Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "akhrot"

Nazm MATCHES FOR "akhrot"

Nazm

aKHroT ka peD aur ek nadan

naadaa.n ko.ii ik roz jo jangal me.n gayaa
aKHroT ke baaGaat kaa manzar dekhaa
hai kitnaa ba.Daa pe.D to phal chhoTaa saa
ye soch ke vo aur bhii hairaan hu.aa
is itne ba.De pe.D pe nanhaa saa phal
tarbuuz yahaa.n hotaa to kyaa achchhaa thaa
tarbuuz ko dekho to zaraa sii hai bel
qudrat ne dikhaa.e hai.n tamaashe kyaa kyaa
tarbuuz kahaa.n aur kahaa.n ye aKHroT
kyaa bhed hai merii na samajh me.n aayaa
is soch me.n thaa ki ik havaa kaa jhakka.D
aa.ndhii saa baguulaa saa biphar kar uTThaa
ja.ngal ke daraKHto.n ko hilaa kar us ne
aKHroT ko naadaan ke sar par phe.nkaa
sar par pa.Daa aKHroT to chiiKHaa naadaan
tarbuuz jo hotaa to mai.n mar hii jaataa
hikmat se ko.ii kaam nahii.n hai KHaalii
jis ko bhii jahaa.n tuu ne kiyaa hai paidaa
us kii jagah us ne nahii.n behtar ko.ii
ab raaz ye merii bhii samajh me.n aayaa

Aadil Aseer Dehlvi
Nazm

nazm

KHushk aKHroT mausamii injiir
shahad paanii se naashta kare.nge

Wahid Ejaz Meer
Nazm

ab Dar nahin lagta

ek Dar thaa tanhaa.ii kaa
ek Dar thaa judaa.ii kaa
jo musalsal mere saath rahtaa thaa
kal kaa din jo guzar gayaa
bahut bhaarii lagtaa thaa
lagtaa thaa kisii aise din kaa bojh uThaa na paa.uu.ngii
aadhe-adhuure raaste me.n hii mar jaa.uu.ngii
magar kal kaa din bhii aa hii gayaa
aur ret kaa vo gharau.ndaa saath hii bahaa le gayaa
jis me.n rakhe the mai.n ne
ra.ng-ba-ra.ng ke pyaare patthar
titliyo.n ke par aur mor ke pa.nkh
phuulo.n ke sab ra.ng
aur aasmaan kii dhanak
gilahrii kaa adh khaayaa aKHroT
maa.n ke paro.n tale baiThe murGaabii ke bachche
us gharau.nde par utrii dhuup jis ne mujh se meraa saaya judaa kar diyaa thaa
kal jab vo sab be-rahm vaqt kii maujo.n ke saath bah gayaa
aur chaar-suu qabr jaisaa a.ndheraa phail gayaa
to safed dhuup jaate jaate ek ehsaan kar ga.ii
vo mujh ko meraa saaya lauTaa ga.ii
aur mai.n marte marte bach ga.ii varna
mai.n to aise kal me.n mar hii jaatii
aavaazo.n ke bichha.Dne se

Rubina Faisal
Nazm

lafz

jab lafz chalnaa chaahte hai.n
chalte hai.n aur duusre lafzo.n ke
piichhe chalnaa shuruu.a kar dete hai.n
ek ke piichhe ek
lafz chalte rahte hai.n
lafz ek-duusre ke piichhe
paagalo.n kii tarah nahii.n dau.Dte
lafz aahista aahista chalte hai.n
apne chalne ke dauraan lafz
ek-duusre par miTTii nahii.n uchhaalte
ek-duusre par paanii nahii.n phe.nkte
lafz duusre lafzo.n ko kiicha.D me.n nahii.n giraate
lafz
duusre chhoTe chhoTe lafzo.n ko
dhakke nahii.n dete
aage jaane vaale lafz
piichhe aane vaale lafzo.n kaa
raasta nahii.n rokte
KHaalii haath
lafz chalte chale jaate hai.n
un ke paas aKHroT kii lak.Dii se banii
lohe ke daste vaalii ko.ii chha.Dii nahii.n hotii
na hii ko.ii banduuq
lafz lafzo.n ko
bahut ziyaada Daraate nahii.n
lafz duusre lafzo.n ko sahaaraa dete hai.n
zinda rakhte hai.n
lafz kisii lafz ko
aadmii kii tarah
a.ndhere me.n le jaa kar
us kaa galaa nahii.n gho.nTte
vo ek duusre ko raushnii me.n rakh kar
hamesha apnii apnii aavaaz buland karte hu.e
aage ba.Dhte rahte hai.n
chalte rahii rahte hai.n

Zeeshan Sahil
Nazm

apna saya

jismo.n ke kho jaane
aur ruu.o.n ke badalne ke karb ne mujhe tamaam-umr
andesha-e-ziyaa.a me.n hii mubtalaa rakhaa
kal ke din ne mujh me.n base sab KHauf maar diye
chehre se naqaab utraa to sachchaa.ii siina taane mere saamne aa kha.Dii hu.ii
KHud se bichh.Dii hu.ii thii ab KHud se aa milii huu.n
meraa saaya mujh me.n nau phaTaa ho kar jaag gayaa hai aur
vo meraa haath thaame baiThaa hai
ab vahii mor-pa.nkh vahii jhiil vahii murGaabii ke bachche
aKHroT khaatii gilahrii aur rang bikhertii titlii
meraa saaya
yahii sab murda manaazir ko mere andar hanuut kar ke baiTh gayaa hai
ab apne hii saa.e kii panaah me.n huu.n
jis ke na badalne kaa Dar na bichha.Dne kaa vahm
ek saa bas mujh me.n hii rahegaa
meraa hii rahegaa
is liye
ab tanhaa.ii se Dar nahii.n lagtaa
ab judaa.ii se Dar nahii.n lagtaa
ab mai.n apnii panaah me.n huu.n

Rubina Faisal
Nazm

chiDiyan

ye jhuuT hai
ki karaachii me.n
baarish ke baa'd nikalne vaalii
ghaas kii ko.nple.n
gahrii sabz aur narm nahii.n hotii.n
yaa ye ki daraKHt
baadalo.n kii madad ke baGair
saaya faraaham nahii.n karte
ye bhii jhuuT hai
ki yahaa.n KHargosho.n kii aa.nkhe.n
a.ndhere me.n nahii.n chamaktii.n
aur gilahriyaa.n
baadaam aur aaKHroT ke chhilko.n se
nahii.n khultii.n
yaa ye ki hathelii par rakhne se
bair-bahuuTiyaa.n zard pa.D jaatii hai.n
saa.np apne hisse kaa duudh
kaaGzii azdaho.n ke liye chho.D jaate hai.n

Zeeshan Sahil
Nazm

aisa bhi nahin ki

aisaa bhii nahii.n ki mujhe zindagii ke pe.D ke paas
be-aas aur be-sahaaraa chho.D diyaa gayaa ho
mai.n ne abhii abhii gilahriyo.n kii aavaaz sunii hai
gilahriyaa.n mere liye
bahisht ke aKHroT laa rahii hai.n
sivaa.e is ke ki aadam-zaad kahii.n dikhaa.ii nahii.n detaa
magar jangal bol rahaa hai ki is ke bol me.n
merii bichh.Dii hu.ii aavaaz shaamil hai
mere baal-bachcho.n kaa pyaar shaamil hai
sivaa.e is ke ki jin logo.n ne mujhe be-naam
jaziiro.n me.n le jaane kaa va.ada kiyaa thaa
vo ab kahii.n dikhaa.ii nahii.n diye
to ab mai.n kis se kahuu.n
ki kahne sun.ne vaalaa zindagii kaa nizaam to baaqii nahii.n rahaa
avaa.e us ke ki miTTii kah rahii hai
ki vo an-ginat pe.D paude tab ugaa.egii
jab mai.n yahaa.n huu.ngaa hii nahii.n

Ahmad Hamesh
Nazm

wapsi ki KHwahish

vo barfaanii raat
baadaam aKHroT aur sattuu
sarmaa kaa shahd aur saag kii KHushbuu
aur ik lok kahaanii me.n gum
aag ke gird
mai.n aur tum

Yameen
Nazm

ramz

in kitaabo.n ne ba.Daa zulm kiyaa hai mujh par
in me.n ik ramz hai jis ramz kaa maaraa hu.aa zehn
muzhda-e-ishrat-e-anjaam nahii.n paa saktaa
zindagii me.n kabhii aaraam nahii.n paa saktaa

Jaun Eliya
Nazm

aurat

uTh mirii jaan mire saath hii chalnaa hai tujhe
qalb-e-maahaul me.n larzaa.n sharar-e-ja.ng hai.n aaj
hausle vaqt ke aur ziist ke yak-ra.ng hai.n aaj
aabgiino.n me.n tapaa.n valvala-e-sa.ng hai.n aaj
husn aur ishq ham-aavaaz o ham-aaha.ng hai.n aaj
jis me.n jaltaa huu.n usii aag me.n jalnaa hai tujhe
uTh mirii jaan mire saath hii chalnaa hai tujhe
tere qadmo.n me.n hai firdaus-e-tamaddun kii bahaar
terii nazro.n pe hai tahziib o taraqqii kaa madaar
terii aaGosh hai gahvaara-e-nafs-o-kirdaar
taa-ba-kai gird tire vahm o ta.ayyun kaa hisaar
kau.nd kar majlis-e-KHalvat se nikalnaa hai tujhe
uTh mirii jaan mire saath hii chalnaa hai tujhe
tuu ki be-jaan khilauno.n se bahal jaatii hai
taptii saa.nso.n kii haraarat se pighal jaatii hai
paa.nv jis raah me.n rakhtii hai phisal jaatii hai
ban ke siimaab har ik zarf me.n Dhal jaatii hai
ziist ke aahanii saa.nche me.n bhii Dhalnaa hai tujhe
uTh mirii jaan mire saath hii chalnaa hai tujhe
zindagii jehd me.n hai sabr ke qaabuu me.n nahii.n
nabz-e-hastii kaa lahuu kaa.npte aa.nsuu me.n nahii.n
u.Dne khulne me.n hai nik.hat KHam-e-gesuu me.n nahii.n
jannat ik aur hai jo mard ke pahluu me.n nahii.n
us kii aazaad ravish par bhii machalnaa hai tujhe
uTh mirii jaan mire saath hii chalnaa hai tujhe
goshe goshe me.n sulagtii hai chitaa tere liye
farz kaa bhes badaltii hai qazaa tere liye
qahr hai terii har ik narm adaa tere liye
zahr hii zahr hai duniyaa kii havaa tere liye
rut badal Daal agar phuulnaa phalnaa hai tujhe
uTh mirii jaan mire saath hii chalnaa hai tujhe
qadr ab tak tirii taariiKH ne jaanii hii nahii.n
tujh me.n sho.ale bhii hai.n bas ashk-fishaanii hii nahii.n
tuu haqiiqat bhii hai dilchasp kahaanii hii nahii.n
terii hastii bhii hai ik chiiz javaanii hii nahii.n
apnii taariiKH kaa unvaan badalnaa hai tujhe
uTh mirii jaan mire saath hii chalnaa hai tujhe
to.D kar rasm kaa but band-e-qadaamat se nikal
zof-e-ishrat se nikal vahm-e-nazaakat se nikal
nafs ke khii.nche hu.e halqa-e-azmat se nikal
qaid ban jaa.e mohabbat to mohabbat se nikal
raah kaa KHaar hii kyaa gul bhii kuchalnaa hai tujhe
uTh mirii jaan mire saath hii chalnaa hai tujhe
to.D ye azm-shikan daGdaGa-e-pand bhii to.D
terii KHaatir hai jo zanjiir vo saugand bhii to.D
tauq ye bhii hai zamurrad kaa guluu-band bhii to.D
to.D paimaana-e-mardaan-e-KHirad-mand bhii to.D
ban ke tuufaan chhalaknaa hai ubalnaa hai tujhe
uTh mirii jaan mire saath hii chalnaa hai tujhe
tuu falaatuun o arastuu hai tuu zahraa parvii.n
tere qabze me.n hai garduu.n tirii Thokar me.n zamii.n
haa.n uThaa jald uThaa paa-e-muqaddar se jabii.n
mai.n bhii rukne kaa nahii.n vaqt bhii rukne kaa nahii.n
la.Dkha.Daa.egii kahaa.n tak ki sambhalnaa hai tujhe
uTh mirii jaan mire saath hii chalnaa hai tujhe

Kaifi Azmi
Nazm

ai ishq hamein barbaad na kar

ummiid kii jhuuTii jannat ke rah rah ke na dikhlaa KHvaab hame.n
aa.inda kii farzii ishrat ke va.ado.n se na kar betaab hame.n
kahtaa hai zamaana jis ko KHushii aatii hai nazar kamyaab hame.n

Akhtar Shirani
Nazm

etiraf

un dino.n mujh pe qayaamat kaa junuu.n taarii thaa
sar pe sarshaari-e-ishrat kaa junuu.n taarii thaa
maah-paaro.n se mohabbat kaa junuu.n taarii thaa
shahryaaro.n se raqaabat kaa junuu.n taarii thaa

Asrarul Haq Majaz
Nazm

ye fasl umidon ki hamdam

ye fasl umiido.n kii hamdam
is baar bhii Gaarat jaa.egii
sab mehnat sub.ho.n shaamo.n kii
ab ke bhii akaarat jaa.egii
khetii ke kono.n-khudro.n me.n
phir apne lahuu kii khaad bharo
phir miTTii sii.ncho ashko.n se
phir aglii rut kii fikr karo

Faiz Ahmad Faiz
Nazm

urdu zaban

ye kaisaa ishq hai urdu zabaa.n kaa,
mazaa ghultaa hai lafzo.n kaa zabaa.n par
ki jaise paan me.n mah.ngaa qimaam ghultaa hai
ye kaisaa ishq hai urdu zabaa.n kaa....
nasha aataa hai urdu bolne me.n
gilaurii kii tarah hai.n mu.nh lagii sab istelaahe.n
lutf detii hai, halaq chhuutii hai urdu to, halaq se jaise mai kaa gho.nT utartaa hai
ba.Dii aristocracy hai zabaa.n me.n
faqiirii me.n navaabii kaa mazaa detii hai urdu
agarche ma.anii kam hote hai urdu me.n
alfaaz kii ifraat hotii hai
magar phir bhii, buland aavaaz pa.Dhiye to bahut hii mo'tabar lagtii hai.n baate.n
kahii.n kuchh duur se kaano.n me.n pa.Dtii hai agar urdu
to lagtaa hai ki din jaa.Do.n ke hai.n khi.Dkii khulii hai, dhuup andar aa rahii hai
ajab hai ye zabaa.n, urdu
kabhii kahii.n safar karte agar ko.ii musaafir sher pa.Dh de 'miir', 'Gaalib' kaa
vo chaahe ajnabii ho, yahii lagtaa hai vo mere vatan kaa hai
ba.Dii shaa.ista lahje me.n kisii se urdu sun kar
kyaa nahii.n lagtaa ki ek tahziib kii aavaaz hai, urdu

Gulzar
Nazm

taswir-e-dard

nahii.n minnat-kash-e-taab-e-shuniidan daastaa.n merii
KHamoshii guftuguu hai be-zabaanii hai zabaa.n merii
ye dastuur-e-zabaa.n-bandii hai kaisaa terii mahfil me.n
yahaa.n to baat karne ko tarastii hai zabaa.n merii
uThaa.e kuchh varaq laale ne kuchh nargis ne kuchh gul ne
chaman me.n har taraf bikhrii hu.ii hai daastaa.n merii
u.Daa lii qumriyo.n ne tuutiyo.n ne andaliibo.n ne
chaman vaalo.n ne mil kar luuT lii tarz-e-fuGaa.n merii
Tapak ai sham.a aa.nsuu ban ke parvaane kii aa.nkho.n se
saraapaa dard huu.n hasrat bharii hai daastaa.n merii
ilaahii phir maza kyaa hai yahaa.n duniyaa me.n rahne kaa
hayaat-e-jaavedaa.n merii na marg-e-naa-gahaa.n merii
miraa ronaa nahii.n ronaa hai ye saare gulistaa.n kaa
vo gul huu.n mai.n KHizaa.n har gul kii hai goyaa KHizaa.n merii
darii.n hasrat saraa umriist afsuun-e-jaras daaram
z faiz-e-dil tapiidan-haa KHarosh-e-be-nafas daaram
riyaaz-e-dahr me.n naa-aashnaa-e-bazm-e-ishrat huu.n
KHushii rotii hai jis ko mai.n vo mahruum-e-masarrat huu.n
mirii big.Dii hu.ii taqdiir ko rotii hai goyaa.ii
mai.n harf-e-zer-e-lab sharminda-e-gosh-e-samaa.at huu.n
pareshaa.n huu.n mai.n musht-e-KHaak lekin kuchh nahii.n khultaa
sikandar huu.n ki aa.iina huu.n yaa gard-e-kuduurat huu.n
ye sab kuchh hai magar hastii mirii maqsad hai qudrat kaa
saraapaa nuur ho jis kii haqiiqat mai.n vo zulmat huu.n
KHaziina huu.n chhupaayaa mujh ko musht-e-KHaak-e-sahraa ne
kisii ko kyaa KHabar hai mai.n kahaa.n huu.n kis kii daulat huu.n
nazar merii nahii.n mamnuun-e-sair-e-arsa-e-hastii
mai.n vo chhoTii sii duniyaa huu.n ki aap apnii vilaayat huu.n
na sahbaa huu.n na saaqii huu.n na mastii huu.n na paimaana
mai.n is mai-KHaana-e-hastii me.n har shai kii haqiiqat huu.n
mujhe raaz-e-do-aalam dil kaa aa.iina dikhaataa hai
vahii kahtaa huu.n jo kuchh saamne aa.nkho.n ke aataa hai
ataa aisaa bayaa.n mujh ko hu.aa ra.ngii.n-bayaano.n me.n
ki baam-e-arsh ke taa.ir hai.n mere ham-zabaano.n me.n
asar ye bhii hai ik mere junuun-e-fitna-saamaa.n kaa
miraa aa.iina-e-dil hai qazaa ke raaz-daano.n me.n
rulaataa hai tiraa nazzaara ai hindostaa.n mujh ko
ki ibrat-KHez hai teraa fasaana sab fasaano.n me.n
diyaa ronaa mujhe aisaa ki sab kuchh de diyaa goyaa
likhaa kalk-e-azal ne mujh ko tere nauha-KHvaano.n me.n
nishaan-e-barg-e-gul tak bhii na chho.D us baaG me.n gulchii.n
tirii qismat se razm-aaraa.iyaa.n hai.n baaGbaano.n me.n
chhupaa kar aastii.n me.n bijliyaa.n rakkhii hai.n garduu.n ne
anaadil baaG ke Gaafil na baiThe.n aashiyaano.n me.n
sun ai Gaafil sadaa merii ye aisii chiiz hai jis ko
vaziifa jaan kar pa.Dhte hai.n taa.ir bostaano.n me.n
vatan kii fikr kar naadaa.n musiibat aane vaalii hai
tirii barbaadiyo.n ke mashvare hai.n aasmaano.n me.n
zaraa dekh us ko jo kuchh ho rahaa hai hone vaalaa hai
dharaa kyaa hai bhalaa ahd-e-kuhan kii daastaano.n me.n
ye KHaamoshii kahaa.n tak lazzat-e-fariyaad paidaa kar
zamii.n par tuu ho aur terii sadaa ho aasmaano.n me.n
na samjhoge to miT jaa.oge ai hindostaa.n vaalo
tumhaarii daastaa.n tak bhii na hogii daastaano.n me.n
yahii aa.iin-e-qudrat hai yahii usluub-e-fitrat hai
jo hai raah-e-amal me.n gaam-zan mahbuub-e-fitrat hai
huvaidaa aaj apne zaKHm-e-pinhaa.n kar ke chho.Duu.ngaa
lahuu ro ro ke mahfil ko gulistaa.n kar ke chho.Duu.ngaa
jalaanaa hai mujhe har sham-e-dil ko soz-e-pinhaa.n se
tirii taariik raato.n me.n charaaGaa.n kar ke chho.Duu.ngaa
magar Guncho.n kii suurat huu.n dil-e-dard-aashnaa paidaa
chaman me.n musht-e-KHaak apnii pareshaa.n kar ke chho.Duu.ngaa
pironaa ek hii tasbiih me.n in bikhre daano.n ko
jo mushkil hai to is mushkil ko aasaa.n kar ke chho.Duu.ngaa
mujhe ai ham-nashii.n rahne de shaGl-e-siina-kaavii me.n
ki mai.n daaG-e-mohabbat ko numaayaa.n kar ke chho.Duu.ngaa
dikhaa duu.ngaa jahaa.n ko jo mirii aa.nkho.n ne dekhaa hai
tujhe bhii suurat-e-aa.iina hairaa.n kar ke chho.Duu.ngaa
jo hai pardo.n me.n pinhaa.n chashm-e-biinaa dekh letii hai
zamaane kii tabii.at kaa taqaazaa dekh letii hai
kiyaa rif.at kii lazzat se na dil ko aashnaa tuu ne
gizaarii umr pastii me.n misaal-e-naqsh-e-paa tuu ne
rahaa dil-basta-e-mahfil magar apnii nigaaho.n ko
kiyaa bairuun-e-mahfil se na hairat-aashnaa tuu ne
fidaa kartaa rahaa dil ko hasiino.n kii adaa.o.n par
magar dekhii na us aa.iine me.n apnii adaa tuu ne
ta.assub chho.D naadaa.n dahr ke aa.iina-KHaane me.n
ye tasviire.n hai.n terii jin ko samjhaa hai buraa tuu ne
saraapaa naala-e-bedaad-e-soz-e-zindagii ho jaa
sapand-aasaa girah me.n baa.ndh rakkhii hai sadaa tuu ne
safaa-e-dil ko kyaa aaraa.ish-e-ra.ng-e-ta.alluq se
kaf-e-aa.iina par baa.ndhii hai o naadaa.n hinaa tuu ne
zamii.n kyaa aasmaa.n bhii terii kaj-biinii pe rotaa hai
Gazab hai satr-e-qur.aa.n ko chaliipaa kar diyaa tuu ne
zabaa.n se gar kiyaa tauhiid kaa daavaa to kyaa haasil
banaayaa hai but-e-pindaar ko apnaa KHudaa tuu ne
ku.e.n me.n tuu ne yuusuf ko jo dekhaa bhii to kyaa dekhaa
are Gaafil jo mutlaq thaa muqayyad kar diyaa tuu ne
havas baalaa-e-mimbar hai tujhe ra.ngii.n-bayaanii kii
nasiihat bhii tirii suurat hai ik afsaana-KHvaanii kii
dikhaa vo husn-e-aalam-soz apnii chashm-e-pur-nam ko
jo ta.Dpaataa hai parvaane ko rulvaataa hai shabnam ko
zaraa nazzaara hii ai bul-havas maqsad nahii.n us kaa
banaayaa hai kisii ne kuchh samajh kar chashm-e-aadam ko
agar dekhaa bhii us ne saare aalam ko to kyaa dekhaa
nazar aa.ii na kuchh apnii haqiiqat jaam se jam ko
shajar hai firqa-aaraa.ii ta.assub hai samar us kaa
ye vo phal hai ki jannat se nikalvaataa hai aadam ko
na uTThaa jazba-e-KHurshiid se ik barg-e-gul tak bhii
ye rif.at kii tamannaa hai ki le u.Dtii hai shabnam ko
phiraa karte nahii.n majruuh-e-ulfat fikr-e-darmaa.n me.n
ye zaKHmii aap kar lete hai.n paidaa apne marham ko
mohabbat ke sharar se dil saraapaa nuur hotaa hai
zaraa se biij se paidaa riyaaz-e-tuur hotaa hai
davaa har dukh kii hai majruuh-e-teG-e-aarzuu rahnaa
ilaaj-e-zaKHm hai aazaad-e-ehsaan-e-rafuu rahnaa
sharaab-e-be-KHudii se taa-falak parvaaz hai merii
shikast-e-ra.ng se siikhaa hai mai.n ne ban ke buu rahnaa
thame kyaa diida-e-giryaa.n vatan kii nauha-KHvaanii me.n
ibaadat chashm-e-shaa.ir kii hai har dam baa-vazuu rahnaa
banaa.e.n kyaa samajh kar shaaKH-e-gul par aashiyaa.n apnaa
chaman me.n aah kyaa rahnaa jo ho be-aabruu rahnaa
jo tuu samjhe to aazaadii hai poshiida mohabbat me.n
Gulaamii hai asiir-e-imtiyaaz-e-maa-o-tuu rahnaa
ye istiGnaa hai paanii me.n niguu.n rakhtaa hai saaGar ko
tujhe bhii chaahiye misl-e-habaab-e-aabjuu rahnaa
na rah apno.n se be-parvaa isii me.n KHair hai terii
agar manzuur hai duniyaa me.n o begaana-KHuu rahnaa
sharaab-e-ruuh-parvar hai mohabbat nau-e-insaa.n kii
sikhaayaa is ne mujh ko mast be-jaam-o-subuu rahnaa
mohabbat hii se paa.ii hai shifaa biimaar qaumo.n ne
kiyaa hai apne baKHt-e-KHufta ko bedaar qaumo.n ne
bayaabaan-e-mohabbat dasht-e-Gurbat bhii vatan bhii hai
ye viiraana qafas bhii aashiyaana bhii chaman bhii hai
mohabbat hii vo manzil hai ki manzil bhii hai sahraa bhii
jaras bhii kaarvaa.n bhii raahbar bhii raahzan bhii hai
maraz kahte hai.n sab is ko ye hai lekin maraz aisaa
chhupaa jis me.n ilaaj-e-gardish-e-charKH-e-kuhan bhii hai
jalaanaa dil kaa hai goyaa saraapaa nuur ho jaanaa
ye parvaana jo sozaa.n ho to sham-e-anjuman bhii hai
vahii ik husn hai lekin nazar aataa hai har shai me.n
ye shiirii.n bhii hai goyaa be-sutuu.n bhii kohkan bhii hai
ujaa.Daa hai tamiiz-e-millat-o-aa.ii.n ne qaumo.n ko
mire ahl-e-vatan ke dil me.n kuchh fikr-e-vatan bhii hai
sukuut-aamoz tuul-e-daastaan-e-dard hai varna
zabaa.n bhii hai hamaare mu.nh me.n aur taab-e-suKHan bhii hai
namii-gardiid ko tah rishta-e-ma.anii rihaa kardam
hikaayat buud be-paayaa.n ba-KHaamoshii adaa kardam

Allama Iqbal
Nazm

qatil

mujh ik havasnaak-e-faromaaya kii KHaatir
saaz o saamaan-e-nashaat o nashsha-e-ishrat-fuzuunii the

Jaun Eliya
Nazm

walida marhuma ki yaad mein

zarra zarra dahr kaa zindaanii-e-taqdiir hai
parda-e-majbuurii o bechaargii tadbiir hai
aasmaa.n majbuur hai shams o qamar majbuur hai.n
anjum-e-siimaab-paa raftaar par majbuur hai.n
hai shikast anjaam Gunche kaa subuu gulzaar me.n
sabza o gul bhii hai.n majbuur-e-numuu gulzaar me.n
naGma-e-bulbul ho yaa aavaaz-e-KHaamosh-e-zamiir
hai isii zanjiir-e-aalam-giir me.n har shai asiir
aa.nkh par hotaa hai jab ye sirr-e-majbuurii ayaa.n
KHushk ho jaataa hai dil me.n ashk kaa sail-e-ravaa.n
qalb-e-insaanii me.n raqs-e-aish-o-Gam rahtaa nahii.n
naGma rah jaataa hai lutf-e-zer-o-bam rahtaa nahii.n
ilm o hikmat rahzan-e-saamaan-e-ashk-o-aah hai
ya.anii ik almaas kaa Tuk.Daa dil-e-aagaah hai
garche mere baaG me.n shabnam kii shaadaabii nahii.n
aa.nkh merii maaya-daar-e-ashk-e-unnaabii nahii.n
jaantaa huu.n aah me.n aalaam-e-insaanii kaa raaz
hai navaa-e-shikva se KHaalii mirii fitrat kaa saaz
mere lab par qissa-e-naira.ngi-e-dauraa.n nahii.n
dil miraa hairaa.n nahii.n KHanda nahii.n giryaa.n nahii.n
par tirii tasviir qaasid girya-e-paiham kii hai
aah ye tardiid merii hikmat-e-mohkam kii hai
girya-e-sarshaar se buniyaad-e-jaa.n paa.inda hai
dard ke irfaa.n se aql-e-sa.ng-dil sharminda hai
mauj-e-duud-e-aah se aa.iina hai raushan miraa
ganj-e-aab-aavrd se maamuur hai daaman miraa
hairatii huu.n mai.n tirii tasviir ke e.ajaaz kaa
ruKH badal Daalaa hai jis ne vaqt kii parvaaz kaa
rafta o haazir ko goyaa paa-ba-paa is ne kiyaa
ahd-e-tiflii se mujhe phir aashnaa is ne kiyaa
jab tire daaman me.n paltii thii vo jaan-e-naa-tavaa.n
baat se achchhii tarah mahram na thii jis kii zabaa.n
aur ab charche hai.n jis kii shoKHii-e-guftaar ke
be-bahaa motii hai.n jis kii chashm-e-gauhar-baar ke
ilm kii sa.njiida-guftaarii bu.Dhaape kaa shu.uur
dunyavii e.azaaz kii shaukat javaanii kaa Guruur
zindagii kii auj-gaaho.n se utar aate hai.n ham
sohbat-e-maadar me.n tifl-e-saada rah jaate hai.n ham
be-takalluf KHanda-zan hai.n fikr se aazaad hai.n
phir usii kho.e hu.e firdaus me.n aabaad hai.n
kis ko ab hogaa vatan me.n aah meraa intizaar
kaun meraa KHat na aane se rahegaa be-qaraar
KHaak-e-marqad par tirii le kar ye fariyaad aa.uu.ngaa
ab du.aa-e-niim-shab me.n kis ko mai.n yaad aa.uu.ngaa
tarbiyat se terii me.n anjum kaa ham-qismat hu.aa
ghar mire ajdaad kaa sarmaaya-e-izzat hu.aa
daftar-e-hastii me.n thii zarrii.n varaq terii hayaat
thii saraapaa diin o duniyaa kaa sabaq terii hayaat
umr bhar terii mohabbat merii KHidmat-gar rahii
mai.n tirii KHidmat ke qaabil jab hu.aa tuu chal basii
vo javaa.n-qaamat me.n hai jo suurat-e-sarv-e-buland
terii KHidmat se hu.aa jo mujh se ba.Dh kar bahra-mand
kaarobaar-e-zindagaanii me.n vo ham-pahluu miraa
vo mohabbat me.n tirii tasviir vo baazuu miraa
tujh ko misl-e-tiflak-e-be-dast-o-paa rotaa hai vo
sabr se naa-aashnaa sub.h o masaa rotaa hai vo
tuKHm jis kaa tuu hamaarii kisht-e-jaa.n me.n bo ga.ii
shirkat-e-Gam se vo ulfat aur mohkam ho ga.ii
aah ye duniyaa ye maatam-KHaana-e-barnaa-o-piir
aadmii hai kis tilism-e-dosh-o-fardaa me.n asiir
kitnii mushkil zindagii hai kis qadar aasaa.n hai maut
gulshan-e-hastii me.n maanind-e-nasiim arzaa.n hai maut
zalzale hai.n bijliyaa.n hai.n qaht hai.n aalaam hai.n
kaisii kaisii duKHtaraan-e-maadar-e-ayyaam hai.n
kalba-e-iflaas me.n daulat ke kaashaane me.n maut
dasht o dar me.n shahr me.n gulshan me.n viiraane me.n maut
maut hai ha.ngaama-aaraa qulzum-e-KHaamosh me.n
Duub jaate hai.n safiine mauj kii aaGosh me.n
ne majaal-e-shikva hai ne taaqat-e-guftaar hai
zindagaanii kyaa hai ik tauq-e-guluu-afshaar hai
qaafile me.n Gair fariyaad-e-diraa kuchh bhii nahii.n
ik mataa-e-diida-e-tar ke sivaa kuchh bhii nahii.n
KHatm ho jaa.egaa lekin imtihaa.n kaa daur bhii
hai.n pas-e-noh parda-e-garduu.n abhii daur aur bhii
siina chaak is gulsitaa.n me.n laala-o-gul hai.n to kyaa
naala o fariyaad par majbuur bulbul hai.n to kyaa
jhaa.Diyaa.n jin ke qafas me.n qaid hai aah-e-KHizaa.n
sabz kar degii unhe.n baad-e-bahaar-e-jaavedaa.n
KHufta-KHaak-e-pai sipar me.n hai sharaar apnaa to kyaa
aarzii mahmil hai ye musht-e-Gubaar apnaa to kyaa
zindagii kii aag kaa anjaam KHaakistar nahii.n
TuuTnaa jis kaa muqaddar ho ye vo gauhar nahii.n
zindagii mahbuub aisii diida-e-qudrat me.n hai
zauq-e-hifz-e-zindagii har chiiz kii fitrat me.n hai
maut ke haatho.n se miT saktaa agar naqsh-e-hayaat
aam yuu.n us ko na kar detaa nizaam-e-kaa.enaat
hai agar arzaa.n to ye samjho ajal kuchh bhii nahii.n
jis tarah sone se jiine me.n KHalal kuchh bhii nahii.n
aah Gaafil maut kaa raaz-e-nihaa.n kuchh aur hai
naqsh kii naa-paa.edaarii se ayaa.n kuchh aur hai
jannat-e-nazaara hai naqsh-e-havaa baalaa-e-aab
mauj-e-muztar to.D kar ta.amiir kartii hai habaab
mauj ke daaman me.n phir us ko chhupaa detii hai ye
kitnii bedardii se naqsh apnaa miTaa detii hai ye
phir na kar saktii habaab apnaa agar paidaa havaa
to.Dne me.n us ke yuu.n hotii na be-parvaa havaa
is ravish kaa kyaa asar hai haiyat-e-taamiir par
ye to hujjat hai havaa kii quvvat-e-taamiir par
fitrat-e-hastii shahiid-e-aarzuu rahtii na ho
KHuub-tar paikar kii us ko justujuu rahtii na ho
aah siimaab-e-pareshaa.n anjum-e-garduu.n-faroz
shoKH ye chi.ngaariyaa.n mamnuun-e-shab hai jin kaa soz
aql jis se sar-ba-zaanuu hai vo muddat in kii hai
sarguzisht-e-nau-e-insaa.n ek saa.at un kii hai
phir ye insaa.n aa.n suu-e-aflaak hai jis kii nazar
qudsiyo.n se bhii maqaasid me.n hai jo paakiiza-tar
jo misaal-e-sham.a raushan mahfil-e-qudrat me.n hai
aasmaa.n ik nuqta jis kii vus.at-e-fitrat me.n hai
jis kii naadaanii sadaaqat ke liye betaab hai
jis kaa naaKHun saaz-e-hastii ke liye mizraab hai
sho.ala ye kam-tar hai garduu.n ke sharaaro.n se bhii kyaa
kam-bahaa hai aaftaab apnaa sitaaro.n se bhii kyaa
tuKHm-e-gul kii aa.nkh zer-e-KHaak bhii be-KHvaab hai
kis qadar nashv-o-numaa ke vaaste betaab hai
zindagii kaa sho.ala is daane me.n jo mastuur hai
KHud-numaa.ii KHud-fazaa.ii ke liye majbuur hai
sardi-e-marqad se bhii afsurda ho saktaa nahii.n
KHaak me.n dab kar bhii apnaa soz kho saktaa nahii.n
phuul ban kar apnii turbat se nikal aataa hai ye
maut se goyaa qabaa-e-zindagii paataa hai ye
hai lahad is quvvat-e-aashufta kii shiiraaza-band
Daaltii hai gardan-e-garduu.n me.n jo apnii kamand
maut tajdiid-e-mazaaq-e-zindagii kaa naam hai
KHvaab ke parde me.n bedaarii kaa ik paiGaam hai
KHuugar-e-parvaaz ko parvaaz me.n Dar kuchh nahii.n
maut is gulshan me.n juz sanjiidan-e-par kuchh nahii.n
kahte hai.n ahl-e-jahaa.n dard-e-ajal hai laa-davaa
zaKHm-e-furqat vaqt ke marham se paataa hai shifaa
dil magar Gam marne vaalo.n kaa jahaa.n aabaad hai
halqa-e-zanjiir-e-sub.h-o-shaam se aazaad hai
vaqt ke afsuu.n se thamtaa naala-e-maatam nahii.n
vaqt zaKHm-e-teG-e-furqat kaa ko.ii marham nahii.n
sar pe aa jaatii hai jab ko.ii musiibat naa-gahaa.n
ashk paiham diida-e-insaa.n se hote hai.n ravaa.n
rabt ho jaataa hai dil ko naala o fariyaad se
KHuun-e-dil bahtaa hai aa.nkho.n kii sarishk-aabaad se
aadmii taab-e-shakebaa.ii se go mahruum hai
us kii fitrat me.n ye ik ehsaas-e-naa-maaluum hai
jauhar-e-insaa.n adam se aashnaa hotaa nahii.n
aa.nkh se Gaa.eb to hotaa hai fanaa hotaa nahii.n
raKHt-e-hastii KHaak-e-Gam kii sho.ala-afshaanii se hai
sard ye aag is latiif ehsaas ke paanii se hai
aah ye zabt-e-fuGaa.n Gaflat kii KHaamoshii nahii.n
aagahii hai ye dilaasaa.ii faraamoshii nahii.n
parda-e-mashriq se jis dam jalva-gar hotii hai sub.h
daaG shab kaa daaman-e-aafaaq se dhotii hai sub.h
laala-e-afsurda ko aatish-qabaa kartii hai ye
be-zabaa.n taa.ir ko sarmast-e-navaa kartii hai ye
siina-e-bulbul ke zindaa.n se sarod aazaad hai
saik.Do.n naGmo.n se baad-e-sub.h-dam-aabaad hai
KHuftagaan-e-laala-zaar o kohsaar o ruud baar
hote hai.n aaKHir uruus-e-zindagii se ham-kanaar
ye agar aa.iin-e-hastii hai ki ho har shaam sub.h
marqad-e-insaa.n kii shab kaa kyuu.n na ho anjaam sub.h
daam-e-siimiin-e-taKHayyul hai miraa aafaaq-giir
kar liyaa hai jis se terii yaad ko mai.n ne asiir
yaad se terii dil-e-dard aashnaa maamuur hai
jaise ka.abe me.n du.aa.o.n se fazaa maamuur hai
vo faraa.ez kaa tasalsul naam hai jis kaa hayaat
jalva-gaahe.n us kii hai.n laakho.n jahaan-e-be-sabaat
muKHtalif har manzil-e-hastii ko rasm-o-raah hai
aaKHirat bhii zindagii kii ek jaulaa.n-gaah hai
hai vahaa.n be-haasilii kisht-e-ajal ke vaaste
saazgaar aab-o-havaa tuKHm-e-amal ke vaaste
nuur-e-fitrat zulmat-e-paikar kaa zindaanii nahii.n
ta.ng aisaa halqa-e-afkaar-e-insaanii nahii.n
zindagaanii thii tirii mahtaab se taabinda-tar
KHuub-tar thaa sub.h ke taare se bhii teraa safar
misl-e-aivaan-e-sahar marqad farozaa.n ho tiraa
nuur se maamuur ye KHaakii shabistaa.n ho tiraa
aasmaa.n terii lahad par shabnam-afshaanii kare
sabza-e-nau-rasta is ghar kii nigahbaanii kare

Allama Iqbal
Nazm

krishn kanhayya

ai dekhne vaalo
is husn ko dekho
is raaz ko samjho
ye naqsh-e-KHayaalii
ye fikrat-e-aalii
ye paikar-e-tanviir
ye krishn kii tasviir
ma.anii hai ki suurat
san.at hai ki fitrat
zaahir hai ki mastuur
nazdiik hai yaa duur
ye naar hai yaa nuur
duniyaa se niraalaa
ye baa.nsurii vaalaa
gokul kaa gvaalaa
hai sehr ki e.ajaaz
khultaa hii nahii.n raaz
kyaa shaan hai vallaah
kyaa aan hai vallaah
hairaan huu.n kyaa hai
ik shaan-e-KHudaa hai
but-KHaane ke andar
KHud husn kaa but-gar
but ban gayaa aa kar
vo turfa nazzaare
yaad aa ga.e saare
jamunaa ke kinaare
sabze kaa lahaknaa
phuulo.n kaa mahaknaa
ghanghor ghaTaa.e.n
sarmast havaa.e.n
ma.asuum uma.nge.n
ulfat kii tara.nge.n
vo gopiyo.n ke saath
haatho.n me.n diye haath
raqsaa.n hu.aa brijnaath
bansii me.n jo lai hai
nashsha hai na mai hai
kuchh aur hii shai hai
ik ruuh hai raqsaa.n
ik kaif hai larzaa.n
ek aql hai mai-nosh
ik hosh hai mad.hosh
ik KHanda hai sayyaal
ik girya hai KHush-haal
ik ishq hai maGruur
ik husn hai majbuur
ik sehr hai mas.huur
darbaar me.n tanhaa
laachaar hai kirishnaa
aa shyaam idhar aa
sab ahl-e-KHusuumat
hai.n dar pa.e izzat
ye raaj dulaare
buzdil hu.e saare
parda na ho taaraaj
bekas kii rahe laaj
aa jaa mere kaale
bhaarat ke ujaale
daaman me.n chhupaa le
vo ho ga.ii an-ban
vo garm hu.aa ran
Gaalib hai duryodhan
vo aa ga.e jagdiish
vo miT ga.ii tashviish
arjun ko bulaayaa
updesh sunaayaa
Gam-zaad kaa Gam kyaa
ustaad kaa Gam kyaa
lo ho ga.ii tadbiir
lo ban ga.ii taqdiir
lo chal ga.ii shamshiir
siirat hai aduu-soz
suurat nazar-afroz
dil kaifiyat-andoz
Gusse me.n jo aa jaa.e
bijlii hii giraa jaa.e
aur lutf par aa.e
to ghar bhii luTaa jaa.e
pariyo.n me.n hai gulfaam
raadhaa ke liye shyaam
balraam kaa bhayyaa
mathuraa kaa basayyaa
bindraa me.n kanhayyaa
ban ho ga.e viiraa.n
barbaad gulistaa.n
sakhiyaa.n hai.n pareshaa.n
jamunaa kaa kinaaraa
sunsaan hai saaraa
tuufaan hai.n KHaamosh
maujo.n me.n nahii.n josh
lau tujh se lagii hai
hasrat hii yahii hai
ai hind ke raajaa
ik baar phir aa jaa
dukh dard miTaa jaa
abr aur havaa se
bulbul kii sadaa se
phuulo.n kii ziyaa se
jaaduu-asarii gum
shoriida-sarii gum
haa.n terii judaa.ii
mathuraa ko na bhaa.ii
tuu aa.e to shaan aa.e
tuu aa.e to jaan aa.e
aanaa na akele
ho.n saath vo mele
sakhiyo.n ke jhamele

Hafeez Jalandhari
Nazm

tin aawazen

mazluum
raat chhaa.ii to har ik dard ke dhaare chhuuTe
sub.h phuuTii to har ik zaKHm ke Taa.nke TuuTe
dopahar aa.ii to har rag ne lahuu barsaayaa
din Dhalaa KHauf kaa ifriit muqaabil aayaa
yaa KHudaa ye mirii gardaan-e-shab-o-roz-o-sahar
ye mirii umr kaa be-manzil o aaraam safar
kyaa yahii kuchh mirii qismat me.n likhaa hai tuu ne
har masarrat se mujhe aaq kiyaa hai tuu ne
vo ye kahte hai.n tuu KHush-nuud har ik zulm se hai
vo ye kahte hai.n har ik zulm tire hukm se hai
gar ye sach hai to tire adl se inkaar karuu.n?
un kii maanuu.n ki tirii zaat kaa iqraar karuu.n?

Faiz Ahmad Faiz
Nazm

taaruf

KHuub pahchaan lo asraar huu.n mai.n
jins-e-ulfat kaa talabgaar huu.n mai.n
ishq hii ishq hai duniyaa merii
fitna-e-aql se be-zaar huu.n mai.n
KHvaab-e-ishrat me.n hai.n arbaab-e-KHirad
aur ik shaa.ir-e-bedaar huu.n mai.n
chhe.Dtii hai jise mizraab-e-alam
saaz-e-fitrat kaa vahii taar huu.n mai.n
ra.ng nazzaara-e-qudrat mujh se
jaan-e-ra.ngiini-e-kohsaar huu.n mai.n
nashsha-e-nargis-e-KHuubaa.n mujh se
Gaaza-e-aariz-o-ruKHsaar huu.n mai.n
aib jo haafiz o KHayyaam mai.n thaa
haa.n kuchh is kaa bhii gunahgaar huu.n mai.n
zindagii kyaa hai gunaah-e-aadam
zindagii hai to gunahgaar huu.n mai.n
rashk-e-sad-hosh hai mastii merii
aisii mastii hai ki hushyaar huu.n mai.n
le ke niklaa huu.n guhar-haa-e-suKHan
maah o anjum kaa KHariidaar huu.n mai.n
dair o ka.aba me.n mire hii charche
aur rusvaa sar-e-baazaar huu.n mai.n
kufr o ilhaad se nafrat hai mujhe
aur maz.hab se bhii be-zaar huu.n mai.n
ahl-e-duniyaa ke liye na.ng sahii
raunaq-e-anjuman-e-yaar huu.n mai.n
ain is be-sar-o-saamaanii me.n
kyaa ye kam hai ki guhar-baar huu.n mai.n
merii baato.n me.n masiihaa.ii hai
log kahte hai.n ki biimaar huu.n mai.n
mujh se barham hai mizaaj-e-piirii
mujrim-e-shoKHi-e-guftaar huu.n mai.n
huur o Gilmaa.n kaa yahaa.n zikr nahii.n
nau-e-insaa.n kaa parastaar huu.n mai.n
mahfil-e-dahr pe taarii hai jumuud
aur vaarafta-e-raftaar huu.n mai.n
ik lapaktaa hu.aa sho.ala huu.n mai.n
ek chaltii hu.ii talvaar huu.n mai.n

Asrarul Haq Majaz
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now