kaa aaftaab

Asrarul Haq Majaz
Nazm

ab KHub hansega diwana

ab KHaanqaho.n kii murda udaasii
roz-e-azal kii bhuukii pyaasii
jhuumegii mai-KHaano.n par
ab saaqii muGche piir-e-muGaa.n
beche.nge va.az dukaano.n par
in zahr bhare paimaano.n par
ab KHuub ha.nsegaa diivaana

Hafeez Jalandhari
Nazm

KHanqah

ramz-o-iimaa is zamaane ke liye mauzuu.n nahii.n
aur aataa bhii nahii.n mujh ko suKHan-saazii kaa fan
qum-bi-iznillaah kah sakte the jo ruKHsat hu.e
KHaanqaaho.n me.n mujaavar rah ga.e yaa gorkan

Allama Iqbal
Nazm

mawara

nashsha-e-tishnagi-e-diid se chuur
KHaanqaaho.n ke kisii goshe me.n so jaate hai.n

Waheed Akhtar
Nazm

aurat

KHaanqaaho.n me.n hu.aa kartaa hai jaise bil-umuum
shaiKH kii KHidmat me.n haazir hai muriido.n kaa hujuum

Shatir Hakeemi
Nazm

mujhe sharminda rakhte hain

ye har shab soch kar sotaa huu.n aane vaalii sub.ho.n me.n
gulo.n se pattiyo.n se os kii buu.nde.n churaanii hai.n
shah aakaash kii nazre.n-numaa kirno.n se pahle jaag jaanaa hai
sabaa-e-ambarii.n ke lams ko mahsuus karnaa hai
libaas-e-sabz me.n malbuus alha.D pattiyo.n kii baate.n sun.nii hai.n
hasii.n doshiiza kii muskaan sii kaliyo.n se do ik baat kar luu.ngaa
magar kuchh kar nahii.n paataa ki raahat roke rakhtii hai
ko.ii afsaana pa.Dhnaa ho kisii kii shaa.irii pe baat karnii ho
kisii taKHliiq se pahle KHayaal-o-fikr ko aazaad rakhnaa ho
kisii saariq kisii shaatir kisii kam-fahm se sachchaa.ii kahnii ho
ba.Dii ma.asuum shaklo.n me.n chhupe ayyaar ko makkaar ko shiisha dikhaanaa ho
faqiih-e-vaqt amiir-e-shahr kaa qazzaaq se mal.uun se rishta bataanaa ho
magar ye kar nahii.n saktaa maslahat KHaamosh rakhtii hai
hariim-e-mai-kade me.n KHaanqaaho.n maTh madraso.n me.n
barahman shaiKH se piir-e-muGaa.n se saaqiyo.n se aur vaa.iz se
ye aksar sochtaa huu.n jaa ke kah duu.n mai.n
riyaa-o-kibr tahii-iKHlaas aur bad-atvaarii se tere
jahaa.n me.n ishq uKHuvvat ilm aur aKHlaaq marte hai.n
magar mai.n kah nahii.n saktaa aqiidat baaz rakhtii hai
ta.assub KHud-pasandii buGz se kibr-o-hasad se
bisaat-e-zehn-o-dil ko chaahtaa huu.n paak kar luu.n
zar-o-imlaak kii KHvaahish se apne aap ko aazaad kar luu.n
ki jab jab sa.ii kartaa huu.n havas inkaar kartii hai
magar iiqaan hai meraa hamaare ahd ke bachche
mire kizb-o-riyaa ko makr ko aur be-iimaanii ko
nafaaq-o-bad-qimaashii ko mire zaahir ko baatin ko
huvaidaa kar ke chho.De.nge alal-ailaan kah de.nge
ki mere baap aise the mire ustaaz aise the
so un kii baat se a.amaal se sharminda huu.n mai.n bhii
ye kahne se unhe.n izzat na rokegii
na un ko KHauf rokegaa
unhe.n kuchh bhii na rokegaa
chalan badlaa hu.aa hogaa
hamaarii saarii izzat saarii zillat duusro.n ke haq kii paamaalii
kitaab-e-haq ke panno.n par bahut vaazeh likhii ho.ngii

Abu Bakr Abbad
Nazm

rah-rau

aaj mai.n duur bahut duur nikal aayaa huu.n
be-talab tag-o-dau
dil me.n kaavish na talaash
na ko.ii KHvaahish maKHfii na tamannaa-e-ma.aash
havas-e-KHaam na saudaa-e-tamaam
yuu.nhii chaltaa hu.aa chaltaa hu.aa aa pahu.nchaa huu.n
pai-ba-pai gaam-ba-gaam
kis qadar duur nikal aayaa huu.n
us se pahle bhii chalaa huu.n mai.n na.ii raaho.n par
shaah-raaho.n se pare
KHaar-zaaro.n me.n ghisaTtii hu.ii ik surKH lakiir
ik sisaktii hu.ii dil-doz nafiir
sarsaraate hu.e malbuus
mahaktii hu.ii saa.ns
lazzat-o-karb kaa maddham bam-o-zer
aaj lekin mai.n bahut duur nikal aayaa huu.n
aur ik shaam sar-e-raah-guzaar
vo mirii laGzish-e-paa merii vo be-raah-ravii
KHud-faraamosh subuk-dosh-e-amal
apne ajdaad ke naa-karda gunaaho.n kii uquubat se barii
ik hiran chauk.Dii bhartaa hu.aa KHaamosh-KHiraam
shaam ke vaqt sar-e-raah-guzaar
mai.n bahut duur bhaTak niklaa thaa
aaj lekin mai.n bahut duur nikal aayaa huu.n
aap se aap bahut duur bahut duur nikal aayaa huu.n
shaah-raaho.n se pare duur guzargaaho.n se
be-talab be-tag-o-dau
KHaanqaaho.n se alag daur sanam-KHaano.n se
havas-e-KHaam na saudaa-e-tamaam
yuu.nhii chaltaa hu.aa chaltaa hu.aa aa pahu.nchaa huu.n
pai-ba-pai gaam-ba-gaam
kis qadar duur bahut duur nikal aayaa huu.n

Mohammad Deen Taseer
Nazm

id ka manzar

hilaal-e-iid banaa hai kaliidii-e-aish-o-nashaat
jahaa.n me.n bichh ga.ii phir se masarrato.n kii bisaat
KHushii se phuule samaate nahii.n hai.n mard-o-zan
mahak uThe dar-o-diivaar aur sehn-e-chaman
galii me.n kuucho.n me.n raaho.n me.n shaah-raaho.n me.n
masarrato.n ke nazaare hai.n KHaanqaaho.n me.n
a.ndhere mu.nh hii parinde bhii chahchahaane lage
qadam qadam pe lage mele shaadyaane baje
hai kaif-o-mastii ke aalam me.n aaj piir-o-javaa.n
ibaadato.n kaa nasha de gayaa mah-e-ramazaa.n
KHudaa ke diin kaa kis tarah ho bayaan huzuur
KHudaa har ik ko KHushii iid kii nasiib kare
hamaarii nasl ko is diin se qariib kare

Ameen Hazin
Nazm

trahdar kahan se laun

jhuuT kii garmii-e-baazaar kahaa.n se laa.uu.n
raqs-e-be-ma.anii kii jhankaar kahaa.n se laa.uu.n
Dhuu.nD ke hiila-e-takziib baraa.e-insaaf
be-muhaabaa sar-e-darbaar kahaa.n se laa.uu.n
be-KHabar ishq se hai.n aaj riyaa-kaar shuyuuKH
jazb-e-mansuur sar-e-daar kahaa.n se laa.uu.n
bech kar chaadar-e-zahraa ko sajaataa firdaus
reshmii makr kii dastaar kahaa.n se laa.uu.n
maut kii god me.n hai aarif-o-daanaa kaa vajuud
dil-rubaa fikr-e-sahar-kaar kahaa.n se laa.uu.n
me.n vo fankaar huu.n iKHlaas hai jis kaa shahkaar
makr-o-tarviiz kii guftaar kahaa.n se laa.uu.n
KHaanqaaho.n me.n bhii raa.ij hai havas kii tadriis
baa-KHudaa shaiKH-e-nigah-daar kahaa.n se laa.uu.n
maktab-e-nau kaa moallim hai fara.ngii baqqaal
buuzar-o-KHaalid-o-karraar kahaa.n se laa.uu.n
ruuh-e-tauhiid kii qaatil hai siyaasii ta.aliim
sar-faroshaan-e-vafaadaar kahaa.n se laa.uu.n
KHuub vaaqif huu.n hadiis-e-mai-o-miinaa se magar
aalam-e-hashr me.n dildaar kahaa.n se laa.uu.n
saaz-e-fitrat pe Gazal-KHvaa.n hai shu.uur-e-tanqiid
kaaGzii kaakul-o-ruKHsaar kahaa.n se laa.uu.n
shola-zan daaman-e-giitii hai to mazmuun ko.ii
jinsiyat-baKHsh trahdaar kahaa.n se laa.uu.n
dil kaa paimaana hai zahraab-e-alam se labrez
bulbul-e-zamzama-aasaar kahaa.n se laa.uu.n
tazkire hai.n qad-o-gesuu ke bahar-taur aziiz
muflisii me.n dil-e-gulbaar kahaa.n se laa.uu.n
tishnagii saahab-e-naama kii bujhaane vaalo
aabruu-baaKHta shahkaar kahaa.n se laa.uu.n
arsa-e-dahr kaa har zarra hai aatish-ba-kanaar
ramish-o-ra.ng ke ash.aar kahaa.n se laa.uu.n
jannatii hone kii maanaa ki sanad biktii hai
ganj-e-qaaruun kaa ambaar kahaa.n se laa.uu.n
zeb-e-tan vaqt kaa pairaahan-e-sho.ala hai abhii
kaif-a.ngez mai.n afkaar kahaa.n se laa.uu.n
KHair-aagaah miraa fikr hai masruuf-e-amal
bahs-o-takraar kii talvaar kahaa.n se laa.uu.n
jaan pa.D saktii hai 'bebaak' tan-e-murda me.n
mard-e-'faaruuq' saa kirdaar kahaa.n se laa.uu.n

Bebak Bhojpuri
Nazm

mere KHwab so ja

mire KHvaab so jaa
mirii aa.nkh me.n tairtii KHaanqaaho.n me.n
ab saa.ns lete hu.e saare darvesh
miTTii kii KHushbuu ko tarse hu.e hai.n
mujhe tuu ne jitne zamaano.n kii dhuupo.n se dhoyaa hai ab tak
vo nafrat adaavat se guu.ndhii hu.ii hai.n
jo sadiyo.n ke chehre dikhaa.e hai.n tuu ne
vo sab khurdure hai.n
mirii niinde.n un se udha.Dne lagii hai.n
mire KHvaab so jaa ki tuu ne
mire ashk noche
aur un kii sadaa.o.n ko bhii KHuub rau.ndaa
mai.n ab tere Gaaro.n se baahar
na jhaa.nkuu.n to merii
na.ii nasl andhe ku.n.e.n me.n giregii
mire KHvaab so jaa mujhe jaagne de
ki ab mai.n tirii silvaTo.n me.n
ghuTan kaa safar tai karuu.ngaa to mar jaa.u.ngaa

nawed malik
Nazm

farjam

tum mirii khoj me.n
yuu.n hii taariik Gaaro.n maTho.n maabado.n KHaanqaaho.n me.n
ghuT ghuT ke mar jaa.oge
mai.n nahii.n mil sakuu.ngaa tumhe.n ab kabhii
dharm me.n singh me.n dhyaan me.n gyaan me.n
niile saagar kii tah me.n utar kar
brazil ke ja.ngalo.n me.n bhaTak kar
himaala kii choTii pe cha.Dh kar
mujhe tum na aavaaz do

Sadiq
Nazm

ehtijaj

mujhe terii mohabbat kii qasam aisaa na honaa thaa
Gam-e-darmaa.n kasiir aur dard kam aisaa na honaa thaa
amiiro.n ko nisaab-e-siim-o-zar muflis tahii-daaman
tiraa dast-e-karam abr-e-karam aisaa na honaa thaa
kahii.n dahqaa.n ke siine par hai.n mohre.n faaqa-mastii kii
kahii.n taKHt-e-sikandar jaah-e-jam aisaa na honaa thaa
kahii.n changez ke ho.nTo.n pe mauj-e-KHanda-e-rangii.n
kahii.n mazluum kii aa.nkho.n me.n nam aisaa na honaa thaa
jabiin-e-shauq ko sajdo.n se fursat hii nahii.n miltii
kam-az-kam husn kaa naqsh-e-qadam aisaa na honaa thaa
riyaa-kaarii kaa parcham lahlahaa.e KHaanqaaho.n par
niguu.n-sar ishq-o-mastii kaa alam aisaa na honaa thaa
hazaaro.n saal guzre hai.n abhii tak terii duniyaa me.n
vahii hangaama-e-laa-o-na'am aisaa na honaa thaa
lataafat be-kasaafat kuchh nahii.n maanaa magar yaa-rab
sanam-KHaane me.n buniyaad-e-haram aisaa na honaa thaa
agar paidaa hii karnaa thaa mujhe behis Gulaamo.n me.n
to phir merii navaa kaa zer-o-bam aisaa na honaa thaa
mujhe paas-e-ubuudiyyat hai lekin ye bhii kahne de
jahaa.n terii KHudaa.ii kii qasam aisaa na honaa thaa

Afsar Seemabi Ahmad Nagari
Nazm

jaane kyon dil udas rahta hai

KHanda-e-gul me.n ashk-e-shabnam me.n
jashn-e-shaadii me.n majlis-e-Gam me.n
dars-e-qur.aan me.n aur namaazo.n me.n
masjido.n aur KHaanqaaho.n me.n
jo shikasta dilo.n ke marja’ hai.n
hai sukuun-baKHsh haazirii jin kii
jaane kyo.n dil udaas rahtaa hai
aur giraftaar-e-yaas rahtaa hai

Maqsood Ahmad Maqsood
Nazm

nau-jawan KHatun se

hijaab-e-fitna-parvar ab uThaa letii to achchhaa thaa
KHud apne husn ko pardaa banaa letii to achchhaa thaa
tirii niichii nazar KHud terii ismat kii muhaafiz hai
tuu is nashtar kii tezii aazmaa letii to achchhaa thaa
tirii chiin-e-jabii.n KHud ik sazaa qaanuun-e-fitrat me.n
isii shamshiir se kaar-e-sazaa letii to achchhaa thaa
ye teraa zard ruKH ye KHushk lab ye vahm ye vahshat
tuu apne sar se ye baadal haTaa letii to achchhaa thaa
dil-e-majruuh ko majruuh-tar karne se kyaa haasil
tuu aa.nsuu po.nchh kar ab muskuraa letii to achchhaa thaa
tire zer-e-nagii.n ghar ho mahal ho qasr ho kuchh ho
mai.n ye kahtaa huu.n tuu arz-o-samaa letii to achchhaa thaa
agar KHalvat me.n tuu ne sar uThaayaa bhii to kyaa haasil
bharii mahfil me.n aa kar sar jhukaa letii to achchhaa thaa
tire maathe kaa Tiikaa mard kii qismat kaa taaraa hai
agar tuu saaz-e-bedaarii uThaa letii to achchhaa thaa
ayaa.n hai.n dushmano.n ke KHanjaro.n par KHuun ke dhabbe
unhe.n tuu ra.ng-e-aariz se milaa letii to achchhaa thaa
sanaane.n khii.nch lii hai.n sar-phire baaGii javaano.n ne
tuu saamaan-e-jaraahat ab uThaa letii to achchhaa thaa
tire maathe pe ye aa.nchal bahut hii KHuub hai lekin
tuu is aa.nchal se ik parcham banaa letii to achchhaa thaa

Asrarul Haq Majaz
Nazm

o des se aane wale bata

o des se aane vaale bataa
kyaa ab bhii puraane kha.nDaro.n par
taariiKH kii ibrat taarii hai
annpuurnaa ke uj.De mandir par
maayuusii-o-hasrat taarii hai
sunsaan gharo.n par chhaavnii ke
viiraanii o riqqat taarii hai
o des se aane vaale bataa

Akhtar Shirani
Nazm

to behtar hai yahi

mai.n bhii naakaam-e-vafaa thaa to bhii mahruum-e-muraad
ham ye samjhe the ki dard-e-mushtarak raas aa gayaa
terii kho.ii muskuraahaT qahqaho.n me.n Dhal ga.ii
meraa gum-gashta sukuu.n phir se mire paas aa gayaa

Ahmad Faraz
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now