Search result for "farebi-e-taasiir" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "farebi-e-taasiir"

Nazm MATCHES FOR "farebi-e-taasiir"

Nazm

ras-bhare honT

ras-bhare ho.nT
phuul se halke
jaise billor kii suraahii me.n
baada-e-aatishii.n-nafs chhalke
jaise nargis kii gol aa.nkho.n se
ek shabnam kaa arGavaa.n qatra
shafaq-e-sub.h se daraKHshanda
dhiire dhiire sambhal sambhal Dhalke
ras-bhare ho.nT yuu.n larazte hai.n.....!
yuu.n larazte hai.n jis tarah ko.ii
raat din kaa thakaa hu.aa raahii
paa.nv chhalnii nigaah mutazalzal
vaqt sahra-e-be-karaa.n ki jahaa.n
sa.ng-e-manzil-numaa na aaj na kal.....
daf.atan duur.....! duur..... aa.nkh se duur
shafaq-e-shaam kii siyaahii me.n
qalb kii aarzuu-nigaahii me.n
farsh se arsh tak jhalak uTThe
ek dhokaa..... saraab..... ma.nb-e-nuur.....!
ras-bhare ho.nT dekh kar 'taasiir'
raat din ke thake hu.e raahii
yuu.n taraste hai.n, yuu.n larazte hai.n.....!

Mohammad Deen Taseer

Nazm

mataa-e-sher

sanam-kada vo mohabbat kaa us kii devii bhii
mai.n us ko husn likhuu.n husn kii kitaab likhuu.n
ka.nval taraashuu.n ki chehre ko ik gulaab likhuu.n
shabiih-e-fikr likhuu.n paikar-e-KHayaal likhuu.n
mataa.a-e-sher likhuu.n sher kaa jamaal likhuu.n
suluuk lahje kaa us ke ki jaise amrit-ras
vo jaa.n-farebii-e-iz.haar-e-dil-navaaz-e-suKHan
jabii.n pe vus.at-e-qalb-o-nazar kii tahriire.n
hadiis-e-mehr-o-vafaa kii hasiin tafsiire.n
Guruur-e-ishq un aa.nkho.n kaa ehtiraam kare
vo aasmaa.n hai zamii.n us se kyaa kalaam kare

Muslim Shameem

Nazm

shikast

KHud-farebii-e-musalsal kaa tilism
aaj kyo.n Tuut rahaa hai aaKHir

Abrar Azmi

Nazm

basant ki aamad

pattharo.n me.n josh-e-taasiir-e-numuu paidaa hu.aa
har rag-e-afsurda me.n taaza lahuu paidaa hu.aa

Mela Ram Wafa

Nazm

dua

zindagii sham' kii suurat ho KHudaayaa merii
maa.ngtaa thaa ye du'aa
shaam-o-sahar bachpan me.n
jaane kyaa roz thaa kyaa vaqt thaa kyaa lamha thaa
dar-e-taasiir khulaa thaa
ki KHudaa 'arsh-e-barii.n se
chalaa aaya thaa zamii.n par
nuur ik chamkaa kuchh aisaa ki mire siine me.n
aag sii ek lagii
aur phir ba.Dhtii rahii rag rag me.n
aur ab haal ye hai
jism kaa ko.ii bhii ang
aag se KHaalii nahii.n
na ko.ii phuu.nk na tuufaa.n
aag phailii hii chalii jaatii hai
mai.n pighaltaa hii chalaa jaataa huu.n

Badnam Nazar

Nazm

KHwab ke panw nahin hote hain

zindagii reshmii.n qaaliin nahii.n hotii
KHvaab ke paa.nv bhii hote hai.n kahaa.n
aur tamannaa.e.n bhii aa.nkhe.n nahii.n rakhtii.n
phir bhii
KHvaab chalte hai.n
bahut duur talak chalte hai.n
roz
naa-biinaa tamannaa.o.n kii unglii thaame
phir
kisii saa.at-e-naa-purs ke gumbad ke tale
dasht-e-taasiir kii be-gosh panaaho.n me.n kahii.n
jaane kis
jazba-e-maasuum kii mauhuum sii chiiKH
ghuT ke rah jaatii hai KHud apne guluu ke andar
sirf ik taaza lahuu kii KHushbuu
sard pur-aab fazaa.o.n me.n bikhar jaatii hai
sar se paa tak jab usii KHuu.n me.n nahaa jaate hai.n
KHvaab-e-naadiida thake paa.nv se lauT aate hai.n

Rafia Shabnam Abidi

Nazm

jagti aankhon ke KHwab

mai.n kyaa likkhuu.n
tumhaare vaaste
ai niim-jaan-o-soKHta-tan
vaadii-e-qatl-e-amaa.n ke baasiyo
mai.n kyaa likkhuu.n
ko.ii nauha tumhaare ruu-ba-ruu
sharminda-e-taasiir na hogaa
ko.ii harf-e-hikaayat
sabr kii tasviir na hogaa
yahii to jaagtii aa.nkho.n se tum ne KHvaab dekhe the
ki is banjar zamii.n par apne KHuu.n kii fasl Taa.nkoge
har ik manzar me.n amn-o-aashtii ke rang phailaa kar
har ik chehre ko nuur-e-itmiinaan-e-qalb baa.nToge
isii banjar zamii.n pe KHaak-o-KHuu.n me.n aaj Galtaa.n ho
to phir kyo.n sar-buriida shaaKH kii maanind be-jaa.n ho
ye honaa thaa to kyo.n phir is ke ho jaane pe hairaa.n ho
mire logo
tumhaarii band aa.nkhe.n
jaagtii aa.nkho.n ke KHvaabo.n kii
tumhe.n ta.abiir detii hai.n
isii banjar zamii.n me.n
qabr kii jaagiir detii hai.n

Aabid Jafri

Nazm

dilli ka purana qila

zamaane Dhal ga.e haalaat kii tahriir baaqii hai
puraane husn kii TuuTii hu.ii tasviir baaqii hai
na vo shamshiir baaqii hai na vo tauqiir baaqii hai
magar taariiKH me.n lipTii hu.ii ta.amiir baaqii hai
fazaa-e-hast ke raahii maqaam-e-buud par pahu.nche
nuquush-e-rahguzar me.n partav-e-rahgiir baaqii hai
jo shohrat aam thii pahle ga.ii sadiyo.n ke madfan me.n
magar aasaar me.n simTii hu.ii tash.hiir baaqii hai
baqaa ke KHvaab saare Dhal ga.e KHvaab-e-musalsal me.n
ye un KHvaabo.n kii pathraa.ii hu.ii ta.abiir baaqii hai
mazaaq-e-aam sarf-e-kam-nigaahii hai to rahne do
dil-e-shaa.ir kii aa.nkho.n me.n abhii tanviir baaqii hai
tilaa.ii nuqra.ii jazbaat ke saa.nche me.n Dhalne ko
rag-e-taKH.iil par ik nashtar-e-taasiir baaqii hai
ye buniyaado.n kii gahraa.ii ye diivaaro.n kii bebaakii
jahaa.n tamhiid qaa.em hai vahii.n ta.amiir baaqii hai
ye mazbuutii kii a.ng.Daa.ii ye bal khaatii fasiil-e-sang
vahii ik aahanii fitrat vahii zanjiir baaqii hai
kamii.n-gaaho.n kii peshaanii kanakhiyo.n se murassaa hai
tahaffuz kii ka.Dii aa.nkho.n kii kuchh taasiir baaqii hai
ye be-tartiib patthar jhaa.Diyaa.n khaDDe ye hariyaalii
kahii.n aaGosh-e-fitrat hai kahii.n ta.amiir baaqii hai
sarishk-e-yaad naa-mumkin sahii duniyaa kii aa.nkho.n me.n
zabaan-e-haal par ik aalam-e-taqdiir baaqii hai
ye KHalvat-zaar ruumaano.n se vaabasta rahe yaa-rab
ki tadbiiro.n kii gardan par abhii taqdiir baaqii hai

Ram Parkash Rahi

Nazm

tamanna ka dusra qadam

KHud se kahtaa huu.n
tujhe ma.aluum hai
ye kaam socho.n ke parindo.n kaa nahii.n
taKH.iil kaa hai
jo parinda Gaib kii is jhiil kaa hai
jis me.n sab naa-diidgaa.n ke
aks bante raqs karte hai.n
inhii naa-diidgaa.n me.n
vaqt aur naa-vaqt ke maa-bain kaa
vo faasla aur vo KHalaa aur vo ghanerii KHaamushii
bhii ho to kyaa ma.aluum
bahte aks un ke taa.ir-e-taKH.iil ke shahpar se lipTe saath aa jaa.e.n
ye gahre bhed mere haath aa jaa.e.n

Daniyal Tareer

Nazm

kahan

kahaa.n jaa rahe ho
siyah raushnii kii
chakaa-chau.nd dhaaraa ke duuje kinaare pe
andhaa ku.aa.n ik qadam faasla
kahaa.n jii rahe ho
khulii aa.nkh ke dil-nashii.n KHvaab kii
ek tasviir me.n
jis kii ta.abiir azalo.n se ma.aduum hai
kahaa.n ha.ns rahe ho
pas-e-qahqaha
audible range se bhii bahut duur niiche
karaaho.n kii lahre.n fanaa ho rahii hai.n
kahaa.n dekhte ho
sitaaro.n ke piichhe na.ii kahkashaa.e.n
jahaa.n pe tajaazub bhii is paar jaisaa
repulsion bhii jo ki yahaa.n bhogte ho
kahaa.n jaa rahe ho

Parveen Tahir

Nazm

safar nadiya ke pani ko wadiat hai

mirii omaa chalii aa.o
puraanii riit sadiyo.n kii
nadii saagar se miltii hai
sadaa miltii rahegii
mirii azmat mirii vus.at
ki jis par naaz thaa mujh ko
vo bas ik iltibaas-e-vaqt thaa
ab to mire paanii me.n gad-laahaT hai
mire zaa.iqe me.n khaare-pan kii
kaaT hai aisii
ki sairaabii kisii bhii tishna-lab kii ho nahii.n saktii
faqat tuu hii to paakiiza
tire bahte hu.e paanii me.n vo taasiir hai
jo saat qulzum kii kasaafat ko miTaa Daale
mirii omaa zamaana jhuuT hai
lekin to sachchaa.ii
ye rishte aa.nkh kaa dhokaa
magar tuu chashm-e-biinaa aur biinaa.ii

Parveen Tahir

Nazm

lab par nam kisi ka bhi ho

lab par naam kisii kaa bhii ho, dil me.n teraa naqshaa hai
ai tasviir banaane vaalii jab se tujh ko dekhaa hai

Ibn۔e۔Insha

Nazm

diwar se guftugu

kahii.n aur aap kii jaan kyuu.n
ye to silsile hai.n usii fareb-e-KHayaal ke

Mahboob Khizan

Nazm

zindagi

yaa fareb-e-husn fitna-juu hai yaa
saadgii-e-‘aashiqaa.n hai zindagii

Betab Amrohvi

Nazm

bhagwan krishn ki taswir dekh kar

mujhe tere tasavvur se KHushii mahsuus hotii hai
dil-e-murda me.n bhii kuchh zindagii mahsuus hotii hai
ye taaro.n kii chamak me.n hai na phuulo.n hii kii KHushbuu me.n
tirii tasviir me.n jo dilkashii mahsuus hotii hai
tujhe mai.n aaj tak masruuf-e-dars-o-va.az paataa huu.n
tirii hastii mukammal aagahii mahsuus hotii hai
ye kyaa mumkin nahii.n tuu aa ke KHud ab is kaa darmaa.n kar
fazaa-e-dahr me.n kuchh barhamii mahsuus hotii hai
ujaalaa saa ujaalaa hai tirii sham-e-hidaayat kaa
shab-e-tiira me.n bhii ik raushnii mahsuus hotii hai
mai.n aa.uu.n bhii to kyaa mu.nh le ke aa.uu.n saamne tere
KHud apne-aap se sharmindagii mahsuus hotii hai
taKHayyul me.n tire nazdiik jab mai.n KHud ko paataa huu.n
mujhe us vaqt ik-tarfa KHushii mahsuus hotii hai
tuu hii jaane kahaa.n le aa.ii mujh ko aarzuu terii
ye manzil ab saraapaa be-KHudii mahsuus hotii hai
'ka.nval' jis vaqt kho jaataa huu.n mai.n us ke tasavvur me.n
mujhe to zindagii hii zindagii mahsuus hotii hai

Kanval M. A

Nazm

nazar

nazar nazar kaa fareb har suu
uThe to sahraa pe phail jaa.e
jhuke to ik gahrii jhiil
baadal-sifat ye barkhaa kii ek rim-jhim
jo pyaar ho to ye chaa.ndnii hai
nazar nazar kaa fareb
lekin nazar haqiiqat
nazar jhapakne me.n taKHt-e-bilqiis saamne ho
nazar ke jaaduu se jism patthar
nazar ke pur-taab nuur se koh-e-tuur-e-siinaa bhii reza reza
nazar nazar kaa fareb
lekin nazar haqiiqat
mire hii taar-e-nazar se
dhartii pe surma.ii chhat tanii hu.ii hai

Ejaz Farooqi

Nazm

harf

vaadii vaadii sahraa sahraa phirtaa rahaa mai.n diivaana
koh milaa
to dariyaa ban kar us kaa siina chiir ke guzraa
sahraa.o.n kii tund havaa.o.n me.n laala ban kar jaltaa rahaa
dhartii kii aaGosh milii
to paudaa ban kar phuuTaa
jab aakaash se nazre.n milii.n
to taa.ir ban ke u.Daa
Gaaro.n ke a.ndhiyaaro.n me.n mai.n chaa.nd banaa
aur aakaash pe suuraj ban kar chamkaa
phir bhii mai.n diivaana rahaa
apne sapno.n KHvaabo.n kii ulTii siidhii tasviir banaa.ii
Te.Dhii me.Dhii lakiire.n khii.nchii.n
lekin jab ik harf milaa
goyaa nuur kii kirne.n mere do ho.nTo.n me.n simaT aa.ii hai.n
mai.n ye charaaG-e-alaa-dii.n le kar
Gaaro.n ke a.ndhiyaaro.n me.n kho.e hu.e motii Dhuu.nD rahaa huu.n

Ejaz Farooqi

Nazm

tahzib

ye aabaa kii aqdaar kaa ik muraqqaa
jise vaqt kii ek yalGaar-e-paiham miTaatii rahii
aur mire jadd-o-ab
is me.n bad-zeb se rang bharte rahe
ab ye bad-zeb bad-rang naqsho.n kii bho.nDii sii tasviir mujh ko milii hai
mujhe ye sikhaayaa gayaa hai
ise apnii aa.nkho.n pe rakhuu.n
yahii ziinat hajla-e-ziist hogii
mire pe.D ko abr kii nannhii nannhii phuvaaro.n ne baaliidgii dii
sunahre ziyaa-paash suuraj kii kirno.n ne shaaKHo.n ko chhuu kar tavaanaa.ii baKHshii
kahii.n duur an-dekhe an-jaane jaziiro.n se aa kar sabaa ne shaguufo.n ke band-e-qabaa khol Daale
ki ye baaryaab-e-tamannaa ho
lekin ye saathii ye diimak
ja.De.n chaaTtaa hai

Ejaz Farooqi

Nazm

bhopal tal ke nam

ai ba.De taalaab
ai aabii zaKHiire ke amii.n
tere is shaffaaf paanii me.n ye kyaa taasiir hai
kyo.n Thahar jaataa hai rahrau dekh kar teraa jamaal
kyo.n paka.D lete hai.n qadmo.n ko tire ye sabza-zaar
aab-e-larziida me.n tere kyaa likhaa hai ye bataa
jis kaa ik ik harf pa.Dhne me.n guzar jaatii hai 'umr
phir bhii khultaa hii nahii.n hai raaz tere husn kaa
phir bhii jaataa hii nahii.n hai teraa ye aabii tilism
ai ba.De taalaab ai aabii zaKHiire ke amii.n
kitnii sadiyo.n kii tamaazat tere is paanii me.n hai
kitne mausam karvaTe.n lete hai.n lahro.n me.n tirii
kitnii tahziibo.n ke zaamin hai.n tire ye murG-zaar

Zia Faooqui

Nazm

aaj ke munafiq

ye KHvaahisho.n ke pujaarii ye maslahat ke Gulaam
fareb-o-makr ke qisse munaafiqat ke naam

Nasira Zuberi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now