Search result for "fitrat-e-hastii" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "fitrat-e-hastii"

Nazm MATCHES FOR "fitrat-e-hastii"

Nazm

meri main jashn-e-shab-e-munawwar

sukuut-e-shab me.n fazaa bhii juzv-e-sukuut-e-shab ho ga.ii hai 'fitrat'
mah-e-daraKHshaa.n faqat Gazal merii zer-e-lab gungunaa rahaa hai
mai.n aaj ghar par na ruk sakuu.ngaa
hasiin sarmaa kaa chaa.nd ishaaro.n se dekh mujh ko bulaa rahaa hai

Abdul Aziz Fitrat

Nazm

mohabbat

mohabbat KHaaliq-e-har-do-jahaa.n hai
mohabbat diin-e-fitrat kii zabaa.n hai
mohabbat jazba-e-sidq-o-yaqii.n hai
mohabbat hii mohabbat kii amii.n hai
mohabbat taalib-e-husn-o-javaanii
mohabbat phuul kaa.nTo.n kii kahaanii
mohabbat shaahid-e-vahdaaniyat hai
mohabbat jazba-e-insaaniyat hai
mohabbat harf-e-shiirii.n kii amaanat
mohabbat jazba-e-dil kii sadaaqat
mohabbat jism bhii hai jaan bhii hai
mohabbat fitrat-e-insaan bhii hai
kahaa jis ko farishto.n ne 'ibaadat
mohabbat hai mohabbat hai mohabbat
mohabbat dushman-e-rahbaaniyat hai
mohabbat kalma-e-insaaniyat hai
mohabbat rahnumaa-e-aadmii hai
mohabbat soz-o-saaz-e-zindagii hai
mohabbat 'ishq kaa tuufaan bhii hai
mohabbat husn kaa iimaan bhii hai
mohabbat falsafa hai dostii kaa
mohabbat me.n sabaq hai zindagii kaa
mohabbat faateh-o-maftuuh bhii hai
mohabbat haamid-o-mamduuh bhii hai
mohabbat hai yaqiin-e-kaamraanii
mohabbat daar kii bhii hai kahaanii
mohabbat diin-o-duniyaa kii talab hai
mohabbat fikr hai 'ilm-o-adab hai
mohabbat tarz bhii andaaz bhii hai
mohabbat saaz bhii aavaaz bhii hai
mohabbat jaa.n-nisaaro.n kii KHushii hai
mohabbat husn kii zinda-dilii hai
mohabbat kaa nahii.n hai ek pahluu
mohabbat par na paayaa dil ne qaabuu
mohabbat naGma-e-roz-e-azal hai
mohabbat qaazii-e-shahr-e-'amal hai
mohabbat dard hai diivaangii hai
mohabbat farz hai mardaangii hai
mohabbat imtihaan-e-zindagii hai
mohabbat devtaa kii muurtii hai
mohabbat rahmato.n kii daastaa.n hai
mohabbat mard-e-momin kii azaa.n hai
mohabbat raunaq-e-duniyaa-o-dii.n hai
mohabbat chaa.nd suuraj kii zamii.n hai
mohabbat gul bhii hai aur gulsitaa.n bhii
mohabbat KHaarzaaro.n kii zabaa.n bhii
mohabbat daa'vat-e-ranj-o-alam bhii
mohabbat hai naved-e-fikr-o-Gam bhii
mohabbat valvalo.n kii intihaa bhii
bu.Dhaape me.n javaanii kii sadaa bhii
mohabbat hii KHushii kaa raasta hai
mohabbat hii me.n duniyaa kaa bhalaa hai
mohabbat qissa-e-jaam-o-subuu hai
mohabbat zindagii kii justujuu hai
mohabbat aadam-o-havvaa ne kii hai
mohabbat ruuh kii paakiizgii hai
mohabbat chain hai sabr-o-sukuu.n hai
mohabbat raahat-e-ahl-e-junuu.n hai
mohabbat se hai raunaq mahfilo.n kii
mohabbat kab KHataa hai thu.D-dilo.n kii
mohabbat har saliiqe kaa nishaa.n hai
mohabbat har nafas kii daastaa.n hai
mohabbat maa'nii-e-husn-e-suKHan hai
mohabbat allah vaalo.n kaa chalan hai
mohabbat saahab-e-'ilm-ul-yaqii.n bhii
mohabbat ruuh bhii ruuh-ul-amii.n bhii
mohabbat 'ishq hai zarb-e-KHudii hai
mohabbat zulfiqaar-e-haidarii hai
mohabbat bhed khole aarzuu ke
mohabbat zindagii ke Gam sameTe
mohabbat nafsiyaatii uljhano.n se
varaq ulTe sadaaqat ke junuu.n ke
mohabbat hai 'ilaaj-e-zabt-e-insaa.n
mohabbat imtihaan-e-zabt-e-insaa.n
mohabbat kii alag sab se hai bolii
mohabbat kii girah fitrat ne kholii
mohabbat saahib-e-fikr-o-nazar hai
mohabbat me.n raqaabat kaa bhii Dar hai
mohabbat do-jahaa.n me.n surKH-ruu bhii
mohabbat gul mohabbat rang-o-buu bhii
mohabbat maahtaabo.n se banii hai
mohabbat inqilaabo.n se banii hai
mohabbat kaa nasha hai sab se behtar
mohabbat paara-e-tasniim-o-kausar
mohabbat sho'la hai sho’la-numaa hai
mohabbat hii haqiiqat me.n KHudaa hai

Abul Fitrat Meer Zaidi

Nazm

bhakkar

bhakkar ke baazaar ko dekhaa
sahraa me.n gulzaar ko dekhaa
majbuuro.n ke peT ko dekhaa
qaa.id-e-aazam gate ko dekhaa
kyaa samjhe kyaa jaane dekhaa
sab ko siina taane dekhaa
shalvaaro.n se 'aarii dekhaa
tah-bando.n ko jaarii dekhaa
kaliyo.n ko sharmaate dekhaa
khul kar Dholaa gaate dekhaa
hotel vaale 'arsh pe dekhe
hotel saare farsh pe dekhe
gaahak aur byopaarii dekhe
duble dekhe bhaarii dekhe
saaf aur phaile phaile dekhe
kap.De maile maile dekhe
la.Dke chhail-chhabiile dekhe
har-suu ret ke Tiile dekhe
TuuTe phuuTe naale dekhe
muKHlis taa.nge vaale dekhe
bastii rastii bastii dekhii
mulko.n kii bhii hastii dekhii
galii galii dil-afzaa dekhii
thal vaalo.n kii duniyaa dekhii
mazduuro.n kii mahfil dekhii
duur se kap.De kii mil dekhii
begam dekhii baa.ndii dekhii
dhan vaalo.n kii chaa.ndii dekhii
daulat 'izzat vaalii dekhii
jeb Gariib kii KHaalii dekhii
rahm ke taalib bande dekhe
zardaaro.n ke phande dekhe
'ilm-o-adab ke paale dekhe
shohrat ke matvaale dekhe
shaa'ir she'r sunaate dekhe
saame' sardii khaate dekhe
dil ba.Dhte dil ghaTte dekhe
murG baTere baTte dekhe
haal me.n do.ng.Daa pa.Dte dekhe
bhuuke sher ko la.Dte dekhe
ik tasviir niraalii dekhii
daane bhuunne vaalii dekhii
sho'la dekhaa shabnam dekhii
phuulo.n me.n KHushbuu kam dekhii
duniyaa aa.nkhe.n malte dekhii
vaqt kii chakkii chalte dekhii
naasuuro.n ko riste dekhaa
insaano.n ko piste dekhaa
kuchh shatranj kii baazii dekhii
kuchh mehmaan-navaazii dekhii

Abul Fitrat Meer Zaidi

Nazm

bhagwan krishn ki taswir dekh kar

mujhe tere tasavvur se KHushii mahsuus hotii hai
dil-e-murda me.n bhii kuchh zindagii mahsuus hotii hai
ye taaro.n kii chamak me.n hai na phuulo.n hii kii KHushbuu me.n
tirii tasviir me.n jo dilkashii mahsuus hotii hai
tujhe mai.n aaj tak masruuf-e-dars-o-va.az paataa huu.n
tirii hastii mukammal aagahii mahsuus hotii hai
ye kyaa mumkin nahii.n tuu aa ke KHud ab is kaa darmaa.n kar
fazaa-e-dahr me.n kuchh barhamii mahsuus hotii hai
ujaalaa saa ujaalaa hai tirii sham-e-hidaayat kaa
shab-e-tiira me.n bhii ik raushnii mahsuus hotii hai
mai.n aa.uu.n bhii to kyaa mu.nh le ke aa.uu.n saamne tere
KHud apne-aap se sharmindagii mahsuus hotii hai
taKHayyul me.n tire nazdiik jab mai.n KHud ko paataa huu.n
mujhe us vaqt ik-tarfa KHushii mahsuus hotii hai
tuu hii jaane kahaa.n le aa.ii mujh ko aarzuu terii
ye manzil ab saraapaa be-KHudii mahsuus hotii hai
'ka.nval' jis vaqt kho jaataa huu.n mai.n us ke tasavvur me.n
mujhe to zindagii hii zindagii mahsuus hotii hai

Kanval M. A

Nazm

mushahidat

ho ga.ii.n viiraan irfaan-o-yaqii.n kii jannate.n
KHuld-zaar-e-hind ko dozaKH-nishaa.n paataa huu.n mai.n
fitrat-e-hastii ko.ii sahraa-e-nau iijaad kar
vus.at-e-aalam ba-qadr-e-yak-fuGaa.n paataa huu.n mai.n
chal gayaa fikr-o-nazar par maaddiyyat kaa fareb
aadmii ko maut kii jaanib ravaa.n paataa huu.n mai.n
raahzan pahne hu.e hai.n ab libaas-e-rahbarii
nuur ke saa.e me.n zulmat ko javaa.n paataa huu.n mai.n
marhabaa ai aatish-e-dil aafrii.n ai soz-e-ishq
har-nafas me.n ik hayaat-e-jaavidaa.n paataa huu.n mai.n
baatin-e-zulmat me.n hai.n suuraj kii kirne.n be-qaraar
raat ko hangaama-pairaa-e-sahar paataa huu.n mai.n
faash kar detaa hai ik naGma muGannii kaa maqaam
aa.ine me.n jauhar-e-aa.iina-gar paataa huu.n mai.n
rang-mahlo.n me.n Gazal-KHvaa.n hai.n amiiraan-e-kibaar
KHaak par faaqa-kasho.n ko nauhagar paataa huu.n mai.n
ko.ii chaa.ndii kaa pujaarii ko.ii sone kaa Gulaam
aadamiyyat ko asiir-e-siim-o-zar paataa huu.n mai.n
talKH thii mere liye kal tak sharaab-e-zindagii
ab sharaab-e-zindagii ko talKH-tar paataa huu.n mai.n

Afsar Seemabi Ahmad Nagari

Nazm

inqalab-e-hind

baarhaa dekhaa hai tuu ne aasmaa.n kaa inqalaab
khol aa.nkh aur dekh ab hindostaa.n kaa inqalaab
maGrib o mashriq nazar aane lage zer-o-zabar
inqalaab-e-hind hai saare jahaa.n kaa inqalaab
kar rahaa hai qasr-e-aazaadii kii buniyaad ustuvaar
fitrat-e-tifl-o-zan-o-piir-o-javaa.n kaa inqalaab
sabr vaale chhaa rahe hai.n jabr kii aqliim par
ho gayaa farsuuda shamshiir-o-sinaa.n kaa inqalaab

Zafar Ali Khan

Nazm

punjab

mai.n na maanuu.ngaa kuduurat fitrat-e-punjab hai
meraa na.ara hai mohabbat fitrat-e-punjab hai

Arsh Malsiyani

Nazm

gandhi

vo ba-ra.ng-e-aa.iina saaf-dil vo faroG-e-fitrat-e-aab-o-gil
ki jihaad-e-nafs ne mustaqil use aur husn-e-jilaa diyaa

Iqbal Sohail

Nazm

kali-das

tuyuur-o-vahshii-o-insaan-o-fitrat-e-ra.ngii.n
tire kalaam me.n yaksaa.n hai sab se pyaar tiraa

JaiKrishn Chaudhry Habeeb

Nazm

tere jamal ki doshizgi ki qaus-e-quzah

kashaakash-e-Gam-e-hastii mujhe ijaazat de
ku.nvaare-pan kii hathelii pe teraa naam likhuu.n

Aleem Saba Navedi

Nazm

hum log

zamiir-e-fitrat-e-insaaniyat ko chau.nkaa kar
uruuj-e-qismat-e-aadam dikhaa.e.nge ham log

Azmat Abdul Qayyum Khan

Nazm

golkunDa ke sae mein

golkunDaa husn-e-tahziib-o-tamaddun kaa dayaar
azmat-e-afsaana-e-hastii kii zinda yaadgaar

Khurshid Ahmad Jami

Nazm

yaad

mirii nazro.n se ojhal ab maqaam-e-johd-e-hastii hai
na vo ehsaas-e-ishrat hai, na vo anjum-parastii hai
akelaa jaan kar mujh ko mirii tanhaa.ii Dastii hai

Shaukat Pardesi

Nazm

taj-mahal

kyaa KHabar tujh ko javaa.n ho ke tiraa taaj-mahal
raunaq-e-mahfil-e-hastii ko do-baalaa kar de
aaj sunsaan a.ndhero.n me.n jise Dhaale.n ham
kal vahii saare zamaane me.n ujaalaa kar de

Ustad Rampuri

Nazm

man

tiraa maqruuz huu.n mai.n zindagii ab terii KHaatir hai
jo kal guzraa vo aa.nsuu thaa use aa.nkho.n se Tapkaa de
naved-e-sub.h-e-hastii huu.n mire maathe pe bosa de
tiraa maqruuz huu.n mai.n

Rana Sahri

Nazm

shishon ka masiha koi nahin

is kaar-gah-e-hastii me.n jahaa.n
ye saaGar shiishe Dhalte hai.n
har shai kaa badal mil saktaa hai
sab daaman pur ho sakte hai.n

Faiz Ahmad Faiz

Nazm

logo ai logo

samundar jo phailaa hai har chaar-jaanib ufuq se ufuq tak
samundar jo hai aa.iina-daar-e-hastii gihaad-e-musalsal kashaakash

Akhtarul Iman

Nazm

holi khelne ki farmaish par

mast ho kar mai.n piyuu.n jaam-e-sharaab-e-hastii
hama-tan baada-e-ishrat ke nashe me.n jhuumuu.n

kanval Dibaivi

Nazm

dur ki aawaz

jaane is kaar-gaah-e-hastii me.n
us ko vo devtaa milaa ki nahii.n
merii kaliyo.n kaa KHuun pii kar bhii
us kaa apnaa ka.nval khilaa ki nahii.n

Mustafa Zaidi

Nazm

ek lamha

mai.n ek lamha huu.n KHaamushii kaa
mai.n ek lamha huu.n zindagii kaa
mai.n ek lamha
bas ek lamha
kha.Daa huu.n tanhaa
na jaane kab se
jamaal-e-hastii kaa nuur ban kar
kamaal-e-hastii kaa nuur le kar

Noor Dehlvi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now