Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "bait-ul-khalaa"

Nazm MATCHES FOR "bait-ul-khalaa"

Nazm

ek express train

yahaa.n iimaan kii daulat bhii hai ik jins-e-be-maaya
nikal jaataa hai har-ik dil se Gam-KHvaarii kaa sarmaaya
haqiiqat me.n ye raaz ab tak samajh ko.ii nahii.n paayaa
gayaa ik baar jo bait-ul-KHalaa me.n phir nahii.n aayaa
jo thii jaa-e-faraaGat ban ga.ii jaa-e-amaa.n shaayad
yahii hai gosha-e-mahfuuz zer-e-aasmaa.n shaayad

Asad Jafri
Nazm

mir

shaahid-e-bazm-e-suKHan naazuura-e-ma.anii-taraaz
ai KHudaa-e-reKHta paiGambar-e-soz-o-gudaaz
yuusuf-e-mulk-e-ma.aanii piir-e-kan.aan-e-suKHan
hai tirii har bait ahl-e-dard ko bait-ul-huzan
ai shahiid-e-jalva-e-maanii faqiir-e-be-niyaaz
is tarah kis ne kahii hai daastaan-e-soz-o-saaz
hai adab urdu kaa naazaa.n jis pe vo hai terii zaat
sar-zamiin-e-sher par ai chashma-e-aab-e-hayaat
tafta-dil aashufta-sar aatish-navaa be-KHeshtan
aah terii siina-soz aur naala teraa dil-shikan
KHatm tujh par ho gayaa lutf-e-bayaan-e-aashiqii
marhabaa ai vaaqif-e-raaz-e-nihaan-e-aashiqii
sar-zamiin-e-sher ka.aba aur tuu is kaa KHaliil
shaaKH-e-tuubaa-e-suKHan par hamnavaa-e-jibra.iil
josh-e-istiGnaa tiraa tere liye vaj.h-e-nashaat
shaan-e-KHuddaarii tirii aa.iina-daar-e-ehtiyaat
bazm se guzraa kamaal-e-faqr dikhlaataa hu.aa
taaj-e-shaahii paa-e-istiGnaa se Thukraataa hu.aa
thaa dimaaG-o-dil me.n sahbaa-e-qanaat kaa suruur
thii javaab-e-satvat-e-shaahii tirii tab-e-Gayuur
mauja-e-bahr-e-qanaat terii abruu kii shikan
taKHt-e-shaahii par hasiir-e-faqr teraa KHanda-zan
thaa ye jauhar terii fitrii shaa.irii ke rutba-daa.n
izzat-e-fan thii tirii naazuk-mizaajii me.n nihaa.n
multafit kartaa tujhe kyaa aGniyaa kaa karr-o-farr
thaa tirii rag rag me.n durvesho.n kii sohbat kaa asar
dil tiraa zaKHmo.n se bazm-e-aashiqii me.n chuur hai
jis suKHan ko dekhiye ristaa hu.aa naasuur hai
bazm-gaah-e-husn me.n ik partav-e-faiz-e-jamaal
said-gaah-e-ishq me.n hai ek said-e-KHasta-haal
dekhnaa ho gar tujhe dekhe tire afkaar me.n
hai tirii tasviir tere KHuu.n-chakaa.n ash.aar me.n
sair ke qaabil hai dil sad-paara us naKHchiir kaa
jis ke har Tuk.De me.n ho paivast paikaa.n tiir kaa
aasmaan-e-sher par chamke hai.n sayyaare bahut
apnii apnii raushnii dikhlaa ga.e taare bahut
ahd-e-gul hai aur vahii ra.ngiinii-e-gulzaar hai
KHaak-e-hind ab tak agar dekho tajallii-zaar hai
aur bhii hai.n ma.arke me.n shahsavaar-e-yakka-taaz
aur bhii hai.n mai-kade me.n saaqiyaan-e-dil-navaaz
hai.n to paimaane vahii lekin vo mai miltii nahii.n
naGma-sanjo.n me.n kisii se terii lai miltii nahii.n
saahibaan-e-zauq ke siino.n me.n thii jis kii khaTak
tairte hai.n dil me.n vo sar-tez nashtar aaj tak
kaarvaan-e-rafta ko thaa terii yaktaa.ii pe naaz
asr-e-maujuuda ne bhii maanaa hai teraa imtiyaaz
ho ga.e hai.n aaj tujh ko ek sau baa.iis saal
to nahii.n zinda hai duniyaa me.n magar teraa kamaal
haq hai ham par yaad kar ke tujh ko ronaa chaahiye
maatam apnii naa-shanaasii kaa bhii honaa chaahiye
Dhuu.nDte hai.n qabr kaa bhii ab nishaa.n miltaa nahii.n
ai zamii.n tujh me.n hamaaraa aasmaa.n miltaa nahii.n

Mirza Mohammad Hadi Aziz Lakhnavi
Nazm

mere ham-nafas

tire shahr-e-KHaana-KHaraab me.n
hame.n phir mile.n na vo fursate.n

Basit Jaleeli
Nazm

dawat-e-fikr

fikr-e-suqraat hai ki zahr kaa ghuu.nT
baa.is-e-umr-e-jaavedaa.n socho

Shakeb Jalali
Nazm

zamane teri aankhon se

aur phir kyaa
rang phir bahte rahe.nge
aur KHalaa bhartaa rahegaa
silsila chaltaa rahegaa

Mehar Ali
Nazm

kanpur

kiyaa afsaana duniyaa kaa supurd-e-KHaama jab mai.n ne
to afsuu.n diin-e-qayyim kaa nazar bainassutuur aaya

Zafar Ali Khan
Nazm

etiraf

haa.n tirii baat ik nahii.n maanii
tere bahruup se rahaa shikva
haa.n tiraa dil faqat nahii.n rakkhaa
haa.n yahii ik KHataa hu.ii mujh se
terii jannat se ho gayaa mahruum

Khursheed Akbar
Nazm

munajat

KHudaavandaa!
tirii iqliim me.n rahte hu.e ik umr guzrii hai
magar ab tak tariiq-e-bandagii mujh ko nahii.n aayaa
mire jazbo.n ne ab tak jazb ke ma.anii nahii.n siikhe
abhii tak KHvaahisho.n ke paas dil ko rehn rakkhaa hai
abhii tak niim-shab kii saa.ato.n kii barkate.n mujh par nahii.n utrii.n
mirii aa.nkho.n me.n terii raushnii ke KHadd-o-KHaal ab tak nahii.n ubhre
mirii aa.nkhe.n abhii tak be-basar hai.n
aur sitam ye hai
basiirat ke dariiche vaa nahii.n hote
KHudaa-e-lam-yazal
tujh ko zavaal-e-aadamiyyat kii qasam
mujh se mirii ye bebasii le le
tujhe to ye KHabar hai
is jabiin-e-shauq me.n sajde ta.Dapte hai.n
magar mai.n raa.nda-e-dargaah jab sajde me.n jaataa huu.n
to apnii tavajjoh
sahn ke mahfuuz kone me.n rakhii juutiyo.n me.n chho.D aataa huu.n

Salman Basit
Nazm

mohammad ka aaKHiri KHutba

mire aziizo
zamaan-e-haazir ke muntaKHab be-misaal logo
mirii tariiqat pe chalne vaalo
mirii ma.ayyat me.n jis guzargaah par chale ho
bahut kaThin thii
qadam qadam par na.e havaadis
tumhaare sach kaa KHiraaj lene
tumhaarii rah me.n kha.De hu.e the
zavaal-aamaada log
tum se uruuj kii is gha.Dii me.n
aa aa ke puuchhte the
ki jalte suuraj tale aqiide kii chhaa.nv kab tak javaa.n rahegii
ye jaa.n-kanii kaa azaab kitne baras sahoge
vo be-KHabar the
ki jo bhii is raah par chalaa hai
vo jabr kii aahanii fasiilo.n ko
sang-e-manzil samajh ke ba.Dhtaa chalaa gayaa hai
jab tumhaaraa iimaan apnii takmiil paa chukaa hai
tumhaare andar ke but-kado.n ke tamaam asnaam
Dheh chuke hai.n
safar kii saarii sa.uubato.n se guzar chuke ho
gavaah rahnaa
sadaaqato.n ke amiin logo
gavaah rahnaa
ki mai.n ne saarii amaanate.n tum ko sau.np dii hai.n
suno
ki ab jo mai.n kah rahaa huu.n
yahii vo nusKHa-e-kiimiiyaa hai
jo zaat ke bandhano.n se
tum ko rihaa.ii degaa
tumhaare andar kii sab KHaliijo.n ko paaT degaa
mai.n zindagii kii fasaahato.n aur balaaGato.n ko
samajh ke tum se ye kah rahaa huu.n
samaa.ate.n aur basaarte.n qibla-ruu karoge
to dekh lenaa
basiirato.n ke charaaG
KHud hii tumhaare andar ke saare taaqcho.n me.n jal uThe.nge
tumhe.n KHabar hai?
ki zindagii apne zaahirii KHadd-o-KHaal se kitnii muKHtalif hai
ki ruuh ke pul tale tumhaare vajuud kaa aarzii bahaa.o
ba.Dii hii sur.at se bah rahaa hai

Salman Basit
Nazm

zindagi

zindagii baa.is-e-aazaar bhii hai
zindagii naGma-o-gulzaar bhii hai

Brijes Talat Nizamii
Nazm

sipahi se muKHatib hote hue

meraa qalam aur tumhaarii banduuq kaa baT
ek hii daraKHt kii lak.Dii se bane hai.n

Muddassir Abbas
Nazm

hamesha tishnagi ko zeb-e-tan rakha

tumhe.n ham ne bataayaa thaa
tamannaa ke subuk qadmo.n se raste tai nahii.n hote
magar tum ko hamaarii baat par iimaan hii kab thaa
hamii.n the
jo tumhaarii an-kahii baato.n kaa bhii idraak rakhte the
ye ham the
jo tumhaare lafz kii hurmat ko
dil kii rehl me.n rakh kar
du.aa-e-niim-shab ke saath pa.Dhte the
magar shaayad hamaarii sab munaajaate.n
tumhaare dil kii be-rauzan samaa.at tak nahii.n pahu.nchii.n
phir aisaa thaa
tumhaare paas jitne zaKHm the
sab ham ko de Daale
ye zaKHmo.n kii qabaa bhii KHuub thii
jab tumhaarii yaad ke jho.nke
use chhuu kar guzarte the
to ye tan se chipaktii thii
magar ham ne kabhii zaKHmo.n pe marham tak nahii.n rakhaa
hamaarii aarzuu ne to
hamesha tishnagii ko zeb-e-tan rakkhaa

Salman Basit
Nazm

waqt ek mahbub hai

ajab mahbuubiyat sii vaqt kii fitrat me.n hotii hai
kabhii dil ko lubhaataa hai
to phir us kii inaayat kaa tasalsul kam nahii.n hotaa
musalsal abr-e-rahmat kii tarah
dil kii daraa.Do.n me.n bhii rastaa hai
mohabbat kii piyaasii sarzamii.n sairaab kartaa hai
kabhii din kii sabaahat zeb-e-tan kar ke
ujaale baa.nTtaa hai
aur kabhii kaalii ridaa.e.n o.Dh kar
shab ke sukuut-e-jaa.n-fizaa me.n saa.ns letaa hai
kabhii ye paas aa kar baiTh jaataa hai
ye kahtaa hai
chalo guzre zamaane kii mohabbat yaad karte hai.n
to mere zehn-aa.ngan me.n
yaade.n bachpanaa aur phir la.Dakpan o.Dh kar
itraa ke chaltii hai.n
ko.ii dil ke kivaa.Do.n ko
achaanak niim-vaa kar ke zaraa saa muskuraataa hai
mirii banjar zamiino.n par taraavat aatii-jaatii hai
kasaafat dhultii jaatii hai
kabhii ye chalte chalte dau.D kar aage nikaltaa hai
ki aa.o aur mujhe chhuu lo
magar mai.n naa-rasaa.ii-aashnaa
us se hamesha do-qadam piichhe hii rahtaa huu.n
kabhii baahe.n gale me.n Daal detaa hai
ba.Dii mahjuub sii nazro.n se taktaa hai
to Gam kii sa.nglaaKHii me.n daraa.De.n Daal detaa hai
kabhii ik sham.a raushan kar ke kahtaa hai
lapaktii dau.Dtii is zindagii me.n
aaj tum kitne baras ke ho
achaanak ruuTh jaataa hai
ko.ii minnat ko.ii zaarii nahii.n suntaa
kisii suurat nahii.n mantaa
use apnaa banaa.o bhii
to ye apnaa nahii.n rahtaa
kabhii ye dastaras me.n hii nahii.n rahtaa
havaa par paa.nv rakhtaa hai
KHalaa me.n phail jaataa hai
had-e-imkaan se baahar nikaltaa hai
makaa.n se laa-makaa.n tak jis qadar vus.at mayassar hai
vahaa.n tak jhilmilaataa hai
mai.n sar-taa-paa tahayyur huu.n
magar us kii tilismii qaid me.n KHush huu.n
usii zindaa.n me.n rahtaa huu.n
usii me.n saa.ns letaa huu.n

Salman Basit
Nazm

dosti

dostii is jahaa.n me.n ne'mat hai
ye 'inaayat hai rab kii rahmat hai
dostii raushnii hai taaro.n kii
dostii KHushbuu apne pyaaro.n kii
dostii dilkashii nazaaro.n kii
gungunaahaT hai aabshaaro.n kii
dostii dukh ko baa.nT letii hai
dostii saath saath chaltii hai
dostii me.n qaraar miltaa hai
dostii me.n to pyaar miltaa hai
dost mahfil kii jaan hote hai.n
jaan hote hai.n maan hote hai.n
dostii pyaar se banii muurat
dostii rang-o-nuur kii suurat
miraa bachpan kaa yaar aayaa hai
kitnii KHushiyaa.n vo saath laayaa hai
aaj barso.n ke baa'd ham hai.n mile
chaar suu jaise mere phuul khule
tum salaamat raho rahe yaarii
yaar mere fahiim ansaarii

Basit Jaleeli
Nazm

maine shairi likkhi

sukuut-e-shab me.n KHayaalaat kii ravaanii me.n
jo lafz mai.n ne likhe the na.ii kahaanii me.n
mai.n aise lafzo.n ko paaband karne aayaa huu.n
sutuur-e-haq kaa mai.n taavaan bharne aayaa huu.n
suKHan-varii kii nazaakat se huu.n nahii.n vaaqif
munaafiqo.n kii siyaasat se huu.n nahii.n vaaqif
jo mere dil me.n hai us ko kalaam kartaa huu.n
mai.n apne 'ishq ko valiyo.n ke naam kartaa huu.n
ye kaise hogaa ki mai.n bhe.Diyo.n se Dar jaa.uu.n
mirii sarisht me.n shaamil hai la.D ke mar jaa.uu.n
mai.n siina Tho.nk ke kahtaa huu.n karbalaa.ii huu.n
mai.n huu.n payambar-e-haq amn kaa mai.n daa’ii huu.n
mai.n manzaro.n ko badalne kii taab rakhtaa huu.n
mai.n apnii jholii me.n chand aise KHvaab rakhtaa huu.n
likhaariyo.n kaa jo mela hai mai.n ne parkhaa hai
qalam amaanat-e-rab hai unhe.n KHabar hii nahii.n
inhe.n numaa.ishii shohrat se itnii raGbat hai
hai raat zulm kii aur vaa’da-e-sahar hii nahii.n
junuun-e-'ishq kaa fuqdaan kyo.n hu.aa in me.n
jo in ke man me.n sadaaqat nahii.n to kuchh bhii nahii.n
miraa qalam to hai ehsaas-e-dard se bojhal
nahii.n hai 'azmat-e-insaan agar to kuchh bhii nahii.n
jo mai.n ne dekhaa hai raah-e-vafaa me.n vo sun lo
zaraa saa ek diyaa hai jo TimTimaataa hu.aa
ye baad-o-baaraa.n kii ik zarb sah na paa.egaa
a.ndheraa maut kii suurat me.n phail jaa.egaa
so is se pahle ruke kaarvaan-e-she'r-o-suKHan
so is se pahle ruke merii saa.ns aur dha.Dkan
qalam kii khaa.ii qasam mai.n ne aagahii likkhii
KHudaa-e-vaahid-o-bartar kii bartarii likkhii
ye saaraa khel tamaashaa ye zindagii likkhii
ye be-sabaatii likhii apnii bebasii likkhii
suKHan-varii hii to 'baasit' hai meraa vasf-e-digar
so mai.n ne she'r kahaa mai.n ne shaa'irii likkhii

Basit Jaleeli
Nazm

zindagi ka safar

safar hai zindagii kaa aur
badalte mausamo.n kaa
kabhii sarsabz rahte hai.n
kabhii barfiilii shahraahe.n
kabhii taariik galiyo.n se
guzarte
dam jo ghuT jaa.e
kabhii sahraa kii taptii ret par
gar paa-piyaada chalnaa pa.D jaa.e
kabhii KHvaabo.n kii bastii se
ko.ii sapnaa
haqiiqat me.n badal jaa.e
safar hai zindagii kaa aur
badalte mausamo.n kaa
kabhii tanhaa
bahut aazurda
KHaalii KHaalii nazro.n se
manaazir taktaa jaataa huu.n
kabhii mai.n KHud musaafir huu.n
kabhii ko.ii ham-safar meraa
ki jis kii KHushbu.o.n se
mo'attar ho fazaa saarii
agar vo muskuraa.e
adh-khilii kaliyaa.n
bhii khil uTThe.n
safar hai zindagii kaa aur badalte mausamo.n kaa
kabhii madd-o-jazar aisaa
haqiiqat me.n badal jaa.e
ki ik tuufaan aa jaa.e
lagaa de aag gulshan me.n
kisii gumnaam raste se
ko.ii chehra mohabbat kaa
kalaa.ii ko paka.D kar
aasmaano.n ke safar par
saath le jaa.e
kabhii aisaa bhii ho jaa.e
yuu.n hii chaahat ke saa.nche me.n
Dhale.n do dil
ki dil se ye du'aa nikle
guzar jaa.e
yuu.n hii phir zindagii apnii
yuu.n hii phir shaam ho jaa.e
safar hai zindagii kaa aur
badalte mausamo.n kaa

Basit Jaleeli
Nazm

ab bhi raushan hain

sar-kashii Dhuu.nDhtii hai zauq-e-gunahgaarii ko
KHud se sharminda nahii.n auro.n se sharminda nahii.n
ye miraa dil ki hai maasuum o KHataa-aaluud

Ali Sardar Jafri
Nazm

kasrat-e-aulad

jis taraf bhii dekhiye aulaad hii aulaad hai
KHaana-aabaadii ke baa'd ab KHaana-e-barbaad hai

Nashtar Amrohvi
Nazm

intibah

suu.nghnaa chho.D do
suu.nghte suu.nghte
tum kisii na kisii ashraf-ul-KHalq ko rijs kah jaa.oge

Shoaib Kiani
Nazm

Diary ka ek Khaali safha

mai.n chho.D rahaa huu.n
diary kaa ek KHaalii saf.ha
jis par ko.ii bhii
kuchh bhii likh saktaa hai

Muddassir Abbas
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now