Search result for "daur-e-hayaat" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "daur-e-hayaat"

Nazm MATCHES FOR "daur-e-hayaat"

Nazm

bechaini

hayaat ek safar hai bahut aziim safar
gurez-o-jazb me.n Duubaa hu.aa hai har lamha
bahut aziiz hai jo fikr kaam aa jaa.e
ki us se ba.Dh ke kahaa.n vaqt kaa ko.ii hadiya

Daur Afridi

Nazm

KHwabon KHayalon ki apsara

ye mere KHvaabo.n-KHayaalo.n kii apsaraa jis me.n
nigaah-e-fikr-o-amal tiir kii kamaa.n kii tarah
magar vatan bhii chhuTaa 'daur' dil kii dil me.n rahii
ye bamba.ii bhii na ho KHvaab-e-diigaraa.n kii tarah

Daur Afridi

Nazm

naqsh-e-faryaadi

vo udaasii ki huuro.n ko afsos ho
ho.n farishte bhii aisii fazaa me.n KHajil
aur kis kis ko ai 'daur' ilzaam duu.n
kuchh pasiijaa to hogaa KHudaa kaa bhii dil

Daur Afridi

Nazm

bagule shor karte hain

baguule
shor karte hai.n
mirii KHvaahish kii duniyaa me.n
jahaa.n viiraaniyaa.n hai.n aur
bahut se baa.njh pe.Do.n kii qataare.n hai.n
ki jin kii be-karaanii me.n
bahut din ho ga.e
mausam nahii.n aa.e bahaaro.n ke
nahii.n to bulbule.n chahkii.n
nahii.n to phuul hii mahke
madhur aavaaz koyal kii nahii.n aa.ii
bahut din ho ga.e
ki har-suu
gahrii viiraanii kaa kaisaa daur-daura hai
mirii KHvaahish kii duniyaa me.n
magar phir bhii
baguule shor karte hai.n

Adil Hayat

Nazm

ujale ki lakir

vaqt kii gard chhaTegii to ba-unvaan-e-sahar
manzil-e-shauq kii raaho.n kaa ta.ayyun hogaa
ik na.e daur kii ta.amiir kare.nge ham sab
chaa.nd taaro.n se sajaa apnaa nasheman hogaa

Noor -e-Shama Noor

Nazm

ahl-e-junun

ham vahii ahl-e-junuu.n ahl-e-vafaa saahib-dil
ham ki har daur me.n auraaq-e-zamaana ke amii.n
vo lahuu apne hii maathe se bahaa hai jis se
aaj diivaar-e-KHirad kii hai lahuu-rang jabii.n

Noor -e-Shama Noor

Nazm

imroz

ye sahbaa-e-imroz jo sub.h kii shaahzaadii kii mast a.nkh.Diyo.n se Tapak kar
ba-daur-e-hayaat aa ga.ii hai ye nannhii sii chi.Diyaa.n jo chhat me.n chahakne lagii hai.n
havaa kaa ye jho.nkaa jo mere dariiche me.n tulsii kii Tahnii ko larzaa gayaa hai
pa.Dosan ke aa.ngan me.n paanii ke nalke pe ye chuu.Diyaa.n jo chhanakne lagii hai.n
ye duniya-e-imroz merii hai mere dil-e-zaar kii dha.Dkano.n kii amii.n hai
ye ashko.n se shaadaab do chaar sub.he.n ye aaho.n se maamuur do chaar shaame.n
inhii chilmano.n se mujhe dekhnaa hai vo jo kuchh ki nazro.n kii zad me.n nahii.n hai

Majeed Amjad

Nazm

tanhai

us saa.at-e-KHuu.n-aashaam se thii
vo saarii raunaq manzar kii
is saa.at-e-dil-aazaar se hai
ik zard udaas sii KHaamoshii
is manzar se us manzar tak
ik manzar thaa ab vo bhii nahii.n
ik kaTne vaalii gardan thii
ik KHanjar thaa ab vo bhii nahii.n
ab vo bhii nahii.n jo dekhte ho.n
ye jiit hu.ii yaa haar hu.ii
ab vo bhii nahii.n jo kahte ho.n
ye ziist hame.n aazaar hu.ii
ab vo bhii nahii.n jo likhte ho.n
ahvaal jise taariiKH kahe.n
ab ye bhii nahii.n ki ye laashe
miTTii me.n mile.n gulzaar bane.n
ab insaa.n khet na haivaa.n hai.n
ghar madrase daftar aur na mile.n
a.ngusht kii ik jumbish se kahii.n
missile daaGaa jaa bhii chukaa
ik jauharii raqs ke thamne tak
jo daur-e-hayaat thaa jaa bhii chukaa
is ziist ke bandii-KHaane se
ham misl-e-ajal aazaad hu.e
ye kaise mulk basaa.e the
ik lamhe me.n barbaad hu.e
hai aaKHirii manzar taaraajii
huu.n jis kaa ek havaala mai.n
ye manzar kaisaa manzar hai
jise tanhaa dekhne vaalaa mai.n
ab us saf me.n bhii ko.ii nahii.n
ab is saf me.n bhii ko.ii nahii.n
mai.n tanhaa baiThaa sochtaa huu.n
kuchh jiine kaa imkaan to ho
aa baiThe paas jo dushman ke
dushman hii sahii insaan to ho

Pirzada Qasim

Nazm

wapsi

be-nafas be-ridaa-e-taar-e-hayaat
ham barahna hayuule kyaa ghuume.n
mu.nh khulii qabre.n ro rahii ho.ngii
aa.o qabro.n me.n apnii lauT chale.n

Musavvir Sabzwari

Nazm

aazadi ke baad

'azm-o-istiqlaal se badle.nge taqdiir-e-hayaat
koshish-e-paiham se ho saktii hai taa'miir-e-hayaat
dekhte hai.n aaj bhii ham 'aks-e-tanviir-e-hayaat
vo jo mustaqbil ke haatho.n me.n hai tasviir-e-hayaat

Azmat Abdul Qayyum Khan

Nazm

shair

aaj phir sa.nvlaa rahaa hai aariz-e-ruu-e-hayaat
maut ke qaanuun par hai zindagii kaa garm haath

Akhtar Payami

Nazm

wahi

'aql-e-be-maaya imaamat kii sazaa-vaar nahii.n
raahbar ho zan-o-taKHmii.n to zubuu.n kaar-e-hayaat
fikr be-nuur tiraa jazb-e-‘amal be-buniyaad
saKHt mushkil hai ki raushan ho shab-e-taar-e-hayaat
KHuub-o-naa-KHuub ‘amal kii ho girah vaa kyuu.nkar
gar hayaat aap na ho shaareh-e-asraar-e-hayaat

Allama Iqbal

Nazm

KHatun-e-mashriq

naGma-e-shiirii.n ke daaman me.n ho shor-e-kaa.enaat
bazm-e-kaavish me.n jale sham-e-shabistaan-e-hayaat

Josh Malihabadi

Nazm

hindu musalmanon ka ittihad

KHvaab-o-KHayaal hai ik ab daur-e-shaad-kaamii
barbaadiyo.n kaa baa.is takraar hai maqaamii

Chandar Bhan Kaifi Dehelvi

Nazm

achchhi kitab

is ke dam se ham pe vaazeh uqda-e-marg-o-hayaat
is ke dam se ham pe raushan hai jahaan-e-kaa.enaat

Ata Abidi

Nazm

KHushbu ki maut

ye sach hai zaat-o-sifaat tuu hai
qadiir-e-maut-o-hayaat tuu hai
ki KHaaliq-e-kaa.enaat tuu hai

Rafia Shabnam Abidi

Nazm

ek raqqasa ko dekh kar

is daur-e-mai-kashii me.n kise hosh thaa 'habiib'
kab aa.ii aur kab vo pilaatii chalii ga.ii

JaiKrishn Chaudhry Habeeb

Nazm

intizar-e-subh-e-daraKHshan

dard ke saaye me.n paltii hai tamnaa-e-hayaat
KHuun miltaa hai to lau detii hai kuchh sham-e-hayaat
ik tamaashaa hai sar-e-daar ba-unvaan-e-hayaat
zindagii ko na.e unvaa.n se sajaa lene de
chand lamhe mirii KHaatir hii sahii aur Thahar

Sadiq Naqvi

Nazm

mahatma gandhi

jo shahiid-e-zauq-e-hayaat ho use kyuu.n kaho ki vo mar gayaa
use yuu.n hii rahne do hashr tak ye janaaza kis ne uThaa diyaa

Nushur Wahidi

Nazm

jamia-usmaniya

tere siine me.n hai muztar jumbish-e-mauj-e-KHayaal
chashma-e-baKHshish hai teraa chashma-e-aab-e-hayaat

Maikash Akbarabadi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now