Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "darte"

Nazm MATCHES FOR "darte"

Nazm

zindagi se Darte ho

zindagii se Darte ho!
zindagii to tum bhii ho zindagii to ham bhii hai.n!
zindagii se Darte ho?
aadmii se Darte ho?
aadmii to tum bhii ho aadmii to ham bhii hai.n
aadmii zabaa.n bhii hai aadmii bayaa.n bhii hai
us se tum nahii.n Darte!
harf aur ma.anii ke rishta-haa-e-aahan se aadmii hai vaabasta
aadmii ke daaman se zindagii hai vaabasta
us se tum nahii.n Darte
''an-kahii'' se Darte ho
jo abhii nahii.n aa.ii us gha.Dii se Darte ho
us gha.Dii kii aamad kii aagahii se Darte ho

Noon Meem Rashid
Nazm

nazm

ik baras aur kaT gayaa 'shaariq'
roz saa.nso.n kii jang la.Dte hu.e
sab ko apne KHilaaf karte hu.e
yaar ko bhuulne se Darte hu.e
aur sab se ba.Daa kamaal hai ye
saa.nse.n lene se dil nahii.n bhartaa
ab bhii marne ko jii nahii.n kartaa

Shariq Kaifi
Nazm

tum apni karni kar guzro

ab kyuu.n us din kaa zikr karo
jab dil Tuk.De ho jaa.egaa
aur saare Gam miT jaa.e.nge
jo kuchh paayaa kho jaa.egaa
jo mil na sakaa vo paa.e.nge
ye din to vahii pahlaa din hai
jo pahlaa din thaa chaahat kaa
ham jis kii tamannaa karte rahe
aur jis se har dam Darte rahe
ye din to ka.ii baar aayaa
sau baar base aur uja.D ga.e
sau baar luTe aur bhar paayaa

Faiz Ahmad Faiz
Nazm

jab tere shahr se guzarta hun

is qadar bhii nahii.n mujhe ma.aluum
kis mohalle me.n hai makaa.n teraa
kaun sii shaaKH-e-gul pe raqsaa.n hai
rashk-e-firdaus aashiyaa.n teraa
jaane kin vaadiyo.n me.n utraa hai
Gairat-e-husn kaarvaa.n teraa
kis se puuchhuu.ngaa mai.n KHabar terii
kaun batlaa.egaa nishaa.n teraa
terii rusvaa.iyo.n se Dartaa huu.n
jab tire shahr se guzartaa huu.n
haal-e-dil bhii na kah sakaa garche
tuu rahii muddato.n qariib mire
kuchh tirii azmato.n kaa Dar bhii thaa
kuchh KHayaalaat the ajiib mire
aaKHir-e-kaar vo gha.Dii aa.ii
baar-var ho ga.e raqiib mire
tuu mujhe chho.D kar chalii bhii ga.ii
KHair qismat mirii nasiib mire
ab mai.n kyuu.n tujh ko yaad kartaa huu.n
jab tire shahr se guzartaa huu.n
go zamaana tirii mohabbat kaa
ek bhuulii hu.ii kahaanii hai
tere kuuche me.n umr-bhar na ga.e
saarii duniyaa kii KHaak chhaanii hai
lazzat-e-vasl ho ki zaKHm-e-firaaq
jo bhii ho terii mehrbaanii hai
kis tamannaa se tujh ko chaahaa thaa
kis mohabbat se haar maanii hai
apnii qismat pe naaz kartaa huu.n
jab tire shahr se guzartaa huu.n
ashk palko.n pe aa nahii.n sakte
dil me.n hai terii aabruu ab bhii
tujh se raushan hai kaa.enaat mirii
tere jalve hai.n chaar-suu ab bhii
apne Gam-KHaana-e-taKHayyul me.n
tujh se hotii hai guftuguu ab bhii
tujh ko viiraana-e-tasvvur me.n
dekh letaa huu.n ruu-ba-ruu ab bhii
ab bhii mai.n tujh ko pyaar kartaa huu.n
jab tire shahr se guzartaa huu.n
aaj bhii kaar-zaar-e-hastii me.n
tuu agar ek baar mil jaa.e
kisii mahfil me.n saamnaa ho jaa.e
yaa sar-e-rahguzaar mil jaa.e
ik nazar dekh le mohabbat se
ek lamhe kaa pyaar mil jaa.e
aarzuu.o.n ko chain aa jaa.e
hasrato.n ko qaraar mil jaa.e
jaane kyaa kyaa KHayaal kartaa huu.n
jab tire shahr se guzartaa huu.n
aaj mai.n aise maqaam par huu.n jahaa.n
rasan-o-daar kii bulandii hai
mere ash.aar kii lataafat me.n
tere kirdaar kii bulandii hai
terii majbuuriyo.n kii azmat hai
mere iisaar kii bulandii hai
sab tire dard kii inaayat hai
sab tire pyaar kii bulandii hai
tere Gam se nibaah kartaa hai
jab tire shahr se guzartaa huu.n
tujh se ko.ii gila nahii.n mujh ko
mai.n tujhe bevafaa nahii.n kahtaa
teraa milnaa KHayaal-o-KHvaab hu.aa
phir bhii naa-aashnaa nahii.n kahtaa
vo jo kahtaa thaa mujh ko aavaara
mai.n use bhii buraa nahii.n kahtaa
varna ik be-navaa mohabbat me.n
dil ke luTne pe kyaa nahii.n kahtaa
mai.n to mushkil se aah bhartaa huu.n
jab tire shahr se guzartaa huu.n
ko.ii pursaan-e-haal ho to kahuu.n
kaisii aa.ndhii chalii hai tere baa'd
din guzaaraa hai kis tarah mai.n ne
raat kaise Dhalii hai tere baa'd
sham-e-ummiid sarsar-e-Gam me.n
kis bahaane jalii hai tere baa'd
jis me.n ko.ii makii.n na rahtaa ho
dil vo suunii galii hai tere baa'd
roz jiitaa huu.n roz martaa huu.n
jab tire shahr se guzartaa huu.n
lekin ai saakin-e-hariim-e-KHayaal
yaad hai daur-e-kaif-o-kam ki nahii.n
kyaa kabhii tere dil pe guzraa hai
merii mahruumiyo.n kaa Gam ki nahii.n
merii barbaadiyo.n kaa sun kar haal
aa.nkh terii hu.ii hai nam ki nahii.n
aur is kaar-zaar-e-hastii me.n
phir kabhii mil sake.nge ham ki nahii.n
Darte Darte savaal kartaa huu.n
jab tire shahr se guzartaa huu.n

Saifuddin Saif
Nazm

sarhaden

kis se Darte ho ki sab log tumhaarii hii tarah
ek se hai.n vahii aa.nkhe.n vahii chehre vahii dil
kis pe shak karte ho jitne bhii musaafir hai.n yahaa.n
ek hii sab kaa qabiila vahii paikar vahii gil

Ahmad Faraz
Nazm

intisab

hamaarii chaahato.n kii buz-dilii thii
varna kyaa hotaa
agar ye shauq ke mazmuu.n
vafaa ke ahd-naame
aur dilo.n ke marsiye
ik duusre ke naam kar dete
ziyaada se ziyaada
chaahate.n bad-naam ho jaatii.n
hamaarii dostii kii daastaane.n aam ho jaatii.n
to kyaa hotaa
ye ham jo ziist ke har ishq me.n sachchaa.iyaa.n soche.n
ye ham jin kaa asaasa tishnagi,i tanhaa.iyaa.n soche.n
ye tahriire.n
hamaarii aarzuu-mandii kii tahriire.n
baham paiavastagii aur KHvaab paivandagii kii tahriire.n
firaaq o vasl o mahruumii o KHursandii kii tahriire.n
ham in par munfa.il kyuu.n huu.n
ye tahriire.n
agar ik duusre ke naam ho jaa.e.n
to kyaa is se hamaare fan ke rasiyaa
sher ke maddaah
ham par tohmate.n dharte
hamaarii hamdamii par tanz karte
aur ye baate.n
aur ye afvaahe.n
kisii piilii nigaarish me.n
hamesha ke liye marquum huu jaatii.n
hamaarii hastiyaa.n mazmuum ho jaatii.n
nahii.n aisaa na hotaa
aur agar bil-farz hotaa bhii
to phir ham kyaa
subuk-saaraan-e-shahr-e-harf kii chaalo.n se Darte hai.n
sagaan-e-kuucha-e-shohrat ke GauGaa
kaale baazaaro.n ke dallaalo.n se Darte hai.n
hamaare harf jazbo.n kii tarah
sachche hai.n, paakiiza hai.n, zinda hai.n
balaa se ham agar masluub ho jaate
ye saudaa kyaa buraa thaa
gar hamaarii qabr ke katbe
tumhaare aur hamaare naam se mansuub ho jaate!

Ahmad Faraz
Nazm

dua dua chehra

du.aa du.aa vo chehra
hayaa hayaa vo aa.nkhe.n
sabaa sabaa vo zulfe.n
chale lahuu gardish me.n
rahe aa.nkh me.n dil me.n
base mire KHvaabo.n me.n
jale akele-pan me.n
mile har ik mahfil me.n
du.aa du.aa vo chehra
kabhii kisii chilman ke piichhe
kabhii daraKHt ke niiche
kabhii vo haath paka.Dte
kabhii havaa se Darte
kabhii vo baarish andar
kabhii vo mauj samundar
kabhii vo suuraj Dhalte
kabhii vo chaa.nd nikalte
kabhii KHayaal kii rau me.n
kabhii charaaG kii lau me.n
du.aa du.aa vo chehra
kabhii baal sukhaa.e aa.ngan me.n
kabhii maa.ng nikaale darpan me.n
kabhii chale pavan ke paa.nv me.n
kabhii ha.nse dhuup me.n chhaa.nv me.n
kabhii paagal paagal naino.n me.n
kabhii chhaagal chhaagal siino.n me.n
kabhii phuulo.n phuul vo thaalii me.n
kabhii diyo.n bharii diivaalii me.n
kabhii sajaa hu.aa aa.iine me.n
kabhii du.aa banaa vo ziine me.n
kabhii apne-aap se ja.ngo.n me.n
kabhii jiivan mauj-tara.ngo.n me.n
kabhii naGma nuur-fazaa.o.n me.n
kabhii maulaa huzuur du.aa.o.n me.n
kabhii ruke hu.e kisii lamhe me.n
kabhii dukhe hu.e kisii chehre me.n
vahii chehra boltaa rahtaa huu.n
vahii aa.nkhe.n sochtaa rahtaa huu.n
vahii zulfe.n dekhtaa rahtaa huu.n
du.aa du.aa vo chehra
hayaa hayaa vo aa.nkhe.n
sabaa sabaa vo zulfe.n

Obaidullah Aleem
Nazm

ek laDki

baarisho.n ne jab us kaa
ra.ng-o-ruup dho Daalaa
mai.n ne Darte Darte phir
us ko Gaur se dekhaa
siidhaa-saada chehra thaa
bholaa-bhaalaa naqsha thaa
ra.ng-e-kam-sinii jis par
kaise dhul ke aayaa thaa
zard phuul saa pattaa
gesu.o.n me.n uljhaa thaa
shabnamii saa ik qatra
aa.nkh par laraztaa thaa
raakh kii jagah us jaa
ik diyaa saa jultaa thaa

Zehra Nigaah
Nazm

din guzarte ja rahe hain

ham bhii marte jaa rahe hai.n
ba.ad tere
ham dukho.n ke
aa.nsu.o.n ke baad-o-baaraa.n me.n
nihatte dil ke saath
be-panaahii raasto.n par
paa.nv dharte jaa rahe hai.n
din guzarte jaa rahe hai.n
lamha lamha KHauf ke maare hu.e
raat din ke vasvaso.n me.n
kyaa KHabar kyaa biit jaa.e agle pal
is safar me.n zehn socho.n ke thape.Do.n
se hai shal
aur ham KHud hii se Darte jaa rahe hai.n
din guzarte jaa rahe hai.n

Akhtar Shumar
Nazm

hamara jhanDa

sher hai.n chalte hai.n darraate hu.e
baadalo.n kii tarah ma.nDlaate hu.e

Asrarul Haq Majaz
Nazm

ek suar se

Darte Darte
hairatii reD-indian amriciyo.n kii tarah
dhartii kii dhamak sunte hu.e
tum paas aa.e
paas aakar be-yaqiinii se mujhe takne lage the
mai.n tumhe.n taskiin denaa.....
phir... se bhalmansii kaa rishta jo.D lenaa chaahtaa thaa
aur apne sa.ng-basta haath se
jab tumhe.n sahlaa rahaa thaa
aur tumhaare khurdure baalo.n me.n
apnii u.ngliyaa.n uljhaa rahaa thaa
ek albelii masarrat
ik na.ii lazzat milii
vo jo nafrat kii kamaanii
dil kii tah me.n ga.D ga.ii thii
TuuTtii jaatii thii
mere andar kii kale.n khulne lagii thii
mai.n pighaltaa jaa rahaa thaa

Saqi Faruqi
Nazm

taaruf

mire daadaa jo british fauj ke naamii bhago.De the
na jaane kitnii jailo.n ke unho.n ne qufl to.De the
charas kaa aur gaa.nje kaa vo kaarobaar karte the
KHudaa se bhii nahii.n Darte the bas begam se Darte the
mire taa.e bhii apne vaqt ke mash.huur cheater the
ka.ii jailo.n ke to vo half-yearly bhii visitor the
har ik Gunda unhe.n ghar baiThe Gunda-tex detaa thaa
tijorii to.Dne kaa fan unhii.n se mai.n ne siikhaa thaa
chachaa marhuum naasik jail se jab vaapas aa.e the
to mash.huur-e-zamaana ik tavaa.if saath laa.e the
vo Thumrii daadraa aur bhairvii.n me.n baat kartii thii
tarannum me.n surayyaa aur lataa ko maat kartii thii
mire vaalid KHudaa baKHshe kahii.n aate na jaate the
sahar se shaam tak amaa.n ke aage dum hilaate the
thii ik bakre numaa burraaq daa.Dhii un ke chehre par
magar phir bhii kabaDDii khelte the raat ko aksar
mai.n apne baap daadaa ke hii naqsh-e-paa pe chaltaa huu.n
magar bas farq itnaa hai vo GunDe the mai.n netaa huu.n
police piichhe thii un ke third-degree kii ziyaafat ko
mire piichhe bhii rahtii hai magar merii hifaazat ko
nahii.n parvaa ki leader kaun achchhaa kaun ganda hai
siyaasat merii rozii hai election meraa dhanda hai
siyaasat me.n qadam rakh kar haqiiqat mai.n ne ye jaanii
churaa kaare kunad aaqil ki baaz aayad pashemaanii

Nashtar Amrohvi
Nazm

etiraf

mai.n ne KHvaabo.n ke saman-ra.ng shabistaano.n me.n
loriyaa.n de ke Gam-e-dil ko sulaanaa chaahaa
talKHii-e-ziist se be-zaar-o-pareshaa.n ho kar
talKHii-e-ziist kaa ehsaas miTaanaa chaahaa
aur mai.n Darte jhijakte kisii mujrim kii tarah
aa gayaa terii mohabbat ke paristaano.n me.n
chho.D kar apne ta.aaqub me.n nigaahe.n apnii
kho gayaa kaakul-o-ruKHsaar ke afsaano.n me.n
mai.n ne sochaa thaa tire jism kii ra.anaa.ii se
sa.ng-dil zehn kii taqdiir badal jaa.egii
zindagii vaqt ke sahraa kii alamnaak sumuum
tere anfaas kii mahkaar me.n Dhal jaa.egii
aah ik lamha bhii lekin mire siine kii ta.Dap
tere gaate hu.e maahaul ko apnaa na sakii
terii zulfo.n ke ghane aur KHunuk saa.e me.n
mere jalte hu.e idraak ko nii.nd aa na sakii
terii ha.nstii hu.ii labrez chhalaktii aa.nkhe.n
merii aa.nkho.n me.n kabhii ra.ng-e-tarab bhar na sakii.n
tere daaman kii havaa.e.n thii.n junuu.n-KHez magar
mere ehsaas kii qindiil ko gul kar na sakii.n
mai.n ne sochaa thaa magar kitnaa Galat sochaa thaa
zindagii ek haqiiqat thii fasaana to na thii
merii duniyaa mire KHvaabo.n kii sunahrii duniyaa
nauha-e-Gam thii masarrat kaa taraana to na thii
ab ye samjhaa huu.n ki is dard bharii duniyaa me.n
mere aaGaaz kaa anjaam yahii honaa thaa
KHvaab phir KHvaab the KHvaabo.n kaa bharosa kyaa thaa
haasil-e-kaahish-e-naakaam yahii honaa thaa
zehn par laakh fusuu.n-kaar taKHayyul ho.n muhiit
laakh pardo.n me.n nigaaho.n ko chhupaayaa jaa.e
talKHii-e-ziist kaa ehsaas nahii.n miT saktaa
talKHii-e-ziist ko jab tak na miTaayaa jaa.e

Naresh Kumar Shad
Nazm

bhagat-singh ke nam

kahii.n jab sarfaroshii kii
mohabbat istaqaamat kii
shahaadat kii vatan kii baat chaltii hai
mujhe tum yaad aate ho
ye dhaare ruk nahii.n sakte
sitaare jhuk nahii.n sakte
kinaare dekhte rahnaa
nazaare ruk nahii.n sakte
havaa bahtii hii rahtii hai
samundar se samundar tak
lahuu daryaaft kartaa hai
na.ii tahriik kaa manshuur
ye kirne.n darj kartii hai.n
har ik dhartii pe hone kaa nayaa dastuur
har ik raste pe hai.n daar-o-rasan ke niilguu.n saa.e
lahuu se aag kii lapTe.n nikaltii hai.n
qataaro.n me.n dar-e-zindaa.n pe har lamha
ajab sii bhii.D rahtii hai
ye kaisii aag hai jo sard hone ko nahii.n aatii
ye kaisaa KHvaab hai ta.abiir aa.nkhe.n chhiin letii hai
shujaa.at qarz hotii hai
mohabbat farz hotii hai
kisii colonel ke qatl-e-aam se lashkar nahii.n rukte
saliibo.n se nahii.n Darte
lahuu ke dhaare me.n bahte sitaare ruk nahii.n sakte
abad ke aasmaano.n se ishaare ruk nahii.n sakte
ajab hii log hote hai.n
KHud apnii miTTii kii KHaatir jo jaan-o-tan luTaate hai.n
Gazab hii log hote hai.n
ki jo taariiKH ke dhaare ke ruKH ko mo.D dete hai.n
mohabbat karne vaale log paagal log hote hai.n
kisii se jo nahii.n Darte
ye vo dariyaa hai.n jin kii aaKHirii manzil
abad kaa aaKHirii saahil
ye vo dariyaa samundar jin kaa rasta hai
samundar kis se kab tasKHiir hotaa hai
samundar hai zamaana
aur zamaana kis se kab zanjiir hotaa hai

Faheem Shanas Kazmi
Nazm

talwar aur qalam

tez sii talvaar saada saa qalam
bas yahii do taaqate.n hai.n besh-o-kam
ek hai jangii shujaa.at kaa nishaa.n
ek hai ilmii liyaaqat kaa nishaa.n
aadmii kii zindagii dono.n se hai
qaum kii taabindagii dono.n se hai
jo nahii.n Darte qalam kii maar se
zer karte hai.n unhe.n talvaar se
jab qalam paataa nahii.n ko.ii sabiil
us gha.Dii talvaar hai raushan daliil
hukmraanii ko qalam darkaar hai
amn kii zaamin magar talvaar hai
ilm ke maidaan me.n 'raazii' bano
jang ke maidaan me.n Gaazii bano
vaqt par mazmuun likkho zor-daar
vaqt par DaT kar la.Do mardaana-vaar
vo pa.Dhe likkhe jo be-talvaar hai.n
un kii saarii Digriyaa.n be-kaar hai.n
bazm me.n ash.aar ke gauhar mufiid
razm me.n talvaar ke jauhar mufiid
aaj tak jo bhii hu.aa hai baa-vaqaar
thaa ko.ii jarnail yaa mazmuu.n-nigaar
'faiz' ko jitnaa qalam se pyaar hai
utnii hii pyaarii use talvaar hai

Faiz Ludhianvi
Nazm

aarzu rahiba hai

aarzuu raahiba hai be-kas-o-tanhaa-o-hazii.n
haa.n magar raahibo.n ko is kii KHabar ho kyuu.nkar
KHud me.n kho.e hu.e sahme hu.e sargoshii se Darte hu.e
raahibo.n ko ye KHabar ho kyuu.nkar
kis liye raahiba hai be-kas-o-tanhaa-o-hazii.n
raahib istaada hai.n marmar kii silo.n ke maanind
be-karaa.n ijz kii jaa.n-soKHta viiraanii me.n
jis me.n ugte nahii.n dil-sozi-e-insaa.n ke gulaab

Noon Meem Rashid
Nazm

singapore

saat samundar paar ga.e hai.n naanaa-jaan
devo.n pariyo.n kaa ek des hai singapore
singapore se jab aa.e.nge
shiishe kii golii laa.e.nge
na.e na.e kap.De laa.e.nge
ge.nd bhii ik KHarbuuze vaalii
jis me.n
laal hare
piile
sab rang rahe.nge
lekin jab mai.n sochtaa huu.n to
Dar lagtaa hai
dev kahii.n naanaa se mere
saarii chiize.n chhiin na le.n
chhiine.nge to
haafiz-jii se kah duu.ngaa
haafiz-jii se sab Darte hai.n

Shakeel Azmi
Nazm

mera raj-kumar

jaante hai.n mai.n bahut KHush thii aaj
ye din pahle aaya hotaa kaash
mai.n sa.nvar saj rahii thii
dil me.n shahnaa.ii baj rahii thii
ko.ii to raaj-kumaar thaa
jo mujhe paane ko be-qaraar thaa
mujh se pyaar bahut vo kartaa thaa
mujhe khone se bhii Dartaa thaa

Ankita Garg
Nazm

basti ki laDkiyon ke nam

chal ai nasiim-e-sahraa ruuh-o-ravaan-e-sahraa
meraa payaam le jaa suu-e-butaan-e-sahraa
sahraa.ii mahvasho.n kii KHidmat me.n jaa ke kahnaa
bhuule nahii.n tumhe.n ham ai duKHtaraan-e-sahraa
gar bas chale to aa.e.n aur dard-e-dil sunaa.e.n
tum ko gale lagaa.e.n ham phir miyaan-e-sahraa
tum najd me.n pareshaa.n shahro.n me.n ham hai.n hairaa.n
allaah kii amaa.n ho tum par butaan-e-sahraa
tum is tarah Gamo.n se behaal ho rahii ho
ham is taraf hai.n muztar daaman-kushaan-e-sahraa
ham paas aa.e.n kyuu.n kar tum ko bulaa.e.n kyuu.n kar
ye dukh miTaa.e.n kyuu.n kar vaamaa.ndgaan-e-sahraa
betaab hai.n alam se be-KHvaab ranj-o-Gam se
kyaa puuchhtii ho ham se ai dil-baraan-e-sahraa
tum yaad kar rahii ho bedaad kar rahii ho
barbaad kar rahii ho ai gul-ruKHaan-e-sahraa
ye kyaa kahaa ki tum ho ra.ngiiniyo.n ke KHuugar
Gamgii.n hai.n tum se ba.Dh kar ai Gam-kushaan-e-sahraa
ye raat ye ghaTaa.e.n ye shor ye havaa.e.n
bichh.De hu.e mile.nge kyuu.nkar miyaan-e-sahraa
shahro.n kii zindagii se ham ta.ng aa chuke hai.n
sahraa me.n phir bulaa lo ai sakinaan-e-sahraa
yaad-e-sumuum ho yaa sarsar ke tund tuufaa.n
Darte nahii.n kisii se dil-daadgaan-e-sahraa
aabaadiyo.n me.n haasil aazaadiyaa.n nahii.n hai.n
aa jaa.o tum hii u.D kar o taa.iraan-e-sahraa
sahraa kii vus.ato.n me.n ham ko na bhuul jaanaa
o duKHtaraan-e-sahraa o aahuvaan-e-sahraa
ai abr chup na rahnaa meraa fasaana kahnaa
mil jaa.e gar kahii.n vo sarv-e-ravaan-e-sahraa
dashtii kii dhun me.n saaqii ik naGma-e-iiraaqii
haa.n phir sunaa ba-yaad-e-gul-chehargaan-e-sahraa
aa.nkho.n me.n bas rahaa hai naqsh-e-butaan-e-sahraa
o daastaa.n-saraa chhe.D ik daastaan-e-sahraa
mastaana jaa rahaa hai phir karvaan-e-sahraa
haa.n jhuum kar hudii-KHvaa.n ik daastaan-e-sahraa
dehaat kii fazaa.e.n aa.nkho.n me.n phir rahii hai.n
dil me.n samaa rahii hai yaad-e-butaan-e-sahraa
nazro.n pe chhaa rahaa hai vo chaa.ndnii kaa manzar
sahraa me.n kheltii thii.n jab huuryaan-e-sahraa
vo chaa.ndnii kaa mausam vo be-KHudii kaa aalam
vo nuur kaa samundar reg-e-ravaan-e-sahraa
jalve mah-e-javaa.n ke vo ra.ng-e-kaarvaa.n ke
vo naGme saarbaa.n ke raqsaa.n miyaan-e-sahraa
kyuu.nkar na yaad aa.e.n vo siim-guu.n fazaa.e.n
vo aasmaan-e-sahraa maah-e-ravaan-e-sahraa
vo kam-sino.n ke gaane vo khel vo taraane
be-fikrii ke fasaane vird-e-zabaan-e-sahraa
kheto.n me.n ghuumte the har gul ko chuumte the
mastii me.n jhuumte the jab mai-kashaan-e-sahraa
vo gaa.nv vo fazaa.e.n vo fasl vo havaa.e.n
vo khet vo ghaTaa.e.n vo aasmaan-e-sahraa
phir yaad aa rahii hai.n phir dil dukhaa rahii hai.n
majnuu.n banaa rahii hai.n lailaa-vashaan-e-sahraa
raato.n ko chhup ke aanaa aur shaane ko hilaanaa
hai yaad vo jagaanaa ham ko miyaan-e-sahraa
vo un kii shoKH aa.nkhe.n vo un kii saada nazre.n
be-KHud banaa rahii hai.n doshiizgaan-e-sahraa
vo ishq-pesha huu.n mai.n jis ke javaan naGme
gaataa hai chaa.ndnii me.n har naujavaan-e-sahraa
ik badviyat kaa aashiq sahraa.iyat se be-KHud
'aKHtar' bhii apnii dhun me.n hai ik javaan-e-sahraa

Akhtar Shirani
Nazm

wazir ka KHwab

jab hu.aa mujh par mulammaa ba.Dh ga.ii kuchh aab-o-taab
Daal lii masruufiyat kii apne chehre par naqaab
mujh se izzat-daar Darte hai.n mai.n huu.n izzat-ma.aab
''ii.n ki mii biinam ba bedaariist yaarab yaa ba KHvaab''
KHud bhii dil me.n soch kar ye baat sharmaataa huu.n mai.n
raaste viiraan ho jaate hai.n jab jaataa huu.n mai.n

Syed Mohammad Jafri
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now