Search result for "KHanjar-e-qaatil" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "KHanjar-e-qaatil"

Nazm MATCHES FOR "KHanjar-e-qaatil"

Nazm

gandhi

vo kitaab-e-sulh kaa sar-varaq ki miTaa.ii kashmakash-e-firaq
vo qatiil-e-KHanjar-e-sabr-o-haq ki vatan pe KHud ko miTaa diyaa

Iqbal Sohail

Nazm

nafrat

mujhe nafrat se nafrat hai
ye vo ifriit hai
jo gulshan-e-lab pe sajaataa hai
ridaa-e-KHaar-e-dushnaamii
ye dast-e-be-zarar me.n
KHanjar-e-qaatil ugaataa hai
ye un aa.nkho.n ko jo
ma.asuum-tar hai.n
ziyaa-e-qahr-e-naa-zebaa dikhaa kar
surKH kartaa hai
ye ha.nste khelte aabaad ghar ko
bilaktii siskiyo.n se
aur ashko.n se samaataa hai
Garaz ye kaj-adaa ifriit
KHush-haalii ke rishto.n kii rukaavaT hai
mujhe nafrat se nafrat hai

Asim Wasti

Nazm

zabta

ye zaabta hai banuu.n dast-o-baazuu-e-qaatil
ye zaabta hai dh.Daknaa bhii chho.D de ye dil

Habib Jalib

Nazm

kisan

terii aa.nkho.n me.n hai.n Galtaa.n vo shaqaavat ke sharaar
jin ke aage KHanjar-e-cha.ngez kii mu.Dtii hai dhaar

Josh Malihabadi

Nazm

kis shan se jite the yahan KHwar hue kyun

maqsuud jo KHush-nuudii-e-qaatil hai hamaarii
ham KHush hai.n ki kashtii sar-e-saahil hai hamaarii
uqbaa kii tamannaa kahaa.n haasil hai hamaarii
kursii kii talab aaKHirii manzil hai hamaarii
kis shaan se jiite the yahaa.n KHaar hu.e kyuu.n
sochaa hai kabhii haashiya-bardaar hu.e kyuu.n

Tariq Qamar

Nazm

ai watan

is mohabbat ko parastish se badalnaa bhuul hai
ye taqaaza ye tavaazun is dil-e-kaamil me.n hai

Akhtar Husain Shaafi

Nazm

ghubar-e-KHatir-e-mahfil Thahar jae

amaa.n kaisii ki mauj-e-KHuu.n abhii sar se nahii.n guzrii
guzar jaa.e to shaayad baazu-e-qaatil Thahar jaa.e

Faiz Ahmad Faiz

Nazm

maqtal mein mukalima

qatl-gaah kii raunaq
hasb-e-haal rakhnii hai
Gam bahaal rakhnaa hai
jaa.n sambhaal rakhnii hai
zor-e-baazuu-e-qaatil
intihaa kaa rakhnaa hai
dashna tez rakhnaa hai
aur balaa kaa rakhnaa hai
aur kyaa mire qaatil
intizaam baaqii hai
ko.ii baat honii hai
ko.ii kaam baaqii hai
vaqt par nazar rakhnaa
vaqt ek jaada hai
haa.n bataa mire qaatil
teraa kyaa iraada hai
vaqt kam rahaa baaqii
yaa abhii ziyaada hai
mai.n to qatl hone tak
muskuraa.e jaa.u.ngaa

Pirzada Qasim

Nazm

fasil-e-shab

jo nafas hai hadaf-e-dashna-e-qaatil hai abhii
dil ke har zaKHm se ristaa hai umiido.n kaa lahuu
reg-zaaro.n ne kiyaa KHuun-e-bahaaraa.n se vuzuu
jaane kis raah me.n hai qaafila-e-rang-o-numuu
ek ik shaaKH shaguufo.n se hai KHaalii ab tak
mai-kada Dhaal liyaa mai nahii.n Dhaalii ab tak
na kahii.n raqs-e-bahaaraa.n hai na jashn-e-lab-e-juu

Qaisarul Jafri

Nazm

faiz ahmad faiz

sunaa hai dast-e-sabaa KHanjar-e-ajal le kar
kisii charaaG kii raKHshandagii ko luuT gayaa
ki pattharo.n ke nagar me.n vo aa.ina saa badan
guhar taraashtaa phirtaa thaa aaj TuuT gayaa

Razi Haidar

Nazm

KHurshid-e-mahshar ki lau

aaj ke din na puuchho mire dosto
zaKHm kitne abhii baKHt-e-bismil me.n hai.n
dasht kitne abhii raah-e-manzil me.n hai.n
tiir kitne abhii dast-e-qaatil me.n hai.n

Faiz Ahmad Faiz

Nazm

dil-e-pur-KHun

pahluu-e-dil se kahii.n lag ke ko.ii rotaa hai
dast-e-qaatil pe kahii.n ashk kahii.n dhabbe hai.n
dil masaltaa hai ko.ii haath me.n le kar har dam
dil bahut dukhtaa hai har baat pe dil dukhtaa hai

Ekram Khawar

Nazm

be-wafa kaise banun

mere ma.asuum se qaatil tiraa bismil aaKHir
chho.D de kuucha-e-qaatil to kahaa.n jaa.egaa
jis jagah ho.ngii tire husn kii sham.e.n raushan
teraa parvaana vahii.n aa.egaa jal jaa.egaa
be-vafaa kaise banuu.n

Imtiyaz Ahmad Qamar

Nazm

hasil ka safar

tanhaa.ii kii KHaamoshii!
ye ghuu.nT hai ik zahr-e-qaatil kaa
ghuu.nT hai ik amrit kaa bhii ye
ghuu.nT mai.n dono.n pii letaa huu.n
raat ga.e ujle bistar par
so jaataa huu.n
pahlii kiran ke saath
sunahrii pagDanDii kaa ho jaataa huu.n

Raj Narayan Raaz

Nazm

lahu ka suragh

kahii.n nahii.n hai kahii.n bhii nahii.n lahuu kaa suraaG
na dast-o-naaKHun-e-qaatil na aastii.n pe nishaa.n
na surKHi-e-lab-e-KHanjar na ra.ng-e-nok-e-sinaa.n
na KHaak par ko.ii dhabbaa na baam par ko.ii daaG
kahii.n nahii.n hai kahii.n bhii nahii.n lahuu kaa suraaG
na sarf-e-KHidmat-e-shaahaa.n ki KHuu.n-bahaa dete
na dii.n kii nazr ki bai.aana-e-jazaa dete
na razm-gaah me.n barsaa ki mo'tabar hotaa
kisii alam pe raqam ho ke mushtahar hotaa
pukaartaa rahaa be-aasraa yatiim lahuu
kisii ko bahr-e-samaa.at na vaqt thaa na dimaaG
na mudda.ii na shahaadat hisaab paak hu.aa
ye KHuun-e-KHaak-nashiinaa.n thaa rizq-e-KHaak hu.aa

Faiz Ahmad Faiz

Nazm

KHun phir KHun hai

KHaak-e-sahraa pe jame yaa kaf-e-qaatil pe jame
farq-e-insaaf pe yaa paa-e-salaasil pe jame
teG-e-be-daad pe yaa laasha-e-bismil pe jame
KHuun phir KHuun hai Tapkegaa to jam jaa.egaa

Sahir Ludhianvi

Nazm

zard suraj

muhiib ruuho.n ke qahqaho.n se
ma.aasir-e-jaa.n laraz uThe hai.n
lahuu kii raftaar zahr-e-qaatil kii dhaar ban kar
dil kii gahraa.iyo.n me.n paiham utar rahii hai
haDDiyaa.n aagahii kii bedaar aag me.n phir pighal rahii hai.n
hayaat se be-KHabar fazaa.o.n me.n
jism tahliil ho rahaa hai

Sahar Ansari

Nazm

yatim insaf

har ek kone me.n har kan me.n hai lahuu kaa suraaG
Tapak rahaa hai lahuu aastiin-e-qaatil se
jhalak rahaa hai abhii KHauf chashm-e-bismil se
hai.n KHaak pe na.e dhabbe hai.n baam pe na.e daaG
har ek kone me.n har kan me.n hai lahuu kaa suraaG

Ashok Lal

Nazm

ulma-e-zindani

masaajid kii hifaazat ke liye police kii haajat hai
KHudaa ko aap ne mashkuur farmaayaa inaayat hai
ajab kyaa hai ki ab har shaah-raah se ye sadaa aa.e
mujhe bhii kam se kam ik Gusl-KHaane kii zaruurat hai
pinhaa.ii jaa rahii hai.n aalimaan-e-dii.n ko zanjiire.n
ye zevar sayyad-e-sajjaad-aalii kii viraasat hai
yahii das biis agar hai.n kushtagaan-e-KHanjar-andaazii
to mujh ko susti-e-baazu-e-qaatil kii shikaayat hai
shahiidaan-e-vafaa ke qatra-e-KHuu.n kaam aa.e.nge
uruus-e-masjid-e-zebaa ko afshaa.n kii zaruurat hai
ajab kyaa hai jo nau-KHezo.n ne sab se pahle jaane.n dii.n
ki ye bachche hai.n in ko jald so jaane kii aadat hai
shahiidaan-e-vafaa kii KHaak se aa.ii hai.n aavaaze.n
ki shiblii bamba.ii me.n rah ke mahruum-e-sa.aadat hai

Shibli Nomani

Nazm

dua

jin kaa dii.n pairvi-e-kizb-o-riyaa hai un ko
himmat-e-kufr mile jur.at-e-tahqiiq mile
jin ke sar muntazir-e-teG-e-jafaa hai.n un ko
dast-e-qaatil ko jhaTak dene kii taufiiq mile

Faiz Ahmad Faiz

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now