Search result for "chaak-e-jaib" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "chaak-e-jaib"

Nazm MATCHES FOR "chaak-e-jaib"

Nazm

ahl-e-junun

jab bhii zulmat ke jigar chaak kiye hai.n ham ne
ik na.ii sub.h kaa paiGaam diyaa karte hai.n
jab bhii mahtaab-e-zar-afshaa.n ke ho chehre pe naqaab
jaan ham rakh ke hathelii par ulaT dete hai.n

Noor -e-Shama Noor

Nazm

ai matawalo! naqon walo!!

apnaa bhii vo dost thaa ham bhii paas us ke baiTh aate hai.n
idhar udhar ke qisse kah ke jii us kaa bahlaate hai.n
ukh.Dii-ukh.Dii baat kare hai bhuul ke aglaa yaaraanaa
kaun ho tum kis kaam se aa.e? ham ne na tum ko pahchaanaa
jaane ye kis ne choT lagaa.ii jaane ye kis ko pyaar kare
tumhii kaho ham kis ko Dhuu.nDe.n aahe.n khii.nche naam na le
piit me.n aise jaan se yaaro kitne log guzarte hai.n
piit me.n naahaq mar nahii.n jaate piit to saare karte hai.n
ai matvaalo naaqo.n vaalo! nagrii nagrii jaate ho
kahii.n jo us kii jaan kaa bairii mil jaa.e ye baat kaho
chaak-girebaa.n ik diivaana phirtaa hai hairaa.n hairaa.n
patthar se sar pho.D maregaa diivaane ko sabr kahaa.n
tum chaaho to bastii chho.De tum chaaho to dasht basaa.e
ai matavaalo naaqo.n vaalo varna ik din ye hogaa
tum logo.n se aate jaate puuchhe.nge 'inshaa' kaa pataa

Ibn۔e۔Insha

Nazm

lucknow

dast-e-junuu.n ko rokiye ye KHabt chho.Diye
rusvaa hai yuu.nhii chaak-e-garebaan-e-lucknow

Asrarul Haq Majaz

Nazm

hum log

hamaare chaak-e-garebaa.n ko dekhne vaalo
vatan ko rashk-e-gulistaa.n banaa.e.nge ham log

Azmat Abdul Qayyum Khan

Nazm

payam

pesha hai meraa chaak-e-jigar kii rafuu-garii
ukh.De hu.e dilo.n kii marammat hai meraa kaam

Sada Ambalvi

Nazm

jashn-e-id

kisii ne atlas-o-kamKHvaab kii qabaa pahnii
kisii ne chaak-e-garebaa.n kisii ne zaKHm siye

Shakeb Jalali

Nazm

mausam-e-bahaaran

raas aa.e kaash ham ko bhii 'shaadaa.n' bahaar-e-nau
ham bhii kha.De hai.n chaak-e-garebaa.n liye hu.e

Shadan Barabankvi

Nazm

pas-e-aina

jab miraa chaak-e-garebaa.n na milaa
dil ne phir jism se har rishte ko
to.D kar KHanda-dilii se ye kahaa
tuu agar phuul hai
mai.n KHushbuu huu.n
tuu agar aa.ina hai
mai.n pas-e-aa.iina huu.n

Naeem Saba

Nazm

kushtagan-e-KHanjar-e-taslim-ra

aur ye raqs-e-fanaa
apnaa iraada to nahii.n hai
bayaabaano.n kii paimaa.ish
mire chaak-e-garebaa.n se
ziyaada to nahii.n hai!

Farrukh Yar

Nazm

husn-e-sarsabz DhunD lo mujhko

tum ne chuTiyaa ko aise guu.ndhaa hai
jis tarah nazm kaa ko.ii misra'
jis tarah chaak-e-zindagii pe vujuud
jis tarah aal-e-ahmadii pe daruud

Nadeem Najid

Nazm

band ho jae meri aankh agar

ye dariicha hai mirii shauq kaa chaak-e-daamaa.n
mirii badnaam nigaahe.n, mirii rusvaa aa.nkhe.n
ye dariicha hai mirii tishnaa-nazar
band ho jaa.e mirii aa.nkh agar
is dariiche ko khulaa rahne do

Sufi Ghulam Mustafa Tabassum

Nazm

muddat ke baad

mai.n ne bhii ek johd-e-musalsal me.n kaaT dii
vo umr thii jo phuul se armaa.n liye hu.e
ab vo junuu.n rahaa hai na vo mausam-e-bahaar
baiThaa huu.n apnaa chaak-e-girebaa.n siye hu.e

Himayat Ali Shayar

Nazm

talKH-o-tursh

kyuu.n mirii talKH-navaa.ii se KHafaa hote ho
zahr hii mujh ko milaa zahr piyaa hai mai.n ne
ko.ii is dasht-e-junuu.n me.n mirii vahshat dekhe
apne hii chaak-e-garebaa.n ko siyaa hai mai.n ne

Rahi Masoom Raza

Nazm

chor-bazar

kaaTh ke bail mard, shiishe kii
putliyaa.n aurte.n, pasiine kii
buu.ndiyaa.n, gul mahak shamiim-e-badan
chaak-e-dil zaKHm-e-jeb-o-pairaahan
car, laarii, kivaa.D aa.nkhe.n, fan,

Aziz Qaisi

Nazm

ham-zad

dopahar kii dhuup me.n
us ne kyuu.n yuu.n muzmahil nazro.n se dekhaa thaa mujhe
us kii aa.nkho.n me.n sisaktii ruuh
kyuu.n mere liye chaak-e-jigar ban kar rahii
kaash ye chaak-e-jigar chaak-e-garebaa.n ban sake
taaki merii sa.i-e-laa-haasil kaa zaKHm laa-davaa
lazzat aavaargii kaa ta.ana-e-qaatil na bin jaa.e kahii.n
shahr vaale KHush hai.n
chashm-e-rauzan-e-dil ab kisii KHisht-e-tamannaa
tuuda-e-ummiid sa.ng-e-aarzuu se band hai
ek mai.n huu.n meraa chaak-e-dil
kisii sozan se siltaa hii nahii.n
ye kisii sa.ng-e-tamannaa tuuda-e-ummiid se bhartaa nahii.n
aur jis kii justujuu me.n raat-din
barg-e-aavaara banaa phirtaa huu.n mai.n
us kaa naqsh-e-paa kahii.n miltaa nahii.n
us kaa naqsh-e-paa kahii.n miltaa nahii.n

Ahmed Shamim

Nazm

aise mein teri yaad aati hai

majbuur-e-mohabbat kii duniyaa jab aas ke bal par jiitii hai
ummiid kii ik ma.asuum jhalak jab chaak-e-garebaa.n siitii hai
aise me.n tirii yaad aatii hai
yaad aane vaale ye to bataa kyaa mai.n bhii tujhe yaad aataa huu.n

Syed Mehmood Hasan Qaisar Amrohvi

Nazm

sham

is tarah hai ki har ik pe.D ko.ii mandir hai
ko.ii uj.Daa hu.aa, be-nuur puraanaa mandir
Dhuu.nDhtaa hai jo KHaraabii ke bahaane kab se
chaak-e-har-baam har ik dar kaa dam-e-aaKHir hai
aasmaa.n ko.ii purohit hai jo har baam-tale
jism par raakh male maathe pe sinduur male
sar-niguu.n baiThaa hai chup-chaap na jaane kab se
is tarah hai ki pas-e-parda ko.ii saahir hai
jis ne aafaaq pe phailaayaa hai yuu.n sehr kaa daam
daaman-e-vaqt se paivast hai yuu.n daaman-e-shaam
ab kabhii shaam bujhegii na a.ndheraa hogaa
ab kabhii raat Dhalegii na saveraa hogaa

Faiz Ahmad Faiz

Nazm

aaKHiri bar milo

aaKHirii baar milo aise ki jalte hu.e dil
raakh ho jaa.e.n ko.ii aur taqaaza na kare.n
chaak-e-va.ada na sile zaKHm-e-tamannaa na khile
saa.ns hamvaar rahe sham.a kii lau tak na hile
baate.n bas itnii ki lamhe unhe.n aa kar gin jaa.e.n
aa.nkh uThaa.e ko.ii ummiid to aa.nkhe.n chhin jaa.e.n

Mustafa Zaidi

Nazm

wajd

ko.ii is pal se kaho hosh me.n laa.e mujh ko
nii.nd aatii hai magar ishq jagaa.e mujh ko
aa.nkh kii putlii siyah rang dikhaa.e mujh ko
raqs-o-aaha.ng hii insaan banaa.e mujh ko
zindagii chaak-e-musalsal pe pa.Dii ghuumtii hai
jism roTii ke nivaalo.n me.n pha.nsaa.e mujh ko

Humaira Gul Tishna

Nazm

scape-ism

chal ki sad-chaak-e-garebaa.n vahaa.n ho aate hai.n
ye jo ha.ngaama-e-hastii hai zaraa der ko chho.D
ek be-ant masaafat ke udhar baiThte hai.n
yaad karte hai.n parii-KHaano.n kii talKHaabii ko
apnii aazurda tamannaa.o.n pe ro lete hai.n
gard me.n rakkhe hu.e ashk fasurda chehre
ga.e vaqto.n kaa tazabzub na.e vaqto.n kaa azaab
aa ki shaano.n se giraa aate hai.n us paar kahii.n
is se pahle ki yahaa.n sail-e-fanaa aa nikle
naam letaa hu.aa dono.n kaa usii shor ke biich
vaqt ke paar jahaa.n-zaad kii dahliiz ke saath
ashk rote hai.n masaafat kaa bharam rakhte hai.n
chal ki sad-chaak-e-garebaa.n vahaa.n ho aate hai.n

Iliyas Babar Aawan

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now