Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "afsuu.n"

Nazm MATCHES FOR "afsuu.n"

Nazm

KHizr-e-rah

shaa'ir
saahil-e-dariyaa pe mai.n ik raat thaa mahv-e-nazar
gosha-e-dil me.n chhupaa.e ik jahaan-e-iztiraab
shab sukuut-afzaa havaa aasuuda dariyaa narm sair
thii nazar hairaa.n ki ye dariyaa hai yaa tasviir-e-aab
jaise gahvaare me.n so jaataa hai tifl-e-shiir-KHvaar
mauj-e-muztar thii kahii.n gahraa.iyo.n me.n mast-e-KHvaab
raat ke afsuu.n se taa.ir aashiyaano.n me.n asiir
anjum-e-kam-zau giraftaar-e-tilism-e-maahtaab
dekhtaa kyaa huu.n ki vo paik-e-jahaa.n-paimaa KHizr
jis kii piirii me.n hai maanind-e-sahar ra.ng-e-shabaab
kah rahaa hai mujh se ai juuyaa-e-asraar-e-azal
chashm-e-dil vaa ho to hai taqdiir-e-aalam be-hijaab
dil me.n ye sun kar bapaa ha.ngaama-e-mahshar hu.aa
mai.n shahiid-e-justujuu thaa yuu.n suKHan-gustar hu.aa
ai tirii chashm-e-jahaa.n-bii.n par vo tuufaa.n aashkaar
jin ke hangaame abhii dariyaa me.n sote hai.n KHamosh
kashtii-e-miskiin-o-jaan-e-paak-o-diivaar-e-yatiim
ilm-e-muusaa bhii hai tire saamne hairat-farosh
chho.D kar aabaadiyaa.n rahtaa hai tuu sahraa-navard
zindagii terii hai be-roz-o-shab-o-fardaa-o-dosh
zindagii kaa raaz kyaa hai saltanat kyaa chiiz hai
aur ye sarmaaya-o-mehnat me.n hai kaisaa KHarosh
ho rahaa hai asia kaa KHirqa-e-deriina chaak
naujavaa.n aqvaam-e-nau-daulat ke hai.n pairaaya-posh
garche askandar rahaa mahruum-e-aab-e-zindagii
fitrat-e-askandarii ab tak hai garm-e-naa.o-nosh
bechtaa hai haashmii naamuus diin-e-mustafaa
KHaak-o-KHuu.n me.n mil rahaa hai turkamaan-e-saKHt-kosh
aag hai aulaad-e-ibraahiim hai namruud hai
kyaa kisii ko phir kisii kaa imtihaa.n maqsuud hai
javaab-e-KHizr
sahraa-navardii

Allama Iqbal
Nazm

mauzu-e-suKHan

gul hu.ii jaatii hai afsurda sulagtii hu.ii shaam
Dhul ke niklegii abhii chashma-e-mahtaab se raat
aur mushtaaq nigaaho.n kii sunii jaa.egii
aur un haatho.n se mas ho.nge ye tarse hu.e haat
un kaa aa.nchal hai ki ruKHsaar ki pairaahan hai
kuchh to hai jis se hu.ii jaatii hai chilman ra.ngii.n
jaane us zulf kii mauhuum ghanii chhaa.nv me.n
TimTimaataa hai vo aaveza abhii tak ki nahii.n
aaj phir husn-e-dil-aaraa kii vahii dhaj hogii
vahii KHvaabiida sii aa.nkhe.n vahii kaajal kii lakiir
ra.ng-e-rukHsaar pe halkaa saa vo Gaaze kaa Gubaar
sandalii haath pe dhu.ndlii sii hinaa kii tahriir
apne afkaar kii ash.aar kii duniyaa hai yahii
jaan-e-mazmuu.n hai yahii shaahid-e-ma.anii hai yahii
aaj tak surKH o siyah sadiyo.n ke saa.e ke tale
aadam o havvaa kii aulaad pe kyaa guzrii hai?
maut aur ziist kii rozaana saf-aaraa.ii me.n
ham pe kyaa guzregii ajdaad pe kyaa guzrii hai?
in damakte hu.e shahro.n kii faraavaa.n maKHluuq
kyuu.n faqat marne kii hasrat me.n jiyaa kartii hai
ye hasii.n khet phaTaa pa.Dtaa hai jauban jin kaa!
kis liye in me.n faqat bhuuk ugaa kartii hai
ye har ik samt pur-asraar ka.Dii diivaare.n
jal-bujhe jin me.n hazaaro.n kii javaanii ke charaaG
ye har ik gaam pe un KHvaabo.n kii maqtal-gaahe.n
jin ke partav se charaaGaa.n hai.n hazaaro.n ke dimaaG
ye bhii hai.n aise ka.ii aur bhii mazmuu.n ho.nge
lekin us shoKH ke aahista se khulte hu.e ho.nT
haa.e us jism ke kambaKHt dil-aavez KHutuut
aap hii kahiye kahii.n aise bhii afsuu.n ho.nge

Faiz Ahmad Faiz
Nazm

taswir-e-dard

nahii.n minnat-kash-e-taab-e-shuniidan daastaa.n merii
KHamoshii guftuguu hai be-zabaanii hai zabaa.n merii
ye dastuur-e-zabaa.n-bandii hai kaisaa terii mahfil me.n
yahaa.n to baat karne ko tarastii hai zabaa.n merii
uThaa.e kuchh varaq laale ne kuchh nargis ne kuchh gul ne
chaman me.n har taraf bikhrii hu.ii hai daastaa.n merii
u.Daa lii qumriyo.n ne tuutiyo.n ne andaliibo.n ne
chaman vaalo.n ne mil kar luuT lii tarz-e-fuGaa.n merii
Tapak ai sham.a aa.nsuu ban ke parvaane kii aa.nkho.n se
saraapaa dard huu.n hasrat bharii hai daastaa.n merii
ilaahii phir maza kyaa hai yahaa.n duniyaa me.n rahne kaa
hayaat-e-jaavedaa.n merii na marg-e-naa-gahaa.n merii
miraa ronaa nahii.n ronaa hai ye saare gulistaa.n kaa
vo gul huu.n mai.n KHizaa.n har gul kii hai goyaa KHizaa.n merii
darii.n hasrat saraa umriist afsuun-e-jaras daaram
z faiz-e-dil tapiidan-haa KHarosh-e-be-nafas daaram
riyaaz-e-dahr me.n naa-aashnaa-e-bazm-e-ishrat huu.n
KHushii rotii hai jis ko mai.n vo mahruum-e-masarrat huu.n
mirii big.Dii hu.ii taqdiir ko rotii hai goyaa.ii
mai.n harf-e-zer-e-lab sharminda-e-gosh-e-samaa.at huu.n
pareshaa.n huu.n mai.n musht-e-KHaak lekin kuchh nahii.n khultaa
sikandar huu.n ki aa.iina huu.n yaa gard-e-kuduurat huu.n
ye sab kuchh hai magar hastii mirii maqsad hai qudrat kaa
saraapaa nuur ho jis kii haqiiqat mai.n vo zulmat huu.n
KHaziina huu.n chhupaayaa mujh ko musht-e-KHaak-e-sahraa ne
kisii ko kyaa KHabar hai mai.n kahaa.n huu.n kis kii daulat huu.n
nazar merii nahii.n mamnuun-e-sair-e-arsa-e-hastii
mai.n vo chhoTii sii duniyaa huu.n ki aap apnii vilaayat huu.n
na sahbaa huu.n na saaqii huu.n na mastii huu.n na paimaana
mai.n is mai-KHaana-e-hastii me.n har shai kii haqiiqat huu.n
mujhe raaz-e-do-aalam dil kaa aa.iina dikhaataa hai
vahii kahtaa huu.n jo kuchh saamne aa.nkho.n ke aataa hai
ataa aisaa bayaa.n mujh ko hu.aa ra.ngii.n-bayaano.n me.n
ki baam-e-arsh ke taa.ir hai.n mere ham-zabaano.n me.n
asar ye bhii hai ik mere junuun-e-fitna-saamaa.n kaa
miraa aa.iina-e-dil hai qazaa ke raaz-daano.n me.n
rulaataa hai tiraa nazzaara ai hindostaa.n mujh ko
ki ibrat-KHez hai teraa fasaana sab fasaano.n me.n
diyaa ronaa mujhe aisaa ki sab kuchh de diyaa goyaa
likhaa kalk-e-azal ne mujh ko tere nauha-KHvaano.n me.n
nishaan-e-barg-e-gul tak bhii na chho.D us baaG me.n gulchii.n
tirii qismat se razm-aaraa.iyaa.n hai.n baaGbaano.n me.n
chhupaa kar aastii.n me.n bijliyaa.n rakkhii hai.n garduu.n ne
anaadil baaG ke Gaafil na baiThe.n aashiyaano.n me.n
sun ai Gaafil sadaa merii ye aisii chiiz hai jis ko
vaziifa jaan kar pa.Dhte hai.n taa.ir bostaano.n me.n
vatan kii fikr kar naadaa.n musiibat aane vaalii hai
tirii barbaadiyo.n ke mashvare hai.n aasmaano.n me.n
zaraa dekh us ko jo kuchh ho rahaa hai hone vaalaa hai
dharaa kyaa hai bhalaa ahd-e-kuhan kii daastaano.n me.n
ye KHaamoshii kahaa.n tak lazzat-e-fariyaad paidaa kar
zamii.n par tuu ho aur terii sadaa ho aasmaano.n me.n
na samjhoge to miT jaa.oge ai hindostaa.n vaalo
tumhaarii daastaa.n tak bhii na hogii daastaano.n me.n
yahii aa.iin-e-qudrat hai yahii usluub-e-fitrat hai
jo hai raah-e-amal me.n gaam-zan mahbuub-e-fitrat hai
huvaidaa aaj apne zaKHm-e-pinhaa.n kar ke chho.Duu.ngaa
lahuu ro ro ke mahfil ko gulistaa.n kar ke chho.Duu.ngaa
jalaanaa hai mujhe har sham-e-dil ko soz-e-pinhaa.n se
tirii taariik raato.n me.n charaaGaa.n kar ke chho.Duu.ngaa
magar Guncho.n kii suurat huu.n dil-e-dard-aashnaa paidaa
chaman me.n musht-e-KHaak apnii pareshaa.n kar ke chho.Duu.ngaa
pironaa ek hii tasbiih me.n in bikhre daano.n ko
jo mushkil hai to is mushkil ko aasaa.n kar ke chho.Duu.ngaa
mujhe ai ham-nashii.n rahne de shaGl-e-siina-kaavii me.n
ki mai.n daaG-e-mohabbat ko numaayaa.n kar ke chho.Duu.ngaa
dikhaa duu.ngaa jahaa.n ko jo mirii aa.nkho.n ne dekhaa hai
tujhe bhii suurat-e-aa.iina hairaa.n kar ke chho.Duu.ngaa
jo hai pardo.n me.n pinhaa.n chashm-e-biinaa dekh letii hai
zamaane kii tabii.at kaa taqaazaa dekh letii hai
kiyaa rif.at kii lazzat se na dil ko aashnaa tuu ne
gizaarii umr pastii me.n misaal-e-naqsh-e-paa tuu ne
rahaa dil-basta-e-mahfil magar apnii nigaaho.n ko
kiyaa bairuun-e-mahfil se na hairat-aashnaa tuu ne
fidaa kartaa rahaa dil ko hasiino.n kii adaa.o.n par
magar dekhii na us aa.iine me.n apnii adaa tuu ne
ta.assub chho.D naadaa.n dahr ke aa.iina-KHaane me.n
ye tasviire.n hai.n terii jin ko samjhaa hai buraa tuu ne
saraapaa naala-e-bedaad-e-soz-e-zindagii ho jaa
sapand-aasaa girah me.n baa.ndh rakkhii hai sadaa tuu ne
safaa-e-dil ko kyaa aaraa.ish-e-ra.ng-e-ta.alluq se
kaf-e-aa.iina par baa.ndhii hai o naadaa.n hinaa tuu ne
zamii.n kyaa aasmaa.n bhii terii kaj-biinii pe rotaa hai
Gazab hai satr-e-qur.aa.n ko chaliipaa kar diyaa tuu ne
zabaa.n se gar kiyaa tauhiid kaa daavaa to kyaa haasil
banaayaa hai but-e-pindaar ko apnaa KHudaa tuu ne
ku.e.n me.n tuu ne yuusuf ko jo dekhaa bhii to kyaa dekhaa
are Gaafil jo mutlaq thaa muqayyad kar diyaa tuu ne
havas baalaa-e-mimbar hai tujhe ra.ngii.n-bayaanii kii
nasiihat bhii tirii suurat hai ik afsaana-KHvaanii kii
dikhaa vo husn-e-aalam-soz apnii chashm-e-pur-nam ko
jo ta.Dpaataa hai parvaane ko rulvaataa hai shabnam ko
zaraa nazzaara hii ai bul-havas maqsad nahii.n us kaa
banaayaa hai kisii ne kuchh samajh kar chashm-e-aadam ko
agar dekhaa bhii us ne saare aalam ko to kyaa dekhaa
nazar aa.ii na kuchh apnii haqiiqat jaam se jam ko
shajar hai firqa-aaraa.ii ta.assub hai samar us kaa
ye vo phal hai ki jannat se nikalvaataa hai aadam ko
na uTThaa jazba-e-KHurshiid se ik barg-e-gul tak bhii
ye rif.at kii tamannaa hai ki le u.Dtii hai shabnam ko
phiraa karte nahii.n majruuh-e-ulfat fikr-e-darmaa.n me.n
ye zaKHmii aap kar lete hai.n paidaa apne marham ko
mohabbat ke sharar se dil saraapaa nuur hotaa hai
zaraa se biij se paidaa riyaaz-e-tuur hotaa hai
davaa har dukh kii hai majruuh-e-teG-e-aarzuu rahnaa
ilaaj-e-zaKHm hai aazaad-e-ehsaan-e-rafuu rahnaa
sharaab-e-be-KHudii se taa-falak parvaaz hai merii
shikast-e-ra.ng se siikhaa hai mai.n ne ban ke buu rahnaa
thame kyaa diida-e-giryaa.n vatan kii nauha-KHvaanii me.n
ibaadat chashm-e-shaa.ir kii hai har dam baa-vazuu rahnaa
banaa.e.n kyaa samajh kar shaaKH-e-gul par aashiyaa.n apnaa
chaman me.n aah kyaa rahnaa jo ho be-aabruu rahnaa
jo tuu samjhe to aazaadii hai poshiida mohabbat me.n
Gulaamii hai asiir-e-imtiyaaz-e-maa-o-tuu rahnaa
ye istiGnaa hai paanii me.n niguu.n rakhtaa hai saaGar ko
tujhe bhii chaahiye misl-e-habaab-e-aabjuu rahnaa
na rah apno.n se be-parvaa isii me.n KHair hai terii
agar manzuur hai duniyaa me.n o begaana-KHuu rahnaa
sharaab-e-ruuh-parvar hai mohabbat nau-e-insaa.n kii
sikhaayaa is ne mujh ko mast be-jaam-o-subuu rahnaa
mohabbat hii se paa.ii hai shifaa biimaar qaumo.n ne
kiyaa hai apne baKHt-e-KHufta ko bedaar qaumo.n ne
bayaabaan-e-mohabbat dasht-e-Gurbat bhii vatan bhii hai
ye viiraana qafas bhii aashiyaana bhii chaman bhii hai
mohabbat hii vo manzil hai ki manzil bhii hai sahraa bhii
jaras bhii kaarvaa.n bhii raahbar bhii raahzan bhii hai
maraz kahte hai.n sab is ko ye hai lekin maraz aisaa
chhupaa jis me.n ilaaj-e-gardish-e-charKH-e-kuhan bhii hai
jalaanaa dil kaa hai goyaa saraapaa nuur ho jaanaa
ye parvaana jo sozaa.n ho to sham-e-anjuman bhii hai
vahii ik husn hai lekin nazar aataa hai har shai me.n
ye shiirii.n bhii hai goyaa be-sutuu.n bhii kohkan bhii hai
ujaa.Daa hai tamiiz-e-millat-o-aa.ii.n ne qaumo.n ko
mire ahl-e-vatan ke dil me.n kuchh fikr-e-vatan bhii hai
sukuut-aamoz tuul-e-daastaan-e-dard hai varna
zabaa.n bhii hai hamaare mu.nh me.n aur taab-e-suKHan bhii hai
namii-gardiid ko tah rishta-e-ma.anii rihaa kardam
hikaayat buud be-paayaa.n ba-KHaamoshii adaa kardam

Allama Iqbal
Nazm

walida marhuma ki yaad mein

zarra zarra dahr kaa zindaanii-e-taqdiir hai
parda-e-majbuurii o bechaargii tadbiir hai
aasmaa.n majbuur hai shams o qamar majbuur hai.n
anjum-e-siimaab-paa raftaar par majbuur hai.n
hai shikast anjaam Gunche kaa subuu gulzaar me.n
sabza o gul bhii hai.n majbuur-e-numuu gulzaar me.n
naGma-e-bulbul ho yaa aavaaz-e-KHaamosh-e-zamiir
hai isii zanjiir-e-aalam-giir me.n har shai asiir
aa.nkh par hotaa hai jab ye sirr-e-majbuurii ayaa.n
KHushk ho jaataa hai dil me.n ashk kaa sail-e-ravaa.n
qalb-e-insaanii me.n raqs-e-aish-o-Gam rahtaa nahii.n
naGma rah jaataa hai lutf-e-zer-o-bam rahtaa nahii.n
ilm o hikmat rahzan-e-saamaan-e-ashk-o-aah hai
ya.anii ik almaas kaa Tuk.Daa dil-e-aagaah hai
garche mere baaG me.n shabnam kii shaadaabii nahii.n
aa.nkh merii maaya-daar-e-ashk-e-unnaabii nahii.n
jaantaa huu.n aah me.n aalaam-e-insaanii kaa raaz
hai navaa-e-shikva se KHaalii mirii fitrat kaa saaz
mere lab par qissa-e-naira.ngi-e-dauraa.n nahii.n
dil miraa hairaa.n nahii.n KHanda nahii.n giryaa.n nahii.n
par tirii tasviir qaasid girya-e-paiham kii hai
aah ye tardiid merii hikmat-e-mohkam kii hai
girya-e-sarshaar se buniyaad-e-jaa.n paa.inda hai
dard ke irfaa.n se aql-e-sa.ng-dil sharminda hai
mauj-e-duud-e-aah se aa.iina hai raushan miraa
ganj-e-aab-aavrd se maamuur hai daaman miraa
hairatii huu.n mai.n tirii tasviir ke e.ajaaz kaa
ruKH badal Daalaa hai jis ne vaqt kii parvaaz kaa
rafta o haazir ko goyaa paa-ba-paa is ne kiyaa
ahd-e-tiflii se mujhe phir aashnaa is ne kiyaa
jab tire daaman me.n paltii thii vo jaan-e-naa-tavaa.n
baat se achchhii tarah mahram na thii jis kii zabaa.n
aur ab charche hai.n jis kii shoKHii-e-guftaar ke
be-bahaa motii hai.n jis kii chashm-e-gauhar-baar ke
ilm kii sa.njiida-guftaarii bu.Dhaape kaa shu.uur
dunyavii e.azaaz kii shaukat javaanii kaa Guruur
zindagii kii auj-gaaho.n se utar aate hai.n ham
sohbat-e-maadar me.n tifl-e-saada rah jaate hai.n ham
be-takalluf KHanda-zan hai.n fikr se aazaad hai.n
phir usii kho.e hu.e firdaus me.n aabaad hai.n
kis ko ab hogaa vatan me.n aah meraa intizaar
kaun meraa KHat na aane se rahegaa be-qaraar
KHaak-e-marqad par tirii le kar ye fariyaad aa.uu.ngaa
ab du.aa-e-niim-shab me.n kis ko mai.n yaad aa.uu.ngaa
tarbiyat se terii me.n anjum kaa ham-qismat hu.aa
ghar mire ajdaad kaa sarmaaya-e-izzat hu.aa
daftar-e-hastii me.n thii zarrii.n varaq terii hayaat
thii saraapaa diin o duniyaa kaa sabaq terii hayaat
umr bhar terii mohabbat merii KHidmat-gar rahii
mai.n tirii KHidmat ke qaabil jab hu.aa tuu chal basii
vo javaa.n-qaamat me.n hai jo suurat-e-sarv-e-buland
terii KHidmat se hu.aa jo mujh se ba.Dh kar bahra-mand
kaarobaar-e-zindagaanii me.n vo ham-pahluu miraa
vo mohabbat me.n tirii tasviir vo baazuu miraa
tujh ko misl-e-tiflak-e-be-dast-o-paa rotaa hai vo
sabr se naa-aashnaa sub.h o masaa rotaa hai vo
tuKHm jis kaa tuu hamaarii kisht-e-jaa.n me.n bo ga.ii
shirkat-e-Gam se vo ulfat aur mohkam ho ga.ii
aah ye duniyaa ye maatam-KHaana-e-barnaa-o-piir
aadmii hai kis tilism-e-dosh-o-fardaa me.n asiir
kitnii mushkil zindagii hai kis qadar aasaa.n hai maut
gulshan-e-hastii me.n maanind-e-nasiim arzaa.n hai maut
zalzale hai.n bijliyaa.n hai.n qaht hai.n aalaam hai.n
kaisii kaisii duKHtaraan-e-maadar-e-ayyaam hai.n
kalba-e-iflaas me.n daulat ke kaashaane me.n maut
dasht o dar me.n shahr me.n gulshan me.n viiraane me.n maut
maut hai ha.ngaama-aaraa qulzum-e-KHaamosh me.n
Duub jaate hai.n safiine mauj kii aaGosh me.n
ne majaal-e-shikva hai ne taaqat-e-guftaar hai
zindagaanii kyaa hai ik tauq-e-guluu-afshaar hai
qaafile me.n Gair fariyaad-e-diraa kuchh bhii nahii.n
ik mataa-e-diida-e-tar ke sivaa kuchh bhii nahii.n
KHatm ho jaa.egaa lekin imtihaa.n kaa daur bhii
hai.n pas-e-noh parda-e-garduu.n abhii daur aur bhii
siina chaak is gulsitaa.n me.n laala-o-gul hai.n to kyaa
naala o fariyaad par majbuur bulbul hai.n to kyaa
jhaa.Diyaa.n jin ke qafas me.n qaid hai aah-e-KHizaa.n
sabz kar degii unhe.n baad-e-bahaar-e-jaavedaa.n
KHufta-KHaak-e-pai sipar me.n hai sharaar apnaa to kyaa
aarzii mahmil hai ye musht-e-Gubaar apnaa to kyaa
zindagii kii aag kaa anjaam KHaakistar nahii.n
TuuTnaa jis kaa muqaddar ho ye vo gauhar nahii.n
zindagii mahbuub aisii diida-e-qudrat me.n hai
zauq-e-hifz-e-zindagii har chiiz kii fitrat me.n hai
maut ke haatho.n se miT saktaa agar naqsh-e-hayaat
aam yuu.n us ko na kar detaa nizaam-e-kaa.enaat
hai agar arzaa.n to ye samjho ajal kuchh bhii nahii.n
jis tarah sone se jiine me.n KHalal kuchh bhii nahii.n
aah Gaafil maut kaa raaz-e-nihaa.n kuchh aur hai
naqsh kii naa-paa.edaarii se ayaa.n kuchh aur hai
jannat-e-nazaara hai naqsh-e-havaa baalaa-e-aab
mauj-e-muztar to.D kar ta.amiir kartii hai habaab
mauj ke daaman me.n phir us ko chhupaa detii hai ye
kitnii bedardii se naqsh apnaa miTaa detii hai ye
phir na kar saktii habaab apnaa agar paidaa havaa
to.Dne me.n us ke yuu.n hotii na be-parvaa havaa
is ravish kaa kyaa asar hai haiyat-e-taamiir par
ye to hujjat hai havaa kii quvvat-e-taamiir par
fitrat-e-hastii shahiid-e-aarzuu rahtii na ho
KHuub-tar paikar kii us ko justujuu rahtii na ho
aah siimaab-e-pareshaa.n anjum-e-garduu.n-faroz
shoKH ye chi.ngaariyaa.n mamnuun-e-shab hai jin kaa soz
aql jis se sar-ba-zaanuu hai vo muddat in kii hai
sarguzisht-e-nau-e-insaa.n ek saa.at un kii hai
phir ye insaa.n aa.n suu-e-aflaak hai jis kii nazar
qudsiyo.n se bhii maqaasid me.n hai jo paakiiza-tar
jo misaal-e-sham.a raushan mahfil-e-qudrat me.n hai
aasmaa.n ik nuqta jis kii vus.at-e-fitrat me.n hai
jis kii naadaanii sadaaqat ke liye betaab hai
jis kaa naaKHun saaz-e-hastii ke liye mizraab hai
sho.ala ye kam-tar hai garduu.n ke sharaaro.n se bhii kyaa
kam-bahaa hai aaftaab apnaa sitaaro.n se bhii kyaa
tuKHm-e-gul kii aa.nkh zer-e-KHaak bhii be-KHvaab hai
kis qadar nashv-o-numaa ke vaaste betaab hai
zindagii kaa sho.ala is daane me.n jo mastuur hai
KHud-numaa.ii KHud-fazaa.ii ke liye majbuur hai
sardi-e-marqad se bhii afsurda ho saktaa nahii.n
KHaak me.n dab kar bhii apnaa soz kho saktaa nahii.n
phuul ban kar apnii turbat se nikal aataa hai ye
maut se goyaa qabaa-e-zindagii paataa hai ye
hai lahad is quvvat-e-aashufta kii shiiraaza-band
Daaltii hai gardan-e-garduu.n me.n jo apnii kamand
maut tajdiid-e-mazaaq-e-zindagii kaa naam hai
KHvaab ke parde me.n bedaarii kaa ik paiGaam hai
KHuugar-e-parvaaz ko parvaaz me.n Dar kuchh nahii.n
maut is gulshan me.n juz sanjiidan-e-par kuchh nahii.n
kahte hai.n ahl-e-jahaa.n dard-e-ajal hai laa-davaa
zaKHm-e-furqat vaqt ke marham se paataa hai shifaa
dil magar Gam marne vaalo.n kaa jahaa.n aabaad hai
halqa-e-zanjiir-e-sub.h-o-shaam se aazaad hai
vaqt ke afsuu.n se thamtaa naala-e-maatam nahii.n
vaqt zaKHm-e-teG-e-furqat kaa ko.ii marham nahii.n
sar pe aa jaatii hai jab ko.ii musiibat naa-gahaa.n
ashk paiham diida-e-insaa.n se hote hai.n ravaa.n
rabt ho jaataa hai dil ko naala o fariyaad se
KHuun-e-dil bahtaa hai aa.nkho.n kii sarishk-aabaad se
aadmii taab-e-shakebaa.ii se go mahruum hai
us kii fitrat me.n ye ik ehsaas-e-naa-maaluum hai
jauhar-e-insaa.n adam se aashnaa hotaa nahii.n
aa.nkh se Gaa.eb to hotaa hai fanaa hotaa nahii.n
raKHt-e-hastii KHaak-e-Gam kii sho.ala-afshaanii se hai
sard ye aag is latiif ehsaas ke paanii se hai
aah ye zabt-e-fuGaa.n Gaflat kii KHaamoshii nahii.n
aagahii hai ye dilaasaa.ii faraamoshii nahii.n
parda-e-mashriq se jis dam jalva-gar hotii hai sub.h
daaG shab kaa daaman-e-aafaaq se dhotii hai sub.h
laala-e-afsurda ko aatish-qabaa kartii hai ye
be-zabaa.n taa.ir ko sarmast-e-navaa kartii hai ye
siina-e-bulbul ke zindaa.n se sarod aazaad hai
saik.Do.n naGmo.n se baad-e-sub.h-dam-aabaad hai
KHuftagaan-e-laala-zaar o kohsaar o ruud baar
hote hai.n aaKHir uruus-e-zindagii se ham-kanaar
ye agar aa.iin-e-hastii hai ki ho har shaam sub.h
marqad-e-insaa.n kii shab kaa kyuu.n na ho anjaam sub.h
daam-e-siimiin-e-taKHayyul hai miraa aafaaq-giir
kar liyaa hai jis se terii yaad ko mai.n ne asiir
yaad se terii dil-e-dard aashnaa maamuur hai
jaise ka.abe me.n du.aa.o.n se fazaa maamuur hai
vo faraa.ez kaa tasalsul naam hai jis kaa hayaat
jalva-gaahe.n us kii hai.n laakho.n jahaan-e-be-sabaat
muKHtalif har manzil-e-hastii ko rasm-o-raah hai
aaKHirat bhii zindagii kii ek jaulaa.n-gaah hai
hai vahaa.n be-haasilii kisht-e-ajal ke vaaste
saazgaar aab-o-havaa tuKHm-e-amal ke vaaste
nuur-e-fitrat zulmat-e-paikar kaa zindaanii nahii.n
ta.ng aisaa halqa-e-afkaar-e-insaanii nahii.n
zindagaanii thii tirii mahtaab se taabinda-tar
KHuub-tar thaa sub.h ke taare se bhii teraa safar
misl-e-aivaan-e-sahar marqad farozaa.n ho tiraa
nuur se maamuur ye KHaakii shabistaa.n ho tiraa
aasmaa.n terii lahad par shabnam-afshaanii kare
sabza-e-nau-rasta is ghar kii nigahbaanii kare

Allama Iqbal
Nazm

hasan kuza-gar (4)

jahaa.n-zaad kaise hazaaro.n baras ba.ad
ik shahr-e-madfuun kii har galii me.n
mere jaam o miinaa o gul-daa.n ke reze mile hai.n
ki jaise vo is shahr-e-barbaad kaa haafiza ho.n
hasan naam kaa ik javaa.n kuuza-gar ik na.e shahr me.n
apne kuuze banaataa hu.aa ishq kartaa hu.aa
apne maazii ke taaro.n me.n ham se piroyaa gayaa hai
hamii.n me.n ki jaise hamii.n ho.n samoyaa gayaa hai
ki ham tum vo baarish ke qatre the jo raat bhar se
hazaaro.n baras re.ngtii raat bhar
ik dariiche ke shiisho.n pe girte hu.e saa.np lahre.n
banaate rahe hai.n
aur ab is jagah vaqt kii sub.h hone se pahle
ye ham aur ye naujavaa.n kuuza-gar
ek ruuyaa me.n phir se piro.e ga.e hai.n
jahaa.n-zaad
ye kaisaa kohna-parasto.n kaa amboh
kuuzo.n kii laasho.n me.n utraa hai
dekho
ye vo log hai.n jin kii aa.nkhe.n
kabhii jaam o miinaa kii lim tak na pahu.nchii.n
yahii aaj is rang o roGan kii maKHluuq-e-be-jaa.n
ko phir se ulaTne palaTne lage hai.n
ye un ke tale Gam kii chi.ngaariyaa.n paa sake.nge
jo taariiKH ko khaa ga.ii thii.n
vo tuufaan vo aa.ndhiyaa.n paa sake.nge
jo har chiiKH ko khaa ga.ii thii.n
unhe.n kyaa KHabar kis dhanak se mere rang aa.e
mere aur is naujavaa.n kuuza-gar ke
unhe.n kyaa KHabar kaun sii titliyo.n ke paro.n se
unhe.n kyaa KHabar kaun se husn se
kaun sii zaat se kis KHadd-o-KHaal se
mai.n ne kuuzo.n ke chehre utaare
ye sab log apne asiiro.n me.n hai.n
zamaana jahaa.n-zaad afsuu.n-zada burj hai
aur ye log us ke asiiro.n me.n hai.n
javaa.n kuuza-gar ha.ns rahaa hai
ye maasuum vahshii ki apne hii qaamat se zholiida-daaman
hai.n juuyaa kisii azmat-e-naa-rasaa ke
unhe.n kyaa KHabar kaisaa aaseb-e-mubram mere Gaar siine pe thaa
jis ne mujh se aur us kuuza-gar se kahaa
ai hasan kuuza-gar jaag
dard-e-risaalat kaa roz-e-bashaarat tire jaam o miinaa
kii tishna-labii tak pahu.nchne lagaa hai
yahii vo nidaa ke piichhe hasan naam kaa
ye javaa.n kuuza-gar bhii
pyaape ravaa.n hai zamaa.n se zamaa.n tak
KHizaa.n se KHizaa.n tak

Noon Meem Rashid
Nazm

mera safar

lekin mai.n yahaa.n phir aa.uu.ngaa
bachcho.n ke dahan se boluu.ngaa
chi.Diyo.n kii zabaa.n se gaa.u.ngaa
jab biij ha.nse.nge dhartii me.n
aur ko.nple.n apnii u.nglii se
miTTii kii taho.n ko chhe.De.ngii
mai.n pattii pattii kalii kalii
apnii aa.nkhe.n phir kholuu.ngaa
sarsabz hathelii par le kar
shabnam ke qatre tauluu.ngaa
mai.n rang-e-hinaa aaha.ng-e-Gazal
andaaz-e-suKHan ban jaa.uu.ngaa
ruKHsaar-e-uruus-e-nau kii tarah
har aa.nchal se chhan jaa.uu.ngaa
jaa.Do.n kii havaa.e.n daaman me.n
jab fasl-e-KHizaa.n ko laa.e.ngii
rah-rau ke javaa.n qadmo.n ke tale
suukhe hu.e patto.n se mere
ha.nsne kii sadaa.e.n aa.e.ngii
dhartii kii sunahrii sab nadiyaa.n
aakaash kii niilii sab jhiile.n
hastii se mirii bhar jaa.e.ngii
aur saaraa zamaana dekhegaa
har qissa miraa afsaana hai
har aashiq hai 'sardaar' yahaa.n
har maashuuqa 'sultaanaa' hai

Ali Sardar Jafri
Nazm

shor-e-barbat-o-nai

pahlii aavaaz
ab sa.ii kaa imkaa.n aur nahii.n parvaaz kaa mazmuu.n ho bhii chukaa
taaro.n pe kamande.n phe.nk chuke mahtaab pe shab-KHuu.n ho bhii chukaa
ab aur kisii fardaa ke liye un aa.nkho.n se kyaa paimaa.n kiije
kis KHvaab ke jhuuTe afsuu.n se taskiin-e-dil-e-naadaa.n kiije
shiiriinii-e-lab KHushbuu-e-dahan ab shauq kaa unvaa.n ko.ii nahii.n
shaadaabii-e-dil tafriih-e-nazar ab ziist kaa darmaa.n ko.ii nahii.n
jiine ke fasaane rahne do ab in me.n ulajh kar kyaa le.nge
ik maut kaa dhandaa baaqii hai jab chaahe.nge nipTaa le.nge
ye teraa kafan vo meraa kafan ye merii lahad vo terii hai

Faiz Ahmad Faiz
Nazm

bite hue din

kyaa haal kahe.n us mausam kaa
jab jins-e-javaanii sastii thii
jis phuul ko chuumo khultaa thaa
jis shai ko dekho ha.nstii thii
jiinaa sachchaa jiinaa thaa
hastii ain hastii thii
afsaana jaaduu afsuu.n thaa
Gaflat niinde.n mastii thii
un biite dino.n kii baat hai ye
jab dil kii bastii bastii thii

Josh Malihabadi
Nazm

fikr

mah-vasho.n kaa tarab-a.ngez tabassum kyaa hai
hai to sab kuchh ye magar KHvaab asar kyuu.n ho jaa.e
husn kii jalva-gah-e-naaz kaa afsuu.n tasliim
yahii qurbaa.n-gah-e-arbaab-e-nazar kyuu.n ho jaa.e

Asrarul Haq Majaz
Nazm

aadam-e-nau ka tarana-e-safar

fareb khaa.e hai.n ra.ng-o-buu ke saraab ko puujtaa rahaa huu.n
magar nataa.ej kii raushnii me.n KHud apnii manzil pe aa rahaa huu.n
jo dil kii gahraa.iyo.n me.n sub.h zuhuur-e-aadam se so rahii thii.n
mai.n apnii fitrat kii un KHudaa-daad quvvato.n ko jagaa rahaa huu.n
mai.n saa.ns letaa huu.n har qadam par ki bojh bhaarii hai zindagii kaa
Thahar zaraa garm-rau zamaane ki mai.n tire saath aa rahaa huu.n
jahaaz-raano.n ko bhii ta.ajjub hai mere is azm-e-mutma.in par
ki aa.ndhiyaa.n chal rahii hai.n tund aur mai.n apnii kashtii chalaa rahaa huu.n
tilism-e-fitrat bhii muskuraataa hai merii afsuu.n-taraaziyo.n par
bahut se jaaduu jagaa chukaa huu.n bahut se jaaduu jagaa rahaa huu.n
ye mehr-e-taabaa.n se ko.ii kah de ki apnii kirno.n ko gin ke rakh le
mai.n apne sahraa ke zarre zarre ko KHud chamaknaa sikhaa rahaa huu.n
miraa taKHayyul mire iraade kare.nge fitrat pe hukmaraanii
jahaa.n farishto.n ke par hai.n larzaa.n mai.n us bulandii pe jaa rahaa huu.n
ye vo gharau.nde hai.n jin pe ik din pa.Degii buniyaad-e-qasr-e-jannat
na samjhe.n sukkaan-e-bazm-e-ismat ki mai.n gharau.nde banaa rahaa huu.n
ye naaz-parvardagaan-e-saahil Dare.n Dare.n mirii garm rau se
ki mai.n samundar kii tund maujo.n ko rau.ndtaa paas aa rahaa huu.n

Jameel Mazhari
Nazm

baz-gasht

KHaamushii re.ngtii hai raaho.n par
ek afsuu.n-ba-dosh KHvaab liye
raat ruk ruk ke saa.ns letii hai
apnii zulmat kaa bojh uThaa.e hu.e

Mahmood Ayaz
Nazm

husn-e-bimar

al-amaa.n aa.nkho.n kii niim-afsurda sii afsuu.n-garii
ek dhundlaa saa tabassum ik thakii sii dilbarii

Josh Malihabadi
Nazm

madam

zulf kii chhaa.nv me.n aariz kii tab-o-taab liye
lab pe afsuu.n liye aa.nkho.n me.n mai-e-naab liye
har nafas rau me.n liye sorish-e-tuGyaan-e-nihaa.n
har nazar shauq kaa afsaana-e-b-taab liye
sehr o ejaaz liye jumbish-e-mizhgaan-e-daraaz
KHanda-e-shoKh jamaal-e-dur-e-KHush-aab liye
zau-fagan ruu-e-hasii.n par shab-e-mahtaab-e-shabaab
chashm-e-maKHmuur nashaat-e-shab-e-mahtaab liye
nashsha-e-naaz javaanii me.n sharaabor adaa
jism zauq-e-guhar atlas-o-kamKHvaab liye
zulf-e-shab-ra.ng liye sandal o uud o ambar
KHam-e-abruu-e-hasii.n dair kii mehraab liye
lab-e-gul-ra.ng-o-hasii.n jism gudaaz-o-siimii.n
shoKHii-e-barq liye larzish-e-siimaab liye
ek sayyaad-e-KHush-andaam svaad-e-mashriq
zulf-e-ba.ngaal liye tal.at-e-punjab liye
nuzhat o naaz kaa ik paikar-e-shaadaab-o-hasii.n
nik.hat-o-nuur kaa umDaa hu.aa sailaab liye
merii vaaraftagii-e-shauq musallam lekin
kis kii aa.nkhe.n hai.n zuleKHaa kaa hasii.n KHvaab liye

Asrarul Haq Majaz
Nazm

aag ke pas

aaj bhii apne hii ilhaad kii kursii me.n
pa.Daa uu.nghtaa huu.n
naujavaa.n beTe ke alfaaz pe chau.nk uThtaa huu.n
tuu ne beTe
ye ajab KHvaab sunaayaa hai mujhe
apnaa ye KHvaab kisii aur se hargiz na kaho
kabhii aahista se darvaaza jo khultaa hai to ha.ns detaa huu.n
ye bhii is baat kii sarsar kii
na.ii chaal nayaa dhokaa hai
phuul yaa pariyaa.n banaane kaa ko.ii nusKHa
mire paas nahii.n hai beTe
mujhe fardaa.o.n ke sahraa se bhii
afsuun-e-rivaayat kii lahak aatii hai
aag me.n ko.ele bujhne kii tamannaa na karo
in se aa.inda ke miTte hu.e aasaar
ubhar aa.e.nge
in guzarte hu.e lamhaat kii tanhaa.ii me.n
kaisaa ye KHvaab sunaayaa hai mujhe tuu ne abhii
nahii.n har ek se
har ek se ye KHvaab kaho
is se jaag uThtaa hai
soyaa hu.aa majzuub
mirii aag ke paas
aise majzuub ko ik KHvaab bahut
KHvaab bahut KHvaab bahut
aise har mast ko
ik KHvaab bahut

Noon Meem Rashid
Nazm

aaj

larzish-e-lab me.n sharaab-o-sher kaa tuufaan hai
jumbish-e-mizhgaa.n me.n afsuun-e-Gazal-KHvaanii hai aaj

Asrarul Haq Majaz
Nazm

muslim-league

log kahte hai.n ki aamaada-e-islaah hai league
ye agar sach hai to ham ko bhii ko.ii ja.ng nahii.n
seGa-e-raaz se kuchh kuchh ye bhanak aatii hai
ki ham-aaha.ngi-e-ahbaab se ab na.ng nahii.n
farq itnaa to ba-zaahir nazar aataa hai zaruur
ab KHushaamad kaa har ik baat me.n vo rang nahii.n
arz-e-matlab me.n zabaa.n kuchh to hai khultii jaatii
garche ab tak bhii hariifo.n se ham-aaha.ng nahii.n
vo bhii ab naqd-e-hukuumat ko parakhte hai.n zaruur
jin ko ab tak bhii tamiiz-e-guhar-o-sa.ng nahii.n
qaum me.n phuu.nkte rahte hai.n jo afsuun-e-vafaa
un kii afsaana-taraazii kaa bhii vo Dha.ng nahii.n
vo bhii kahte hai.n ki is jins-e-vafaa kii qiimat
jis qadar miltii hai zarre ke bhii ham sang nahii.n
aage the halqa-e-taqliid me.n jo log asiir
sust-raftaar to ab bhii hai.n magar la.ng nahii.n
aap liberal jo nahii.n hai.n to balaa se na sahii
yaa.n kisii ko talab-e-afsar-o-aura.ng nahii.n
kaam karne ke bahut se hai.n jo karnaa chaahe.n
ab bhii ye daa.era-e-sa.i-o-amal ta.ng nahii.n
saal me.n ye jo tamaashaa saa hu.aa kartaa hai
kaam karne kaa ye andaaz nahii.n Dha.ng nahii.n
kuchh to nazm-o-nasq-e-mulk me.n bhii diijiye daKHl
sheva-e-haq-talabii hai ye ko.ii ja.ng nahii.n
kuchh na kuchh nazm-e-hukuumat me.n hai islaah zaruur
ham na maane.nge ki is aa.iina me.n za.ng nahii.n
kam se kam hakim-e-izlaa to ho.n ahl-e-vatan
kyaa hazaaro.n me.n ko.ii saahib-e-farha.ng nahii.n

Shibli Nomani
Nazm

tu ne puchha hai mere dost!

jaane kyuu.n hai ki sahar-kaarii-e-taKH.iil kaa dam
roz-o-fardaa me.n badalte hu.e ghaT jaataa hai
apnii ta.abiir me.n Dhalte hu.e afsuu.n kaa siraa
jaane kis taur kaf-e-KHvaab se chhuT jaataa hai
jab bhii laa-haasilii imkaan kii manzil dekhe
rah me.n asbaab-e-tamannaa kahii.n luT jaataa hai
mil ke bhii kuchh nahii.n miltaa hai jahaa.n dost mire!
e'tibaar-e-Gam-e-hastii vahaa.n uTh jaataa hai

Saima Esma
Nazm

urdu

zindagii bhes badal kar jahaa.n fan bantii hai
'miir'-o-'Gaalib' kaa vo andaaz-e-bayaa.n hai urdu
kabhii kartii hai sitaaro.n se bhii aage manzil
chashm-e-iqbaal se goyaa nigaraa.n hai urdu
saath inshaa ke kabhii ha.nstii hai dil khol ke vo
bahr-e-faanii kabhii masruuf fuGaa.n hai urdu
haasil-e-bazm hai aur bazm ko ta.Dpaatii hai
jaan-e-mai-KHaana hai maiKHaana-e-jaa.n hai urdu
gaah parvaane kii mayyat pe kha.Dii miltii hai
suurat-e-sham.a jahaa.n girya-kunaa.n hai urdu
gaah KHushiyo.n ke chaman-zaar me.n jaa bastii hai
mausam-e-gul kii jahaa.n ruuh-e-ravaa.n hai urdu
mahv-e-gul-gasht jahaa.n huur-e-bahishtii mil jaa.e
qaabil-e-rashk vo gulzaar-e-jinaa.n hai urdu
har Gazal kuucha-e-jaanaa.n se ziyaada pyaarii
har nazar sher hai tasviir-e-butaan-e-urdu
har na.ii nazm na.e mo.D pe le jaatii hai
ruuh-e-imroz hai fardaa kaa nishaa.n hai urdu
dhul ga.ii kausar-o-tasniim ke paanii se magar
jannat-e-arz kii mazluum zabaa.n hai urdu
baaGbaa.n mujh ko ijaazat ho to ik baat kahuu.n
naGma bulbul kaa hai phuulo.n kii zabaa.n hai urdu
milte hai.n is se hazaaro.n hame.n tahziib ke daras
is qadar zehn pe kyuu.n tere garaa.n hai urdu
ab bhii chhaa jaatii hai har ruuh pe mastii ban kar
is KHaraabii me.n bhii afsuun-e-javaa.n hai urdu

Anjum Azmi
Nazm

ghaalib

afsuu.n-taraaziyaa.n tirii mu.nh kii latii rahii.n
gul kii zabaan band hai Guncha KHamosh hai

Chandar Bhan Kaifi Dehelvi
Nazm

pas-e-taqrib-e-mulaqat

yaad rah jaa.egii is sehn ko ye shaam-e-fusuu.n
jal ga.ii thii.n ka.ii an-dekhii suhaanii sham.e.n
lau saa de uTThaa thaa maahaul tire aane kaa
chhaa gayaa thaa dar-o-diivaar pe vo partav-e-ra.ng
jaise maaKHuuz ho.n lamhe kisii afsaane se
chho.D jaa.egaa vahii narm kasak phir dil me.n
jis se shaadaab hai muddat se miraa zauq-e-talab
aaj taqriib me.n ye tarz-e-mulaaqaat tiraa

Abdul Ahad Saaz
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now