Search result for "bar-sar-e-kuu-e-jafaa" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "bar-sar-e-kuu-e-jafaa"

Nazm MATCHES FOR "bar-sar-e-kuu-e-jafaa"

Nazm

phir sham hui

phailtaa phailtaa shaam-e-Gam kaa dhu.aa.n
ik udaasii kaa tantaa hu.aa saa.ebaa.n
uu.nche uu.nche minaaro.n ke sar pe ravaa.n
dekh pahu.nchaa hai aaKHir kahaa.n se kahaa.n
jhaa.nktaa suurat-e-KHail-e-aavaargaa.n
Gurfa Gurfa bahr kaaKH-o-kuu shahr me.n

Ibn۔e۔Insha

Nazm

dil-e-man musafir-e-man

mire dil, mire musaafir
hu.aa phir se hukm saadir
ki vatan-badar ho.n ham tum
de.n galii galii sadaa.e.n
kare.n ruKH nagar nagar, kaa
ki suraaG ko.ii paa.e.n
kisii yaar-e-naama-bar kaa
har ik ajnabii se puuchhe.n
jo pataa thaa apne ghar kaa
sar-e-kuu-e-naa-shanaayaa.n
hame.n din se raat karnaa
kabhii is se baat karnaa
kabhii us se baat karnaa
tumhe.n kyaa kahuu.n ki kyaa hai
shab-e-Gam burii balaa hai
hame.n ye bhii thaa Ganiimat
jo ko.ii shumaar hotaa
hame.n kyaa buraa thaa marnaa
agar ek baar hotaa!

Faiz Ahmad Faiz

Nazm

dar-o-rasan

dimaaG bar-sar-e-haft-aasmaa.n thaa dehlii kaa
KHitaab-e-KHitta-e-hindostaa.n thaa dehlii kaa

Mohammad Ali Tishna

Nazm

karachi

hasiino.n kii nazro.n ke haqdaar hote
agar ham yahaa.n bar-sar-e-kaar hote

Abul Fitrat Meer Zaidi

Nazm

hawa se baat karo

sadaa se baat karo
yahii ki jin ko sar-e-dasht-o-bar pukaaraa gayaa
vo sar-kashiida qabaa.il kii sar-phirii aulaad
kis zamii.n me.n khapii
kis falak kaa rizq hu.ii

Ehsan Akbar

Nazm

do ishq

is raah me.n jo sab pe guzartii hai vo guzrii
tanhaa pas-e-zindaa.n kabhii rusvaa sar-e-baazaar
garje hai.n bahut shaiKH sar-e-gosha-e-mimbar
ka.Dke hai.n bahut ahl-e-hakam bar-sar-e-darbaar

Faiz Ahmad Faiz

Nazm

kar-e-behuda

apne hone
aur na hone me.n
KHushii kii Gam kii itmiinaan kii tahqiiq
be-masraf hai
aur ik sa.i-e-laa-haasil ke sivaa kuchh bhii nahii.n
ye zindagii
ik ja.ng-e-tahmiilii hai
aur mai.n
be-natiija ja.ng kaa sar-baaz ho.n ko.ii
jo behuuda savaalo.n se
azal se bar-sar-e-paikaar
abad-aasaar naa-paidaa

Shahram Sarmadi

Nazm

nawishta-e-pas-e-diwar

ye ra.ng-o-buu ye nazaare ye bazm-aaraa.ii
niyaaz-o-naaz-o-adaa husn ishq ra.anaa.ii
shabaab-e-nazm-o-Gazal dar pai-e-shakebaa.ii
mujhe ye saa.at-guzraa.n kahaa.n pe le aa.ii
qaraar dekh liyaa iztiraar dekh liyaa
Gam-e-habiib Gam-e-rozgaar dekh liyaa
udaas chehro.n pe u.Dtaa Gubaar dekh liyaa
navaa-e-shauq ko be-iKHtiyaar dekh liyaa
KHizaa.n-gaziida saa ra.ng-e-bahaar dekh liyaa
gumaa.n-dariida yaqiin taar taar dekh liyaa
tamaam ishva-e-husn-e-nigaar dekh liyaa
junuu.n kaa sajda sar-e-kuu-e-yaar dekh liyaa
savaad-e-aql-o-KHirad be-vaqaar dekh liyaa
rahaa na KHud kaa bhii phir e'tibaar dekh liyaa
kabhii jo dekhaa na thaa baar baar dekh liyaa
na ibtidaa kii KHabar hai na intihaa ma.aluum
navishta-e-pas-e-diivar kyaa hai kyaa ma.aluum

Sarwar Alam Raz

Nazm

intiKHabaat

inqilaabaat hone vaale hai.n
intiKHaabaat hone vaale hai.n
jaise haalaat the kabhii pahle
vaise haalaat hone vaale hai.n
bhaa.ii bhaa.ii me.n baap beTe me.n
iKHtilaafaat hone vaale hai.n
zer dasto.n ke zor dasto.n se
ek do haat hone vaale hai.n
bar-sar-e-aam raaz khulte hai.n
inkishaafaat hone vaale hai.n
jalsa-gaaho.n me.n maah-paaro.n me.n
ittifaaqaat hone vaale hai.n
phir machaltaa hai dil ki sach kah de.n
phir havaalaat hone vaale hai.n

Mirza Mahmood Sarhadi

Nazm

programme

ai shaKHs agar 'josh' ko to Dhuu.nDhnaa chaahe
vo pichhle pahar halqa-e-irfaa.n me.n milegaa
aur sub.h ko vo naazir-e-nazzaara-e-qudrat
taraf-e-chaman-o-sahn-e-bayaabaa.n me.n milegaa
aur din ko vo sar-gashta-e-asraar-o-ma.aanii
shahr-e-hunar-o-kuu-e-bayaabaa.n me.n milegaa
aur shaam ko vo mard-e-KHudaa rind-e-KHaraabaat
rahmat-kada-e-baada-faroshaa.n me.n milegaa
aur raat ko vo KHalvatii-e-kaakul-o-ruKHsaar
bazm-e-tarab-o-kuucha-e-KHuubaa.n me.n milegaa
aur hogaa ko.ii jabr to vo banda-e-majbuur
murde kii tarah kalba-e-ahzaa.n me.n milegaa

Josh Malihabadi

Nazm

adhuri nazm

a.ndherii shaam ke saathii
adhuurii nazm se zor-aazmaa hai.n
bar-sar-e-kaaGaz bichha.Dne kii
suno... tum se dil-e-mahzuu.n kii baate.n kahne vaalo.n kaa
yahii anjaam hotaa hai
kahii.n satr-e-shikasta kii tarah hai.n chaar shaane chit
kahii.n harf-e-tamannaa kii tarah dil me.n taraazuu hai.n
suno... in niil-chashmo.n saKHt-jaano.n be-zabaano.n par
jo guzregii so guzregii
magar mai.n ik adhuurii nazm kii haijaan me.n khoyaa
tumhe.n aavaaz detaa huu.n
ki tanhaa aadmii taKHliiq se aarii hu.aa kartaa hai
jaan-e-man!
suno... mere qariib aa.o
ki mujh ko aaj kii raat ik adhuurii nazm puurii kar ke sonaa hai!

Abbas Tabish

Nazm

bebasi

mai.n ne chaahaa thaa ki taaro.n kii bujhaa duu.n sham.e.n
nikhat-o-nuur ke saa.nche me.n jo dekhaa thaa use
kaun kar saktaa hai inkaar-e-vajuud
mai.n ne dekhii hai.n lachaktii hu.ii baa.nhe.n us kii
marmarii.n shaano.n pe bikhrii hu.ii mushkii.n zulfe.n
ras bhare ho.nT
rasiilii aa.nkhe.n
taab-e-nazaara na muusaa ko hu.ii kyo.n hotii
us kii aa.nkho.n me.n the sahme hu.e jazbaat nihaa.n
kaash us ne mire mahbuub ko dekhaa hotaa
kaash muusaa kaa KHudaa meraa raqiib
mere mahbuub ke hote bhii KHudaa.ii kartaa
haa.e ye bebasii aur majbuurii
bar-sar-e-tuur me.n raushan taare
mai.n ne chaahaa thaa ki taaro.n kii bujhaa duu.n sham.e.n

Abdul Majeed Bhatti

Nazm

dildar dekhna

tuufaa.n ba-dil hai har ko.ii dildaar dekhnaa
gul ho na jaa.e mish.al-e-ruKHsaar dekhnaa
aatish ba-jaa.n hai har ko.ii sarkaar dekhnaa
lau de uThe na turra-e-tarraar dekhnaa
jazb-e-musaafiraan-e-rah-e-yaar dekhnaa
sar dekhnaa, na sa.ng, na diivaar dekhnaa
kuu-e-jafaa me.n qaht-e-KHariidaar dekhnaa
ham aa ga.e to garmi-e-baazaar dekhnaa
us dil-navaaz shahr ke atvaar dekhnaa
be iltifaat bolnaa, bezaar dekhnaa
KHaalii hai.n garche masnad o mimbar, niguu.n hai KHalq
ro.ab-e-qabaa o haibat-e-dastaar dekhnaa
jab tak nasiib thaa tiraa diidaar dekhnaa
jis samt dekhnaa, gul-o-gulzaar dekhnaa
phir ham tamiiz-e-roz-o-mah-o-saal kar sake.n
ai yaad-e-yaar phir idhar ik baar dekhnaa

Faiz Ahmad Faiz

Nazm

yakum may

qatl-e-gul qatl-e-sabaa qatl-e-sahar kii taqriib
mun.aqid hotii rahii baarhaa aivaano.n me.n
qila-e-jabr-o-tashaddud me.n
qasr-e-zulmat me.n
KHalvat-e-shab me.n
gaahe-gaahe sar-e-raahe
aur is baar ye taqriib ba.Dii shaan ke saath
mun.aqid ahl-e-havas ke haatho.n
rahguzaaro.n pe hu.ii
bar-sar-e-baazaar hu.ii
kuucha-e-shahr-e-nigaaraa.n me.n hu.ii
dasht-o-sahraa me.n hu.ii
kohsaaro.n me.n hu.ii
naam-e-gul naam-e-sabaa naam-e-sahar vird-e-zabaa.n
har-nafas gaam-ba-gaam
mohtaram hai ravish-e-makr-o-fareb-e-paiham
sheva-e-raahzanii kii KHair
pesha-e-qatl kii azmat kii duhaa.ii diije
dast-e-qaatil ke taqaddus kii qasam khaa.ii ga.ii
saathiyo chalte raho
ham rivaayaat-e-chicago ke amii.n
KHuun-e-fučík ke taqaddus ke amii.n
azmat-e-KHuun-e-lumumba ke amii.n
KHuun-e-naasir ke amii.n
nazr-e-KHuu.n dete rahe hai.n
sar-e-mahfil sar-e-zindaa.n sar-e-maqtal sar-e-daar
nazr-e-KHuu.n dete rahe.nge ham log

Muslim Shameem

Nazm

awwalin sans se saat-e-kun talak

avvalii.n saa.ns se
saa'at-e-kun talak kaa safar phir se baar-e-digar
kis suhuulat se ham ko karaa detii hai
kis suhuulat se ham ko karaa detii hai

Nadeem Najid

Nazm

nazr-e-ghaalib

dasht-e-imkaan kii pahnaa.ii me.n
KHaak bar-sar the ki ghar yaad aayaa

Sajida Zaidi

Nazm

dua

ishq kaa sirr-e-nihaa.n jaan-e-tapaa.n hai jis se
aaj iqraar kare.n aur tapish miT jaa.e
harf-e-haq dil me.n khaTaktaa hai jo kaa.nTe kii tarah
aaj iz.haar kare.n aur KHalish miT jaa.e

Faiz Ahmad Faiz

Nazm

aaj ki shab to kisi taur guzar jaegi

terii aavaaz kaa jaaduu hai abhii mere liye
tere malbuus kii KHushbuu hai abhii mere liye
terii baa.nhe.n tiraa pahluu hai abhii mere liye
sab se ba.Dh kar mirii jaa.n tuu hai abhii mere liye
ziist karne ko mire paas bahut kuchh hai abhii
aaj kii shab to kisii taur guzar jaa.egii!
aaj ke baa'd magar ra.ng-e-vafaa kyaa hogaa
ishq hairaa.n hai sar-e-shahr-e-sabaa kyaa hogaa
mere qaatil tiraa andaaz-e-jafaa kyaa hogaa!

Parveen Shakir

Nazm

tariKH Taswe bahaegi

tum sar-e-baam aa kar
uThaayaa hu.aa haath apnaa hilaa kar
chamakdaar aa.nkho.n se apnii
mujhe ruKHsatii kaa agar izn detii.n
to mai.n dushmano.n ke liye
maut ban kar nikaltaa
tumhaare faqat ik ishaare se
kushto.n ke pushte lagaataa chalaa jaataa
tum dekhtii.n kis tarah mai.n
zamaane kii sarhad zaraa der me.n paar kartaa
har ik samt se vaar kartaa
mohabbat kii taariiKH tabdiil kartaa
na.ii razm-e-botiiqaa tashkiil detaa
mai.n lashkar kaa sab se bahaadur sipaahii thaa
mere liye ek aa.nsuu bahut thaa
magar tum ne ashko.n kii barsaat kar ke
mujhe is qadar Gam-zada kar diyaa hai
ki lagtaa hai ye ma.arka haar jaa.uu.ngaa mai.n
lauT kar ab na aa.uu.ngaa mai.n.....!

Naseer Ahmad Nasir

Nazm

mahatma-gandhi

bhalaa.ii sab kii ho jis se vo kaam us kaa hai
jahaa.n bhii jaa.o vahii.n ehtiraam us kaa hai
uThaa.e sar ko.ii kyaa sar uThaa nahii.n saktaa
muqaable ke liye aage aa nahii.n saktaa
kisii se us ko mohabbat kisii se ulfat hai
kisii ko us kii hai us ko kisii kii hasrat hai
vafaa-o-lutf tarahhum kii KHaas aadat hai
Garaz karam hai mudaaraat hai inaayat hai
kisii ko dekh hii saktaa nahii.n hai mushkil me.n
ye baat kyuu.n hai ki rakhtaa hai dard vo dil me.n
vo rashk-e-sham-e-hidaayaat hai anjuman ke liye
vo misl-e-ruuh-e-ravaa.n unsur-e-badan ke liye
vo ek saaGar-e-nau mahfil-e-kuhan ke liye
vo KHaas maslah-e-kul shaiKH-o-barahman ke liye
lagan use hai ki sab maalik-e-vatan ho jaa.e.n
qafas se chhuuT ke ziinat-dah-e-chaman ho jaa.e.n
jafaa-shi.aar se hotaa hai bar-sar-e-paikaar
na paas top na golaa na qabze me.n talvaar
zamaana taaba-e-irshaad hukm par tayyaar
vo paak shakl se paidaa hai.n josh ke aasaar
kisii KHayaal se charKHe ke bal pe la.Dtaa hai
kha.Dii hai fauj ye tanhaa magar aka.Dtaa hai
tarah tarah ke sitam dil par apne sahtaa hai
hazaar ko.ii kahe kuchh KHamosh rahtaa hai
kahaa.n shariik hai.n aa.nkho.n se KHuun bahtaa hai
suno suno ki ye ik kahne vaalaa kahtaa hai
jo aabruu tumhe.n rakhnii ho josh me.n aa.o
raho na be-KHud-o-be-hosh hosh me.n aa.o
usii ko ghere amiir-o-Gariib rahte hai.n
nadiim-o-muunish-o-yaar-o-habiib rahte hai.n
adab ke saath adab se adiib rahte hai.n
nasiib-var hai.n vo ba.De KHush-nasiib rahte hai.n
ko.ii bataa.e to yuu.n dekh-bhaal kis kii hai
jo us se baat kare ye majaal kis kii hai
rifaah-e-aam se raGbat hai aur matlab hai
anokhii baat niraalii ravish nayaa Dhab hai
yahii KHayaal thaa pahle yahii KHayaal ab hai
faqat hai diin yahii bas yahii to maz.hab hai
agar bajaa hai to 'bismil' kii arz bhii sun lo
chaman hai saamne do-chaar phuul tum chun lo

Bismil Allahabadi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now