Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "fagan"

Nazm MATCHES FOR "fagan"

Nazm

lucknow

tole hu.e hai teG-o-sinaa.n husn-e-be-naqaab
naavak-fagan hai jalva-e-pinhaan-e-lucknow

Asrarul Haq Majaz
Nazm

jaras-e-gul ki sada

ham pe vaaraftagii-e-hosh kii tohmat na dharo
ham ki rummaaz-e-rumuuz-e-Gam-e-pinhaanii hai.n
apnii gardan pe bhii hai rishta-fagan KHaatir-e-dost
ham bhii shauq-e-rah-e-dildaar ke zindaanii hai.n

Faiz Ahmad Faiz
Nazm

tez chalo

ye kah rahaa hai dil-e-be-qaraar tez chalo
bahut udaas hai.n zanjiir o daar tez chalo
jo thak ga.e hai.n unhe.n gard-e-raah rahne do
kisii kaa ab na karo intizaar tez chalo
KHizaa.n kii shaam kahaa.n tak rahegii saaya-fagan
bahut qariib hai sub.h-e-bahaar tez chalo
tumhii se KHauf-zada hai.n zamiin o zar vaale
tumhii ho chashm-e-sitam-gar pe baar tez chalo
karo KHuluus o mohabbat ko rahnumaa apnaa
nahii.n durust dilo.n me.n Gubaar tez chalo
bahut hai.n ham me.n yahaa.n log guftuguu-pesha
hai un kaa sirf yahii kaarobaar tez chalo
KHirad kii sust-ravii se kise milii manzil
junuu.n hii ab to karo iKHtiyaar tez chalo

Habib Jalib
Nazm

tel ke saudagar

buKHaaraa samarqand ik KHaal-e-hinduu ke badle!
bajaa hai buKHaaraa samarqand baaqii kahaa.n hai.n?
buKHaaraa samarqand niindo.n me.n mad.hosh
ik niil-guu.n KHaamushii ke hijaabo.n me.n mastuur
aur rahravo.n ke liye un ke dar band
so.ii hu.ii mah-jabiino.n kii palko.n ke maanind
ruusii ''hama-uust'' ke taaziyaano.n se ma.azuur
do mah-jabiine.n!
buKHaaraa samarqand ko bhuul jaa.o
ab apne daraKHshanda shahro.n kii
tahraan o mash.had ke saqf o dar-o-baam kii fikr kar lo
tum apne na.e daur-e-hosh-o-amal ke dil-aavez chashmo.n ko
apnii na.ii aarzuu.o.n ke in KHuub-suurat kinaayo.n ko
mahfuuz kar lo!
in uu.nche daraKHshanda shahro.n kii
kotah fasiilo.n ko mazbuut kar lo
har ik burj-o-baaro par apne nigahbaa.n cha.Dhaa do
gharo.n me.n havaa ke sivaa
sab sadaa.o.n kii sham.e.n bujhaa do!
ki baahar fasiilo.n ke niiche
ka.ii din se rahzan hai.n KHema-fagan
tel ke buu.Dhe sauda-garo.n ke libaade pahan kar
vo kal raat yaa aaj kii raat kii tiirgii me.n
chale aa.e.nge ban ke mehmaa.n
tumhaare gharo.n me.n
vo daavat kii shab jaam-o-miinaa lu.Dhaa.e.nge
naache.nge gaa.e.nge
be-saaKHta qahqaho.n hamhamo.n se
vo garmaa.e.ngee KHuun-e-mahfil!

Noon Meem Rashid
Nazm

maut

mumTiyo.n par ek gahrii KHaamushii saaya-fagan
re.ng kar chaltii havaa kii bhii sadaa aatii nahii.n

Muneer Niyazi
Nazm

parwin-shakir

vo 'faiz'-o-'firaaq' ziyaada
taqdiis-e-badan kii naGma-KHvaa.n thii
tahziib-e-badan kii raaz-daa.n thii
gulnaar badan kii tahniyat me.n
gulnaar labo.n se gul-fishaa.n thii
lab-aashnaa lab Gazal ke misre
jism-aashnaa jism nazm-paikar
lafzo.n kii hatheliyaa.n hinaa.ii
tashbiiho.n kii u.ngliyaa.n gulaabii
sarsabz KHayaal kaa gulistaa.n
mub.ham se kuchh aa.nsu.o.n ke chashme
aaho.n kii vo halkii sii havaa.e.n
sad-barg havaa me.n muntashir the
titlii thii ki raqs kar rahii thii

Ali Sardar Jafri
Nazm

madam

zulf kii chhaa.nv me.n aariz kii tab-o-taab liye
lab pe afsuu.n liye aa.nkho.n me.n mai-e-naab liye
har nafas rau me.n liye sorish-e-tuGyaan-e-nihaa.n
har nazar shauq kaa afsaana-e-b-taab liye
sehr o ejaaz liye jumbish-e-mizhgaan-e-daraaz
KHanda-e-shoKh jamaal-e-dur-e-KHush-aab liye
zau-fagan ruu-e-hasii.n par shab-e-mahtaab-e-shabaab
chashm-e-maKHmuur nashaat-e-shab-e-mahtaab liye
nashsha-e-naaz javaanii me.n sharaabor adaa
jism zauq-e-guhar atlas-o-kamKHvaab liye
zulf-e-shab-ra.ng liye sandal o uud o ambar
KHam-e-abruu-e-hasii.n dair kii mehraab liye
lab-e-gul-ra.ng-o-hasii.n jism gudaaz-o-siimii.n
shoKHii-e-barq liye larzish-e-siimaab liye
ek sayyaad-e-KHush-andaam svaad-e-mashriq
zulf-e-ba.ngaal liye tal.at-e-punjab liye
nuzhat o naaz kaa ik paikar-e-shaadaab-o-hasii.n
nik.hat-o-nuur kaa umDaa hu.aa sailaab liye
merii vaaraftagii-e-shauq musallam lekin
kis kii aa.nkhe.n hai.n zuleKHaa kaa hasii.n KHvaab liye

Asrarul Haq Majaz
Nazm

gandhi

vo faroG-baKHsh-e-har-anjuman ki zamaana-bhar me.n thaa zau-fagan
vo charaaG-e-bazm gah-e-vatan kisii tiira-dil ne bujhaa diyaa

Iqbal Sohail
Nazm

watan-ashob

sabza o barg o laala o sarv-o-saman ko kyaa hu.aa
saaraa chaman udaas hai haa.e chaman ko kyaa hu.aa
ik sukuut har taraf hosh-rubaa o haul-naak
KHuld-e-vatan ke paasbaa.n KHuld-e-vatan ko kyaa hu.aa
raqs-e-tarab kidhar gayaa naGma-taraaz kyaa hu.e
Gamza-o-naaz kyaa hu.e ishva o fan ko kyaa hu.aa
jis kii nava-e-dil-sitaa.n zaKHma-e-saaz-e-shauq thii
ko.ii bataa.o us but-e-Guncha-dahan ko kyaa hu.aa
chashmak-e-dam-ba-dam nahii.n mashq-e-KHiraam-o-ram nahii.n
mere Gazaal kyaa hu.e mere KHutan ko kyaa hu.aa
chhaa.ii hai kyuu.n fasurdagii aalam-e-husn-o-ishq par
aaj vo ''nal'' kidhar ga.e aaj ''daman'' ko kyaa hu.aa
aa.nkho.n me.n KHauf o yaas hai chehra udaas udaas hai
asr-e-ravaa.n kii lailaa-e-burqa-fagan ko kyaa hu.aa
aah KHirad kidhar ga.ii aah junuu.n ne kyaa kiyaa
aah shabaab-e-KHuugar-daar-o-rasan ko kyaa hu.aa
ko.ii bataa.e azmat-e-KHaak-e-vatan kahaa.n hai ab
ko.ii bataa.e Gairat-e-ahl-e-vatan ko kyaa hu.aa
koh vahii daman vahii dasht vahii chaman vahii
phir ye 'majaaz' jazba-e-hubb-e-vatan ko kyaa hu.aa

Asrarul Haq Majaz
Nazm

zauq-e-takallum par urdu ne rah anokhi kholi hai

giit 'firaaq' ke jhilmil jhilmil karte hai.n mash.al kii tarah
hurmat kii lai saaya-fagan hai saavan ke baadal kii tarah
kis lailaa kaa mahmil hai ye kis gorii kii Dolii hai
urdu pyaar kii bolii hai

Hurmatul Ikaram
Nazm

Cleopatra

ek bahr-e-be-karaa.n kii jhilmilaatii sat.h par
zau-fagan afsaana-haa-e-ra.ng-o-nuur

Akhtarul Iman
Nazm

barsat ki sham

kis qadar dilkash suhaanii shaam hai barsaat kii
bolne vaalii hai ab tasviir goyaa raat kii
daaman-e-maGrib me.n poshiida ruKH-e-KHurshiid hai
aamad aamad hai qamar kii us kaa shauq-e-diid hai
KHaama-e-qudrat ke paa-e-Dhab shafaq ke rang me.n
sar-ba-sar Duube hu.e hai.n sab shafaq ke rang me.n
sar uThaa kar aasmaa.n kii jaama-zebii dekhiye
us kii ra.ngiinii me.n kyaa hai dil-farebii dekhiye
ye ruu-pahlaa ye sunahraa rang hii kuchh aur hai
ra.ng hii kuchh aur be-shak Dha.ng hii kuchh aur hai
kaam sone kaa banaa hai gumbad-e-aflaak par
zau-fagan hotaa hai aalam is kaa farsh-e-KHaak par
bazm-e-garduu.n par hu.aa hai anjuman-aaraa ko.ii
jhaa.nktaa parde se hai shaayad ye mah-paara ko.ii
mai.n na kyuu.n qurbaan jaa.uu.n is adaa is Dha.ng ke
aasmaa.n par khil rahe hai.n phuul laakho.n rang ke
hai.n lakiire.n muKHtalif ra.ngo.n kii ra.ngii.n daaG hai
ye KHudaa kii shaan hai kyaa aasmaa.n par baaG hai
shaam hai barsaat kii dilchasp manzar saath hai
dekhiye hotaa hai kyaa qudrat kaa is me.n haath hai
suurat-e-tasviir chup 'bismil' hu.e ye bol kar
husn kii duniyaa hai dekho diida-e-dil khol kar

Bismil Allahabadi
Nazm

qaumi tarana

ai mire hindostaa.n jannat-nishaa.n
terii mastaana havaa.o.n me.n javaanii zau-fagan
zarre zarre se numaayaa.n tuur kaa saa baa.nkpan
muskuraatii hai fazaa.o.n me.n nashiilii sii phaban
terii vaadii me.n suruur-o-kaif kii nahre.n ravaa.n

Altaf Mashhadi
Nazm

qutub-minar

ai qutub-miinaar ai bhaarat kii azmat ke nishaa.n
har gha.Dii saaya-fagan rahtaa hai tujh par aasmaa.n
tere har ik sang me.n pinhaa.n hai terii daastaa.n
diida-e-hairat se takte hai.n tujhe ahl-e-jahaa.n
sar-bulandii par tirii ham hindiyo.n ko naaz hai
tuu hamaarii KHushnumaa taariiKH kaa Gammaaz hai
teraa maskan arz-e-dillii rashk-e-husn-e-koh-e-qaaf
chaa.nd-suuraj roz tere gird karte hai.n tavaaf
saarii duniyaa ko hai terii azmato.n kaa e'tiraaf
tujh se hotaa hai hamaarii qaumiyat kaa inkishaaf
terii sannaa.ii zamaane ke liye pur-pech hai
aaj bhii paris kaa tower tere aage hech hai
tuu hamaarii shaan-o-shaukat kaa hai taabinda gavaah
tujh se raushan hai hamaare ilm-o-fan kii shaahraah
tujh pe pa.Dte hii chamak uThtii hai hairat se nigaah
tuu hamaaraa paasbaa.n hai tuu hamaaraa KHair-KHvaah
tarjumaan-e-vaqt hai tuu rahnumaa-e-fan hai tuu
haa.n libaas-e-sang me.n ik paikar-e-aahan hai tuu

Rahbar Jaunpuri
Nazm

lafz ki chhanw mein

lafz kii chhaa.nv me.n
niim kii pattiyo.n kaa safar talKH saa
siilnii jism me.n ruuh bechain bhii
shahriyat ke taqaaze jo TuuTe kabhii
zindagii ke amal me.n bhii shak aa pa.Daa
TuuT kar kis tarah ju.D ga.ii chaandnii
dhuup lamho.n ke chehro.n se girtii hu.ii KHaak me.n jaa milii
sar jhukaa.e hu.e kaun sa.Dko.n pe yuu.n tujh ko Dhuu.nDaa kare
ham-kalaamii kii izzat kaa baadal sadaa sar pe saaya fagan
jab terii KHaamushii ke ma.aanii ke ho.nTo.n se Tapke hu.e
duudh ke chand qatre samundar bane
baadbaano.n ke aaGosh khole hu.e kashtiyaa.n chal pa.Dii.n
tishnagii ke jaziiro.n pe saaya kahaa.n
sub.h kaa mom pighlaa to KHvaabo.n ke dil bujh ga.e
bujh ga.ii raat bhii
bujh ga.ii lafz ke haath kii baat bhii
lafz maidaan me.n sar-niguu.n rah ga.e
sa.ngsaarii kii lazzat lahuu ban ga.ii
kaun poshiida jazbo.n kii chilman bane
lafz kii chhaa.nv me.n ko.ii suuraj Dhale

Adil Mansuri
Nazm

dua

du.aa
duur tak ek KHalaa
lab pe hai harf-e-du.aa
dasht-e-mahruum-e-sadaa
ko.ii aavaaz na ra.ng
ko.ii KHvaahish na uma.ng
dil me.n ik sard sii ja.ng
aa.nkh se ashk ravaa.n
kashish-e-baaG-e-jinaa.n
merii auqaat kahaa.n
apnii aavaaz kaa Dar
shola-e-saaz kaa Dar
dil ke har raaz kaa Dar
har taraf jalva-fagan
ek KHaamosh kiran
har fashaa.n ruuh ki tan
aaj kaise ho bayaa.n
tujh pe har baat ayaa.n
tuu qariib-e-rag-e-jaa.n

Waheed Quraishi
Nazm

be-yaqini ka sahra

ai KHudaa
teraa laachaar banda
tishna-lab be-sahaaraa
be-yaqiinii ke sahraa me.n tanhaa kha.Daa hai
kitaabo.n se lahjo.n se lafzo.n se meraa yaqii.n uTh chukaa hai
har taraf shor hai khokhle alfaaz-o-iz.haar kaa
sirf parchaar kaa
sab aqiide nazariye
mahz ishtihaaraat hai.n
Dhol piiTe chale jaa rahe hai.n
is qadar shor hai ki samaa.at bhii pathraa ga.ii hai
is qadar raushnii ke basaarat bhii dhu.ndlaa ga.ii
ai KHudaa
raushnii ke a.ndhere me.n ik nuur de
nuur aisaa ki jis se munavvar ho dil
abr-e-rahmat yaqii.n kaa
be-yaqiinii ke sahraa pe saaya-fagan ho

Aarif Akhtar Naqvi
Nazm

bap

vo ek javvaala thaa
vo bharpuur ziist karne kii ek siimaabii aarzuu
vo lahuu kii dha.Dkan
jo raat kii zulmato.n pe shab-KHuun maar kar
raushnii aur ummiid ke dariicho.n ko kholtaa
aaj shab kaa saffaak haath
us ke lahuu kii dha.Dkan ko le u.Daa
aur ab faqat mai.n huu.n
raat kii zulmato.n se panja-fagan

Ejaz Farooqi
Nazm

aariyon ki pahli aamad hindostan mein

bargad ke daraKHto.n se jangal phaile hai.n pahaa.D ke daaman me.n
shaaKHe.n hai.n jo un kii saaya-fagan zulmat kaa samaa.n hai har ban me.n
phirte hai.n vo fiil-e-mast yahaa.n hai dev kaa jin ke qad pe gumaa.n
ye kaalii ghaTaa jab dau.Dtii hai aataa hai nazar haibat kaa samaa.n

Syed Wahidudeen Salim
Nazm

chand aur suraj

KHush-kun jab un kaa jaah-o-hasham ho
zauq-e-nazar phir kyo.n meraa kam ho
baaliG-nazar ho.n us se na kyo.n KHush
kul nuuriyo.n kii zau jis me.n zam ho
ho.n diida-var kyo.n is se na shaadaa.n
taaro.n kaa baaqii jis se bharam ho
un kii numuud-e-zulmat-rubaa par
partav-fagan jab nuur-e-qadam ho
ho chaa.nd maddham yaa maa.nd suuraj
chamke.nge yuu.nhii ye chaa.nd suuraj

Ali Manzoor Hyderabadi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now