Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "jaabir"

Nazm MATCHES FOR "jaabir"

Nazm

aawara

muflisii aur ye mazaahir hai.n nazar ke saamne
saik.Do.n sultaan-e-jaabir hai.n nazar ke saamne
saik.Do.n cha.ngez o naadir hai.n nazar ke saamne
ai Gam-e-dil kyaa karuu.n ai vahshat-e-dil kyaa karuu.n

Asrarul Haq Majaz
Nazm

kuchh baaten

jaabir-o-majbuur kii baate.n kare.n
us kuhan dastuur kii baate.n kare.n

Sahir Ludhianvi
Nazm

zalzala

ek shab halkii sii jumbish mujhe mahsuus hu.ii
mai.n ye samjhaa mire shaano.n ko hilaataa hai ko.ii
aa.nkh uThaa.ii to ye dekhaa ki zamii.n hiltii hai
jis jagah shai ko.ii rakkhii hai vahii.n hiltii hai
sahn-o-diivaar kii jumbish hai to dar hilte hai.n
baahar aayaa to ye dekhaa ki shajar hilte hai.n
ko.ii shai jumbish-e-paiham se nahii.n hai mahruum
ek taaqat hai pas-e-parda magar naa-maaluum
chand lamhe bhii ye naira.ngii-e-aalam na rahii
zalzala KHatm hu.aa jumbish-e-paiham na rahii
hairat-e-diid se a.ngusht-ba-dandaa.n thaa mai.n
shaahid-e-jalva-e-qahhaarii-e-yazdaa.n thaa mai.n
daf.atan ek sadaa aah-o-fuGaa.n kii aa.ii
mere allaah ye gha.Dii kis pe musiibat laa.ii
gul kiyaa zalzala-e-qahr ne kis ghar kaa charaaG
kis pe Dhaayaa ye sitam kis ko diyaa hijr kaa daaG
jaa ke nazdiik ye nazzaara-e-hirmaa.n dekhaa
ek hasiina ko ba-sad haal-e-pareshaa.n dekhaa
baizavii shakl me.n the husn ke jalve pinhaa.n
aa.nkh me.n sehr bharaa thaa magar aa.nsuu the ravaa.n
mai.n ne ghabraa ke ye puuchhaa ki ye haalat kyuu.n hai
terii hastii hadaf-e-ra.nj-o-musiibat kyuu.n hai
bolii ai shaa.er-e-ra.ngiin-tabii.at mat puuchh
roz-o-shab dil pe guzartii hai qayaamat mat puuchh
log duniyaa ko tirii mujh ko zamii.n kahte hai.n
ahl-e-zar mujh ko mohabbat me.n hasii.n kahte hai.n
mai.n unhii.n husn-parasto.n kii huu.n ta.Dpaa.ii hu.ii
tujh se kahne ko ye raaz aa.ii huu.n ghabraa.ii hu.ii
zar-parasto.n se hai.n bad-dil mirii duniyaa ke Gariib
hai.n giraftaar-e-salaasil mirii duniyaa ke Gariib
mujh se ye taaza balaa.e.n nahii.n dekhii jaatii
zaalimo.n kii ye jafaa.e.n nahii.n dekhii jaatii.n
chaahtii huu.n mire ushshaaq me.n kuchh farq na ho
muft me.n kashtii-e-ehsaas-e-vafaa Garq na ho
ek vo jis ko mayassar ho.n imaaraat-o-naqiib
ek vo jis ko na ho phuu.ns kaa chhappar bhii nasiib
saahab-e-daulat-o-zii-rutba-o-zardaar ho ek
be-navaa Gam-zada-o-bekas-o-laachaar ho ek
ek muKHtaar ho, aura.ng-e-jahaa.nbaanii kaa
ik muraqqa.a ho Gam-o-ra.nj-o-pareshaanii kaa
saKHt nafrat hai mujhe apne parastaaro.n se
chhiin lete hai.n mujhe mere talab-gaaro.n se
chiira-dastii kaa miTaa detii hai.n sab jaah-o-jalaal
haif-sad-haif ki haa.il hai Gariibo.n kaa KHayaal
ye na hote to dikhaatii mai.n qayaamat kaa samaa.n
ye na hote to miTaatii mai.n Guruur-e-insaa.n
ek karvaT me.n badal detii nizaam-e-aalam
ik ishaare hii me.n ho jaatii hai ye mahfil barham
ik tabassum se jahaa.n barq-ba-daamaa.n hotaa
na ye aaraa.ishe.n hotii.n na ye saamaa.n hotaa
har adaa puuchhtii sarmaaya-parasto.n ke mizaaj
kuchh to farmaa.iye hazrat ki hai.n kis haal me.n aaj
lakh-pati sa.nkh-patii be-sar-o-saamaa.n hote
jaan bach jaa.e bas is baat ke KHvaahaa.n hote
barsar-e-KHaak nazar aate hai.n qasr-o-aivaa.n
ashk-e-KHuunii.n se mire aur bhii uThte tuufaa.n
merii aaGosh me.n sab ahl-e-sitam aa jaate
mere bartaav se bas naak me.n dam aa jaate
ba.az ke mu.nh Gam-e-aalaam se kaale kartii
ba.az ko maut kii devii ke havaale kartii
KHuun-e-zardaar hii mazduur kii mazduurii hai
mai.n jo KHaamosh huu.n ye baa.is-e-majbuurii hai
merii aaGosh me.n jaabir bhii hai.n majbuur bhii hai.n
mere daaman hii se vaabasta ye mazduur bhii hai.n
zabt kartii huu.n jo Gam aataa hai sah jaatii huu.n
josh aataa hai magar kaa.np ke rah jaatii huu.n

Shakeel Badayuni
Nazm

abu-lahab ki shadi

ye dekhte hii hujuum biphraa bha.Dak uThe yuu.n Gazab
ki shole ke jaise na.nge badan pe jaabir ke taaziyaane
javaan la.Dko.n kii taaliyaa.n thii na sehan me.n shoKH
la.Dkiyo.n ke thirakte paa.nv thirak rahe the
na naGma baaqii na shaadyaane

Noon Meem Rashid
Nazm

dil mere sahra-naward-e-pir dil

naGma-dar-jaa.n raqs barpaa KHanda-bar-lab
dil tamannaa.o.n ke be-paayaa.n alaav ke qariib
dil mire sahraa-navard-e-piir dil
reg ke dil-shaad shahrii reg tuu
aur reg hii terii talab
reg kii nik.hat tire paikar me.n terii jaa.n me.n hai
reg sub.h-e-iid ke maanind zartaab-o-jaliil
reg sadiyo.n kaa jamaal
jashn-e-aadam par bichha.D kar milne vaalo.n kaa visaal
shauq ke lamhaat ke maanind aazaad-o-aziim
reg naGma-zan
ki zarre reg-zaaro.n kii vo paazeb-e-qadiim
jis pe pa.D saktaa nahii.n dast-e-la.iim
reg-e-sahraa zar-garii kii ek kii lahro.n se duur
chashma-e-makr-o-riyaa shahro.n se duur
reg shab-bedaar hai suntii hai har jaabir kii chaap
reg shab-bedaar hai nigaraa.n hai maanind-e-naqiib
dekhtii hai saaya-e-aamir kii chaap
reg har ayyaar Gaarat-gar kii maut
reg istibdaad ke tuGyaa.n ke shor-o-shar kii maut
reg jab uThtii hai u.D jaatii hai har faateh kii nii.nd
reg ke nezo.n se zaKHmii sab shahanshaaho.n ke KHvaab
reg ai sahraa kii reg
mujh ko apne jaagte zarro.n ke KHvaabo.n kii
na.ii ta.abiir de
reg ke zarro.n ubhartii sub.h tum
aa.o sahraa kii hado.n tak aa gayaa roz-e-tarab
dil mire sahraa-navard-e-piir dil
aa chuum reg
hai KHayaalo.n ke parii-zaado.n se bhii ma.asuum reg
reg-e-raqsaa.n maah-o-saal nuur tak raqsaa.n rahe
us kaa abresham mulaa.em narm-KHuu KHandaa.n rahe
dil mire sahraa-navard-e-piir dil
ye tamannaa.o.n kaa be-paayaa.n alaav
raah gum kar duu.n kii mash.al is ke lab par aa.o aa.o
tere maazii ke KHazaf rezo.n se jaagii hai ye aag
aag kii qurmuz zabaa.n par imbisaat-e-nau ke raag
dil mire sahraa-navard-e-piir dil
sargiraanii kii shab-e-rafta se jaag
kuchh sharar aaGosh sarsar me.n hai.n gum
aur kuchh ziina ba ziina sho.alo.n ke miinaar par cha.Dhte hu.e
aur kuchh tah me.n alaav kii abhii
muztarib lekin muzabzab tifl-e-kam-sin kii tarah
aag ziina aag ra.ngo.n kaa KHaziina
aag un lazzaat kaa sar-chashma hai
jis se letaa hai Gizaa ushshaaq ke dil kaa tapaak
chob-e-KHushk anguur us kii mai hai aag
sarsaraatii hai rago.n me.n iid ke din kii tarah
aag kaahin yaad se utrii hu.ii sadiyo.n kii ye afsaana-KHvaa.n
aane vaale qarnahaa kii daastaane.n lab pe hai.n
dil miraa sahraa-navard-e-piir dil sun kar javaa.n
aag aazaadii kaa dil-shaadii kaa naam
aag paidaa.ish kaa afzaa.ish kaa naam
aag ke phuulo.n me.n nasrii.n yaasman sumbul shafiiq-o-nastaran
aag aaraa.ish kaa zebaa.ish kaa naam
aag vo taqdiis dhul jaate hai.n jis se sab gunaah
aag insaano.n kii pahlii saa.ns ke maanind ik aisaa karam
umr kaa ik tuul bhii jis kaa nahii.n kaafii javaab
ye tamannaa.o.n kaa be-paayaa.n alaav gar na ho
is laq-o-daq me.n nikal aa.e.n kahii.n se bhe.Diye
is alaav ko sadaa raushan rakho
reg-e-sahraa ko bashaarat ho ki zinda hai alaav
bhe.Diyo.n kii chaap tak aatii nahii.n
aag se sahraa kaa rishta hai qadiim
aag se sahraa ke Te.Dhe re.ngne vaale
girah-aaluud zholiida daraKHt
jaagte hai.n naGma-dar-jaa.n raqs barpaa KHanda-bar-lab
aur manaa lete hai.n tanhaa.ii me.n jashn-e-maahtaab
un kii shaaKHe.n Gair-mara.ii tabl kii aavaaz par detii hai.n taal
biikH-o-bun se aane lagtii hai KHudaavandii jalaajil kii sadaa
aag se sahraa kaa rishta hai qadiim
rahravo.n sahraa-navardo.n ke liye hai rahnumaa
kaarvaano.n kaa sahaaraa bhii hai aag
aur sahraa.o.n kii tanhaa.ii ko kam kartii hai aag
aag ke chaaro.n taraf pashmiina-o-dastaar me.n lipTe hu.e
afsaana-go
jaise gird-e-chashm mizhgaa.n kaa hujuum
un ke hairat-naak dilkash tajrabo.n se
jab damak uThtii hai ret
zarra zarra bajne lagtaa hai misaal-e-saaz-e-jaa.n
gosh-bar-aavaaz rahte hai.n daraKHt
aur ha.ns dete hai.n apnii aarifaana be-niyaazii se kabhii
ye tamannaa.o.n kaa be-paayaa.n alaav gar na ho
reg apnii KHalvat-e-be-nuur-o-KHud-bii.n me.n rahe
apnii yaktaa.ii kii tahsii.n me.n rahe
is alaav ko sadaa raushan rakho
ye tamannaa.o.n kaa be-paayaa.n alaav gar na ho
asia africa pahnaa.ii kaa naam
be-kaar pahnaa.ii kaa naam
europe aur america daaraa.ii kaa naam
takraar-e-daaraa.ii kaa naam
meraa dil sahraa-navard-e-piir dil
jaag uThaa hai mashriq-o-maGrib kii aisii yak-dilii
ke kaarvaano.n kaa nayaa ruuyaa liye
yak-dilii aisii ki hogii fahm-e-insaa.n se varaa
yak-dilii aisii ki ham sab kah uThe.n
is qadar ujlat na kar
izhdihaam-e-gul na ban
kah uThe.n ham
tuu Gam-e-kul to na thii
ab lazzat-e-kul bhii na ban
roz-e-aasaa.ish kii bedardii na ban
yak-dilii ban aisaa sannaaTaa na ban
jis me.n taabistaa.n kii dopahro.n kii
be-haasil kasaalat ke sivaa kuchh bhii na ho
is jafaa-gar yak-dilii ke kaarvaa.n yuu.n aa.e.nge
dast-e-jaaduu-gar se jaise phuuT nikle ho.n tilism
ishq-e-haasil-KHez se yaa zor-e-paidaa.ii se jaise naa-gahaa.n
khul ga.e ho.n mashriq-o-maGrib ke jism
jism sadiyo.n ke aqiim
kaarvaa.n farKHanda-pai aur un kaa baar
kiisa kiisa taKHt-e-jam aur taaj-e-kai
kuuza kuuza fard kii satvat kii mai
jaama jaama roz-o-shab mehnat kaa KHai
naGma naGma hurriyat kii garm lai
saaliko firoz-baKHto aane vaale qaaflo
shahr se lauToge tum to paa.oge
ret ke sarhad pe jo ruuh-e-abad KHvaabiida thii
jaag uThii hai shikva-haa-e-nai se vo
ret kii tah me.n jo sharmiilii sahar ro.iida thii
jaag uThii hai hurriyat kii lai se vo
itnii doshiiza thii itnii mard-e-naa-diida thii sub.h
puuchh sakte the na us kii umr ham
dard se ha.nstii na thii
zarro.n kii ra.anaa.ii pe bhii ha.nstii na thii
ek mahjuubaana be-KHabarii me.n ha.ns detii thii sub.h
ab manaatii hai vo sahraa kaa jalaal
jaise izz-o-jal ke paa.nv kii yahii mehraab ho
zer-e-mehraab aa ga.ii ho us ko bedaarii kii raat
KHud janaab-e-izz-o-jal se jaise umiid-e-zafaaf
saare naa-karda gunaah is ke mu.aaf
sub.h-e-sahraa shaad-baad
ai uruus-e-izz-o-jal farKHanda ro taabinda kho
tuu ik aise hujra-e-shab se nikal kar aa.ii hai
dast-e-qaatil ne bahaayaa thaa jahaa.n har sej par
sai.nka.Do.n taaro.n kaa raKHshanda lahuu phuulo.n ke paas
sub.h-e-sahraa sar mire zaanuu pe rakh kar daastaa.n
un tamannaa ke shahiido.n kii na kah
un kii niima-ras uma.ngo.n aarzuu.o.n kii na kah
jin se milne kaa ko.ii imkaa.n nahii.n
shahd teraa jin ko nashsh-e-jaa.n nahii.n
aaj bhii kuchh duur is sahraa ke paar
dev kii diivaar ke niiche nasiim
roz-o-shab chaltii hai mub.ham KHauf se sahmii hu.ii
jis tarah shahro.n kii raaho.n par yatiim
naGma-bar-lab taaki un kii jaa.n kaa sannaaTaa ho duur
aaj bhii is reg ke zarro.n me.n hai.n
aise zarre aap hii apne Ganiim
aaj bhii is aag ke sho.alo.n me.n hai.n
vo sharar jo us kii tah me.n par-buriida rah ga.e
misl-e-harf naa-shuniida rah ga.e
sub.h-e-sahraa ai uruus-e-izz-o-jal
aa ki un kii daastaa.n dohraa.e.n ham
un kii izzat un kii azmat gaa.e.n ham
sub.h ret aur aag ham sab kaa jalaal
yak-dilii ke kaarvaa.n un kaa jamaal
aa.o
is tahliil ke halqe me.n ham mil jaa.e.n
aa.o
shaad-baaG apnii tamannaa.o.n kaa be-paayaa.n alaav

Noon Meem Rashid
Nazm

wo harf-e-tanha

hame.n mu.arraa ke KHvaab de do
(ki sab ko baKHshe.n ba-qadr-e-zauq-e-nigah tabassum)
hame.n mu.arraa kii ruuh kaa iztiraab de do
(jahaa.n gunaaho.n ke hausle se mile taqaddus ke dukh kaa marham)
ki us kii be-nuur-o-taar aa.nhke.n
daruun-e-aadam kii tiira raato.n
ko chhedtii thii.n
usii jahaa.n me.n firaaq-e-jaa.n-kaah-e-harf-o-ma.anii
ko dekhtii thii.n
bahisht us ke liye vo ma.asuum saada-lauho.n kii aafiyat thaa
jahaa.n vo na.nge badan pe jaabir ke taaziyaano.n se bach ke
raah-e-faraar paa.e.n
vo kafsh-e-paa thaa ki jis se Gurbat kii reg-e-baryaa.n
se roz-e-fursat qaraar paa.e.n
ki sulb-e-aadam kii rahm-e-havvaa kii uzlato.n me.n
nihaayat-e-intizaar paa.e.n!
(bahisht sifr-e-aaziim lekin hame.n vo gum-gashta hindse hai.n
baGair jin ke ko.ii musaavaat kyaa banegii
visaal-e-ma.anii se harf kii baat kyaa banegii?)
ham is zamii.n par azal se piiraana-sar hai.n maanaa
magar abhii tak hai.n dil tavaanaa
aur apnii zuulida-kaariyo.n ke tufail daanaa
hame.n mu.arraa ke KHvaab de do
(bahisht me.n bhii nashaat yak-ra.ng ho to Gam hai
ho ek saa jaam-e-shahd sab ke liye to sam hai)
ki ham abhii tak hai.n is jahaa.n me.n vo harf-e-tanhaa
(bahisht rakh lo hame.n KHud apnaa javaab de do!)
jise tamannaa-e-vasl-e-m.anaa

Noon Meem Rashid
Nazm

gandhi

shahiido.n kaa sartaaj jannat-maqaam
mohabbat kii me.araaj zii-ehtiraam
Gulaamaan-e-aalam kii pusht-o-panaah
ahinsaa ke bando.n kii ummiid-gaah
vo Gam bhii vatan kaa thaa Gam-KHvaar bhii
razaakaar bhii aur saalaar bhii
ahinsaa kaa pairav magar sher-e-mard
mohabbat me.n yaktaa sadaaqat me.n fard
hu.aa jis ke dam se ba-sad ehtishaam
siyaasat se uu.nchaa sadaaqat kaa naam
vo aadam kii azmat kaa aa.iina-daar
vo zarra ki chamkaa thaa KHurshiid-daar
vo jis ne diyaa aadamiyat ko auj
vo jis ne la.Daa.ii ahinsaa kii fauj
qafas hai ko.ii ab na sayyaad hai
vatan jis kii hikmat se aazaad hai
vo nuur-e-ziyaa-baar siimaa-e-KHair
vo juuyaa-e-KHair-o-shanaasaa-e-KHair
farishta-KHisaal-o-farishta-siyar
malak dar-haqiiqat ba-zaahir bashar
mohabbat kii vo ik shabiih-e-hasii.n
uKHuvvat kaa vo ek maah-e-mubii.n
vo haq aagahii kii kachhaaro.n kaa sher
sadaaqat ke maidaa.n kaa mard-e-diler
falak-aafrii.n aur garduu.n-taraaz
mariizaan-e-pastii kaa vo chaarasaaz
vo kotaah-biino.n kii sham-e-shu.uur
vo gumraahiyo.n me.n hidaayat kaa nuur
vo jis ne uThaayaa zamaane kaa baar
kiyaa jis ne jaabir ko be-iKHtiyaar
vo be-misl qaa.id mu.assar KHatiib
vo lashkar me.n jis ke amiir-o-Gariib
vo jis ne karo.Do.n ke kaaTe hai.n band
vo arfa.a vo a.alaa vo sab se buland
vo jis kii ataa hai niraalii ataa
vo jis ne diyaa ik nayaa falsafa
zamii.n par bahaa us jarii kaa lahuu
tafuubar tuu ai charKH-e-gardaa.n tafuu

Arsh Malsiyani
Nazm

KHamoshi

haa.n sannaaTe kii guu.nj suno
hai.n lafz vahii andaaz vahii
har zaalim jaabir har qaatil
is sannaaTe kii zad par hai

Gauhar Raza
Nazm

mudawa

inqilaab aur adab-haa-e-Gazab
kitne maKHduush hai.n ye sab aasaar
gaurkii jaabir o nazr-ul-islaam
yahii do chaar hai.n in ke meyaar
sun.ne me.n aayaa hai bahre mire kaan
ki KHudaa se bhii unhe.n hai inkaar
maz.habo.n se unhe.n behad nafrat
maabado.n par ye u.Daate hai.n Gubaar
hukmaraano.n kaa ko.ii KHauf nahii.n
umraa kaa nahii.n kuchh dil me.n vaqaar
chaa.nd par KHaak u.Daane ke liye
jab bhii dekhaa unhe.n paayaa tayyaar
muKHtasar ye ki har ik fel un kaa
shola-dar-qasr shikan-dar-diivar
mai.n to aajiz huu.n ilaahii tauba
aaKHir aa.egaa kabhii un ko qaraar
ko.ii lillaah haTaa.o un ko
jaag uTThe hai.n sulaa.o un ko

Wamiq Jaunpuri
Nazm

ek daraKHt ek tariKH

jaise jhuk kar us ne sargoshii me.n mujh se ye kahaa
vo dayaar-e-Garb ho ki gulsitaan-e-sharq ho
zulm ke mausam me.n buu-e-gul se khilte hai.n gulaab
justujuu kii manzilo.n me.n KHvaab kii mish.al liye
Daaliyo.n par aa ke girte hai.n thake-maa.nde parind
aashiyaa.n-bandii me.n rang o nasl kii tam.iiz kyaa
tafriiq kyaa
jaabir o majbuur kii duniyaa alag uqbaa alag

Hasan Naim
Nazm

marna ya jina achchha hai

ye sabr na ho to duniyaa me.n aafaat gavaaraa kaun kare
har roz kii zahmat kaun sahe har baat gavaaraa kaun kare
jaabir kaa tashaddud sahte hai.n ulfat me.n dhokaa khaate hai.n
jo ham se nafrat karte hai.n ham un ke naaz uThaate hai.n
haakim chaahe jaisaa bhii ho ham us kii lataa.De.n sahte hai.n
Gairat ko Thokar lagtii hai dil hii me.n ku.Dhte rahte hai.n

Ameer Chand Bahar
Nazm

naghma-e-watan

chaman kii sar-zamii.n apnii chaman kaa aasmaa.n apnaa
banaa.e.n kis liye ik shaaKH-e-gul par aashiyaa.n apnaa
hai.n is ke KHaar-o-gul apne KHizaa.n apnii bahaar apnii
bahar-suurat hame.n mahbuub hai ye gulsitaa.n apnaa
chaman kii bazm-e-rangaa-rang me.n raqsaa.n hai yak-ra.ngii
ki is kaa saaz-e-sad-aavaaz bhii hai ham-zabaa.n apnaa
yahaa.n parhez kaisaa aa.o rindaan-e-vatan aa.o
ki jaam apnaa hai apnaa mai-kada piir-e-muGaa.n apnaa
giraa.ii.n is pe laakho.n bijliyaa.n charKH-e-sitamgar ne
magar ab bhii tajallii-rez hai jannat-nishaa.n apnaa
na ab gulchii.n hai KHosha-chii.n na vo sayyaad jaabir hai
jo thaa naa-mehrbaa.n ab ho rahaa hai mehrbaa.n apnaa
ko.ii is daur me.n begaana ho kar rah nahii.n saktaa
ki har ahl-e-chaman 'hindii' hai KHud hii paasbaa.n apnaa

Ram Lal Varma Hindi
Nazm

wo ek sitara

vo ik sitaara
jo aasmaa.n kii bulandiyo.n se utraa
Gulaam hindostaa.n kii
muhiib taariikiyo.n me.n chamkaa
jis ne saakit fazaa.o.n ko irti.aash baKHshaa
shu.uur ko
bedaariyaa.n ataa kii.n
aur
zamiir ko jhi.njho.Daa
be-fikr zehno.n ko
fikr kii haraarat se jo.Daa
dilo.n me.n sham-e-aazaadii-e-vatan jalaa.ii
ki jis se
dilo.n ke siyaah-KHaane munavvar hu.e
vo jaantaa thaa
ki
aahan aahan ko kaa.nTtaa hai
vo askarii taaqato.n se
jaabir askariyyat ke istihkaam ko
paara-paara kar ke
vatan ko aazaad karne kaa
KHvaab buntaa rahaa
vo azm aur hausle kii qindiil
apnii saliib-e-jaa.n par
jalaa ke
raushnii aur tamaazate.n baa.nTtaa rahaa
vo jaantaa thaa
apne safar kii
ibtidaa aur intihaa kaa haasil
vo zehn kii
vus.ato.n me.n
is ummiid ke saath
azaa.em ke biij botaa rahaa
ki
aane vaalii nasl
us fasl ko
kaamyaabii aur kaamraanii se kaaT sake

Saeed Arifi
Nazm

ziya

ruKHsaar-o-lab kaukab-sifat
itne ki yaado.n ke liye mumkin nahii.n tajdiid bhii
KHurshiid bhii naahiid bhii
is par vo jazb-e-be-karaa.n sa.ngii.n hisaaro.n kaa aduu
vo maah-ruu
aise gurezaa.n jaise saahil se palaTtii mauj
aamezish kahaa.n
kitnaa ziyaa'-e-jism-o-jaa.n
jis me.n na thii mauj-e-sabaa mauj-e-ziyaa
aisaa ziyaa'-e-naaravaa

Jabir Ali Syed
Nazm

waqt kitna zalim hai

aaj un kii yaado.n kii
raakh sirf u.Dtii hai
miT ga.e hasii.n chehre
is zamii.n ke zarro.n me.n
kho ga.ii fazaa.o.n me.n
phuul kii madhur KHushbuu
vaqt kii ye karvaT bhii
kis qadar anokhii hai
vaqt kitnaa jaabir hai
vaqt kitnaa zaalim hai

Naseem Muzaffarpuri
Nazm

zindagi

puuchh baiThaa puuchhne vaalaa ki kyaa hai zindagii
shoKHii-e-gul ne kahaa baad-e-sabaa hai zindagii
ek titlii ne kahaa husn-o-adaa hai zindagii
mast-o-be-KHud ha.ns ke bolaa mai-kada hai zindagii
husn kaa shaidaa kahe gul kii adaa hai zindagii
ek dul.han ne kahaa rang-e-hinaa hai zindagii
ek 'aashiq ne kahaa ik dilrubaa hai zindagii
ik mufakkir ne kahaa qaa.em sadaa hai zindagii
ek shaa'ir ne kahaa soz-e-navaa hai zindagii
ek birhan ro ke bolii bevafaa hai zindagii
ek ahl-e-fan kahe aab-e-baqaa hai zindagii
ek momin ne kahaa qurb-e-KHudaa hai zindagii
ek jaabir ne kahaa jaur-o-jafaa hai zindagii
taalib-e-sarvat kahe paisa Takaa hai zindagii
ek bhuuke ne kahaa vaafir Gizaa hai zindagii
ik mujaahid ne kahaa naaz-e-viGaa hai zindagii
qaul-e-KHud-sar thaa ki taaqat kaa nasha hai zindagii
ik qariib-ul-marg bolaa KHvaab saa hai zindagii
sab kii sun kar faisla us ne diyaa hai zindagii
ruu-baruu jis ke jo ruKH aayaa lagaa hai zindagii
ranj-o-raahat me.n sabhii kii kaT to jaatii hai magar
jo jiyaa har haal me.n KHush vo jiyaa hai zindagii

Shaheen Bhatti
Nazm

inqilab

be-naziir-o-be-misaal-o-laa-javaab
inqalaab ai inqalaab ai inqalaab
tujh ko dete hai.n du'aa.e.n shaiKH-o-shaab
zindabaad ai inqalaab ai inqalaab
terii tiflii me.n javaanii kii bahaar
terii piirii ruu-kash-e-'ahd-e-shabaab
terii ulfat zaamin-e-'aish-o-nashaat
teraa shaidaa kaamraan-o-kaamyaab
tujh se raushan hai charaaG-e-zindagii
tujh se sar-garmii-o-josh-o-iltihaab
be-kaso.n kii sard-nafsii miT ga.ii
un ko baKHshaa tuu ne soz-e-aaftaab
be-navaa.o.n se mohabbat hai tujhe
maaldaaro.n se hai tujh ko ijtinaab
kar diyaa zaa.il sukuun-e-bebasii
bhar diyaa siino.n me.n josh-o-iztiraab
dast-giirii tuu ne kii majbuur kii
kar diyaa jaabir ko barbaad-o-KHaraab
tuu diyaa kartaa hai be-KHauf-o-hiraas
baadshaaho.n ko baraabar kaa javaab
be-navaa terii badaulat kaamraa.n
shaah-e-zaalim tere haatho.n se KHaraab
shaukat-e-shaahii kaniiz-e-zar-KHariid
baadshaahat KHaana-zaad-e-inqalaab
bandagii terii hariif-e-sarvarii
aur Gulaamii baadshaahat kaa javaab
taKHt-e-zar ik taKHta-e-haizam banaa
taaj-e-shaahii ho gayaa taaj-e-hubaab
raa.nda-e-dargaah hai.n kibr-o-Guruur
KHaaksaarii hii hu.ii hai baaryaab
hosh me.n zar-mast 'aalim aa ga.e
hosh-zaa hai tere shiishe kii sharaab
meraa maslak hai musaavaat-e-atam
teraa maz.hab maqsad-e-ummul-kitaab
ik Galat-fahmii me.n thaa saaraa jahaa.n
tuu ne batlaayaa savaab-o-naa-savaab
de rahaa hai tujh ko 'be-dil' bhii du'aa
shaadbaash-o-zindabaad ai inqalaab

Abdul Mannan Bedil Azimabadi
Nazm

shair ka tarana

mahram-e-shabnam rafiiq-e-laala-e-sahraa huu.n mai.n
ham-nashii.n-e-yaasmiin-o-nargis-e-shahlaa huu.n mai.n
chaa.nd aur suuraj kaa hamdam huu.n falak-paimaa huu.n mai.n
aaj tak mahv-e-talaash-e-fitrat-e-kubraa huu.n mai.n
barbat-e-qudrat ke naGme ishrat-e-dauraa.n ke raag
kyaa bujhaa sakte hai.n mere siina-e-sozaa.n kii aag
KHaak se paidaa hu.e gulhaa-e-tar mere liye
os kii buu.nde.n nahii.n la.al-o-gohar mere liye
hai jahaa.n me.n husn-e-fitrat jalva-gar mere liye
rang-o-nig.hat kaif-o-kam taaj-o-kamar mere liye
hai azal se mere pahluu me.n dil-e-momin nihaad
merii nazre.n to.D detii hai.n tilism-e-barq-o-baad
zalzale ho.n yaa kavaakib sab mire zer-e-nagii.n
khol saktaa huu.n mai.n qufl-e-aasmaa.n baab-e-zamii.n
meraa dil ratl-e-giraa.n merii nigaahe.n duurbii.n
mere qadmo.n par jhukaa.ii maah-paaro.n ne jabii.n
ishq-o-mastii kaa rabaab-e-zar-fishaa.n rakhtaa huu.n mai.n
aastiino.n me.n yad-e-baizaa nihaa.n rakhtaa huu.n mai.n
bhar diyaa mai.n ne ayaaG-e-laala me.n KHuun-e-bahaar
jaabir-o-sarkash anaasir par hai meraa iKHtiyaar
hai.n mire ash.aar dast-e-Gaib ke naqsh-o-nigaar
huuryaan-e-KHuld ko ab tak hai meraa intizaar
zulmat-e-afsurda ko mai.n ne ataa kii hai chamak
bijliyo.n ke dosh par kartaa huu.n mai.n sair-e-falak
is tarah kohsaar se aatii hai juu-e-narm-rau
abr ke rauzan se goyaa jhaa.nktaa hai maah-e-nau

Afsar Seemabi Ahmad Nagari
Nazm

nelson mandela ke nam

ai ma.ndela tirii bebaak qayaadat ko salaam
sach hai insaan kii tauqiir ba.Dhaa dii tuu ne
taa-abad yaad rahegii ye misaalii paikaar
qil.a-e-zulm kii buniyaad hilaa dii tuu ne
ye tirii jehd-e-musalsal ye tiraa azm-e-samiim
sham.a tuufaan-e-havaadis me.n jalaa dii tuu ne
aaj africa ke sab piir-o-javaa.n hai.n bedaar
qismat-e-KHufta Gulaamo.n kii jagaa dii tuu ne
zor-e-baazuu ne tire aaj ba.Daa kaam kiyaa
gardan-e-KHvaajgii pal-bhar me.n jhukaa dii tuu ne
jo thii insaan pe insaa.n ke sitam kii buniyaad
past-o-baalaa kii vo tafriiq miTaa dii tuu ne
tuu ne shaahii.n se mamuule ko la.Daayaa ai dost
KHaak me.n haibat-e-afrang milaa dii tuu ne
ai mire mard-e-mujaahid tirii jur.at ke nisaar
rang aur nasl kii diivaar giraa dii tuu ne
dekh hai vaqt kii maujo.n me.n ravaanii tujh se
zinda hai azmat-e-insaa.n kii kahaanii tujh se

Rafeeq Jabir
Nazm

aurat

uTh mirii jaan mire saath hii chalnaa hai tujhe
qalb-e-maahaul me.n larzaa.n sharar-e-ja.ng hai.n aaj
hausle vaqt ke aur ziist ke yak-ra.ng hai.n aaj
aabgiino.n me.n tapaa.n valvala-e-sa.ng hai.n aaj
husn aur ishq ham-aavaaz o ham-aaha.ng hai.n aaj
jis me.n jaltaa huu.n usii aag me.n jalnaa hai tujhe
uTh mirii jaan mire saath hii chalnaa hai tujhe
tere qadmo.n me.n hai firdaus-e-tamaddun kii bahaar
terii nazro.n pe hai tahziib o taraqqii kaa madaar
terii aaGosh hai gahvaara-e-nafs-o-kirdaar
taa-ba-kai gird tire vahm o ta.ayyun kaa hisaar
kau.nd kar majlis-e-KHalvat se nikalnaa hai tujhe
uTh mirii jaan mire saath hii chalnaa hai tujhe
tuu ki be-jaan khilauno.n se bahal jaatii hai
taptii saa.nso.n kii haraarat se pighal jaatii hai
paa.nv jis raah me.n rakhtii hai phisal jaatii hai
ban ke siimaab har ik zarf me.n Dhal jaatii hai
ziist ke aahanii saa.nche me.n bhii Dhalnaa hai tujhe
uTh mirii jaan mire saath hii chalnaa hai tujhe
zindagii jehd me.n hai sabr ke qaabuu me.n nahii.n
nabz-e-hastii kaa lahuu kaa.npte aa.nsuu me.n nahii.n
u.Dne khulne me.n hai nik.hat KHam-e-gesuu me.n nahii.n
jannat ik aur hai jo mard ke pahluu me.n nahii.n
us kii aazaad ravish par bhii machalnaa hai tujhe
uTh mirii jaan mire saath hii chalnaa hai tujhe
goshe goshe me.n sulagtii hai chitaa tere liye
farz kaa bhes badaltii hai qazaa tere liye
qahr hai terii har ik narm adaa tere liye
zahr hii zahr hai duniyaa kii havaa tere liye
rut badal Daal agar phuulnaa phalnaa hai tujhe
uTh mirii jaan mire saath hii chalnaa hai tujhe
qadr ab tak tirii taariiKH ne jaanii hii nahii.n
tujh me.n sho.ale bhii hai.n bas ashk-fishaanii hii nahii.n
tuu haqiiqat bhii hai dilchasp kahaanii hii nahii.n
terii hastii bhii hai ik chiiz javaanii hii nahii.n
apnii taariiKH kaa unvaan badalnaa hai tujhe
uTh mirii jaan mire saath hii chalnaa hai tujhe
to.D kar rasm kaa but band-e-qadaamat se nikal
zof-e-ishrat se nikal vahm-e-nazaakat se nikal
nafs ke khii.nche hu.e halqa-e-azmat se nikal
qaid ban jaa.e mohabbat to mohabbat se nikal
raah kaa KHaar hii kyaa gul bhii kuchalnaa hai tujhe
uTh mirii jaan mire saath hii chalnaa hai tujhe
to.D ye azm-shikan daGdaGa-e-pand bhii to.D
terii KHaatir hai jo zanjiir vo saugand bhii to.D
tauq ye bhii hai zamurrad kaa guluu-band bhii to.D
to.D paimaana-e-mardaan-e-KHirad-mand bhii to.D
ban ke tuufaan chhalaknaa hai ubalnaa hai tujhe
uTh mirii jaan mire saath hii chalnaa hai tujhe
tuu falaatuun o arastuu hai tuu zahraa parvii.n
tere qabze me.n hai garduu.n tirii Thokar me.n zamii.n
haa.n uThaa jald uThaa paa-e-muqaddar se jabii.n
mai.n bhii rukne kaa nahii.n vaqt bhii rukne kaa nahii.n
la.Dkha.Daa.egii kahaa.n tak ki sambhalnaa hai tujhe
uTh mirii jaan mire saath hii chalnaa hai tujhe

Kaifi Azmi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now