Search result for "daastaan-e-shauq" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "daastaan-e-shauq"

Nazm MATCHES FOR "daastaan-e-shauq"

Nazm

golkunDa ke sae mein

nuur ke parcham nazar aate hai.n lahraate hu.e
jhuum kar ik daastaan-e-shauq dohraate hu.e

Khurshid Ahmad Jami

Nazm

id-e-ramzan

nuur-o-nik.hat kaa jaise ho sail-e-ravaa.n
jaise iKHlaas-o-ulfat kaa ik kaarvaa.n
dars-e-insaaniyat jis se miltaa hai 'shauq'
iid-e-ramzaa.n hai amn-o-amaa.n kaa nishaa.n

Momin Khan Shauq

Nazm

aarzu-e-bahaar

ishq tum se hai pyaar tum se hai
zindagii me.n bahaar tum se hai
tum hii tum ho mire KHayaalo.n me.n
zehn bhii laala-zaar tum se hai
ghar kaa aa.ngan ho yaa ki ho sahraa
har taraf ik nikhaar tum se hai
tum se haT kar nahii.n hai kuchh bhii yahaa.n
ziist kaa e.atibaar tum se hai
chaa.ndnii ho ki ho shab-e-furqat
har gha.Dii saazgaar tum se hai
'shauq' kii ho Gazal yaa giit ko.ii
zindagii kaa KHumaar tum se hai

Momin Khan Shauq

Nazm

zindagi

zindagii KHvaab ik suhaanaa hai
zindagii dard kaa fasaana hai
zindagii ranj-o-Gam kaa lamha bhii
zindagii hai nashaat-o-naGma bhii
zindagii sher-o-naGmagii kaa KHumaar
zindagii kaif-o-sarKHushii kii bahaar
zindagii naqsh-e-naa-muraadii bhii
zindagii raqs bhii hai shaadii bhii
zindagii phuul hai kabhii hai KHaar
taKHt-e-shaahii hai aur kabhii hai daar
saat rango.n kaa ye nagiina hai
zindagii be-bahaa KHaziina hai
qadr jo ranj-o-Gam kii jaanegaa
'shauq' vo zindagii ko maanegaa

Momin Khan Shauq

Nazm

ujale ki lakir

vaqt kii gard chhaTegii to ba-unvaan-e-sahar
manzil-e-shauq kii raaho.n kaa ta.ayyun hogaa
ik na.e daur kii ta.amiir kare.nge ham sab
chaa.nd taaro.n se sajaa apnaa nasheman hogaa

Noor -e-Shama Noor

Nazm

gulha-e-aqidat

ab yahii koshish hai dil se ai mirii arz-e-vatan
terii peshaanii pe ab ko.ii shikan aane na paa.e
tuu ne pahnii hai jo aazaadii kii maalaa shauq se
umr-bhar ko.ii kalii bhii is kii murjhaane na paa.e

Syeda Shan-e-Meraj

Nazm

jhulsi si ek basti mein

soch rahaa huu.n ja.ng se pahle, jhulsii sii is bastii me.n
kaisaa kaisaa ghar kaa maalik, kaisaa kaisaa mehmaa.n thaa
sab galiyo.n me.n taranjan the aur har taranjan me.n sakhiyaa.n thii.n
sab ke jii me.n aane vaalii kal kaa shauq-e-faraavaa.n thaa
melo.n Thelo.n baajo.n gaajo.n baaraato.n kii dhuume.n thii.n
aaj ko.ii dekhe to samjhe, ye to sadaa bayaabaa.n thaa
chaaro.n jaanib ThanDe chuulhe, uj.De uj.De aa.ngan hai.n
varna har ghar me.n the kamre, har kamre me.n saamaa.n thaa
ujlii aur pur-nuur shabiihe.n roz namaaz ko aatii thii.n
masjid ke in taaqo.n me.n bhii kyaa kyaa diyaa farozaa.n thaa
uj.Dii manDii, laaGar kutte, TuuTe khambe KHaalii khet
kyaa is nahr ke pul ke aage aisaa shahr-e-KHamoshaa.n thaa

Ibn۔e۔Insha

Nazm

id

aap ne tanqiis kar dii daastaan-e-shauq kii
meraa ye armaan thaa tanqiid honii chaahiye

Maikash Akbarabadi

Nazm

kar-e-mushkil

asr-e-haazir me.n hai aisaa saahib-e-tadbiir kaun
bazm-e-giitii kii badal saktaa hai ab taqdiir kaun
daastaan-e-shauq-o-mastii ik mu.amma ban ga.ii
suurat-e-mansuur sar de kar likhe tafsiir kaun
mar-miTaa diivaana qais ab naaz-e-lailaa kaun uThaa.e
kohkan bhii chal basaa laataa hai juu-e-shiir kaun
kaa.npte hai.n baaGbaa.n kii sab nigaah-e-garm se
barq kii zad par karegaa aashiyaa.n ta.amiir kaun
Gaalib-e-aatish-navaa kunj-e-lahad me.n hai KHamosh
soz se dil ke bhare naGmaat me.n taasiir kaun
hai bahut mushkil badalnaa mahfil-e-hastii kaa rang
saaz ko rakh kar uThaa.e haath me.n shamshiir kaun
aql-o-dil kii kashmakash mujh ko to le Duubii 'muniir'
kahiye dono.n me.n hai aaKHir laa.eq-e-taaziir kaun

Muneer Wahidi

Nazm

eid

ai jamaal-e-dost terii diid honii chaahiye
Gam-zado.n kii bhii to aaKHir eid honii chaahiye
jab nahii.n hai aap ko tark-e-ta.alluq kaa KHayaal
aap hii ke qaul se tardiid honii chaahiye
maantaa huu.n mai.n ki be-shak qaul ke sachche hai.n aap
lekin apne ahd kii tajdiid honii chaahiye
merii jaanib se sahii tahriik-e-takmiil-e-vafaa
lekin us ko aap kii taa.iid honii chaahiye
aap ne tanqiis kar dii daastaan-e-shauq kii
meraa ye armaan thaa tanqiid honii chaahiye
har qadam par rah-rav-e-ulfat ko manzil ke liye
shauq honaa chaahiye ummiid honii chaahiye
jo bayaa.n iz.haar-e-harf-e-mudda.aa par KHatm ho
us kii bilkul muKHtasar tamhiid honii chaahiye
ham ko bhii ma.aluum ho kin se hai raunaq bazm kii
aap ke ahbaab kii tafriid honii chaahiye
aap jab chaahe.n mire chulluu mai.n talchhaT Daal de.n
kab kahaa thaa mahfil-e-jamshed honii chaahiye
sajda-rezii ke liye is rahguzar me.n ai jabii.n
naqsh-e-paa-e-dost kii taqliid honii chaahiye

Maikash Hyderabadi

Nazm

naghma-e-dil-e-soz

daastaan-e-aalam-e-furqat kisii se kyaa kahe.n
ho gayaa barbaad har zarra dil-e-naashaad kaa

Raj Bahadur Saxena Auj

Nazm

shair

daastaan-e-ahd-e-paariina hai zauq-e-rang-o-buu
ab chhalaktaa hai KHum-o-saaGar se insaa.n kaa lahuu

Akhtar Payami

Nazm

ahl-e-mahfil qarib aa jao

ahl-e-mahfil qariib aa jaa.o
chand gha.Diyaa.n to kaaT le.n mil kar
shaayad is lamha-e-musiibat me.n
chashm-e-nam daastaan-e-zaKHm-e-dil
in se ho jaa.e raunaq-e-mahfil

Balraj Komal

Nazm

mazdur

kise sunaa.uu.n tirii daastaan-e-barbaadii
kise kahuu.n ki hai teraa sukuut fariyaadii

Maikash Akbarabadi

Nazm

shartiya laDka

kaise kaise vahm palte hai.n bashar ke zehn me.n bhii
chand jur.e sher kaa KHuu.n-nosh karnaa raat ko maithan se pahle
yaa kushaada chaa.ndnii me.n kaif-e-andoz-e-visaal-e-shauq honaa
vaj.h-e-aulaad-e-nariina
aur phir buqraat ne bhii ye kahaa thaa
mard apne daa.e.n KHusiye par jo rassii baa.ndh le milne se pahle
us kii aurat shartya la.Dkaa janegii
lekin is andaaz kii harza-saraa.ii
kab kisii ke kaam aa.ii
kaise kaise vahm palte hai.n bashar ke zehn me.n bhii

Krishna Mohan

Nazm

kyon jalwon ke mahtab bujhe

mahruum-e-nigaah-e-shauq hu.ii kyo.n shoKH adaa.o.n kii puu.njii
barbaad-e-KHizaa.n hai.n ab kaise rangiin tabassum kii galiyaa.n
vo ek nazar afsurda kyo.n vo ek nazar hai hairaa.n kyo.n

Mohammad Ahsan Wahidi

Nazm

inqalab-e-fitrat

badal de baada-e-kohna badal de saaGar-e-gil ko
badal de tarz-e-mai-noshii badal de rang-e-mahfil ko
badal de qissa-e-majnuun-e-paaband-e-salaasil ko
badal de daastaan-e-kohna-e-lailaa-e-mahmil ko
badal de gulshan-e-hastii ke KHuunii.n laala-zaaro.n ko
badal de mahfil-e-ishrat ke kohna baada-KHvaaro.n ko
badal de kahkashaa.n ko chaa.nd ko suuraj ko taaro.n ko
badal de in sabhii furqat ke jhuuTe Gam-gusaaro.n ko
badal de ik na.e andaaz me.n raftaar-e-fitrat ko
badal de ik na.ii tanziim me.n paikaar-e-fitrat ko
badal de kaif-aagii.n lutf me.n aazaar-e-fitrat ko
badal de barbat-e-hastii ke har ik taar-e-fitrat ko
ye raaz-e-kaamraanii hai isii me.n kaamyaabii hai
yahaa.n har dam taGayyur hai ye fitrat inqilaabii hai

Barq Aashiyanvi

Nazm

TuTi jahan jahan pe kamand

misaal-e-ziina-e-manzil ba-kaar-e-shauq aayaa
har ik maqaam ki TuuTii jahaa.n jahaa.n pe kamand

Faiz Ahmad Faiz

Nazm

targhib

bas yahii sub.he.n yahii shaame.n yahii be-naam dard
umr bhar kii jidd-o-johd-e-shauq kaa haasil rahe
tiira-baKHt aa.nkho.n me.n aise KHvaab ke paikar base
jin se mu.nh mo.Duu.n to har aasaa.ish-e-duniyaa mile

Mahmood Ayaz

Nazm

taKHliq sher

ki jaise taa.er-e-havaa kii lahro.n pe, jumbish-e-par se
daastaan-e-vajuud likh de.n

Sajida Zaidi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now