Search result for "haiza" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "haiza"

Nazm MATCHES FOR "haiza"

Nazm

fasad

plague haiza-o-chechak-o-zalzale sailaab
harii-bharii sii fasl kal talak ujaa.Dte the
magar aaj kahii.n sho.alo.n
dhamaako.n kii shakl lete hai.n
kahii.n ye KHuun kii holii kaa ruup bharte hai.n
harii-bharii sii fasl ab bhii ye ujaa.Dte hai.n
fasaad KHuun me.n shaamil hai shaayad
fasd ye kholte rahte hai.n shaayad

Kareem Roomani

Nazm

daraKHt-e-zard

ye ka.DvaahaT kii baate.n hai.n miThaas in kii na puuchho tum
nam-e-lab ko tarastii hai.n so pyaas in kii na puuchho tum
ye ik do jur.o.n kii ik chuhl hai aur chuhl me.n kyaa hai
avaamunnaas se puuchho bhalaa al-kuhl me.n kyaa hai
ye ta.an-o-tanz kii harza-saraa.ii ho nahii.n saktii
ki merii jaan mere dil se rishta kho nahii.n saktii

Jaun Eliya

Nazm

kaun si uljhan ko suljhate hain ham?

lab bayaabaa.n, bose be-jaa.n
kaun sii uljhan ko suljhaate hai.n ham?
jism kii ye kaar-gaahe.n
jin kaa haizam aap ban jaate hai.n ham!
niim-shab aur shahr-e-KHvaab-aaluudaa, ham-saa.e
ki jaise duzd-e-shab-gardaa.n ko.ii!
shaam se the hasrato.n ke banda-e-be-daam ham
pii rahe the jaam par har jaam ham
ye samajh kar jur.a-e-pinhaa.n ko.ii
shaayad aaKHir ibtidaa-e-raaz kaa iimaa bane!
matlab aasaa.n harf be-ma.anii
tabassum ke hisaabii zaaviye
matn ke sab haashiye
jin se aish-KHaam ke naqsh-e-riyaa bante rahe!
aur aaKHir bu.ad jismo.n me.n sar-e-muu bhii na thaa
jab dilo.n ke darmiyaa.n haa.il the sa.ngii.n faasle
qurb-e-chashm-o-gosh se ham kaun sii uljhan ko suljhaate rahe!
kaun sii uljhan ko suljhaate hai.n ham?
shaam ko jab apnii Gam-gaaho.n se duzdaanaa nikal aate hai.n ham?
yaa zavaal-e-umr kaa dev-e-subuk-paa ruu-ba-ruu
yaa anaa ke dast o paa ko vus.ato.n kii aarzuu
kaun sii uljhan ko suljhaate hai.n ham?

Noon Meem Rashid

Nazm

ek bachcha chhoTa sa bachcha

ik bachcha chhoTaa saa bachcha
ek haath me.n us ke taKHtii thii
ek haath me.n us ke basta thaa
aur paa.nv ke niiche duur talak
school ko jaataa rasta thaa
vo afsar ban.naa chaahtaa thaa
vo sach-much pa.Dhnaa chaahtaa thaa
kuchh KHvaab the us kii aa.nkho.n me.n
jo rafta rafta TuuT ga.e
Gurbat ne use majbuur kiyaa
yuu.n pa.Dhne se vo duur hu.aa
phir paa.nv se raste ruuTh ga.e
aur haath se baste chhuuT ga.e

Hamza Daim

Nazm

waqt ke nam ek KHat

zindagii bahut masruuf ho ga.ii hai
jo KHvaab mujhe aaj dekhnaa thaa
vo aglii paidaa.ish tak multavii karnaa pa.Daa hai
bachpan me.n lage zaKHm par marham rakhne ke liye
doctor ne abhii sirf vaada kiyaa hai
kal ke liye saa.nse.n kamaate haath
sub.h tak chaa.e nahii.n pii sakte
lekin ghabraa.o nahii.n
sab kii yahii haalat hai
vo bataa rahii thii
us ne apnii suhaag-raat tab manaa.ii
jab vo haiz ke baras guzaar chukii thii

Zahid Imroz

Nazm

meri ramaen adhuri hai abhi

merii raamaa.en adhuurii hai abhii
merii siitaa
aur mujh me.n haa.il duurii hai abhii
merii siitaa udaas hai
rishto.n kaa phailaa ban-baas hai
phirnaa hai mujhe abhii
ja.ngal jangal sahraa sahraa saagar saagar
meraa hamza vahii meraa lachhman hai abhii
zamaana to ayyaar hai
sau bhes badal letaa hai
saadhuu.o.n ke bahruup me.n hai.n poshiida abhii
na jaane raakshash kitne
aaj phir
zamaane ne chhal liyaa hai mujhe
merii siitaa ko
haalaat ke raavan ne
har liyaa hai abhii
duur bahut duur
merii nigaaho.n se ojhal
saahil samundar kii ret par
vo be-sudh pa.Dii ro rahii hai abhii
taaham
apnii shikasta haalii se
is ne haar nahii.n maanii hai abhii
vaqt ke lankeshvar ke aage
us ne aatm samarpan kiyaa nahii.n hai abhii
riit me.n dha.nsii apnii nannhii sii kashtii ko
vo tak rahii hai Gaur se
apne raam ke qadmo.n kii aahaT
kii muntazir samaa.at ko sameTe hu.e
saraapaa-bagosh banii
dukh kii bhaTTii me.n tap ke nikhar rahii hai abhii
milan kii shubh gha.Dii kaa use abhii hai yaqiin
is ke KHushk ho.nTo.n pe hai meraa hii naam
raam raam raam
saahibo
haqiiqat to ye hai ki raakshas baahar nahii.n hai kahii.n
raakshas to KHud apne andar
daruun-e-KHaana-e-dil me.n ruu-posh hai kahii.n
merii siitaa
merii bholii bhaalii siitaa ko
intizaar us sunahre pul kaa hai
jab meraa Gussa shaant hogaa
aur mere andar se
mariyaada purush raam utpann ho.nge kabhii na kabhii
tab raavan apne aap hii paraast ho jaa.egaa
tabhii raam jii apnii siitaa ko
apne pahluu me.n uThaa kar le jaa.e.nge
apne dil ke singhaasan par biThaa.e.nge tabhii
tabhii diip jale.nge
ghar aa.ngan me.n uupar niiche chaaro.n aur
tabhii din dasahraa hogaa
tabhii raat diivaalii hogii

Perwaiz Shaharyar

Nazm

sham

maa.njhii gaa.e gaataa jaa.e haiyyaa haiyyaa
lo kashtii ne chhu.aa kinaaraa dhiire dhiire

Ataur Rahman Tariq

Nazm

uf ye garmi

uf ye garmii
dayyaa re dayyaa
luu hai ki bijlii
dayyaa re dayyaa
jaltaa hai kamra
bhayyaa re bhayyaa
khol do pa.nkhaa
bhayyaa re bhayyaa
dhuup kii shiddat
baajii re baajii
ThanDaa sharbat
baajii re baajii
garmii kaa aalam
tauba re tauba
aag kaa mausam
tauba re tauba
bhuut havaa me.n
aahaa aahaa
jaaduu fazaa me.n
aahaa aahaa
ruuho.n kii Tolii
sii shaa.n re sii shaa.n
aag kii holii
sii shaa.n re sii shaa.n
sukh kii nishaanii
aapaa re aapaa
barf kaa paanii
aapaa re aapaa
aag kii bolii
dayyaa re dayyaa
quliyo.n kii Tolii
dayyaa re dayyaa
raah me.n sho.ale
haiyyaa re haiyyaa
gaate hai.n naGme
haiyyaa re haiyyaa

Salam Machhli shahri

Nazm

dudhiya naghma

haiyyaa haiyyaa hiyo hiyo
ha.nste gaate hu.e jiyo
pyaare bachcho soup piyo
samra beTii duudh piyo
tan par boTii cha.Dh jaatii hai
sar par choTii ba.Dh jaatii hai
achchhii la.Dkii pa.Dh jaatii hai
samra beTii duudh piyo
jag me.n naam kamaanaa ho to
avval number aanaa ho to
duniyaa par chhaa jaanaa ho to
samra beTii duudh piyo
duudh piyo duniyaa jaanegii
public tum ko pahchaanegii
gu.Diyaa bhii kahnaa maanegii
samra beTii duudh piyo

Muzaffar Hanfi

Nazm

jashn-e-jamhuriyat

u.De.n chaman me.n Tahniyaa.n pahan ke sabz saariyaa.n
chale.n havaa ke dosh par shamiim kii svaariyaa.n
ufuq se taa ufuq ga.ii.n dhanak kii shoKH dhaariyaa.n
havaa-e-tund kii nahii.n kahii.n bhii harzaa-kaariyaa.n

Arsh Malsiyani

Nazm

kahaniyon se bhara ashtray

nayaa aadmii na.ii kahaanii kii daryaaft hai
aur na.ii kahaanii bha.Dvo.n kii puraanii bolii hai
KHariid lo jism kaa mahall-e-vaquu.a aur
ubuur kar jaa.o utre hu.e libaas ko
ki haiz kaa KHuun ek daaG hai jise
shahar kaa har shaKHs apne daaman par sajaa.e
shorafaa.ii ke bilkul paas se guzar rahaa hai

Muddassir Abbas

Nazm

shartiya laDka

kaise kaise vahm palte hai.n bashar ke zehn me.n bhii
chand jur.e sher kaa KHuu.n-nosh karnaa raat ko maithan se pahle
yaa kushaada chaa.ndnii me.n kaif-e-andoz-e-visaal-e-shauq honaa
vaj.h-e-aulaad-e-nariina
aur phir buqraat ne bhii ye kahaa thaa
mard apne daa.e.n KHusiye par jo rassii baa.ndh le milne se pahle
us kii aurat shartya la.Dkaa janegii
lekin is andaaz kii harza-saraa.ii
kab kisii ke kaam aa.ii
kaise kaise vahm palte hai.n bashar ke zehn me.n bhii

Krishna Mohan

Nazm

kaj-rawi ka ishtihaar

mai.n to huu.n shaa.er kii ruuh
shaa.er kii KHaasiyyat
ek KHushbuu ik tilism
aur miraa beTaa ki hai shaa.er kaa jism
shaa.iro.n kii KHaslato.n kaa aa.ina
kaj-ravii kaa ishtihaar
hai sameTe apne andar aib kii har ek qism
naa-samajh aavaara-o-bekaar shaidaa-e-qimaar
aashnaa.o.n kaa musaahib kam-ayaar
harza-go baada-gusaar

Krishna Mohan

Nazm

dhire-dhire

maa.njhii gaa.e gaataa jaa.e haiyyaa-haiyyaa
lo kashtii ne chhu.aa kinaaraa dhiire-dhiire

Ataur Rahman Tariq

Nazm

mahngi coffee ke cup mein khaulta hua din

kisii mulk kaa naqsha dhabbe se
ba.Daa nahii.n hotaa ki use dhone ke
liye aisaa haiz kaa KHuun sarf kar diyaa jaa.e
jo is liye jaarii ho gayaa ki
hamal Thaharne ke aivaano.n me.n
ko.ii sarkaarii harkaara nahii.n thaa

Muddassir Abbas

Nazm

haiyya haiyya

haiyyaa haiyyaa chaale nayyaa haiyyaa haiyyaa
mehnat se kyaa sharmaanaa hai saathii re
tuufaano.n se Takraanaa hai saathii re
shaam hu.ii ab ghar jaanaa hai saathii re
haiyyaa haiyyaa chaale nayyaa haiyyaa haiyyaa
in baa.nho.n ko ham patvaar banaa.e.nge
saagar kii lahro.n par gaate jaa.e.nge
kal phir aa.e.nge haa.n kal phir aa.e.nge
haiyyaa haiyyaa chaale nayyaa haiyyaa haiyyaa
tez karo raftaar kinaaraa duur nahii.n
KHush ho jaa.o yaar kinaaraa duur nahii.n
ham utre.nge paar kinaaraa duur nahii.n
haiyyaa haiyyaa chaale nayyaa haiyyaa haiyyaa
mausam hai mu.nh-zor havaa tuufaanii hai
KHatre kaa imkaan hai gahraa paanii hai
ham ne 'taariq' haar magar kab maanii hai
haiyyaa haiyyaa chaale nayyaa haiyyaa haiyyaa

Ataur Rahman Tariq

Nazm

dur baiTha saya

ek baar phir
aasmaa.n ne chiiKHnaa band kar diyaa
zamii.n ke zaa.iido.n kii thakan
aur us kii karaahe.n
sameTne kii gha.Dii aa.ii
chand paaband-e-salaasil baahar nikle
aur bahuto.n ne
zindagii kii qaid se rihaa paa.ii
viiraaniyo.n me.n badaltii aabaadiyaa.n
insaano.n se bharii bastiyaa.n
malbo.n kaa Dher hu.ii.n
ThiThurtii barfaanii havaa.e.n
KHuun-aaluud badbuu-daar lotha.De
sanglaaKHo.n par bikhre bhuuke paikar
aasmaa.n dekhtii be-naam ummiide.n
uf
yahaa.n aabaad KHitto.n par
be-nishaa.n naslo.n kii hukmraanii hai
yahaa.n laraztii har saa.ns par
lamha lamha miizaa.ilo.n kii ga.Dga.DaahaT
roz samaa'at chiire detii hai
aur KHudaa ke saada-dil bande
be-aab-o-giyaah har din
KHaak-o-KHuun me.n lith.De
zaKHmii jigar-gosho.n ko apne
kaleje se lagaa.e hai.n
dhaa.De.n maarte hai.n roz-o-shab
aur us jaanib
paasbaan-e-amn-e-'aalam
baqaa-e-nasl-e-insaanii ke naa'ro.n ko
uchhaale phirte hai.n zoro.n se
unhe.n dikhtaa nahii.n kuchh
magar itnaa samajh aataa hai un ko
ye vo KHitta hai jis kii baazyaabii
zaruurii hai ki is se
aqvaam-e-aalam ke saare maraakiz
zaKHaa.ir aur vasaa.il
sab kuchh
unhii ke zer-e-paa hogaa
aur duur baiThaa saaya sochtaa hai
haazaa min fazl-e-rabbii ke shaidaa
jaane kab se sar-niguu.n hai.n

Aquil Ziyad

Nazm

inqilab

be-naziir-o-be-misaal-o-laa-javaab
inqalaab ai inqalaab ai inqalaab
tujh ko dete hai.n du'aa.e.n shaiKH-o-shaab
zindabaad ai inqalaab ai inqalaab
terii tiflii me.n javaanii kii bahaar
terii piirii ruu-kash-e-'ahd-e-shabaab
terii ulfat zaamin-e-'aish-o-nashaat
teraa shaidaa kaamraan-o-kaamyaab
tujh se raushan hai charaaG-e-zindagii
tujh se sar-garmii-o-josh-o-iltihaab
be-kaso.n kii sard-nafsii miT ga.ii
un ko baKHshaa tuu ne soz-e-aaftaab
be-navaa.o.n se mohabbat hai tujhe
maaldaaro.n se hai tujh ko ijtinaab
kar diyaa zaa.il sukuun-e-bebasii
bhar diyaa siino.n me.n josh-o-iztiraab
dast-giirii tuu ne kii majbuur kii
kar diyaa jaabir ko barbaad-o-KHaraab
tuu diyaa kartaa hai be-KHauf-o-hiraas
baadshaaho.n ko baraabar kaa javaab
be-navaa terii badaulat kaamraa.n
shaah-e-zaalim tere haatho.n se KHaraab
shaukat-e-shaahii kaniiz-e-zar-KHariid
baadshaahat KHaana-zaad-e-inqalaab
bandagii terii hariif-e-sarvarii
aur Gulaamii baadshaahat kaa javaab
taKHt-e-zar ik taKHta-e-haizam banaa
taaj-e-shaahii ho gayaa taaj-e-hubaab
raa.nda-e-dargaah hai.n kibr-o-Guruur
KHaaksaarii hii hu.ii hai baaryaab
hosh me.n zar-mast 'aalim aa ga.e
hosh-zaa hai tere shiishe kii sharaab
meraa maslak hai musaavaat-e-atam
teraa maz.hab maqsad-e-ummul-kitaab
ik Galat-fahmii me.n thaa saaraa jahaa.n
tuu ne batlaayaa savaab-o-naa-savaab
de rahaa hai tujh ko 'be-dil' bhii du'aa
shaadbaash-o-zindabaad ai inqalaab

Abdul Mannan Bedil Azimabadi

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now