Search result for "bai.at-e-etibaar" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "bai.at-e-etibaar"

Nazm MATCHES FOR "bai.at-e-etibaar"

Nazm

mukalima

''havaa ke parde me.n kaun hai jo charaaG kii lau se kheltaa hai
ko.ii to hogaa
jo KHil.at-e-intisaab pahnaa ke vaqt kii rau se kheltaa hai
ko.ii to hogaa
hijaab ko ramz-e-nuur kahtaa hai aur partav se kheltaa hai
ko.ii to hogaa''
''ko.ii nahii.n hai
kahii.n nahii.n hai
ye KHush-yaqiino.n ke KHush-gumaano.n ke vaahime hai.n jo har savaalii se bai.at-e-e'tibaar lete hai.n
us ko andar se maar dete hai.n''
''to kaun hai vo jo lauh-e-aab-e-ravaa.n pe suuraj ko sabt kartaa hai aur baadal uchhaaltaa hai
jo baadalo.n ko samundaro.n par kashiid kartaa hai aur batn-e-sadaf me.n KHurshiid Dhaaltaa hai
vo sang me.n aag, aag me.n ra.ng, rang me.n raushnii ke imkaan rakhne vaalaa
vo KHaak me.n saut, saut me.n harf, harf me.n zindagii ke saamaan rakhne vaalaa
nahii.n ko.ii hai
kahii.n ko.ii hai
ko.ii to hogaa''

Iftikhar Arif

Nazm

achchhi kitab

is kii sohbat se farozaa.n aaj sham-e-e'tibaar
is kii ulfat se daraKHshaa.n aaj husn-e-iKHtiyaar

Ata Abidi

Nazm

KHatun-e-mashriq

terii aa.nkho.n kii kiran se ai jahaan-e-e'tibaar
jagmagaa.egii nasab-naamo.n kii lauh-e-zar-nigaar

Josh Malihabadi

Nazm

ek udas sham ke nam

ajiib log hai.n
ham ahl-e-e'tibaar kitne bad-nasiib log hai.n
jo raat jaagne kii thii vo saarii raat
KHvaab dekh dekh kar guzaarte rahe
jo naam bhuulne kaa thaa us ek naam ko
galii galii pukaarte rahe
jo khel jiitne kaa thaa vo khel haarte rahe
ajiib log hai.n
ham ahl-e-e'tibaar kitne bad-nasiib log hai.n
kisii se bhii to qarz-e-aabruu adaa nahii.n hu.aa
lahuu-luhaan saa.ato.n kaa faisla nahii.n hu.aa
baras guzar ga.e hai.n ko.ii mo.ajaza nahii.n hu.aa
vo jal-bujhaa ki aag jis ke shola-e-nafas me.n thii
vo tiir khaa gayaa kamaan jis kii dastaras me.n thii
sipaah-e-mahr kaa fasiil-e-shab ko intizaar hai
kab aa.egaa vo shaKHs jis kaa sab ko intizaar hai
ham ahl-e-e'tibaar kitne bad-nasiib log hai.n
ajiib log hai.n
ham ahl-e-e'tibaar kitne bad-nasiib log hai.n

Iftikhar Arif

Nazm

doctor aKHtar husain rae puri

me.aar-o-e'tibaar-e-adab tiirgii me.n hai
hai shahr-e-fikr der se shab kii panaah me.n
zarraat-e-nuur dhuu.nDiye ab gard-e-raah me.n

Muslim Shameem

Nazm

ek raat aaegi

mai.n jaantaa huu.n ki ai jaan-e-e'tibaar-e-vafaa
tumhii.n ne mere liye ashk bhii bahaa.e hai.n
tumhii.n ne merii uma.ngo.n kii rahnumaa.ii kii
tumhii.n ne merii Dagar me.n diye jalaa.e hai.n

Nazm

daraKHt-e-zard

bidah yaaraa azaa.n baada ki dahqaa.n parvard aa.n-raa
ba sozad har mata-e-intimaa.e duudmaana.n raa
ba-sozad ii.n zamiin-e-e'tibaar-o-aasmaanaa.n raa
ba-sozad jaan o dil raaham bayaasaayad dil o jaa.n raa

Jaun Eliya

Nazm

urdu-e-mualla

tajribe kii aa.nkh se dekhaa jo is ko honhaar
company ne kar liyaa apnaa shariik-e-kaarobaar
daftaro.n me.n mahakmo.n me.n ba.Dh gayaa uzv-e-vaqaar
jam gayaa chalte hu.e sikko.n pe naqsh-e-e'tibaar
jab queen-victoriya kii ye sahelii ho ga.ii
har zabaa.n duniyaa me.n is kii phir to chelii ho ga.ii

Safi Lakhnavi

Nazm

sahra mein ek sham

hauslo.n kaa saa.ebaan
raasto.n ke darmiyaan
kis tarah uja.D gayaa
kaun kab bichha.D gayaa
ko.ii puuchhtaa nahii.n
fasl-e-e'tibaar me.n
aatish-e-Gubaar se
KHema-e-du.aa jalaa
daaman-e-vafaa jalaa
kis burii tarah jalaa
phir bhii zindagii kaa saath hai ki chhuuTtaa nahii.n
kuchh bhii suujhtaa nahii.n
ko.ii puuchhtaa nahii.n
aur zindagii kaa saath hai ki chhuuTtaa nahii.n

Iftikhar Arif

Nazm

ekta ki aawaz

KHuluus dil me.n liye kaarvaa.n ke saath chalo
musaafiro chalo azm-e-garaa.n ke saath chalo
zamaana saath chale anjuman bhii saath chale
bahaar chuume qadam baa.nkpan bhii saath chale
vo azm ho ki jise zindagii salaam kare
qadam qadam pe sukuu.n jashn-e-ehtimaam kare
vatan kii laaj bano qaum kaa nikhaar bano
har ek dil ke liye husn-e-e.atibaar bano
bhulaa do firqa-parastii kii daastaano.n ko
miTaa do ba.Dh ke ta.assub bhare jahaano.n ko
qasam vatan kii tumhe.n ektaa ke gun gaa.o
dilo.n me.n azmat-e-qaum-o-vatan ko chamkaa.o
qadam ke saath agar dil mile.n to baat bane
jahaa.n bhii chaaho vahii.n manzil-e-hayaat bane
ho ek dil zaraa aavaaz bhii milaa ke chalo
chalo to raah-e-havaadis me.n muskuraa ke chalo

Bekal Utsahi

Nazm

jalwa-e-parda-dar

kis ne kahaa ki jaa.iye kis ne kahaa ki aa.iye
kis ne kahaa ki dil se pe.ng shaam-o-sahar ba.Dhaa.iye
kis ne kahaa mataa-e-naaz nazr-e-niyaaz kiijiye
kis ne kahaa haqiiqate.n rehn-e-majaaz kiijiye
aap ne fitna-e-junuu.n aap se aap uThaa diyaa
haath me.n le ke musht-e-KHaak aap ne dil banaa diyaa
aap ne dil ko Gam diyaa Gam ko davaam de diyaa
jaam me.n Dhaal dii sharaab daur me.n jaam de diyaa
aalam-e-kaa.enaat me.n aap ne mastiyaa.n bharii.n
jalvo.n se vaadiyaa.n bharii.n naGmo.n se bastiyaa.n bharii.n
aa.nkh khulii to aa.nkh me.n rang-e-bahaar bhar diyaa
shiisha-e-paak-o-saaf me.n le ke Gubaar bhar diyaa
zauq-e-nazar asiir-e-sang ho ke jo dar-ba-dar gayaa
aap ga.e kashaa.n kashaa.n ishq jidhar jidhar gayaa
KHuub hu.e nazar nazar kuucha-e-e.atibaar me.n
kitne hai.n chaak dekhiye jalva-e-parda-daar me.n

Ijtiba Rizvi

Nazm

main wo patthar

us se rishta rahaa ajab meraa
aa gayaa naam be-sabab meraa
us se aage ke marhale pe magar
naa-rasaa.ii ke silsile pe magar
mai.n to kuchh bol bhii nahii.n saktaa
raaz ye khol bhii nahii.n saktaa
silsila duur tak udaasii kaa
ek manzar hai naa-sipaasii kaa
jhuuT ho vaqt ho ki ishq-e-mudaam
yaad ho KHvaab ho ki hij-e-davaam
un ke to paa.nv bhii nahii.n hote
aur vo chal kar aa.e mere paas
baar-e-ehsaa.n bhii mujh pe Daal ga.e
le u.De chhiin kar vo hosh-o-havaas
jaane sab ho ga.e kahaa.n ruu-posh
haa.n vahii jaan-e-aasmaa.n-bar-dosh
shor hai KHitta-e-adaavat me.n
mai.n huu.n phir hujra-e-nadaamat me.n
kho gayaa shauq-e-intizaar miraa
chhin gayaa mujh se meraa shahr-e-najaat
kis bayaabaa.n me.n us ne Daal diyaa
ho ga.ii duur shaahraah-e-hayat
yuu.n ruKH-e-e'tibaar bhii TuuTaa
maz.hab-e-iKHtiyaar bhii chhuuTaa
ishq jab imtihaan letaa hai
shahr-e-mahbuub chhuuT jaataa hai
mai.n vo patthar jo TuuTtaa bhii nahii.n
sabr-e-ayyuub TuuT jaataa hai

Khursheed Akbar

Nazm

shikast-e-tauba

saaqii kii har nigaah pe bal khaa ke pii gayaa
lahro.n se kheltaa hu.aa lahraa ke pii gayaa
be-kaifiyo.n ke kaif se ghabraa ke pii gayaa
tauba ko to.D-taa.D ke tharraa ke pii gayaa
zaahid! ye terii shoKHii-e-rindaana dekhnaa
rahmat ko baato.n baato.n me.n bahlaa ke pii gayaa
sar-mastii-e-azal mujhe jab yaad aa ga.ii
duniyaa-e-e'tibaar ko Thukraa ke pii gayaa
aazurdagii-e-KHaatir-e-saaqii ko dekh kar
mujh ko ye sharm aa.ii ki sharmaa ke pii gayaa
ai rahmat-e-tamaam mirii har KHataa mu.aaf
mai.n intihaa-e-shauq me.n ghabraa ke pii gayaa
piitaa baGair izn ye kab thii mirii majaal
dar-parda chashm-e-yaar kii shah paa ke pii gayaa
us jaan-e-mai-kada kii qasam baarhaa 'jigar'
kul aalam-e-basiit pe mai.n chhaa ke pii gayaa

Jigar Moradabadi

Nazm

kyon na ho

aa.nkh vaalo husn-e-vahdat kaa tamaashaa kyo.n na ho
dil hai to raaz-e-haqiiqat kii tamanna kyo.n na ho
apnii manzil kii taraf garm-e-safar hai kaa.enaat
aadmii phir manzil-e-maqsad kaa joyaa kyo.n na ho
dil me.n har zarra ke pinhaa.n hai tamanna kaa sharaar
qalb-e-insaa.n haamil-e-soz-e-tamanna kyo.n na ho
ik na ik ummiid kii mash.al jalaanaa hai to phir
sham.a-e-iimaa.n hii kaa dil-afroz ujaalaa kyo.n na ho
ik na ik dar kii jabii.n-saa.ii pe qismat ziist kii
kar de sab se be-niyaaz ik aisaa sajda kyo.n na ho
jab guzarnaa hai sahaaro.n hii par apnii zindagii
jo na de saktaa ho dhokaa vo sahaaraa kyo.n na ho
tishnagii me.n chand qatro.n par qanaa.at kis liye
daaman-e-himmat hariif-e-josh-e-dariyaa kyo.n na ho
aarzii partav hai jis kaa Guncha-o-gul se ayaa.n
us bahaar-e-jaa.n-fazaa hii kii tamanna kyo.n na ho
muntazir jab ek fardaa ke hai.n sab imroz-o-dosh
zindagii ko ehtimaam-e-fikr-e-fardaa kyo.n na ho
aa.nkh ke jalvo.n ko jab haasil hai auj-e-e.atibaar
hosh vaalo e.atibaar-e-qalb-e-biinaa kyo.n na ho
naaKHudaa bhii jis pe rakhtaa hai nazar tuufaan me.n
naav vaalo ruKH usii kii samt apnaa kyo.n na ho
dil ke har zarra me.n hai ik aalam-e-nau jalva-gar
aa.nkh vaalo is jahaa.n kaa bhii tamaashaa kyo.n na ho
jaan hii Thahrii bahaa-e-naaz to ai dosto
chho.D kar zarro.n ko suuraj hii kaa saudaa kyo.n na ho
jab kisii an-dekhii taaqat par bharosa hai zaruur
dahr vaalo phir KHudaa hii kaa bharosa kyo.n na ho

Zafar Ahmad Siddiqi

Nazm

ram

aa.iina-e-KHuluus-o-mohabbat yahaa.n the raam
amn aur shaa.ntii kii zamaanat yahaa.n the raam
sachchaa.iyo.n kii ek alaamat yahaa.n the raam
ya.anii dil-o-nigaah kii chaahat yahaa.n the raam
qadmo.n se raam ke ye zamii.n sarfaraaz hai
hindostaa.n ko un kii shujaa.at pe naaz hai
un ke liye gunaah thaa ye zulm-o-intishaar
iisaar un kaa saare jahaa.n par hai aashkaar
daaman nahii.n thaa un kaa ta.assub se daaG-daar
hirs-o-havas se duur the vo saahab-e-vaqaar
be-shak unhii.n ke naam se raushan hai naam-e-hind
iqbaal ne bhii un ko kahaa hai imaam-e-hind
la.al-o-guhar kii ko.ii nahii.n thii talab unhe.n
izzat ke saath dil me.n basaate the sab unhe.n
bachpan se naa-pasand the Gaiz-o-Gazab unhe.n
logo.n kaa dil dukhaanaa gavaaraa thaa kab unhe.n
vo zaalimo.n pe qahr Gariibo.n kii Dhaal the
kirdaar-o-e'tibaar kii raushan misaal the
un ko thaa apnii rasm-e-uKHuvvat pe e'timaad
KHud khaa ke juuThe ber diyaa dars-e-ittihaad
farz-aashnaa the farz ko rakkhaa hamesha yaad
kahne pe apnii maa.n ke kahaa ghar ko KHair-baad
ruKHsat hu.e to lab pe na the shikva-o-fuGaa.n
ye hausla nasiib hu.aa hai kise yahaa.n
ban-baas par bhii lab pe na thaa un kaa ehtijaaj
bhaa.ii ke haq me.n chho.D diyaa apnaa taKHt-o-taaj
karte rahe vo chaudah baras tak dilo.n pe raaj
hindostaa.n me.n hai ko.ii un kii misaal aaj
raah-e-vafaa pe chal ke dikhaayaa hai raam ne
kahte hai.n kis ko tyaag bataayaa hai raam ne
rahbar ye shar-pasand kahaa.n aur kahaa.n vo raam
vo be-niyaaz-e-aish-o-tarab zar ke ye Gulaam
vo paikar-e-vafaa ye riyaa-kaar-o-bad-kalaam
vo amn ke naqiib ye shamshiir-e-be-niyaam
rasm-o-rivaaj-e-raam se aarii hai.n shar-pasand
raavan kii niitiyo.n ke pujaarii hai.n shar-pasand

Rahbar Jaunpuri

Nazm

Tipu ki aawaz

maaraa hu.aa huu.n go KHalish-e-intizaar kaa
mushtaaq aaj bhii huu.n payaam-e-bahaar kaa

Aale Ahmad Suroor

Nazm

subh-e-shab-e-intizar

charaaG raah me.n us ke amal se jalne lage
lo aaj sub.h-e-shab-e-intizaar aa hii ga.ii
fazaa mahakne lagii dil-navaaz phuulo.n se
dayaar-e-hind me.n fasl-e-bahaar aa hii ga.ii

Syeda Shan-e-Meraj

Nazm

aaKHri sadi ke moD par

na jaane zindagii kahaa.n Thahar ga.ii
ye fasl-e-intizaar bhii guzar ga.ii

Qaisarul Jafri

Nazm

kash samajhdar na banun

siskii aur qahqaha
mai.n apne paa.nv tale se jannat nikaal kar
ba.Dii KHushii se tumhe.n sau.npne ke liye tayyaar huu.n
mai.n apne paa.nv me.n ba.ndhii grihastii kii be.Diyo.n ko
bas tho.Daa saa Dhiilaa kar rahii huu.n
ziyaada duur nahii.n jaa.uu.ngii
ek qahqaha lagaa kar ek siskii bhar kar
yaa ek nazm likh kar lauT aa.uu.ngii
mai.n aazaad aurat huu.n lekin
agar mere bachcho.n ke baalo.n me.n liikhe.n pa.D jaa.e.n
un kii gardan par pasiina milii miTTii nazar aa.e
mere khaano.n me.n masaalaho.n kii tartiib ga.Dba.D ho jaa.e
bachcho.n ke home-work kii copy par
not-done likhaa hu.aa aa jaa.e
ghar aa.e mehmaano.n ko KHush-aamdiid kahte hu.e
ek cup chaa.e bhii na pilaa sakuu.n
office se lauTte hu.e thake hu.e shauhar se
haal-ahvaal bhii na puuchhuu.n
to merii saa.nse.n ghuTTii hu.ii
aur qahqaha phaTii phaTii aa.nkhe.n
aur nazm adhuuraa KHvaab lagtii hai
KHudaa ne nubuvvat ataa karte hu.e imaam banaate hu.e
puurii qalandarii ataa karte hu.e
mujh par e'tibaar nahii.n kiyaa thaa
puurii qaum ko a.alaa nasl dene kii zimmedaarii
faqat merii hai
is aa.alii mansab par kaam karte karte
mai.n thak bhii to saktii huu.n
merii ittifaaqii ruKHsat manzuur ho chukii hai
mai.n jaa rahii huu.n ek siskii bharne ek qahqaha lagaane
aur ek nazm likhne ke liye
chhuTTii aKHlaaqii taur par manzuur hone ke baavajuud
ghar kii har chiiz ko mujh se shikaayat
kyuu.n hai
bachcho.n ke chehre par Gussa dekh kar sochtii huu.n
qahqaha ayyaashii aur siskii yaa aas hai
aur nazm paa.nv me.n chubhaa hu.aa kaa.nch kaa Tuk.Daa hai
merii maa.n kahtii hai
tum mujh se achchhii maa.n nahii.n ho
tum ajab ho ghar shauhar aur bachcho.n ke alaava
aur bhii kuchh chaahtii ho
merii beTii mere haath se qalam chhiin kar
kahtii hai french-fry banaa kar do
mai.n sochtii huu.n
merii beTii ko bhii jab
ek qahqahe nazm yaa tasviir ke liye
apnii zindagii kii tijorii se
kuchh pal darkaar ho.nge
to mai.n use kyaa mashvara duu.ngii
qahqaha bachpan kii bichh.Dii hu.ii sakhii
siskii haatho.n se u.Dtaa hu.aa panchhii
aur nazm gunaah hai

Ateeya Daud

Nazm

hawa se baat karo

sadaa se baat karo
yahii ki jin ko sar-e-dasht-o-bar pukaaraa gayaa
vo sar-kashiida qabaa.il kii sar-phirii aulaad
kis zamii.n me.n khapii
kis falak kaa rizq hu.ii

Ehsan Akbar

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now