Search result for "KHvaab-e-marg-e-muhmal" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "KHvaab-e-marg-e-muhmal"

Nazm MATCHES FOR "KHvaab-e-marg-e-muhmal"

Nazm

main jinsi khel ko sirf ek tan-asani samajhta hun

ibaadat kaa tariiqa harkate.n hai.n tishna o mub.ham
kabhii ruuh-e-sanam bedaar KHvaab-e-marg-e-muhmal se
kisii indar-sabhaa kii laakh pariyaa.n aa ke bahlaa.e.n

Meeraji

Nazm

aaKHiri mulaqat

ab kuchh nahii.n to nii.nd se aa.nkhe.n jalaa.e.n ham
aa.o ki jashn-e-marg-e-mohabbat manaa.e.n ham!

Akhtarul Iman

Nazm

marg-e-soz-e-mohabbat

aa.o ki marg-e-soz-e-mohabbat manaa.e.n ham
aa.o ki husn-e-maah se dil ko jalaa.e.n ham
KHush huu.n firaaq-e-qaamat-o-ruKHsaar-e-yaar se
sarv-o-gul-o-saman se nazar ko sataa.e.n ham
viiraanii-e-hayaat ko viiraan-tar kare.n
le naaseh aaj teraa kahaa maan jaa.e.n ham
phir oT le ke daaman-e-abr-e-bahaar kii
dil ko manaa.e.n ham kabhii aa.nsuu bahaa.e.n ham
suljhaa.e.n be-dilii se ye uljhe hu.e savaal
vaa.n jaa.e.n yaa na jaa.e.n na jaa.e.n ki jaa.e.n ham
phir dil ko paas-e-zabt kii talqiin kar chuke.n
aur imtihaan-e-zabt se phir jii churaa.ii.n ham
aa.o ki aaj KHatm hu.ii daastaan-e-ishq
ab KHatm-e-aashiqii ke fasaane sunaa.e.n ham

Faiz Ahmad Faiz

Nazm

Tipu ki aawaz

KHvaab-e-giraa.n se Guncho.n kii aa.nkhe.n na khul sakii.n
go shaaKH-e-gul se naGma baraabar uThaa kiyaa

Aale Ahmad Suroor

Nazm

ru-ba-ru-e-marg

maut se kyuu.n Daruu.n mai.n aaj bhalaa
maut to zindagii kii vus.at hai
jis mamaat se Darte hai.n log
vo to paa chukaa thaa bahut pahle mai.n
mere armaano.n kii maut
mere jazbaat kii maut
apno.n se mulaaqaat kii maut
in saare mahaakaat kii maut
kaun ro.egaa bhalaa is kamii.n kii khatiyaa par
mar gayaa thaa un ke liye ek ahd hii pahle
sab mujhe chho.D chale chho.D chale chho.D chale
ab kahii.n se KHabar nahii.n aatii
apnii yaasiin KHud hii pa.Dh luu.ngaa

Akhlaq Ahmad Ahan

Nazm

raqs ki raat

tujhe ma.aluum nahii.n,
ab bhii har sub.h dariiche me.n se yuu.n jhaa.nktaa huu.n
jaise TuuTe hu.e taKHte se ko.ii tiira nasiib
saKHt tuufaan me.n hasrat se ufuq ko dekhe:
kaash ubhar aa.e kahii.n se vo safiina jo mujhe
is Gam-e-marg-e-tah-e-aab se aazaad kare

Noon Meem Rashid

Nazm

mausam

mai.n ajnabii vo ajnabii
asiir aarzuu bhii magar siyaah kaa dil dil be-KHabar
vo daa.era ravaa.n hai jis ke har safar kii intihaa
maqaam-e-marg-e-taazgii maqaam-e-marg-e-naGmagii
havaa namii safed dhuup zard phuul dekhte hii dekhte guzar ga.e
hamaarii aarzuu ke biich mausamo.n pe chhaa ga.e

Balraj Komal

Nazm

achchhi kitab

is ke dam se ham pe vaazeh uqda-e-marg-o-hayaat
is ke dam se ham pe raushan hai jahaan-e-kaa.enaat

Ata Abidi

Nazm

marg-e-KHudi

خودي کي موت سے مغرب کا اندروں بے نور
خودي کي موت سے مشرق ہے مبتلائے جذام
خودي کي موت سے روح عرب ہے بے تب و تاب
بدن عراق و عجم کا ہے بے عروق و عظام
خودي کي موت سے ہندي شکستہ بالوں پر
قفس ہوا ہے حلال اور آشيانہ حرام!
خودي کي موت سے پير حرم ہوا مجبور
کہ بيچ کھائے مسلماں کا جام ہ احرام!

Allama Iqbal

Nazm

raqs ki raat

raqs kii raat ko.ii daur-e-tarab
ban na saktaa thaa sitaaro.n kii KHudaa.ii gardish
mehvar-e-haal bhii ho jaada-e-aa.inda bhii
aur dono.n me.n vo paivastagii-e-shauq bhii ho
jo kabhii saahil-o-dariyaa me.n na thii
phir bhii haa.il rahe yuu.n bu’d-e-aziim
lab hile.n aur suKHan aaGaaz na ho
haath ba.Dh jaa.e.n magar laamisaa be-jaan rahe
tujhe maa'luum nahii.n
ab bhii har sub.h dariiche me.n se yuu.n jhaa.nktaa huu.n
jaise TuuTe hu.e taKHte se ko.ii tiira-nasiib
saKHt tuufaan me.n hasrat se ufuq ko dekhe
kaash ubhar aa.e kahii.n se vo safiina jo mujhe
is Gam-e-marg-e-tah-e-aab se aazaad kare

Noon Meem Rashid

Nazm

ek haqiqat

kise marg-e-'bismil' kaa ehsaas hogaa
vo bekas bhii thaa aur KHud.daar bhii thaa
gavaaraa na thii us ko zabt-e-mohabbat
numuud-e-mohabbat se inkaar bhii thaa
use kuchh shikaayat thii ik naaznii.n se
vo usluub-e-duniyaa se bezaar bhii thaa
naved-e-junuu.n jis kii tarz-e-jafaa thii
usii paikar-e-naaz se pyaar bhii thaa
mai-e-laala-guu.n par thii jaan us kii sadqe
vo dil-daada-e-chashm-e-biimaar bhii thaa
javaanii kaa aur ruup kaa vo pujaarii
‘uruus-e-hayaa kaa parastaar bhii thaa
vo aaGosh-e-daulat me.n paidaa hu.aa thaa
magar naam-e-daulat se bezaar bhii thaa
thii mahbuub use 'ishq kii KHud-sataa.ii
vo KHaatir zaraa naaz-bardaar bhii thaa
ye hastii thii us ke liye baar-e-KHaatir
vo shaa'ir thaa daanaa-e-asraar bhii thaa

Bismil Dehlavi

Nazm

ek lamhe ki dastan

chamak
meraa tasavvur
KHushiyo.n kaa jho.nkaa
lams-e-ruKH-e-gul
raahat-e-shab-e-mahtaab
farhat-e-sub.h-e-bahaar
naGmagii
bhuuk
dard kii kasak
Gam-e-bechaargii azm-e-javaa.n
suurat-haa-e-yaaraan-e-be-yaar
ehsaas-e-silsila-haa-e-makr-o-fareb
naqsh-haa-e-kashmakash-e-marg-o-ziist
karb-e-KHaak-e-hiroshima
idraak-e-rag me.n ye chubhte hu.e laakho.n nashtar
shiddat-e-dard
tuu
mai.n
har ko.ii jo nigah-o-dil me.n aa.e
roTii
atom-bomb
tuu
mai.n
dhu.ndalkaa
lamhe kii maut
ek aur lamhe kii jalvagarii
umr yuu.n hii tamaam hotii hai

Daud Ghazi

Nazm

pas che-bayad-kard

KHvaab-e-KHas-KHaana-o-barfaab ke piichhe piichhe
garmi-e-shahr-e-muqaddar ke sataa.e hu.e log
kaisii yaKH-basta zamiino.n kii taraf aa nikle

Iftikhar Arif

Nazm

umr ka aaKHiri din

kahii.n Dhol kii thaap par raqs-e-marg-e-musalsal
kahii.n daldalo.n me.n utarte hu.e jism jaise
gunahgaar apne kiye kii sazaa paa rahe hai.n
na tuu apnii palko.n ke kaale pharere uThaa kar kahii.n jaa rahii hai
na mai.n ko.ii parcham uThaa.e hu.e chal rahaa huu.n

Ahmad Zafar

Nazm

israfil ki maut

marg-e-israafiil par aa.nsuu bahaa.o
vo KHudaa.o.n kaa muqarrab vo KHudaavand-e-kalaam
saut-e-insaanii kii ruuh-e-jaavedaa.n
aasmaano.n kii nidaa-e-be-karaa.n
aaj saakit misl-e-harf-e-naa-tamaam
marg-e-israafiil par aa.nsuu bahaa.o
aa.o israafiil ke is KHvaab-e-be-ha.ngaam par aa.nsuu bahaa.e.n
aaramiida hai vo yuu.n qarnaa ke paas
jaise tuufaa.n ne kinaare par ugal Daalaa use
reg-e-saahil par chamaktii dhuup me.n chup chaap
apne suur ke pahluu me.n vo KHvaabiida hai
us kii dastaar us ke gesuu us kii riish
kaise KHaak-aaluuda hai.n
the kabhii jin kii tahe.n buud-o-nabuud
kaise is kaa suur is ke lab se duur
apnii chiiKHo.n apnii fariyaado.n me.n gum
jhilmilaa uThte the jis se dair-o-zuud
marg-e-israafiil par aa.nsuu bahaa.o
vo mujassam hamhama thaa vo mujassam zamzama
vo azal se taa abad phailii hu.ii Gaibii sadaa.o.n kaa nishaa.n
marg-e-israafiil se
halqa dar halqa farishte nauha gar
ibn-e-aadam zulf-dar-KHaak-o-nazaar
hazrat-e-yazdaa.n kii aa.nkhe.n Gam se taar
aasmaano.n kii safiir aatii nahii.n
aalam-e-laahuut se ko.ii nafiir aatii nahii.n
marg-e-israafiil se
is jahaa.n par band aavaazo.n kaa rizq
mutribo.n kaa rizq aur saazo.n kaa rizq
ab muGannii kis tarah gaa.egaa aur gaa.egaa kyaa
sun.ne vaalo.n ke dilo.n ke taar chup
ab ko.ii raqqaas kyaa thirkegaa lahraa.egaa kyaa
bazm ke farsh-o-dar-o-diivaar chup
ab KHatiib-e-shahr farmaa.egaa kyaa
masjido.n ke aastaan-o-gumbad-o-miinaar chup
fikr kaa sayyaad apnaa daam phailaa.egaa kyaa
taa.iraan-e-manzil-o-kohsaar chup
marg-e-israafiil hai
gosh-e-shanvaa kii lab-e-goyaa kii maut
chashm-e-biinaa kii dil-e-daanaa kii maut
thii isii ke dam se durvesho.n kii saarii haav-huu
ahl-e-dil kii ahl-e-dil se guftuguu
ahl-e-dil jo aaj gosha-giir-o-surma-dar-guluu
ab tanaa taa-huu bhii Gaa.eb aur yaa-rab haa bhii gum
ab galii kuucho.n kii har aavaa bhii gum
ye hamaaraa aaKHirii maljaa bhii gum
marg-e-israafiil se
is jahaa.n kaa vaqt jaise so gayaa pathraa gayaa
jaise ko.ii saarii aavaazo.n ko yaksar khaa gayaa
aisii tanhaa.ii ki husn-e-taam yaad aataa nahii.n
aisaa sannaaTaa ki apnaa naam yaad aataa nahii.n
marg-e-israafiil se
dekhte rah jaa.e.nge duniyaa ke aamir bhii
zabaa.n-bandii ke KHvaab
jis me.n majbuuro.n kii sargoshii to ho
us KHudaavandii ke KHvaab

Noon Meem Rashid

Nazm

ek buDha

ik buu.Dhaa bistar-e-marg pe hai
biimaar badan laachaar badan
saa.nse.n bhii kuchh bojhal sii hai.n
aur aa.nkhe.n bhii jal-thal sii hai.n
aisaa bhii nahii.n tanhaa hai vo
paanii hai magar pyaasaa hai vo
ghar me.n bahuuve.n beTe bhii hai.n
hai.n potiyaa.n bhii pote bhii hai.n
lekin ko.ii paas nahii.n aataa
sab jhaa.nkte hai.n chale jaate hai.n
jaise ye is kaa ghar hii nahii.n
jaise vo sab begaane hai.n
jis bahuu kaa number hotaa hai
khaane ke nivaale Thuu.ns ke vo
farz apnaa mukammal kartii hai
phir vaqt pe ko.ii ik beTaa
vo jis ko tho.Dii fursat ho
pahle to aa kar Daa.nTtaa hai
detaa hai davaa.ii phir aise
jaise ehsaan kare ko.ii
jaise apmaan kare ko.ii
har din ye buu.Dhaa sochtaa hai
ko.ii baat na.ii ho aaj ke din
ko.ii do miiThe alfaaz kahe
kabhii mahfil us ke paas saje
kabhii ha.nsne kii ko.ii baat chale
magar aisaa pichhle barso.n me.n
kabhii ho paayaa nahii.n ho paayaa
apne us begaane-pan par
apne us viiraane-pan par
ye buu.Dhaa inkishaaf rahtaa hai
ye buu.Dhaa rotaa rahtaa hai
ik buu.Dhaa bistar-e-marg pe hai

Zia Zameer

Nazm

kashmir

yahaa.n KHvaab-e-sukuu.n-parvar me.n bhii bedaariyaa.n dekhii.n
yahaa.n har hoshiyaarii me.n na.ii sarshaariyaa.n dekhii.n

Maikash Akbarabadi

Nazm

sawal

ham apne KHvaab-e-KHush-fahmii se uTThe
bahut shaadaa.n-o-farhaa.n
chale duniyaa kii jaanib mol karne ko
hamaarii jeb me.n mehr-o-vafaa iKHlaas aur sachchaa.ii hai
lekin
yahaa.n baazaar me.n sab log kahte hai.n
badal kar rah ga.ii hai ab currency is zamaane kii
tumhaare paas to jo kuchh bhii hai
be-kaar raddii hai
ki ab vaq.at nahii.n hai ko.ii jis kii
yahaa.n to ab faqat
makr-o-fareb aur jhuuT kaa sikka chalegaa
agar ye paas hai
to saarii duniyaa hai tumhaarii

Ambareen Haseeb ambar

Nazm

marg-e-gul se peshtar

mai.n samajhtaa huu.n ai mere chaara-gar
marg-e-gul se peshtar
ik siyah sho.ala saa kartaa hai tavaaf-e-buu-e-jaa.n
lekin ai jaan-e-jahaa.n
chhuu a.ngusht-e-shahaadat se ko.ii nok-e-sinaa.n
mai.n likhuu.ngaa tere chehre par vo anmiT daastaa.n
zindagii sach bol de
jo sab dariiche khol de
zindagii sach bol de

Iqbal Haider

Nazm

marg-e-tazad

'ajiib-o-Gariib huu.n maKHluuq huu.n mai.n
miraa jism haathii kaa sar sher kaa hai
mai.n pahle ek haathii thaa jaise ki hote hai.n haathii
mujhe ek din sher par rashk aayaa to mai.n ne du'aa kii
KHudaayaa mire jism par sher kaa sar lagaa de

Ehsan Ali Khan

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now