Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "ehtimaam"

Nazm MATCHES FOR "ehtimaam"

Nazm

ai sharif insano

jang to KHud hii ek mas.ala hai
jang kyaa mas.alo.n kaa hal degii
aag aur KHuun aaj baKHshegii
bhuuk aur ehtiyaaj kal degii

Sahir Ludhianvi
Nazm

saqi-nama

hu.aa KHema-zan kaarvaan-e-bahaar
iram ban gayaa daaman-e-koh-saar
gul o nargis o sosan o nastaran
shahiid-e-azal laala-KHuunii.n kafan
jahaa.n chhup gayaa parda-e-ra.ng me.n
lahuu kii hai gardish rag-e-sang me.n
fazaa niilii niilii havaa me.n suruur
Thaharte nahii.n aashiyaa.n me.n tuyuur
vo juu-e-kohistaa.n uchaktii hu.ii
aTaktii lachaktii saraktii hu.ii
uchhaltii phisaltii sambhaltii hu.ii
ba.De pech khaa kar nikaltii hu.ii
ruke jab to sil chiir detii hai ye
pahaa.Do.n ke dil chiir detii hai ye
zaraa dekh ai saaqii-e-laala-faam
sunaatii hai ye zindagii kaa payaam
pilaa de mujhe vo mai-e-parda-soz
ki aatii nahii.n fasl-e-gul roz roz
vo mai jis se raushan zamiir-e-hayaat
vo mai jis se hai masti-e-kaa.enaat
vo mai jis me.n hai soz-o-saaz-e-azal
vo mai jis se khultaa hai raaz-e-azal
uThaa saaqiyaa parda is raaz se
la.Daa de mamuule ko shahbaaz se
zamaane ke andaaz badle ga.e
nayaa raag hai saaz badle ga.e
hu.aa is tarah faash raaz-e-fara.ng
ki hairat me.n hai shiisha-baaz-e-fara.ng
puraanii siyaasat-garii KHvaar hai
zamii.n miir o sultaa.n se be-zaar hai
gayaa daur-e-sarmaaya-daarii gayaa
tamaashaa dikhaa kar madaarii gayaa
giraa.n KHvaab chiinii sambhalne lage
himaala ke chashme ubalne lage
dil-e-tuur-e-siinaa-o-faaraan do-niim
tajallii kaa phir muntazir hai kaliim
musalmaa.n hai tauhiid me.n garam-josh
magar dil abhii tak hai zunnaar-posh
tamaddun tasavvuf sharii.at-e-kalaam
butaan-e-ajam ke pujaarii tamaam
haqiiqat KHuraafaat me.n kho ga.ii
ye ummat rivaayaat me.n kho ga.ii
lubhaataa hai dil ko kalaam-e-KHatiib
magar lazzat-e-shauq se be-nasiib
bayaa.n is kaa mantiq se suljhaa hu.aa
luGat ke bakhe.Do.n me.n uljhaa hu.aa
vo suufii ki thaa KHidmat-e-haq me.n mard
mohabbat me.n yaktaa hamiiyat me.n fard
ajam ke KHayaalaat me.n kho gayaa
ye saalik maqaamaat me.n kho gayaa
bujhii ishq kii aag andher hai
musalmaa.n nahii.n raakh kaa Dher hai
sharaab-e-kuhan phir pilaa saaqiyaa
vahii jaam gardish me.n laa saaqiyaa
mujhe ishq ke par lagaa kar u.Daa
mirii KHaak jugnuu banaa kar u.Daa
KHirad ko Gulaamii se aazaad kar
javaano.n ko piiro.n kaa ustaad kar
harii shaaKH-e-millat tire nam se hai
nafas is badan me.n tire dam se hai
ta.Dapne pha.Dakne kii taufiiq de
dil-e-murtazaa soz-e-siddiiq de
jigar se vahii tiir phir paar kar
tamannaa ko siino.n me.n bedaar kar
tire aasmaano.n ke taaro.n kii KHair
zamiino.n ke shab zinda-daaro.n kii KHair
javaano.n ko soz-e-jigar baKHsh de
miraa ishq merii nazar baKHsh de
mirii naav girdaab se paar kar
ye saabit hai to is ko sayyaar kar
btaa mujh ko asraar-e-marg-o-hayaat
ki terii nigaaho.n me.n hai kaa.enaat
mire diida-e-tar kii be-KHvaabiyaa.n
mire dil kii poshiida betaabiyaa.n
mire naala-e-niim-shab kaa niyaaz
mirii KHalvat o anjuman kaa gudaaz
uma.nge.n mirii aarzuu.e.n mirii
ummiide.n mirii justuju.e.n mirii
mirii fitrat aa.iina-e-rozgaar
Gazaalaan-e-afkaar kaa murG-zaar
miraa dil mirii razm-gaah-e-hayaat
gumaano.n ke lashkar yaqii.n kaa sabaat
yahii kuchh hai saaqii mataa-e-faqiir
isii se faqiirii me.n huu.n mai.n amiir
mire qaafile me.n luTaa de ise
luTaa de Thikaane lagaa de ise
damaa-dam ravaa.n hai yam-e-zindagii
har ik shai se paidaa ram-e-zindagii
isii se hu.ii hai badan kii numuud
ki sho'le me.n poshiida hai mauj-e-duud
giraa.n garche hai sohbat-e-aab-o-gil
KHush aa.ii ise mehnat-e-aab-o-gil
ye saabit bhii hai aur sayyaar bhii
anaasir ke phando.n se be-zaar bhii
ye vahdat hai kasrat me.n har dam asiir
magar har kahii.n be-chugo.n be-naziir
ye aalam ye but-KHaana-e-shash-jihaat
isii ne taraashaa hai ye somnaat
pasand is ko takraar kii KHuu nahii.n
ki tuu mai.n nahii.n aur mai.n tuu nahii.n
man o tuu se hai anjuman-aafrii.n
magar ain-e-mahfil me.n KHalvat-nashii.n
chamak us kii bijlii me.n taare me.n hai
ye chaa.ndii me.n sone me.n paare me.n hai
usii ke bayaabaa.n usii ke babuul
usii ke hai.n kaa.nTe usii ke hai.n phuul
kahii.n us kii taaqat se kohsaar chuur
kahii.n us ke phande me.n jibra.iil o huur
kahii.n jaza hai shaahiin siimaab ra.ng
lahuu se chakoro.n ke aaluuda chang
kabuutar kahii.n aashiyaane se duur
pha.Daktaa hu.aa jaal me.n naa-subuur
fareb-e-nazar hai sukuun o sabaat
ta.Daptaa hai har zarra-e-kaa.enaat
Thahartaa nahii.n kaarvaan-e-vajuud
ki har lahz hai taaza shaan-e-vajuud
samajhtaa hai tuu raaz hai zindagii
faqat zauq-e-parvaaz hai zindagii
bahut us ne dekhe hai.n past o buland
safar us ko manzil se ba.Dh kar pasand
safar zindagii ke liye barg o saaz
safar hai haqiiqat hazar hai majaaz
ulajh kar sulajhne me.n lazzat use
ta.Dapne pha.Dakne me.n raahat use
hu.aa jab use saamnaa maut kaa
kaThin thaa ba.Daa thaamnaa maut kaa
utar kar jahaan-e-makaafaat me.n
rahii zindagii maut kii ghaat me.n
mazaaq-e-du.ii se banii zauj zauj
uThii dasht o kohsaar se fauj fauj
gul is shaaKH se TuuTte bhii rahe
isii shaaKH se phuuTte bhii rahe
samajhte hai.n naadaa.n use be-sabaat
ubhartaa hai miT miT ke naqsh-e-hayaat
ba.Dii tez jaulaa.n ba.Dii zuud-ras
azal se abad tak ram-e-yak-nafs
zamaana ki zanjiir-e-ayyaam hai
damo.n ke ulaT-pher kaa naam hai
ye mauj-e-nafs kyaa hai talvaar hai
KHudii kyaa hai talvaar kii dhaar hai
KHudii kyaa hai raaz-daruun-hayaat
KHudii kyaa hai bedaari-e-kaa.enaat
KHudii jalva badmast o KHalvat-pasand
samundar hai ik buu.nd paanii me.n band
a.ndhere ujaale me.n hai taabnaak
man o tuu me.n paidaa man o tuu se paak
azal us ke piichhe abad saamne
na had us ke piichhe na had saamne
zamaane ke dariyaa me.n bahtii hu.ii
sitam us kii maujo.n ke sahtii hu.ii
tajassus kii raahe.n badaltii hu.ii
damaa-dam nigaahe.n badaltii hu.ii
subuk us ke haatho.n me.n sa.ng-e-giraa.n
pahaa.D us kii zarbo.n se reg-e-ravaa.n
safar us kaa anjaam o aaGaaz hai
yahii us kii taqviim kaa raaz hai
kiran chaa.nd me.n hai sharar sang me.n
ye be-ra.ng hai Duub kar rang me.n
ise vaasta kyaa kam-o-besh se
nasheb o faraaz o pas-o-pesh se
azal se hai ye kashmakash me.n asiir
hu.ii KHaak-e-aadam me.n suurat-paziir
KHudii kaa nasheman tire dil me.n hai
falak jis tarah aa.nkh ke til me.n hai
KHudii ke nigahbaa.n ko hai zahr-naab
vo naa.n jis se jaatii rahe us kii aab
vahii naa.n hai us ke liye arjumand
rahe jis se duniyaa me.n gardan buland
KHudii faal-e-mahmuud se darguzar
KHudii par nigah rakh ayaazii na kar
vahii sajda hai laa.iq-e-ehtimaam
ki ho jis se har sajda tujh par haraam
ye aalam ye ha.ngaama-e-ra.ng-o-saut
ye aalam ki hai zer-e-farmaan-e-maut
ye aalam ye but-KHaana-e-chashm-o-gosh
jahaa.n zindagii hai faqat KHurd o nosh
KHudii kii ye hai manzil-e-avvalii.n
musaafir ye teraa nasheman nahii.n
tirii aag is KHaak-daa.n se nahii.n
jahaa.n tujh se hai tuu jahaa.n se nahii.n
ba.Dhe jaa ye koh-e-giraa.n to.D kar
tilism-e-zamaan-o-makaa.n to.D kar
KHudii sher-e-maulaa jahaa.n us kaa said
zamii.n us kii said aasmaa.n us kaa said
jahaa.n aur bhii hai.n abhii be-numuud
ki KHaalii nahii.n hai zamiir-e-vajuud
har ik muntazir terii yalGaar kaa
tirii shauKHi-e-fikr-o-kirdaar kaa
ye hai maqsad gardish-e-rozgaar
ki terii KHudii tujh pe ho aashkaar
tuu hai faatah-e-aalam-e-KHuub-o-zisht
tujhe kyaa bataa.uu.n tirii sarnavisht
haqiiqat pe hai jaama-e-harf-e-ta.ng
haqiiqat hai aa.iina-e-guftaar-e-za.ng
farozaa.n hai siine me.n sham-e-nafas
magar taab-e-guftaar rakhtii hai bas
agar yak-sar-e-muu-e-bartar param
faroG-e-tajallii ba-sozad param

Allama Iqbal
Nazm

KHatun-e-mashriq

husn ho jaa.egaa jab auro.n kaa vaqf-e-KHaas-o-aam
diidanii hogaa tire KHalvat-kade kaa ehtimaam

Josh Malihabadi
Nazm

aurat

jaanaa gayaa na mujh ko kabhii mere naam se
rishto.n me.n mujh ko baa.ndhaa gayaa ehtimaam se
nisbat jo log apnii bataate hai.n raam se
ban-baas mujh ko dete hai.n siitaa ke naam se

Meena Naqvi
Nazm

tarah-e-nau

faaqa-kasho.n ke KHuun me.n hai josh-e-intiqaam
sarmaaya ke fareb jahaa.n-parvarii kii KHair

Sahir Ludhianvi
Nazm

achchhi baaten

pyaare bachcho tum ek kaam karo
apnii nekii se paidaa naam karo
baa-adab baa-nasiib hotaa hai
tum buzurgo.n kaa ehtiraam karo
be-adab be-nasiib hotaa hai
is liye sab ko tum salaam karo
tum se naaraaz ho agar ko.ii
apnii baato.n se us ko raam karo
apne dushman se KHud gale mil kar
saare shikve-gile tamaam karo
jis kisii se milo to ha.ns ke milo
narm lahje me.n phir kalaam karo
raah me.n jab mile ko.ii majbuur
chho.D kar apnaa us kaa kaam karo
baiThne se jahaa.n mile nekii
aisii majlis kaa ehtimaam karo
KHuub mehnat karo pa.Dhaa.ii me.n
bas yahii kaam sub.h-o-shaam karo
apne kirdaar ke sahaare tum
ilm kaa shauq sab me.n aam karo
ilm hii laa-zavaal daulat hai
mushtahar bas yahii payaam karo

Mohammad Sharfuddin Sahil
Nazm

shauhar ki fariyaad

aaj kaa shauhar jise karnaa samajhtaa hai haraam
mai.n tire vo kaam bhii kartaa huu.n maanind-e-Gulaam
mere zimme ghar kii zebaa.ish kaa saaraa ehtimaam
hai mirii tahviil me.n tere kitchen tak kaa nizaam
aur Gam dene lage tuu aur ta.Dpaane lage
tere bas me.n ho to bachche mujh se janvaane lage

Asad Jafri
Nazm

meri holi

ik na.ii duniyaa kii KHilqat hai mirii taKH.iil me.n
jo mu.aavin ho sake insaan kii takmiil me.n
ehtimaam-e-zindagii jis me.n ba-taur-e-KHaas ho
aasmaa.n jis kaa mohabbat ho zamii.n iKHlaas ho

Seemab Akbarabadi
Nazm

diwali ki sham

chhup gayaa KHurshiid-e-taabaa.n aa.ii diivaalii kii shaam
har taraf jashn-e-charaaGaa.n kaa hai kaisaa ehtimaam
Dev.Dhiyo.n par shaadyaane aish ke bajne lage
aur ra.ngii.n qumqumo.n se baam-o-dar sajne lage
itr-o-ambar se havaa hai kis qadar mahkii hu.ii
KHushnumaa mahtaabiyo.n se hai fazaa dahkii hu.ii
phuljha.Dii se phuul yuu.n jha.Dte hai.n jaise kahkashaa.n
har taraf phailaa fazaa me.n hai paTaaKHo.n kaa dhu.aa.n
kyaa maze kii aatish-afshaanii hai agnii-baan kii
dekh kar ash-ash kare jis ko nazar insaan kii
hai.n sitaaro.n kii ye la.Diyaa.n yaa charaaGo.n kii qataar
kuucha-o-baazaar ke diivaar-o-dar hai.n nuur-baar
ba.Dh rahaa hai suurat-e-sailaab logo.n kaa hujuum
har dukaa.n par gaahako.n kaa shor-o-Gul hai bil-umuum
raushnii ban kar KHushii har samt hai chhaa.ii hu.ii
ek KHilqat jis ke jalvo.n kii tamaashaa.ii hu.ii

Mohammad Siddiq Muslim
Nazm

mushaera

mushaa.ere me.n jo shaa.er bulaa.e jaate hai.n
ba.De saliiqe se buudam banaa.e jaate hai.n
vasuul hote hai.n pahle ye naama-o-paiGaam
ki ai shahanshah-e-aqliim-e-'haafiz'-o-'KHayyaam'
hamaarii bazm-e-adab kaa hai jashn-e-saalaana
jalii hai sham-e-suKHan raqs me.n hai parvaana
ghaTaa jo shero.n kii chaaro.n taraf se aa.ii hai
vo film ke bhii sitaare sameT laa.ii hai
guzishta saal sunaa jis ne aap ko ye kahaa
na sho.ale me.n ye karishma, na barq me.n adaa
aur ab ke saal bhii KHud dekh le.nge ye sarkaar
ki guu.njte hai.n aqiidat se kuucha-o-baazaar
ravaana kar de.n kiraa.e kii gar zaruurat hai
''vo aa.e.n ghar me.n hamaare KHudaa kii qudrat hai''
hamaare shahr me.n urdu adab kaa da.nggal hai
ye shahar sher kaa aur shaa.ero.n kaa jangal hai
ab is pe shaa.er-e-shiirii.n-navaa ko hai ye gumaa.n
ki mere sho.ale se raushan hu.ii hai sham.a-e-bayaa.n
idhar se muntazim ik soch aur bichaar me.n hai
use KHabar hai ki shaa.er kis intizaar me.n hai
bulaane ke liye israar bhii vo kartaa hai
kiraaya le ki na phir aa.e is se Dartaa hai
banaa ke likhtaa hai daavat kaa is tarah maktuub
mushaa.ere me.n diyaa jaa.egaa jo hai matluub
Garaz bulaate hai.n vo shaa.ero.n ko hiile se
payaam aate hai.n ahbaab ke vasiile se
jo sher sun.ne ko apne gharo.n se aate hai.n
vo sab baTer la.Daane kaa lutf uThaate hai.n
vo jaante hai.n ki shaa.er hai ek murG-e-ajiib
agar galaa hai to shaa.er, nahii.n galaa to adiib
ye sochtaa hai chalo qismat aazmaa dekhe.n
suluuk hotaa hai auro.n ke saath kyaa dekhe.n
bahut se aur bhii shaa.er vahaa.n par aa.e.nge
chalo ki marg-e-raqiibaa.n kaa lutf uThaa.e.nge
hai.n kuchh pale hu.e shaa.er kuchh in me.n KHud-rav hai.n
puraane ghaag hai.n kuchh in me.n shaa.er-e-nau hai.n
vo diidanii hai agar ho kuchh in me.n ha.ngaama
ki is akhaa.De kaa har pahlvaa.n hai allaama
sataate rahte hai.n shaa.er ko aise andeshe
yahaa.n talak ki nikal aa.e.n rishte aur reshe
ta.alluqaat se aaKHir ko ho ke vo majbuur
mushaa.ere ko chalaa jaise kaam par mazduur
kisii se qarz liyaa aur kisii kii minnat kii
Garaz ki shaa.er-e-aatish-navaa ne rahlat kii
pha.nsaa hai is liye phande me.n shaa.er-e-saada
ki muntazim bhii the hushiyaar ye bhii aamaada
vo aa gayaa hai uThaa kar hazaar dushvaarii
chale jilau me.n use le ke us ke darbaarii
kisii ke haath me.n paan aur kisii ke haath me.n haar
har ik ye kahtaa hai zahmat bahut hu.ii sarkaar
mushaa.ere me.n qadam-ranja aap farmaa.e.n
to ahl-e-zauq nashisto.n me.n aa ke bhar jaa.e.n
ta.Dap rahe the jo sun.ne ke vaaste ash.aar
mushaa.ere ke liye un ke paas hai.n darkaar
ticket KHariid ke jo ahl-e-zauq aa.e hai.n
vo aaKHirii safo.n me.n KHud-baKHud samaa.e hai.n
moazzeziin jo zauq-e-adab se KHaalii hai.n
reserve un ke liye aglii saf karaa lii hai.n
ye is liye ki nazar me.n vo aap kii bhii rahe.n
jo sher vo na samajh paa.e.n aap vo na pa.Dhe.n
mushaa.ere me.n KHvaatiin buntii hai.n sweater
sambhal ke baiThe hai.n shaa.er kii taak me.n hooter
pa.Dhaa mushaa.era shaa.er ne ehtimaam ke saath
Gazal sunaa.ii tarannum kii dhuum-dhaam ke saath
kisii ne vaah kahaa aur kisii ne huuT kiyaa
mushaa.ere ko ye samjhaa ki mai.n ne luuT liyaa
isii pe phuulaa hu.aa hai vaah-vaah hu.ii
tamaam raat kaTii nii.nd bhii tabaah hu.ii
ye mahfil aa hii ga.ii roz-o-shab kii sarhad par
janaab-e-sadr bhii ab so chuke hai.n masnad par
jo saama.iin hai.n un par bhii nii.nd taarii hai
savaarii us ko milii jis pe fazl-e-baarii hai
jo muntazim the sitaaro.n ke saath Duub ga.e
ga.e vo shaa.ero.n se chhup ke aur KHuub ga.e
numuud-e-sub.h se jab muntashir hu.ii mahfil
akelaa rah gayaa shaa.er Gariib-e-shahr o KHajil
mushaa.era ba-juz andaaz-e-haav-huu kyaa hai
''tumhaare shahar me.n 'Gaalib' kii aabruu kyaa hai''

Syed Mohammad Jafri
Nazm

diwali

ho rahe hai.n raat ke diyo.n ke har suu ehtimaam
sub.h se jalva-numaa hai aaj diivaalii kii shaam
ho chukii ghar ghar sapedii dhul rahii hai.n naaliyaa.n
phirtii hai.n kuucho.n me.n miTTii ke khilaune vaaliyaa.n
bholii-bhaalii bachchiyaa.n chanDol paapaa kar magan
apnii gu.Diyo.n ke gharo.ndo.n me.n sajii hai anjuman
rasm kii in hikmato.n ko kaun kah degaa fuzuul
rakh diye hai.n Thiikro.n me.n KHaana-daarii ke usuul

Shaad Aarfi
Nazm

payam-e-azadi

na ho sakegaa kabhii mohtaram jahaa.n me.n tuu
jo tere dil me.n nahii.n ehtiraam-e-aazaadii

Ahmaq Phaphoondvi
Nazm

ekta ki aawaz

KHuluus dil me.n liye kaarvaa.n ke saath chalo
musaafiro chalo azm-e-garaa.n ke saath chalo
zamaana saath chale anjuman bhii saath chale
bahaar chuume qadam baa.nkpan bhii saath chale
vo azm ho ki jise zindagii salaam kare
qadam qadam pe sukuu.n jashn-e-ehtimaam kare
vatan kii laaj bano qaum kaa nikhaar bano
har ek dil ke liye husn-e-e.atibaar bano
bhulaa do firqa-parastii kii daastaano.n ko
miTaa do ba.Dh ke ta.assub bhare jahaano.n ko
qasam vatan kii tumhe.n ektaa ke gun gaa.o
dilo.n me.n azmat-e-qaum-o-vatan ko chamkaa.o
qadam ke saath agar dil mile.n to baat bane
jahaa.n bhii chaaho vahii.n manzil-e-hayaat bane
ho ek dil zaraa aavaaz bhii milaa ke chalo
chalo to raah-e-havaadis me.n muskuraa ke chalo

Bekal Utsahi
Nazm

yaad

dayaar-e-Gair me.n sub.h-e-vatan kii yaad aa.ii
nasiim-e-aabla-paa ko chaman kii yaad aa.ii
jaraahato.n ne kiyaa ehtimaam-e-laala-o-gul
bahaar-e-rafta ko sarv-o-saman kii yaad aa.ii
guzar rahe the shab-o-roz kunj-e-uzlat me.n
ki sham.a ban ke tirii anjuman kii yaad aa.ii
bujhii hu.ii thii bahut din se aarzuu-e-suKHan
ye aaj kis but-e-shiirii.n-dahan kii yaad aa.ii

Muneebur Rahman
Nazm

doctor ram babu saksena

ik adiib-e-naamvar ik afsar-e-aa.alii-maqaam
zaat saksena hai jis kii raam baabuu jis kaa naam
jis ne urdu par kiyaa hai qaabil-e-taariif kaam
jis ko izzat kii nazar se dekhte hai.n KHaas-o-aam
muKHtalif mumtaaz ohdo.n se hu.aa jo sarfaraaz
daur-e-KHidmat bhii guzaaraa jis ne baa-sad-ehtishaam
us ne english me.n likhii urdu kii taariiKH-e-adab
phir kiyaa urdu me.n us ko chhaapne kaa ehtimaam
phir yahii taariiKH hindii tarjuma ho kar chhapii
Gair mulko.n me.n bhii is taaliif kaa hai ehtiraam
zikr-e-ahl-e-harf hai jis me.n likhii vo bhii kitaab
us me.n samjhaayaa 'aniis'-o-'miir'-o-'Gaalib' kaa maqaam
shaa.iro.n kaa haal likkhaa un kii tasviiro.n ke saath
aur a.ngrezo.n kaa likkhaa faarsii urdu kalaam
haal urdu shaa.iraan-e-ahl-e-europe kaa likhaa
shaa.iraan-e-faarsii kaa hai alag hindii kalaam
chhap rahii hai masnavii-e-'miir' bhii baa-KHatt-e-'miir'
ab jadiid urdu adab kaa ho rahaa hai intizaam
ab kahii.n urdu se vaabasta ho ko.ii ijtimaa
har jagah us ko bulaate hai.n sabhii baa-ehtiraam
us ne dii urdu adab ko zindagii-e-jaavedaa.n
aur urdu se 'shifaa' zinda rahegaa us kaa naam

Prem Lal Shifa Dehlvi
Nazm

abr-o-baad

samajh sake to samajh kitnii zulmato.n ke huzuur
kiyaa gayaa hai mah-o-aaftaab se inkaar
liyaa hai kitne bahishto.n se intiqaam na puuchh
gulo.n ke daam KHariide hai.n kitne barq-o-sharaar

Manzoor Husain shor
Nazm

ehtimam-e-huzuri

dil me.n hujuum-e-shauq-o-tamannaa abhii se hai
aa.nkho.n me.n ik suruur kii duniyaa abhii se hai
haazir nahii.n hu.e hai.n abhii bazm-e-dost me.n
lekin KHayaal-e-mahv-e-tamaashaa abhii se hai
anfaas me.n abhii se hai ik hashr-e-iztiraab
ehsaas me.n qayaamat-e-suGraa abhii se hai
har har KHayaal me.n hai abhii se bahaar-e-husn
har har nazar me.n barq-e-tajallii abhii se hai
bazm-e-tasavvuraat kaa aalam na puuchhiye
zoro.n pe mehr-o-maah kaa dhokaa abhii se hai
kitne hijaab hai.n nigah-e-shauq par abhii
aur saamne vo chehra-e-zebaa abhii se hai
saaqii nahii.n sharaab nahii.n mai-kada nahii.n
lekin fazaa me.n mastii-e-sahbaa abhii se hai
vo aaftaab-e-husn abhii ruu-ba-ruu nahii.n
hastii tamaam rashk-e-surayyaa abhii se hai
KHud husn ne diyaa bhii nahii.n hai javaab-e-ishq
aur ishq hai ki husn-e-saraapaa abhii se hai
vo aa.e bhii nahii.n hai.n nigaaho.n ke saamne
ho.nTo.n pe ik latiif saa shikva abhii se hai
hai.n kitnii duur husn kii aaGosh-e-naaz se
lekin supurdagii kii tamanna abhii se hai
aur phir is ehtimaam-e-huzuurii ke baavajuud
kyaa jaane kyo.n firaaq kaa KHatra abhii se hai

Kaif Moradaabadi
Nazm

do mashware

sumuum tez hai mauj-e-sabaa ko aam karo
KHizaa.n ke ruKH ko palaTne kaa ehtimaam karo
bikhar rahe ho mazaamiin-e-shaa.erii kii tarah
kisii maqaam pe jam jaa.o ko.ii kaam karo
sabaq milaa hai ye taariiKH ke navishto.n se
ki teG-e-haidar-e-karraar be-niyaam karo
jabii.n pe KHaak hai kis aastaan-e-daulat kii
kabhii to apnii aanaa kaa bhii ehtiraam karo
ye mashvare hai.n ka.ii din se qasr-e-shaahii me.n
kisii tariiq se daanishvaro.n ko raam karo
qalam kii shoKH-nigaarii ko rokne ke liye
zabaa.n-daraaz adiibo.n ko zer-e-daam karo
jhukaa ke sar kisii farmaa.n-ravaa kii chaukhaT par
zabaan-e-tohmat-o-ilzaam be-lagaam karo
'zafar' alii kii zabaa.n me.n hai mashvara meraa
mirii taraf se ise dosto.n me.n aam karo
is ibtilaa se KHudaa kii hazaar-baar panaah
ki jhuk ke tum kisii naa-ahl ko salaam karo

Shorish kashmiri
Nazm

nasri nazm ki manzum katha

aur phir kuchh yuu.n hu.aa
lafz kii takraar se
murta.ish iz.haar se
uqda-e-dushvaar se
shaa.irii uktaa ga.ii
shaa.irii kii be-karaa.n mauj-e-taKHayyul yuu.n uThii
ta.ngnaa-e-nazm-o-naGma gum hu.ii
imtiyaaz-e-bahr-o-bar miTtaa gayaa
ehtimaam-e-zauq-tar jaataa rahaa
chashma-e-vahm-o-gumaa.n
phuuTtaa hai vaadii-e-ijz-e-bayaaa.n ke vast se
phailtii hai KHiirgii
lamha-e-maakuus hai
aab-juu-e-KHvaab hai paiham ravaa.n
jhiil suurat harf saakit hai.n magar
jhilmilaate hai.n ma.aanii lafz ke taalaab me.n
baat gahrii hai bahut
saaz bhii KHaamosh hai
gunjalak sanjog se
maujib-e-naa-guftanii
qaabil-e-iz.haar hai
haa.n magar vo sheriyat
duur ik laaya.aniyat ke be-amaa.n paataal me.n
barsar-e-paikaar hai

Salman Sarwat
Nazm

hadisa

saliib se jo Tapaktaa hai be-gunaah lahuu
vo buu.nd buu.nd kaa apnii
hisaab letaa hai
zamiin-e-jabr kii afvaaj-e-fiil vaaqif hai.n
fazaa me.n aise parindo.n kaa
ek Gol bhii hai
jo ka.nkarii se chaTaano.n ko to.D detaa hai
jab apnii had se guzarte hai.n
abrahii sailaab
ye sang-rezo se
ruKH un ke mo.D detaa hai
so jab ye saazishii sayyaad taa.ero.n ke liye
fazaa me.n har taraf ik jaal taan baiThe ho.n
to haadsaat
ko.ii ehtimaam karte hai.n
kahii.n se maut ke kankar
uchhaaltaa hai ko.ii
usii ke daam use
zer-e-daam karte hai.n
bas aur kuchh nahii.n
in haadsaat kii tafsiil
ye haadsaat
to hujjat tamaam karte hai.n

Naseem Syed
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now