Search result for "bhaap" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "bhaap"

Nazm MATCHES FOR "bhaap"

Nazm

raaten sachchi hain din jhuTe hain

vo sab ik barfaanii bhaap kii chamkiilii aur chakkar khaatii golaa.ii the
so mere KHvaabo.n kii raate.n jaltii aur dahaktii raate.n

Jaun Eliya

Nazm

kya gul-badani hai

har naqsh-e-qadam par hai fidaa taaj-e-kayaanii
har gaam me.n hai chashma-e-kausar kii ravaanii
har ek bun-e-muu se ubaltii hai javaanii
uThtii hai masaamaat se yuu.n bhaap sii dhaanii
goyaa ko.ii mahkii hu.ii chaadar sii tanii hai
kyaa gul-badanii gul-badanii gul-badanii hai

Josh Malihabadi

Nazm

ubaal

hazaaro.n baras se mirii aatmaa uu.ngh me.n pha.ns ga.ii thii
jab insaan do pattharo.n ko raga.D kar kuhan-saal suuraj kii surKH aatmaa ko bulaane lagaa thaa
magar tez aa.nch aur bahut tez buu ne jhi.njho.Daa to ab aa.nkh phaa.De hu.e
dam-ba-KHud hai
ubalne lagii.n sabziyaa.n phuul phal gosht daale.n anaaj
abhii shorbe ke khadakne kii aavaaz chhaa.ii hu.ii thii
abhii saa.np-chhatrii lagaa.e hu.e bhaap niile KHalaa.o.n kii jaanib ravaa.n hai
vo jis kii ziyaafat kii tayyaariyaa.n thii.n kahaa.n hai
mirii aatmaa jaag kar chiiKHtii hai
ye haa.nDii ubalne lagii hai
ye miTTii kii haa.nDii ubalne lagii hai
ye miTTii kii diivaanii haa.nDii ubalne lagii hai

Ameeq Hanafi

Nazm

glass landscape

abhii sardii poro.n kii pahchaan ke mausam me.n hai
is se pahle ki barf mere darvaaze ke aage diivaar ban jaa.e
tum qahve kii pyaalii se uThtii mahaktii bhaap kii tarah
merii pahchaan kar lo
mai.n abhii tak sabz huu.n
mu.nh-band ilaa.ichii kii tarah
mai.n ne aaj tumhaarii yaad ke kabuutar ko
apne zehn ke kaabuk se aazaad kiyaa
to mujhe andar kii pataavar dikhaa.ii dii
chaa.nd puuraa hone se pahle tum ne mujhe chhu.aa
aur baat puurii hone se pahle
tum ne baat KHatm kar dii
jaankaarii ke bhii kitne dukh hote hai.n
bin kahe hii talKH baat samajh me.n aa jaatii hai
achchhii baat ko dohraane kii sa.ii
aur burii baat ko bhulaane kii jidd-o-johd me.n
zindagii biit jaatii hai
barf kii diivaar me.n
ab ke mai.n bhii chunvaa dii jaa.uu.ngii
ki mujhe aag se kheltaa dekh kar
daanish-mando.n ne yahii faisla kiyaa hai
mai.n tumhaare paas leTii hu.ii bhii
phulja.Dii kii tarah sulagtii rahtii huu.n
mai.n tum se duur huu.n
tab bhii tum merii lapTo.n se sulagte aur jhulaste rahte ho
samundar sirf chaa.nd kaa kahaa maantaa hai
sar-e-shaam jab suuraj aur merii aa.nkhe.n surKH ho.n
to mai.n chaa.nd ke bulaave pe samundar kaa KHarosh dekhne chalii jaatii huu.n
aur mere pairo.n ke niiche se ret nikal kar
mujhe be-zamiin kar detii hai
pair be-zamiin
aur sar be-aasmaan
phaa.nsii par laTke shaKHs kii tarah ho ke bhii
yahii samajhtii ho
ki mu.nh-band ilaa.ichii kii tarah abhii tak sabz ho

Kishwar Naheed

Nazm

chup

raat kii kaalii baarish ne
chehro.n kii vardii
kiicha.D se bhar dii hai
mere siine ke pinjre me.n
KHuun kaa gardish karne vaalaa laTTuu
nafrat ke paudo.n ke uupar
ghuum rahaa hai
tum ne aise kaa.nTe
merii shiryaano.n me.n bo.e hai.n
aisii dopahro.n kii zardii
mere gaalo.n pe liipii hai
ki mai.n bistar kii shikno.n me.n
apnii aa.nkhe.n bo kar rotaa huu.n
pahlii baar jab Gam kii putlii qaash ko
chehre se nochaa thaa
jab Gurbat ke auraaq
havaa me.n u.Dte the
jab KHaalii me.ade kii tasviir banaa kar
us me.n chiize.n rakhtaa thaa
phaTe hu.e kap.Do.n me.n jab
tasviir chhupaa kar rakhtaa thaa
merii shahvat
ku.nvaar pane kii dahliizo.n par
apnaa KHutba likhtii thii
biis baras un galiyo.n kii diivaaro.n se
Takraa Takraa kar
mere ka.ndhe ret ke pushte ban kar
Dhete jaate hai.n
mai.n jo terii raano.n ke jangal me.n
kaale phuul ko to.Dne niklaa thaa
ab dekh rahaa huu.n
dil kii korii miTTii me.n
tere jism kii patlii shaaKHe.n ugii hu.ii thii.n
aur ik aavaara sannaaTaa
chhato.n par bhaarii qadmo.n se
ba.Dii aahistagii ke saath chaltaa hai
to vo chupke se mere paas aatii hai
aur apne dhiime lahje me.n
vo saarii daastaane.n kah sunaatii hai
jinhe.n sun kar mai.n dhiimii aa.nch par
pahro.n sulagtaa huu.n
kisii girje ke viiraa.n lawn me.n
jab january
apne sunahrii gesu.o.n ko khol kar
ko.ii puraanaa giit gaatii hai
to vo ik an-chhuu.ii nan kii tarah
patthar ke bencho.n par
mire kaa.ndhe par sar rakhe
mire chehre pe apnii u.ngliyo.n me.n
kabhii jab shaam rotii hai
siyah kaafii ke pyaalo.n se
lapaktii bhaap me.n
phir aa.ndhii kii aamad se aisii gard hu.ii
aisaa habs mirii saa.nso.n me.n phailaa
tere jism kii kashtii me.n
mai.n apne kap.De bhuul aayaa
par tum ne aadhii raat ko aisii chuTkii lii
nii.nd kii Dholak
ghuTno.n kii zarbo.n se chaknaachuur hu.ii
ab mu.nh se shiira bahtaa hai
un zaKHmo.n kaa
jin ke Taa.nke andar hii andar TuuTe hai.n
bijlii kii taaro.n ke uupar
kavve qataar me.n baiThe hai.n
baarish ke paanii me.n jin ke
askarii baazuu hilte hai.n
raano.n kii ye niilii variide.n
jin me.n du.aa kaa naqshii kuuza
ulaT gayaa hai
mai.n ne un galiyo.n me.n
apne marne kii afvaah sunii hai
KHush-ilhaan mo.azzin kii
aavaaz se chi.Diyaa.n u.Dtii hai.n
ai rasto.n kii raadhaa
tere vasl kii KHaatir
jism ke nijii hisse dho kar
lauT ke phir mai.n aayaa huu.n

Abdur Rasheed

Nazm

KHushk-sali

ai dil-e-afsurda vo asraar-e-baatin kyaa hu.e
soz kii raate.n kahaa.n hai.n saaz ke din kyaa hu.e
aa.nsu.o.n kii vo jha.Dii vo Gam kaa saamaa.n kyaa hu.aa
teraa saavan kaa mahiina chashm-e-giryaa.n kyaa hu.aa
kyaa hu.ii baalaa-e-sar vo lutf-e-yazdaa.n kii ghaTaa
aasmaan-e-dil pe vo ghanghor irfaa.n kii ghaTaa
ab vo naalo.n kii garaj hai ab na vo shor-e-fuGaa.n
ab na uThtaa hai kaleja se mohabbat kaa dhu.aa.n
apne af.aal-e-siyah par ab pashemaanii nahii.n
ab pasiine ke sitaare zeb-e-peshaanii nahii.n
dard kii muddat se ab dil me.n chamak hotii nahii.n
vo tapak chhaalo.n kii kau.nde kii lapak hotii nahii.n
zikr-e-maulaa se labo.n par ab vo narmii hii nahii.n
bhaap siine se uThe kyaa dil me.n garmii hii nahii.n
ab sharaare soz-e-Gam ke dil me.n rahte hii nahii.n
ashk ab pichhle pahar aa.nkho.n se bahte hii nahii.n
ma.arifat dil me.n na ab vo ruuh me.n ehsaas hai
log kahte hai.n ki hai lekin hame.n to yaas hai
ab na vo aa.nkho.n me.n ashk-e-KHuu.n na vo dil me.n gudaaz
ab na vo shaam-e-tamannaa hai na vo sub.h-e-niyaaz
KHushk hai.n aa.nkhe.n jabiine.n ta.ng siine sard hai.n
ab na vo dukhte hu.e dil hai.n na chehre zard hai.n
aah kii aur dil uma.nD aayaa ye hotaa hii nahii.n
Duub kar zauq-e-fanaa me.n ko.ii rotaa hii nahii.n
phuul daaGo.n se khile the jis dil-e-sarshaar me.n
KHaak ab muddat se u.Dtii hai usii gulzaar me.n
aa.nsu.o.n se nam jo rahtaa thaa vo daamaa.n jal gayaa
lahlahaataa thaa jo siine me.n gulistaa.n jal gayaa
ruuh me.n baaliidgii kii quvvate.n ma.aduum hai.n
dono.n aa.nkhe.n aa.nsu.o.n ke faiz se mahruum hai.n
pech-o-KHam se bahne vaalaa dil kaa dariyaa KHushk hai
vo bharii barsaat ya.anii chashm-e-biinaa KHushk hai
KHuun hai dil me.n magar pahlii sii tuGyaanii nahii.n
abr hai baad-e-muKHaalif se magar paanii nahii.n
jab ye aalam hai to baarish kii shikaayat kis liye
be-mahal ye hasrat-e-baaraan-e-rahmat kis liye
ik mujassam KHushk-saalii KHud hamaarii zaat hai
zid hamaarii hastiyo.n kii abr hai barsaat hai
rahmato.n se josh me.n aane kii KHvaahish kyaa kare.n
KHud saraapaa qaht hai.n ummiid-e-baarish kyaa kare.n

Josh Malihabadi

Nazm

main aur tum

is anmol lamhe me.n
tumhaarii zaat ke sehr me.n kho.ii hu.ii mai.n
kisii anjaan sii yaad kii kasak tale
dhiire se sulagte hu.e tum
mohabbat kaa uluuhii naGma alaaptii.n
gaa.Dii ke shiisho.n se Takraatii.n
rim-jhim barastii buu.nde.n
dashboard pe dharii bhaap u.Daatii
hamaare labo.n me.n paivast hone ko be-qaraar
kaafii kii do muntazir pyaaliyaa.n
chahaar-suu chhaa.ii tumhaare ehsaas kii KHushbuu se
jaise jaavedaa.n ho chale the

Maimoona Abbas Khan

Nazm

udasi ek laDki hai

december kii ghanii raato.n me.n
jab baadal barastaa hai
laraztii KHaamushii
jab baal khole
corridoro.n me.n sisaktii hai
to aatish-daan ke aage
kahii.n se vo dabe-paa.nv
mire pahluu me.n aatii hai
aur apne marmarii.n haatho.n se
mere baal suljhaate hu.e
sargoshiyo.n me.n dard ke qisse sunaatii hai
july kii do-pahre.n
mumTiyo.n se jab utar kar
aa.ngano.n me.n phail jaatii hai.n
aur ik aavaara sannaaTaa
chhato.n par bhaarii qadmo.n se
ba.Dii aahistagii ke saath chaltaa hai
to vo chupke se mere paas aatii hai
aur apne dhiime lahje me.n
vo saarii daastaane.n kah sunaatii hai
jinhe.n sun kar mai.n dhiimii aa.nch par
pahro.n sulagtaa huu.n
kisii girje ke viiraa.n lawn me.n
jab january
apne sunahrii gesu.o.n ko khol kar
ko.ii puraanaa giit gaatii hai
to vo ik an-chhuu.ii nan kii tarah
patthar ke bencho.n par
mire kaa.ndhe pe sar rakkhe
mire chehre pe apnii u.ngliyo.n se
sog likhtii hai
kisii vaadii ke tanhaa Daak-ba.ngle me.n
kabhii jab shaam rotii hai
siyah kaafii ke pyaalo.n se
lapaktii bhaap me.n
baato.n ke biscuit phuul jaate hai.n
to vo bhii ja.ngalii belo.n se
uThtii KHushbu.o.n se jism paatii hai
mire nazdiik aatii hai
mirii saa.nso.n kii pagDanDii pe
dhiire dhiire chaltii hai
mire andar utartii hai

Anwar Fitrat

Nazm

do peD the bechaare

bastii me.n ik kinaare
do pe.D the bechaare
kahte the apnaa dukh.Daa
kis ko sunaa.e.n pyaare
insaa.n ne ham se badle
kis baat ke utaare
ham to unhe.n dikhaa.e.n
dilkash hasii.n nazaare
KHud paas kuchh na rakhe.n
phal un ko de de.n saare
un ke maveshiyo.n ko
de.n ham hii sabz chaare
baarish ho ham jo chho.De.n
kuchh bhaap ke Gubaare
ho dhuup chilchilaatii
tab ham bane.n sahaare
garmii me.n ham chalaa.e.n
ThanDii havaa ke dhaare
gandii havaa ko chhaane.n
shaaKHo.n ko ham pasaare
lekin sila ye paayaa
in KHidmato.n kaa pyaare
maare ko.ii kulhaa.Dii
ko.ii chalaa.e aare
bachcho.n kaa Gol aayaa
jab bhii tale hamaare
shaaKHe.n kisii ne to.Dii.n
patthar kisii ne maare
chaaquu se naam khodaa
chhilke bhii chhiil utaare
ham to yahaa.n pe ug kar
maare ga.e hai.n maare
ja.ngal me.n ham jo ugte
hote maze hamaare
din shahrii zindagii ke
kis dukh se hai.n guzaare

Ahmad Hatib Siddiqi

Nazm

lamha

ek sulgii hu.ii sii dha.Dkan par
kapkapaate larazte ho.nTo.n se
jism bhar par huruuf ugte hai.n
KHaamushii ko zabaan miltii hai
lau pighal kar badan me.n ghultii hai
ruuh me.n aks ugne lagte hai.n
aa.ine par saraab chalte hai.n
qatra qatra pighalte jazbo.n par
rafta rafta phuvaar pa.Dhtii hai
vaqt kii nabz tez chaltii hai
har gunaah-o-savaab se aage

Atif tauqeer

Nazm

shaeron ka jabr

chaa.e kii bhaap me.n
ghulte, ma.aduum hote hu.e qahqahe shaam kaa baa.nkpan
ko.ii misra.a dhu.e.n ke baguulo.n me.n compos hotaa hu.aa
ko.ii nukta jo asraar ke ghup a.ndhere se sho.ala-sifat sar uThaa.e
ajab dhiimaa dhiimaa nasha iKHtilaafaat kaa
apne nichle suro.n me.n ko.ii fikr marbuut kartaa hu.aa zaaviya
tanz ke naavak-e-KHush-saliiqa kii san-san
havaa.o.n se mahfuuz saa.nso.n me.n aaraasta muKHtalif sigreTo.n kii mahak
shaam ke surma.ii baa.nkpan me.n kisii coat, muflar, sweater se uThtii hu.ii
KHushbu-e-aashnaa
jo.Dtii hai hame.n ik samay se jo muddat se
ik naa-mulaa.em zamaane me.n mahkuum hai
kaun lahze ko vaapas bulaa.e
samay ko mukammal kare
apnii nazme.n usii ik tasalsul-zada daa.ere me.n hai.n
purkaar jin kii rihaa.ii pe maa.il nahii.n
resturaano.n ke kono.n me.n sahmii hu.ii
kitnii shaamo.n kaa jaaduu yahaa.n satr-dar-satr mahbuus hai
ham jo qaid-e-zamaa.n-o-makaa.n se nikalne ko par maarte hai.n
bhalaa shaam Dhalne pe alfaaz ke panchhiyo.n ko jaka.Dte hai.n kyuu.n
daam-e-tasviir me.n
ye baguule, dhu.aa.n, bhaap asiirii ke aadii nahii.n
shaam KHud raat kii god me.n jaa ke girne ko be-taab hai

Tabish Kamal

Nazm

anar-kali

dost ham-sin ham-suKHan
jin ke saada saaf se andaaz me.n
ko.ii maazii ko.ii mustaqbil nahii.n
haal ke lamhaat ra.ngii.n qahqahe phuulo.n ke haar
aur us aavaaz me.n
ziist kii mahruumiyaa.n zanjiir dar zanjiir hai.n
kholte lafzo.n kii bhaap
dil ke aa.iine ko dhu.ndlaatii hai haath
KHud-baKHud ba.Dhtaa hai apnii jeb kii jaanib magar
ye gadaa bhii to nahii.n
aur us aavaaz me.n hirs-o-havas kaa zahr hai
lafz tiiro.n kii tarah u.Dte hu.e
siina-e-ehsaas me.n paivast hote hai.n magar
dil se nafrat ke sivaa ko.ii sadaa uThtii nahii.n
aur ye aavaaz merii dost-daar dil tirii aavaaz hai
kitne naGme guu.njte hai.n kitnii raato.n kaa KHumaar
kitne ra.ngo.n kaa talaatum kitne phuulo.n kii ha.nsii
sarsaraate reshmii.n malbuus ke maanind ye terii sadaa
Dhaa.nptii hai garmi-e-aaGosh se parvaaz me.n
kho ga.ii hai.n saarii aavaaze.n tirii aavaaz me.n

Yusuf Zafar

Nazm

ashk mere apne

jaa rahii huu.n mai.n
kar rahii huu.n tumhaaraa ghar tumhaare havaale
KHaalii ho jaa.egii har vo jagah
jo mere ashko.n se bharii hai abhii
le jaa.uu.ngii har ashk apne saath sameT kar
kuchh gamlo.n ke phuul pe
os se chamak rahe ho.nge
kuchh saj-dhaj ke baiThe ho.nge dahliiz pe
zard the jo kuchh jaane u.D ke kahaa.n gire ho.nge
kuchh miTTii ke andar biij ban kar gire the
ab vo kyaa ban ke uge ho.nge
mere ho.nTo.n se lipTe the jo
ab bhii Ta.nge ho.nge vahaa.n taale ban kar
kuchh tumhaare kaa.ndhe tak pahu.nch paane kii
jidd-o-jahd me.n juujh rahe ho.nge
kuchh puujaa-ghar ke diye ke saath jal rahe ho.nge
kuchh kitaabo.n ke dhule hu.e shabdo.n kii
siyaahii se jaa mile ho.nge
kuchh dhaar ban kar mere kaano.n se guzre ho.nge
piichhe se baalo.n me.n jaa chhupe ho.nge
kuchh takiye kii narm ruu.ii ne chuus liye ho.nge
raso.ii ghar kii bhaap me.n to kuchh
bartano.n me.n sa.De pa.De ho.nge
kuchh ma.asuum sahme hu.e chhup ke baiThe ho.nge
kuchh be-fikr haqiiqat se Tahal rahe ho.nge
kuchh buu.Dhe ashk na.e janmo.n ko aasraa de rahe ho.nge
kuchh tumhaarii KHidmat se thake
zamiin pe so rahe ho.nge
tapan se janme kuchh Dhuu.nDh rahe ho.nge ThanDak sii
kuchh diivaar pe lagii hamaarii tasviir tak rahe ho.nge
baaGii se kuchh tumhe.n chho.Dne kii zid pe a.De ho.nge
kuchh terii ek nazar kii pyaas liye
nazar-andaaz kha.De ho.nge
kuchh zehn me.n ho.nge mere jo bahnaa nahii.n jaante
kuchh hai aise jinhe.n Thaharnaa nahii.n aataa
unhii.n piyaa hai jiyaa hai mai.n ne
qisto.n me.n mile the mujhe
ek saath kaise le jaa.uu.ngii
aa.ngan bah jaa.egaa tumhaaraa
raaste bhii ye bahaa de.nge
par mere apne hai ye yaqiin hai mujhe
mere aaKHirii maqaam tak pahu.nchaa de.nge

Darshika wasani

Nazm

ek aur sharabi sham

chalo aaj ek aur koshish hogii
phir ek shaam Duub jaa.egii sharaab me.n
zindagii ke a.ndhere sard Tuk.De
jaam me.n ghul kar ho.nTho.n ke havaale ho.nge
zabaa.n pe thiraktii tishnagii dhiire dhiire
halq tak phail jaa.egii
KHaamoshii kaa libaas pahne
kone me.n qaid tanhaa.ii rihaa hogii
aur nas nas me.n dau.D kar raqs karegii
mere lahuu me.n bah rahe us be-qaabuu shaKHs ko
sambhaalne kii mashaqqat hogii
sulagtii ruuh us kii yaado.n kii bhaap me.n
tap kar surKH laal ho jaa.egii
aa.nkho.n se garm bulbule Tapakne lage.nge
jaam-dar-jaam andaruunii ubaal
pighaltaa jaa.egaa
jab aa.nkho.n ke paimaane bilkul KHaalii ho jaa.e.nge
tab us laal bistar par
merii niinde.n tumhaare KHvaabo.n ko
aaGosh me.n le kar so jaa.egii

Darshika wasani

Nazm

suraj

suuraj ke dam se bachcho duniyaa me.n hai ujaalaa
suuraj na ho to chehra duniyaa kaa hogaa kaalaa
suuraj me.n maadde kii haalat plasma hai
puuchho ye aaj ham se kaisii hai aur kyaa hai
haa.n gas se ziyaada halkii plasma hai
bachcho ye tez garmii kii KHud hii rahnumaa hai
suuraj kii raushnii se bantaa hai bhaap paanii
letii hai janm bachcho baadal kii phir kahaanii
ik surKH sho.ala ban kar suuraj dahak rahaa hai
suuraj kii raushnii se chandaa chamak rahaa hai
solar heatero.n ko suuraj ne dii haraarat
suuraj kii pe.D paudo.n pe hotii hai inaayat
'haafiz' ye shaam ko jo chehra hai KHud hii faq hai
suuraj ke Duubne se aakaash par shafaq hai

Hafiz Karnataki

Nazm

maut

maut hamaaraa piichhaa kartii rahtii hai
aur us ke ka.ii naam hai.n
dhamaaka
raftaar
daa.nt kaa dard
hamaare panaah ke Thikaane bhii ka.ii hai.n
ham panaah lete hai.n
coffee ke ek pyaale me.n
jab us se bhaap uTh rahii ho
daraKHt ke saa.e me.n
jab vo daraKHt se ziyaada taviil ho
tasviir ke jangal me.n
jahaa.n rang kuchh dhu.ndlaa gayaa ho
mahbuub ke jism me.n
aaKHirii siskii se zaraa pahle
yaa apne bachcho.n ke naam me.n
jin ke ka.ii matlab ho sakte hai.n
ek duusre kaa haath thaame rakho
KHvaabo.n kii taariikii me.n
maut hamaaraa piichhaa kartii rahtii hai

Fauziya Farooqi

Nazm

ye rail sawari lohe ki

engine kaa maan hamii.n se hai
pahiyo.n me.n jaan hamii.n se hai
jo giit sunaa.ii detaa hai
us kii har taan hamii.n se hai
is tan se bhaap nikaltii hai
ye rail tabhii to chaltii hai
ye rail hamii.n se chaltii hai
ye rail savaarii lohe kii

Ataur Rahman Tariq

Nazm

os

jaise hii us me.n haraarat kii kamii aa jaatii hai
bhaap vo paanii kii chhoTii buu.nd me.n Dhal jaatii hai

Ansar Ahmad

Nazm

TuTa hua ufuq

miyaa.nvaalii bhii apnii rut badaltaa hai magar
mire dil kii zamiino.n par
vahii mausam KHizaa.n kaa
vahii be-shakl chehra aasmaa.n kaa
vahii be-aab dariyaa daastaa.n kaa
vahii be-ruuh manzar hai.n
vahii be-ra.ng tasviire.n
vahii chashme vahii, ublaa hu.aa paanii
daraKHto.n se
musalsal bhaap ban kar uTh rahaa hai
pighaltii jaa rahii hai.n merii raate.n
savaa neze pe suuraj hai
magar shab kii siyaahii u.D rahii hai merii miTTii me.n
mire andar kii fasle.n
tiirgii kii dhuup me.n murjhaa ga.ii hai.n
mujhe ko.ii shikast-e-zaat kii illat bataa de!

Mansoor Aafaque

Nazm

himala ki dasiyan

himaala ke nokiile badan se phisaltii hu.ii chanchal buu.nde.n
us ke qadmo.n pe jaa girii.n
vo himaala ke pairo.n ko chuumtii rahii.n aur alamiya giit gaatii rahii.n
mere mahbuub ham ki bas terii daasiyaa.n ban kar
tire qadmo.n ko hamesha chuumte rahnaa chaahtii hai.n,
ye Dhalvaan hame.n junuub kii or jitnaa bhii aage bahaa le jaa.e
lekin ek din
ham samundar se uThne vaalii havaa.o.n kii rath par savaar ho kar
phir se terii jaanib lauT aa.e.nge
ye giit dohraate hu.e
tamaam daasiyaa.n apne mahbuub ko aaKHirii bosa de kar
ek lambe safar ke liye nikal jaatii.n hai.n
jharnaa,
nadii,
dariyaa,
samundar....
himaala kii haibat se barf ho jaane vaalaa suuraj
jab himaala se lipTii sard havaa.o.n se na jiit sakaa
to
apnii haar kaa badla lene
himaala kii daasiyo.n ke ta.aaqub me.n nikal pa.Dtaa hai
juu.n juu.n daasiyaa.n himaala se duur hotii jaa rahii hai.n
is (suuraj) kaa qahr aag bin kar un (daasiyo.n) par barastaa chalaa jaataa
vo ek ek kar ke tamaam daasiyo.n ko nigalnaa chaahtaa hai
aur vo aisaa hii kartaa hai aur kartaa hii chalaa jaataa hai
yahaa.n tak ki
har daasii ke giile badan se us kii ruuh bhaap ban kar u.D jaatii
laa-zavaal qurbaanii KHudaa qubuul kartaa hai
maut andhii ho jaatii hai......
aur zindagii paanii ban kar un (daasiyo.n) kii rago.n me.n dau.Dne lagtii hai
junuub se uThne vaalii havaa
in daasiyo.n kii paak ruuho.n ko
apne kaa.ndhe par laade shumaal kii jaanib vaapsii kaa safar kartii.n hai.n
din
hafte
mahiine....
daasiyo.n ko apnaa devtaa phir nazar aane lagaa
vo havaa ko kuchh aur tez chalne ko kahtii
vo sab bechain hai.n
be-qaraar hai.n
vo apne narm ho.nTo.n se
himaala ke KHaakistarii labo.n ko chuumnaa chaahtii thii.n
vo apne mahbuub ko ye bataanaa chaahtii hai.n ki
terii mohabbat me.n maut ne ham se hamaaraa badan chhiin liyaa hai
har badlii ke dil me.n ye KHvaahish thii
ki himaala unhe.n apnii baa.nho.n me.n sameTe
aur
hamesha se sar uThaa.e kha.De rahne vaale himaala kii
chau.Dii chhaatii se Takraa kar baras jaanaa
har badlii kaa KHvaab hai,
daasiyaa.n havaa se kuchh aur tez chalne par israar kartii.n hai.n
lekin ab havaa ko ye sab dekhnaa bardaasht nahii.n
vo,
in badliyo.n se chillaa chillaa kar kahtii......
ai badliyo
tum sab ehsaan faraamosh ho
ki jab tumhe.n suuraj ne jalaa kar bhaap banaa diyaa
to tumhaarii suukhii laasho.n ko mai.n ne kaa.ndhaa diyaa
vo mai.n hii thii ki jis ne tumhe.n apnii aaGosh me.n bharaa
aur aasmaan tak le aa.ii
lekin aaj tum is himaala par
phir se apnaa sab kuchh qurbaan karne ko tayaar ho!
tum aaj phir us himaala se Takraa kar barasnaa chaahtii ho.....
tuf hai tumhaarii diivaangii par!
havaa taish me.n aa kar kuchh aur tez chalne lagtii
vo ek ek kar ke har badlii ko himaala kii chau.Dii chhaatii se Takraa detii
aur badlii apne mahbuub kaa lams mahsuus karte hii
ek-baar phir buu.ndo.n me.n bikhar jaatii hai
aur himaala ke qadmo.n pe girtii har buu.nd
dobaara vahii puraanaa giit dohraatii hai.n......
ai mere mahbuub ham ki bas terii daasiyaa.n ban kar
tire qadmo.n ko hamesha chuumte rahnaa chaahtii hai.n,
ye Dhalvaan hame.n junuub kii or jitnaa bhii aage bahaa le jaa.e
lekin ek din
ham samundar se uThne vaalii havaa.o.n kii rath par savaar ho kar
phir se terii jaanib lauT aa.e.nge

Faisal Saeed Zirgham

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now