Search result for "gad.he" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "gad.he"

Nazm MATCHES FOR "gad.he"

Nazm

banjara-nama

kyaa saKHt makaa.n banvaataa hai KHam tere tan kaa hai polaa
tuu uu.nche coat uThaataa hai vaa.n gor ga.Dhe ne mu.nh kholaa
kyaa renii KHandaq rand ba.De kyaa brij ka.nguuraa anmolaa
ga.D.h coat rahakla top qila kyaa shiisha daaruu aur golaa
sab ThaaTh pa.Daa rah jaavegaa jab laad chalegaa banjaaraa

Nazeer Akbarabadi

Nazm

mushir

chiin apnaa yaar hai
us pe jaa.n-nisaar hai
par vahaa.n hai jo nizaam
us taraf na jaa.iyo
us ko duur se salaam
das karo.D ye gad.he
jin kaa naam hai avaam
kyaa bane.nge hukmaraa.n
tuu ''yaqii.n'' hai ye ''gumaa.n''
apnii to du.aa hai ye
sadr tuu rahe sadaa
mai.n ne us se ye kahaa

Habib Jalib

Nazm

sharab

magar khulii fazaa me.n bhii kabhii ga.Dhe kabhii sitaada pe.D kah rahe hai.n dekhiye
ye guftuguu fuzuul hai
fuzuul hai
nigaah dekhtii hai taaq me.n rakhii hai.n chand botale.n
chalo chale.n
jo god maa.n kii thii vo maa.n kii god thii
vahaa.n har ek baat jo fuzuul thii vo ek bhuul thii
nigaah dekhtii hai taaq me.n rakhii hai.n chand botale.n
chalo chale.n
bahan ye kah rahii thii ab to aap ghar basaa hii le.n
mai.n sochtaa thaa kis kaa ghar hamaaraa ghar tumhaaraa ghar
aur us pe bhaa.ii bol uThaa fuzuul hai ye guftuguu fuzuul hai
nigaah dekhtii hai taaq me.n rakhii hai.n chand botale.n

Meeraji

Nazm

diwar

mai.n ik devtaa-e-anaa
nargisiyyat kaa maaraa hu.aa
aur azal se takabbur me.n Duubaa hu.aa
kaafii KHud-sar huu.n
ziddii huu.n maGruur huu.n
mere chaaro.n taraf merii andhii anaa kii vo diivaar hai
jis me.n aane kii aur mujh se milne kii ghulne kii ko.ii ijaazat kisii ko nahii.n hai
tumhe.n bhii nahii.n hai
use bhii nahii.n hai
mujhe bhii nahii.n hai
mai.n apnii anaa kii diivaaro.n me.n tum se alag ho rahuu.n
mujh pe sajtaa bhii hai ye
mai.n shaa.ir huu.n jo ki fauulun fauulun se bahr-e-ramal tak
har ik naGmagii kaa mukammal KHudaa huu.n
mai.n lafzo.n kaa aaqaa
taKHayyul kaa KHaaliq
mai.n saare zamaane se yaksar judaa huu.n
mujhe zeb detaa hai mai.n apnii diivaar me.n is tarah se muqayyad rahuu.n
yuu.nhii sayyad rahuu.n
mujh pe sajtaa hai ye
.
par jo kal shab tire shabnamii se tabassum me.n lipTii hu.ii
ik nazar be-niyaazii se mujh par pa.Dii
terii pahlii nazar se mirii jaan-e-jaa.n
merii diivaar me.n ik ga.Dhaa par pa.D gayaa
aur ye hii nahii.n mujh pe vo hii nazar
jab dobaara dobaara dobaara pa.Dii
merii diivaar me.n zalzale aa ga.e
aur raKHne shagaafo.n me.n Dhalne lage
mere andar talaatum vo aatish-fishaa.n
vo baguule vo tuufaa.n vo mahshar bapaa thaa
ki mai.n vo ki jis ke tahammul kii hikmat kii
fahm-o-lataafat kii tamsiil shaayad kahii.n bhii nahii.n thii
sulagne lagaa
apnii hiddat se KHud hii pighalne lagaa
tujh se kahnaa thaa ye ki mirii jaan-e-jaa.n
har sitaare kii apnii kashish hogii lekin
KHalaa.o.n me.n murda sitaaro.n kii qismat
vo hawking kii theory ke kaale ga.Dhe
vo vahii vo ki jin me.n hai itnii kashish ki makaa.n to makaa.n
vo zamaa.n ko bhii apne lapeTe me.n le le.n
vo hawking kii theory ke kaale ga.Dho.n kii gravity bhii
terii a.nkho.n kii gahrii kashish ke muqaabil me.n kuchh bhii nahii.n
aur ye to faqat ek diivaar thii
is ko girnaa hii thaa
terii nazro.n se haarii hai bikhrii pa.Dii hai
ki diivaar kaa reza-reza tirii ik nazar se mirii jaan
uj.Daa pa.Daa hai
mai.n jo devtaa-e-anaa nargisiyyat kaa maaraa hu.aa vo jo KHud-sar thaa
ziddii thaa maGruur thaa
jo fauulun fauulun se bahr-e-ramal tak har ik naGmagii kaa mukammal KHudaa thaa
tirii ik nazar se anaa.o.n ke arsh-e-mua.allaa se siidhaa tire paa.nv me.n aa ke
bikhraa pa.Daa hai

Sohaib Mugheera Siddiqi

Nazm

KHushamad

dil KHushaamad se har ik shaKHs kaa kyaa raazii hai
aadmii jin parii o bhuut balaa raazii hai
bhaa.ii farzand bhii KHush baap chachaa raazii hai
shaad masruur Ganii shaah o gadaa raazii hai
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
apnaa matlab ho to matlab kii KHushaamad kiije
aur na ho kaam to us Dhab kii KHushaamad kiije
auliyaa ambiyaa aur rab kii KHushaamad kiije
apne maqduur Garaz sab kii KHushaamad kiije
jo KHushaamad kare KHalq us se sadaa raazii hai
haq to ye hai kii KHushaamad se KHudaa raazii hai
chaar din jis ko kiyaa jhuk ke KHushaamad se salaam
vo bhii KHush ho gayaa apnaa bhii hu.aa kaam me.n kaam
ba.De aaqil ba.De daanaa ne nikaalaa hai ye daam
KHuub dekhaa to KHushaamad hii kii aamad hai tamaam
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
bad baKHiil aur saKHii kii bhii KHushaamad kiije
aur jo shaitaan ho to us kii bhii KHushaamad kiije
gar valii ho to valii kii bhii KHushaamad kiije
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
pyaar se jo.D diye jis kii taraf haath jo aah
vahii.n KHush ho gayaa karte hii vo haatho.n pe nigaah
Gaur se ham ne jo is baat ko dekhaa vallaah
kuchh KHushaamad hii ba.Dii chiiz hai allaah allaah
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii
piine aur pahan.ne khaane kii KHushaamad kiije
hiij.De bhaa.nD zanaane kii KHushaamad kiije
mast o hushiyaar divaane kii KHushaamad kiije
bhole naadaan siyaane kii KHushaamad kiije
jau KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
aish karte hai.n vahii jin kaa KHushaamad kaa mizaaj
jo nahii.n karte vo rahte hai.n hamesha mohtaaj
haath aataa hai KHushaamad se makaa.n mulk aur taaj
kyaa hii taasiir kii is nusKHe ne paa.ii hai rivaaj
jo KHushaamad kare KHalq us se sadaa raazii hai
haq to ye ki KHushaamad se KHudaa raazii hai
gar bhalaa ho to bhale kii bhii KHushaamad kiije
aur buraa ho to bure kii bhii KHushaamad kiije
paak naapaak si.De kii bhii KHushaamad kiije
kutte billii o gad.he kii bhii KHushaamad kiije
jo KHushaamad kare KHalq us se sadaa raazii hai
haq to ye ki KHushaamad se KHudaa raazii hai
KHuub dekhaa to KHushaamad kii ba.Dii khetii hai
Gair kii apne hii ghar biich ye sukh detii hai
maa.n KHushaamad ke sabab chhaatii lagaa letii hai
naanii daadii bhii KHushaamad se du.aa detii hai
jo KHushaamad kare KHalq us se sadaa raazii hai
haq to ye ki KHushaamad se KHudaa raazii hai
bii-bii kahtii hai miyaa.n aa tire sadqe jaa.uu.n
saas bole kahii.n mat jaa tire sadqe jaa.uu.n
KHaala kahtii hai ki kuchh khaa tire sadqe jaa.uu.n
saalii kahtii hai ki bhayyaa tire sadqe jaa.uu.n
jo KHushaamad kare KHalq us se sadaa raazii hai
haq to ye ki KHushaamad se KHudaa raazii hai
aa pa.Daa hai jo KHushaamad se sarokaar use
Dhuu.nDte phirte hai.n ulfat ke KHariidaar use
aashnaa milte hai.n aur chaahe hai.n sab yaar use
apne begaane Garaz karte hai.n sab pyaar use
jo KHushaamad kare KHalq us se sadaa raazii hai
haq to ye ki KHushaamad se KHudaa raazii hai
ruukhii aur roGnii aabii ko KHushaamad kiije
naan-baa.ii o kabaabii kii KHushaamad kiije
saaqii o jaam sharaabii kii KHushaamad kiije
paarsaa rind KHaraabii kii KHushaamad kiije
jo KHushaamad kare KHalq us se sadaa araazii hai
haq to ye hai ki KHushaamad se KHudaa raazii hai
jo ki karte hai.n KHushaamad vo ba.De hai.n insaa.n
jo nahii.n karte vo rahte hai.n hamesha hairaa.n
haath aate hai.n KHushaamad se hazaaro.n saamaa.n
jis ne ye baat nikaalii hai mai.n us ke qurbaa.n
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
kau.Dii paise o Take zar kii KHushaamad kiije
la.al o niilam dar o gauhar kii KHushaamad kiije
aur jo patthar ho to patthar kii KHushaamad kiije
nek o bad jitne hai.n yak-sar kii KHushaamad kiije
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
ham ne har dil kii KHushaamad kii mohabbat dekhii
pyaar iKHlaas o karam mehr muravvat dekhii
dilbaro.n me.n bhii KHushaamad hii kii ulfat dekhii
aashiqo.n mai.n bhii KHushaamad hii kii chaahat dekhii
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
paarsaa piir hai zaahid hai manaa jaatii hai
juvaariyaa chor daGaabaaz KHaraabaatii hai
maah se maahii talak chyuu.nTii hai yaa haathii hai
ye KHushaamad to miyaa.n sab ke ta.ii.n bhaatii hai
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
gar na miiThii ho to ka.Dvii bhii KHushaamad kiije
kuchh na ho paas to KHaalii bhii KHushaamad kiije
jaanii dushman ho to us kii KHushaamad kiije
sach agar puuchho to jhuuTii bhii KHushaamad kiije
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai
mard o zan tifl o javaa.n KHurd o kalaa.n piir o faqiir
jitne aalam me.n hai.n mohtaaj o gadaa shaah vaziir
sab ke dil hote hai.n phande me.n KHushaamad ke asiir
to bhii vallaah ba.Dii baat ye kahtaa hai 'naziir'
jo KHushaamad kare KHalq us se sadaa raazii hai
haq to ye hai ki KHushaamad se KHudaa raazii hai

Nazeer Akbarabadi

Nazm

tum hanste kyun ho

kyaa ab raat aise hii
guzar jaa.egii
ye raat hii to hai
jo tahliil ho jaatii hai ek nuqte me.n
aur ghuumtii hai
mere gird kaale bhinbhinaate hu.e
bha.nvre kii tarah
vo mere kaano.n mirii aa.nkho.n
merii gardan aur mere ro.e.n ro.e.n me.n
bhinbhinaatii hai
merii baGlo.n ke baalo.n se ulajhtii hu.ii
mere jism ke kone khudro.n me.n
gudgudaatii hu.ii
ye raat mere uupar phail jaatii hai
achaanak
o.Dh letii hai mujhe
mere jism kii por por me.n
ek jal-tara.ng chhe.D detii hai
mai.n nii.nd me.n uThtii huu.n
miraa halq KHushk ho rahaa hai
paanii kaa ek gilaas ThanDaa yaKH
mere ho.nTo.n mere halq mere siine
ko tar kartaa hu.aa
mere jism kii jal-tara.ng me.n mil jaataa hai
mai.n darvaaze par dastak detii huu.n
tum sun rahe ho
raat kii jal-tara.ng mere jism se
phuuT rahii hai
darvaaza khultaa hai
mai.n tumhaare aadhe na.nge badan ko
daboch letii huu.n
tumhaarii naaf ke ga.Dhe me.n
naak kii nok ghuse.Dtii huu.n
tum muskuraa rahe ho
raat kii sharaarat mere jism par
phaile hu.e dekh kar
tum ha.nste
raat kono.n khudro.n me.n phail rahii hai
mai.n tumhaare kap.De utaar detii huu.n
aur vo khel kheltii huu.n
jo raat mere saath khel rahii thii
mai.n tumhaare jism ke gird
apnii zabaan apne daa.nto.n aur naaKHuno.n ke saath
bhinbhinaane lagtii huu.n
tum muskuraa rahe ho
tumhaarii muskuraahaT
mere jism kii poro.n ko aur khol rahii hai
mai.n zaKHmii kar detii huu.n tumhe.n
tum ha.ns rahe ho
raat ke paro.n pe savaar bha.nvre kii tarah
mujhe bhinbhinaate dekh kar
tumhaarii kushaada aa.nkho.n ke kone
phailne lagte hai.n
tumhaaraa jism aka.D jaataa hai
nahii.n aaj tum
tum khilkhilaate ho
mai.n tumhaare ak.De hu.e jism par
apnii khulii hu.ii poro.n ko rakh detii huu.n
tumhaaraa jism raat ke jhaag se bhar jaataa hai
tum ha.nste ho
ha.nste hii rahte ho

Azra Abbas

Nazm

dard ki aawaz

ba.De bhaa.ii ho sabaq to siikho
chaaro.n or hai.n chhoTe dekho
la.D la.D kar barbaad hai.n saare
kaaTnaa maarnaa dharm banaa re
vahaa.n masjido.n me.n bam phaTte
dharm hai ek vo phir bhii la.Dte
chale the faKHr se sar uu.nchaa thaa
ga.Dhe the haa.el kab dekhaa thaa
aaj hu.e kyaa dekh rahe ho
chakkar gidh ke dekh rahe ho

Ozair Rahman

Nazm

ek pauda aur ghas

ittifaaqan ek paudaa aur ghaas
baaG me.n dono.n kha.De hai.n paas paas
ghaas kahtii hai ki ai mere rafiiq
kyaa anokhaa is jahaa.n kaa hai tariiq
hai hamaarii aur tumhaarii ek zaat
ek qudarat se hai dono.n kii hayaat
miTTii aur paanii havaa aur raushnii
vaaste dono.n ke yaksaa.n hai banii
tujh pe lekin hai inaayat kii nazar
phe.nk dete hai.n mujhe ja.D khod kar
sar uThaane kii mujhe fursat nahii.n
aur havaa khaane kii bhii ruKHsat nahii.n
kaun detaa hai mujhe yaa.n phailne
khaa liyaa gho.De gad.he yaa bail ne
tujh pe mu.nh Daale jo ko.ii jaanvar
us kii lii jaatii hai DanDe se KHabar
ole paale se bachaate hai.n tujhe
kyaa hii izzat se ba.Dhaate hai.n tujhe
chaahte hai.n tujh ko sab karte hai.n pyaar
kuchh pataa us kaa bataa ai dost-daar
us se paude ne kahaa yuu.n sar hilaa
ghaas sab sachchaa hai teraa ye gila
mujh me.n aur tujh me.n nahii.n kuchh bhii tamiiz
sirf saaya aur meva hai aziiz
faa.eda ik roz mujh se paa.e.nge
saa.e me.n baiThe.nge aur phal khaa.e.nge
hai yahaa.n izzat kaa sahraa us ke sar
jis se pahu.nche naf.a sab ko besh-tar

Ismail Merathi

Nazm

sharir bachche

dekhe.n agar gad.he ko daaGe.n use salaamii
apnaa jo bas chale to us kii kare.n Gulaamii

Zafar Kamali

Nazm

chuhe ki baraat chali

chiil aa.ii chhantaa.ii le kar
laDDuu ulluu bhaa.ii le kar
KHargosh aa.e dulaa.ii le kar
aur gad.he shahnaa.ii le kar

Muzaffar Hanfi

Nazm

dar-madh-am

paKH se agar kisii ko ko.ii buGz ho to ho
Gaalib ke is gad.he se to behtar ye naam hai

Khalid Mahmood

Nazm

ghaalib aur aam

na the shaa.ir hii kuchh ba.De Gaalib
dil-lagii me.n bhii KHuub the Gaalib
KHuub ha.nste ha.nsaate rahte the
ba.Dii pur-lutf baat kahte the
aam un ko pasand the behad
ya.anii rasiyaa the aam ke behad
KHud bhii baazaar se ma.ngaate the
dost bhii aam un ko bhijvaate
phir bhii aamo.n se jii na bhartaa thaa
aam kaa shauq un ko itnaa thaa
un ke qisse tumhe.n sunaa.e.n ham
un kii baato.n se kuchh ha.nsaa.e.n ham
ek mahfil me.n vo bhii baiThe the
log aamo.n kaa zikr karte the
aam aisaa ho aam vaisaa ho
puuchhaa Gaalib se aam kaisaa ho
bole Gaalib ki puuchhte ho agar
sirf do KHuubiyo.n pe rakhiye nazar
baat pahlii ye hai ki miiThaa ho
duusrii baat ye bahut saa ho
ek din dost un ke ghar aa.e
aam Gaalib ne the bahut khaa.e
saamne ghar ke the pa.De chhilke
us galii me.n se kuchh gadhe guzre
un gadho.n ne na chhilke vo khaa.e
suu.ngh kar un ko ba.Dh ga.e aage
dost ne jab ye maajraa dekhaa
sochaa Gaalib ko ab hai samjhaanaa
dost bole hai shai burii sii aam
dekho khaate nahii.n gad.he bhii aam
ha.ns ke Gaalib ye dost se bole
jii haa.n be-shak gad.he nahii.n khaate
baadshah kar rahe the sair-e-baaG
KHush thaa aamo.n se un kaa qalb-o-dimaaG
baadshah ke the saath Gaalib bhii
Daalte the nazar vo lalchaa.ii
jii me.n ye thaa ki KHuub khaa.e.n aam
baadshah se jo aaj paa.e.n aam
ghuurte the jo Gaalib aamo.n ko
baadshah bole ghuurte kyaa ho
baadshah se ye bole vo ha.ns kar
muhr hotii hai daane daane par
dekhtaa huu.n yuu.n ghuur kar mai.n aam
shaayad un par likhaa ho meraa naam
maqsad un kaa jo baadshah paa.e
phir bahut aam un ko bhijvaa.e

Maftun Kotvi

Nazm

do gadhe

jaa rahe the do gadhe ek raah se
apnii naadaanii pe vo naazaa.n hu.e
raasta gum thaa Gubaar-o-gard se
jaa rahe the gaDariye bhe.De.n liye
sochte jaate the kuchh dono.n gadhe
raasta tai kar rahe the sochte
aage vaalaa dil se yuu.n goyaa hu.aa
piichhe jo aataa hai mere ye gadhaa
rahnumaa.ii kar rahaa huu.n us kii mai.n
baadshaahii kar rahaa huu.n sab kii mai.n
mujh se ba.Dh saktaa hai kyaa ye bhii kahii.n
naaKHudaa huu.n aaj mai.n hii bil-yaqiin
duusraa bhii jaa rahaa thaa sochtaa
huu.n shahanshaah aaj apne vaqt kaa
saamne jaataa hai jo vo hai Gulaam
kar rahaa hai aage aage intizaam
piichhe aataa hai mire lashkar tamaam
hai hukuumat kaa mere dam se nizaam
aaj mai.n hii qaafila-saalaar huu.n
aur saarii fauj kaa sardaar huu.n
the Garaz dono.n usii dhun me.n lage
dekhte hargiz na the vo saamne
raasta bhaTke hu.e the vo magar
jaa rahe the phir bhii be-KHauf-o-KHatar
raaste me.n un ke aayaa ik ku.aa.n
us kii hai.at hii se thii vahshat ayaa.n
dham se vo dono.n gadhe us me.n gire
aur girte hii vo dono.n mar ga.e
hosh me.n jo bevaquuf aate nahii.n
aql ko jo kaam me.n laate nahii.n
haal un kaa hai gadho.n se bhii saqiim
vo sazaa paate hai.n aisii hii yatiim
honhaaro in gadho.n se daras lo
chho.D do sheKHii ko kaam apnaa karo

Ghulam Khwaja Moinuddin Yateem

Nazm

main bilkul Thik hun sohni

tumhaaraa ek message whatsapp par muddato.n ke baa'd aayaa thaa
ye likkhaa thaa ki
busy thaa mai.n so reply na kar paayaa
zaraa us vaqt kuchh saa.nso.n kii tuGyaanii sii barpaa thii
mujhe kuchh dha.Dkano.n ko bhii zaraa tartiib denaa thaa
mobile screen us vaqt dhundlii ho ga.ii thii kuchh
busy thaa mai.n so reply na kar paayaa
so sorry ai mirii sohnii
suno tum ne ye likkhaa thaa ki
mai.n bilkul Thiik huu.n sohnii
tumhaarii yaad hii aatii nahii.n mujh ko
so bilkul Thiik rahtaa huu.n
magar haa.n jab zaraa mai.n saa.ns letaa huu.n
zaraa jab dil dha.Daktaa hai
to phir tum yaad aatii ho
magar is ke alaava Thiik rahtaa huu.n
zaraa sar me.n tanaav kii sii kaifiyyat to rahtii hai
rago.n me.n bhii khi.nchaa.o saa zaraa rahtaa hai ab aksar
magar baaqii sabhii kuchh Thiik hai sohnii
zaraa jab saa.ns letaa huu.n to andar kuchh chubhan sii hone lagtii hai
kahii.n kuchh zaKHm saa hogaa
magar baaqii sabhii kuchh Thiik hai sohnii
zaraa bas dil dha.Daktaa hai to siine me.n kisii kii siskiyaa.n mujh ko sunaa.ii dene lagtii hai.n
magar baaqii sabhii kuchh Thiik hai sohnii
are haa.n kal mai.n aa.iine ke aage jab zaraa aayaa
vahaa.n ik ajnabii chehra nazar aayaa
bahut hii zard saa chehra
aur us kii aa.nkh ke halqe me.n gaDDhe se nazar aa.e
ajab vahshat Tapaktii thii
vahaa.n se bhaag aayaa mai.n
magar baaqii sabhii kuchh Thiik hai sohnii
suno phir bhii mai.n kal ik doctor se ehtiyaatan mil bhii aayaa huu.n
vo kahte hai.n ki ghabraane kii ko.ii baat bilkul bhii nahii.n is me.n
zaraa bas saa.ns tham jaa.e
zaraa dha.Dkan bhii jam jaa.e
to phir sab kuchh hamesha ke liye hii Thiik ho jaa.e

Khalid Mubashshir

Nazm

gadhe ne bajai bansuri

haatho.n me.n dastaane pahne
gale me.n bush-shirt Daalii
naak nathune chau.De kar ke
gad.he ne dum ak.Daa.ii

Kishwar Naheed

Nazm

tariKH ke murda-KHane se

naarii aur shuudar ko samaan samajhne vaale mahaa-puruush
itihaas ke panno.n me.n kho ga.e hai.n
ho.nT aaj bhii thartharaate hai.n
lafz maile na ho jaa.e.n
zamiin thii to pathriilii
lekin apnaa ku.aa.n khodaa
to paanii miiThaa niklaa
phunkaarte aabhuushan
sanduuqo.n me.n band kar ke
chaabii buzurgo.n ke havaale kar dii ga.ii
u.Dte hu.e lafzo.n ko muTThiyo.n me.n paka.Dte hii
chaa.nd sharmaane lagaa
raushnii kaa saudaa karne vaalo.n ne
gahre ga.Dhe khod kar
kirno.n ko dafnaanaa chaahaa
lekin vo zinda shiryaano.n me.n
lahuu ban kar dau.D ga.ii.n
masaamo.n se phuuTte ujaalo.n kii yuurish me.n
bah nikle jaane kitne 'miir' o 'saudaa'
kitne 'kaaliidaas'
ulTii pothii pak.De pak.De
jaane kab Dhaa.ii akhshar siidhe
Dhaa.ii ulTe pa.Dhe
aur dariyaa me.n Dupkii lagaane se pahle
sarasvatii ko kahte sunaa
dushyant kii a.ngushtarii lahro.n ke havaale kar do
machhliyaa.n chuGul-KHor hotii hai.n
'bharat' ko apne andar thaame raho
taa-abad

Shahnaz Nabi

Nazm

Khaali bench

ek vaqt aisaa aa.egaa
ki mai.n
ye sab bhuul jaa.uu.ngii
us vaqt kii sangiinii bhii
jis me.n meraa dil
ek gaa.Dhe dukh se bhar gayaa thaa
aur mai.n
us safed bench kii tarah rah jaa.uu.ngii
jo KHaalii pa.Dii hai
is iraade se ki mai.n
us par baiThuu.n
aur aage dekhuu.n
aage jahaa.n paanii ke qatre
KHaam maal kii tarah pa.De hai.n
havaa kaa libaas ban.ne ke liye

Azra Abbas

Nazm

qasbaati laDkon ka git

ham terii sub.ho.n kii os me.n bhiigii
aa.nkho.n ke saath
dino.n kii is bastii ko dekhte hai.n
ham tere KHush-ilhaan parinde
har jaanib terii mu.nDere.n khojte hai.n
ham nikle the
tere maathe ke liye bosa Dhuu.nDne
ham aa.e.nge
bojhal qadmo.n ke saath
tere taariik hujro.n me.n phirne ke liye
tere siine par
apnii ukTaahaTo.n ke phuul bichhaane
sar-phirii havaa ke saath
tere KHaalii chaubaaro.n me.n phirne ke liye
tere sehno.n se uThte dhu.e.n ko
apnii aa.nkho.n me.n bharne
tere ujle bachcho.n kii mailii aastiino.n se
apne aa.nsuu po.nchhne
terii kaa.ii zada diivaaro.n se
lipaT jaane ke liye
ham aa.e.nge
nii.nd aur bachpan kii KHushbuu me.n so.ii hu.ii
terii raato.n kii chhat par
ujlii chaarpaa.iyaa.n bichhaane
motiye ke phuulo.n se pare
apnii chiiKHtii tanhaa.iyaa.n uThaane
ham lauTe.nge terii jaanib
aur dekhe.nge terii buu.Dhii ii.nTo.n ko
umro.n ke rat-jago.n se dukhtii aa.nkho.n ke saath
uu.nche niiche makaano.n me.n ghire
guzishta ke ga.Dhe me.n
ek baar phir girne ke liye
lambii taan kar sone ke liye
ham aa.e.nge tere mazaafaat me.n
miTTii hone ke liye

Abrar Ahmad

Nazm

chiDiya-KHana

najmii fahmii uzmaa raa.anaa
aa.o dekhe.n chi.Diyaa-KHaana
jin ke naam sunaa karte ho
aaj unhe.n nazdiik se dekho
ek se ek parinde dekho
aadam-KHor darinde dekho
mor saro.n par taaj sajaa.e
naach rahe hai.n par phailaa.e
bulbul dekho totaa dekho
koyal dekho mainaa dekho
KHush-aavaaz papiihaa dekho
hud-hud aur gaurayyaa dekho
bho.nraa dekho titlii dekho
sher kii KHaala billii dekho
zebra gho.Daa TaTTuu KHachchar
baaz kabuutar kavvaa tiitar
vo dekho KHargosh gilahrii
baara-si.nghaa aur vo hirnii
ban-maanus aur bhaaluu bhii hai
nevlaa aur ka.ngaaruu bhii hai
bandar kii naqqaalii dekho
piiT rahe hai.n taalii dekho
do do haathii jhuum rahe hai.n
duur gad.he bhii ghuum rahe hai.n
shero.n kaa Gurraana dekho
te.ndve kaa bal khaanaa dekho
vo dekho afriiqii gai.nDaa
aur ye hindostaanii chiitaa
phan kaa.Dhe ik naagan bhii hai
lom.Dii ik makkaaran bhii hai
buzdil giida.D lakka.D-bagghaa
kaun banegaa leader is kaa
dilkash taa.ir aabii dekho
kaisii hai murGaabii dekho
machhlii ko lahraate dekho
me.nDak ko Tarraate dekho
ek magarmachh jaag rahaa hai
dekh ke kachhvaa bhaag rahaa hai
aaj 'faraaG' uncle ne dekhaa
kalkatte kaa chi.Diyaa-KHaana

Faragh Rohvi

Nazm

jangal mein fashion parade

bhaaluu ne baa.ndhaa hai muflar
aur gad.he ne pahnaa khaddar

Ataur Rahman Tariq

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now