Search result for "huur-e-jannat" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "huur-e-jannat"

Nazm MATCHES FOR "huur-e-jannat"

Nazm

meri beTi

har nazar me.n raushnii aa jaa.egii
huur-e-jannat se nichhaavar laa.egii

Aale Ahmad Suroor

Nazm

gulha-e-aqidat

yaum-e-aazaadii ne yuu.n chhi.Dkaa fazaa.o.n me.n gulaal
gulsitaa.n se bhiinii bhiinii KHushbu.e.n aane lagii.n
titliyaa.n apne paro.n par paa ke qaabuu har taraf
sehn-e-gulshan kii ravish par raqs farmaane lagii.n

Syeda Shan-e-Meraj

Nazm

ai mere soch-nagar ki rani

tujh se jo mai.n ne pyaar kiyaa hai tere liye? nahii.n apne liye
vaqt kii be-unvaan kahaanii kab tak be-unvaan rahe
ai mire soch-nagar kii raanii ai mire KHuld-e-KHayaal kii huur
itne dino.n jo mai.n ghultaa rahaa huu.n tere binaa yuu.nhii duur hii duur
soch to kyaa phal mujh ko milaa mai.n man se gayaa phir tan se gayaa
shahr-e-vatan me.n ajnabii Thahraa aaKHir shahr-e-vatan se gayaa
ruuh kii pyaas bujhaanii thii par yahaa.n ho.nTo.n kii pyaas bhii bujh na sakii
bachte sambhalte bhii ek sulagtaa rog banii mire jii kii lagii
duur kii baat na soch abhii mire haat me.n tuu zaraa haat to de
tujh se jo mai.n ne pyaar kiyaa hai tere liye? nahii.n apne liye
baaG me.n hai ik bele kaa taKHta bhiinii hai is bele kii sugandh
ai kaliyo kyuu.n itne dino.n tum rakkhe rahii.n ise god me.n band
kitne hii ham se ruup ke rasiyaa aa.e yahaa.n aur chal bhii diye
tum ho ki itne husn ke hote ek na daaman thaam sake
sehn-e-chaman par bhau.nro.n ke baadal ek hii pal ko chhaa.e.nge
phir na vo jaa kar lauT sake.nge phir na vo jaa kar aa.e.nge
ai mire soch-nagar kii raanii vaqt kii baate.n rang aur buu
har ko.ii saath kisii kaa Dhuu.nDe gul ho.n ki bele mai.n huu.n ki tuu
jo kuchh kahnaa hai abhii kah le jo kuchh sun.naa hai sun le
tujh se jo mai.n ne pyaar kiyaa hai tere liye? nahii.n apne liye

Ibn۔e۔Insha

Nazm

aurat

falsafii tujh ko samajhte hai.n numuud-e-be-buud
ulmaa kahte hai.n sarmaaya-e-ishrat tujh ko
ahl-e-taariiKH bataate hai.n ki aqvaam-e-Gayuur
maante aa.e hai.n ik hisn-e-hamiiyat tujh ko
bech kar jaan KHariidaar tire hote hai.n
be-bahaa jaante hai.n ahal-e-shujaa.at tujh ko
ko.ii kahtaa hai ilaaj-e-maraz-e-tanhaa.ii
ko.ii kahtaa hai daliil-e-rah-e-iffat tujh ko
huur-e-jannat hai kisii ke liye lekin ko.ii
chaah-e-baabil kii samajhtaa hai haqiiqat tujh ko
tere jaur-o-sitam-o-naaz-o-talavvun ke qatiil
kaa.np kar kahte hai.n nairangii-e-qismat tujh ko
ko.ii kahtaa hai tujhe saaya-e-bed-e-larzaa.n
ko.ii kahtaa hai magar sarv-e-nazaakat tujh ko
husn-e-siirat pe nazar jin kii ga.ii kahte hai.n
kabhii ismat kii kabhii sharm kii muurat tujh ko
vasl aur hijr ke aalam kaa kabhii kar ke KHayaal
jaan kahtaa hai ko.ii jaan kii zahmat tujh ko
ai do-rangii-e-zamaana kii mujassam tasviir
U’rafaa kahte hai.n aa.iina-e-ibrat tujh ko
dekhtaa huu.n tirii suurat ko ba-chashm-e-hairat
kuchh bataa tuu hii ki mai.n kyaa kahuu.n aurat tujh ko

Azeemuddin Ahmad

Nazm

tarah-e-nau

sho.ale lapak rahe hai.n jahannam kii god se
baaG-e-jinaa.n me.n jalva-e-huur-o-parii kii KHair

Sahir Ludhianvi

Nazm

sahab-e-KHanqah se

aa is taraf bhii aabid-e-shab-zinda-daar dekh
mauj-e-havaa me.n silsila-e-zulf-e-yaar dekh
be-baada kis ne paa.e hai.n asraar-e-kaa.enaat
aa mai-kade me.n raqs-e-mai-e-KHush-gavaar dekh
kab tak rahiin-e-jalva-gah-e-huur-o-salsabiil
jangal kii deviyo.n ko lab-e-juu.ebaar dekh
jin kii har ek buu.nd me.n Galtaa.n hai KHuld-e-aish
un baadalo.n kaa raqs sar-e-kohsaar dekh
be-kaifiyo.n me.n ruuh kii taabindagii kahaa.n
aa chaa.ndnii me.n bahte hu.e aabshaar dekh
har phuul me.n hai duKHtar-e-irfaa.n khulaa hu.aa
rangiinii-e-bahaar ba-qadr-e-bahaar dekh
taa-chand saumi’a me.n ye rahmat kii justujuu
aa mai-kade me.n rahmat-e-parvardigaar dekh

Jauhar Nizami

Nazm

KHuda ka sawal

ki huur-o-malaa.ik vo jinnaat me.n
kiyaa hai tujhe ashraf-ul-maKHluqaat

Abrar Ahmad Kashif

Nazm

waqt ki qadr

kise KHabar hai qayaamat me.n ham mile.n na mile.n
fazaa-e-rauz-e-jannat me.n ham mile.n na mile.n
kashaakash-e-abadiyyat me.n ham mile.n na mile.n
kashaakash-e-abadiyyat bhulaa bhii jaa salmaa
bahaar biitne vaalii hai aa bhii jaa salmaa

Akhtar Shirani

Nazm

dagh

tire aa.nsuu me.n soz-e-dil thaa yaa sho.ala thaa shabnam me.n
zabaa.n ko huur-o-Gilmaa.n ne tirii kausar se dhoyaa thaa

Maikash Akbarabadi

Nazm

kaweri

aaj bhii huuraan-e-jannat be-shumaar
dekh kar tujh ko qataar-andar-qataar

Azeem Aambori

Nazm

dilli tere nam

terii galiyaa.n rashk-e-jannat tere kuuche svarg samaan
dillii teraa naam hai lekin tuu hai shaan-e-hindostaan

Nazir Fatehpuri

Nazm

jaane kyon dil udas rahta hai

rakh ke takiye pe sar ko apne mai.n
shab ko jab 'azm-e-KHvaab kartaa huu.n
nii.nd kii huur-e-dil-nashii.n aa kar
Daal detii hai merii palko.n par
lab-e-gulguu.n kaa kaif-zaa saaya
aur mai.n us hasiin saa.e me.n
kar ke band apnii muzmahil palke.n
mutma.in mahv-e-KHvaab hotaa huu.n
par dil-e-KHasta jaag jaataa hai

Maqsood Ahmad Maqsood

Nazm

KHatun-e-mashriq

jis jagah huuraan-e-jannat kaa kiyaa hai tazkira
kyaa kahaa hai aur bhii kuchh ham ne juz husn o hayaa

Josh Malihabadi

Nazm

jahan rehana rahti thi

isii viiraana me.n ik din bahishte.n lahlahaatii thii.n
ghaTaa.e.n ghir ke aatii thii.n havaa.e.n muskuraatii thii.n
ki vo ban kar bahaar-e-jannat-e-viiraana rahtii thii
yahii vaadii hai vo hamdam jahaa.n 'rehaana' rahtii thii

Akhtar Shirani

Nazm

nazr-e-Khaalida

ai muqaddas huur ai parvarda-e-mauj-e-nasiim
ruuh-e-ishrate-gaah-e-saahil jaan-e-tuufaan-e-aziim

Asrarul Haq Majaz

Nazm

kashmir

har laala-e-kuhsaar hai shakl-e-gul-e-raahat
daaG us ke hai.n yaa KHaal-e-ruKH-e-huur-e-masarrat
kyaa sabza-e-KHush-rang hai sarmaaya-e-'ishrat
dil ke liye ThanDak hai jigar ke liye farhat

Chakbast Braj Narayan

Nazm

us basti ke rahne wale

ai jannat kii bholii chi.Diyo gaa.o na yahaa.n kii Daalo.n par
yaa.n qaid zabaa.n par hai sab kii pahra hai sab ke KHayaalo.n par
qaanuun kii bandish aa.ed hai viiro.n ke jangii aalo.n par
talvaare.n kund javaano.n kii muddat se zang hai bhaalo.n par

Salam Sandelvi

Nazm

doshiza malan

ai huur-e-baaG itnii KHudii se na kaam le
u.D kar shamiim-e-gul kahii.n aa.nchal na thaam le
kaliyo.n kaa le payaam sahar kaa salaam le
'kaifii' se husn-e-dost kaa taaza kalaam le
shaa.er kaa dil hai muft me.n kyuu.n dard-ma.nd ho
ik gul idhar bhii nazm agar ye pasand ho

Kaifi Azmi

Nazm

barsat ka mausam

ai huur-e-jinaa.n jaan-e-chaman ruuh-e-nazaara
ai paikar-e-anvaar-o-dil-aavez dil-aaraa
vo yaad hai duzdiida nigaaho.n kaa ishaara
qurbaa.n terii aa.nkho.n pe samarqand-o-buKHaaraa

Izhaar Malihabadi

Nazm

naya safar hai purane charag gul kar do

fareb-e-jannat-e-fardaa ke jaal TuuT ga.e
hayaat apnii umiido.n pe sharmsaar sii hai
chaman me.n jashn-e-varuud-e-bahaar ho bhii chukaa
magar nigaah-e-gul-o-laala sogvaar sii hai

Sahir Ludhianvi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now