Search result for "gard-e-malaal" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "gard-e-malaal"

Nazm MATCHES FOR "gard-e-malaal"

Nazm

ghunchagi ka safar

kabhii gar us ruKH-e-taabinda par ho gard-e-malaal
to apnii jaa.n se nahii.n do jahaa.n se bezaarii

Allama Talib Jauhari

Nazm

shoala-e-hina

labo.n pe mauj-e-tabassum hai dil me.n gard-e-malaal
mai.n KHush to huu.n magar aa.nkho.n se ashk bahte hai.n
mirii udaas javaanii ne mujh se puuchhaa hai
suhaag raat isii bebasii ko kahte hai.n

Qaisarul Jafri

Nazm

ujale ki lakir

vaqt kii gard chhaTegii to ba-unvaan-e-sahar
manzil-e-shauq kii raaho.n kaa ta.ayyun hogaa
ik na.e daur kii ta.amiir kare.nge ham sab
chaa.nd taaro.n se sajaa apnaa nasheman hogaa

Noor -e-Shama Noor

Nazm

zaifa

ye tire sar kii safedii aur ye gard-e-malaal
me.n to kyaa sharmaa rahaa hai KHud KHuda-e-zul-jalaal

Josh Malihabadi

Nazm

bint-e-himala

aah! ga.ngaa ye hasii.n paikar-e-billor tiraa
terii har mauj-e-ravaa.n jalva-e-maGruur tiraa
jaur-e-maGrib se magar dil hai bahut chuur tiraa
jhaa.nktaa hai tire girdaab se naasuur tiraa
zulm Dhaa.e hai.n safiino.n ne sitamgaaro.n ke
zaKHm ab tak tire siine pe hai.n patvaaro.n ke
mahv rahte the sitaare tirii mai piine me.n
chaa.nd mu.nh dekhtaa thaa tere hii aa.iine me.n
KHalvat-e-mahr daraKHshaa.n thii tire siine me.n
terii taabaaniyaa.n aatii na thii.n taKHmiine me.n
aaj rotii hai magar terii javaanii tujh ko
khaa gayaa aa ke yahaa.n 'thames' kaa paanii tujh ko
aah ai koh-e-himaala ke Guruur-e-sayyaal
tere daaman pe kabhii baiThii na thii gard-e-malaal
mu.nh tiraa po.nchhtaa thaa chaa.nd kaa siimii.n ruumaal
zaKHm siine pe liye aaj hai.n dhaare tere
uf kahaa.n Duub ga.e chaa.nd sitaare tere
reg-e-dozaKH ko chhupaa.e hai qabaa ke andar
haul-naak aaj hai kitnaa ye dahaktaa manzar
shaam hii shaam nazar aatii hai kyuu.n saahil par?
kyuu.n tirii maujo.n se chhante nahii.n anvaar-e-sahar?
raushnii kyuu.n hu.ii jaatii hai gurezaa.n tujh se
kyuu.n a.ndhero.n ke hai.n lipTe hu.e tuufaa.n tujh se
aaj saahil pe nazar aatii hai jaltii hu.ii aag
aadamiyyat kaa sulagtaa hai havaa.o.n me.n suhaag
aaj hai saaz-e-siyaasat kaa bhayaanak saa raag
phan uThaa.e hu.e bal khaate hai.n sho.alo.n ke naag
aaj insaan ko Dastii hai.n havaa.e.n terii
zahr se kitnii hai.n labrez fazaa.e.n terii
aa.ii hai thames se ik mauj-e-ravaa.n gaatii hu.ii
tujh ko aazaadii ke paiGaam se bahlaatii hu.ii
ruuh mai-KHaana liye shauq ko bahkaatii hu.ii
naaz kartii hu.ii ha.nstii hu.ii iThlaatii hu.ii
laakh uljhaa kare.n zulfo.n me.n ulajhne vaale
is ke ishvo.n ko samajhte hai.n samajhne vaale
lekin ai bint-e-himaala tirii azmat kii qasam
sail ke saa.nche me.n Dhaalii hu.ii rif.at kii qasam
tere jalvo.n kii qasam, terii lataafat kii qasam
terii maujo.n se ubhartii hu.ii himmat kii qasam
ab tirii aa.nkho.n ko namnaak na hone de.nge
daaman-e-naaz tiraa chaak na hone de.nge

Parvez Shahidi

Nazm

nur-jahan

lahore me.n dekhaa use madfuu.n tah-e-marqad
gard-e-kaf-e-paa jis kii kabhii kaahkashaa.n thii

Chandar Bhan Kaifi Dehelvi

Nazm

meri zamin

gard-o-Gubaar-e-KHvaab se
dhund kaa nanhaa nuqta phail rahaa hai
aur ufuq us kii zad me.n hai

Shahryar

Nazm

visal

jaltii bujhtii hu.ii aa.nkho.n me.n
ye gard-e-mah-o-saal
maazii hai na haal
zehn kartaa hai savaal
dil hai KHaamosh ki ab
ruuh aur jism kaa rishta TuuTaa

Saghar Mehdi

Nazm

sar-e-rahe

ba.Dhii vo saa.e kii tarah ravaa.n-davaa.n ravaa.n-davaa.n
mai.n us ke piichhe ho liyaa misaal-e-gard-e-kaarvaa.n

Iqbal Umar

Nazm

ufuq-dar-ufuq

havaa-e-intishaar ik pal me.n tartiibe.n zamaano.n kii
ulaT detii hai kaise aur qazaa-o-qadr ke haatho.n
yaqii.n ke jagmagaate muskuraate suurajo.n se pur
ufuq gard-o-gubaar-e-raah ban kar Duub jaate hai.n

Shafiq Fatima Shera

Nazm

jannat se bhi aziz hai KHak-e-watan mujhe

miT miT ke gard-e-raah-e-vatan bin rahaa huu.n mai.n
piise hazaar gardish-e-charKH-e-kuhan mujhe

Barq Dehlvi

Nazm

aur bhi gham hain zamane mein

aaj ik aur hii aalam hai mirii nazro.n me.n
jis kaa har zarra hai vaamaa.ndgii-e-Gam se niDhaal
jis ke taariik KHaraabo.n me.n hai.n barbaad vo log
jin ko ulfat kaa hai yaaraa na masarrat kii majaal
jin kii aa.nkho.n me.n faqat zulmat-e-fardaa ke hai.n KHvaab
jin ke chehro.n pe faqat saaya-e-andoh-o-malaal

Ali Minai

Nazm

main nahin to kya

mire liye ye udaasii ye sog kyuu.n aaKHir
maliih chehre pe gard-e-fasurdagii kaisii

Sahir Ludhianvi

Nazm

ek sawal

ga.ii ruto.n ke hasii.n KHvaab saath saath chale
Dagar Dagar pe tumhaaraa hii naam likhte chale
jo lauh-e-saada par ik baar teraa naam likhaa
Gubaar-e-gard-e-zamaana use miTaa na sakaa

Salma shaheen

Nazm

ufuq-dar-ufuq

zaraa sii baat lekin aabgiine TuuT jaate hai.n
zaraa sii baat pahro.n dil dikhaatii hai sataatii hai
taGaaful go bhalaa lagtaa hai phir bhii jii to jaltaa hai
havaa-e-intishaar ik pal me.n tartiibe.n zamaano.n kii
ulaT detii hai kaise aur qazaa-o-qadr ke haatho.n
yaqii.n ke jagmagaate muskuraate suurajo.n se pur
ufuq gard-o-gubaar-e-raah ban kar Duub jaate hai.n

Shafiq Fatima Shera

Nazm

mere bhi hain kuchh KHwab

ai ishq-e-azal-giir o abad-taab mere bhii hai.n kuchh KHvaab
mere bhii hai.n kuchh KHvaab
us daur se is daur ke suukhe hu.e dariyaa.o.n se
phaile hu.e sahraa.o.n se aur shahro.n ke viiraano.n se
viiraana-garo.n se mai.n hazii.n aur udaas!
ai ishq-e-azal-giir o abad-taab
mere bhii hai.n kuchh KHvaab!
ai ishq-e-azal-giir o abad-taab mere bhii hai.n kuchh KHvaab
mere bhii hai.n kuchh KHvaab
vo KHvaab ki asraar nahii.n jin ke hame.n aaj bhii ma.aluum
vo KHvaab jo aasuudgii-e-martaba-o-jaah se
aaluudgii-e-gard-e-sar-e-raah se ma.asuum
jo ziist kii be-huuda kashaakash se bhii hote nahii.n ma.aduum
KHud ziist kaa mafhuum!

Noon Meem Rashid

Nazm

KHak-e-hind

gard-o-Gubaar yaa.n kaa KHil.at hai apne tan ko
mar kar bhii chaahte hai.n KHaak-e-vatan kafan ko

Chakbast Braj Narayan

Nazm

lauT chaliye

soKHta-jaa.n soKHta-dil
soKHta ruuho.n ke ghar me.n
raakh gard-e-aatishii.n sholo.n ke saa.e
naqsh hai.n diivaaro.n par mafruuq chehre
lauT chaliye apne sab armaan le kar

Chandrabhan Khayal

Nazm

gard-e-karwan

ham na ho.nge tum na hoge yaad ik ta.Dpaa.egii
raaste me.n sirf gard-e-kaarvaa.n rah jaa.egii

Sardar Panchhi

Nazm

lauT chaliye

soKHta-jaa.n soKHta-dil
soKHta-ruuho.n ke ghar me.n
raakh gard-e-aatishii.n sho'lo.n ke saa.e
naqsh hai.n diivaaro.n par mafruuq chehre
lauT chaliye apne sab armaan le kar

Chandrabhan Khayal

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now